arcuèlh

dimarts, de gener 31, 2017

Novèla conjugason per la lenga jacobina

Dins la vida politica francesa, son moments de riquessa semantica importanta, aital nos an portat vèrbes novèls, mercés a Pénélope e Marine ( que fau pas oblidar), cadun a son biais.
La primièra a l'escondon, la segonda a l'escondon tanben mas al Parlament Europèu ; l'escondon es la basa de l'ideologia d'una casta jacobina.

Donc avèm lo vèrbe novèl Pénépoler, trabalhar a l'escondon (tradicion jacobina) per un mascle que senhoreja dins lo Sénat (inutile) o quitament a l'Assemblée dita Nationale (que fabrica lei que son pensada elonhament de la vida, de las regions). Pénéloper es la vida del cumul dels mandat, aital los elegits Les Républicains se pòdon agradar de trobar una utilitat al cumul dels mandats e d'o gardar dins lo programa. De mai aquel sistèma ajuda aital la partidocracia en emplegar los dociles estudiants (a mendre còst), puèi parachutat en provinces per perseguir l'òbra d'engana de la representativitat, objecte cridat per dona una color democratica a la santa republica jacobina francesa.
Per plan penelopejar val melhor o far en província, non pas per far pujar l'informacion mas per assegurar a l'informacion o al diktat jacobin de s'imposar per ignorança en region, imposar als inocents ciutadans. Lo vector republican jacobin es d'amontnaut en bas, amai al revèrs. Penelopejar es assegurar la dominacion jacobina e masclista  del sistèma, li assegurar una legitimitat al fial dels tempses republicans.
Cada ciutadan es aital tractat a egalitat, dins la sotmission ; cada marca es tractada coma un ciutadan de província.


Cada broisha malgrat de Gasconha, a dreit a la seuna dòsi ignorança republicana per asserar un vòt per la causida partidocrata, associacion de penelopejaires qu'en grope (mòtlan dins las escòlas de sciéncias politicas) assegúran la partidoracia e la preséncia de candidats sotmetut al sistèma.
Lo sitèma de las broisha fabrica aital una salvacion d'un sistèma masclista e politica. Pierrette Y. demuèi son ostalàs de Lassallas ( en Carcin) vos podrà explicar grandament, procès aprèp procès.
Car en manièra de tobar vèrbs, Marine Le Pen pòt ajudar tanben ambe la seuna actualitat. Dedins lo Parlament Europèu, ela qu'a pas legit lo reglament interior abans d'èstre elegida.


Mariner (version Parlament Europèu) es l'equivalent de Pénéloper (version institucions jacobinas parisenca) ; mas al Parlament Europèu se questiona sus la qualitat de las leis, de la democracia ; dins las institucions jacobinas se questiona jamai sus la qualitat del sistèma, sembla ontoloticament sana car francesa !

Avèm oblidat ?

en guèrra, o fau pas oblidar: 1/ Crimèa e referèndum tip Napoleon III a Niça (1860) - me sembla que pas un mèdia francés, quitament a Niça, a gausat la comparason, lo referèndum Putin d'assimilacion de Crimèa a la Federacion de Rússia es ideologicament similar al referèndum de 1860 per Napoleon III per annexar la Comtea de Niça a fRança e agrandir aital lo mercat novèl dels amics de Napoleon III e en 2/ a Èst d'Ucraïna guèrra militarista contunha ; s'i mata encara, ambe una milícia qu'es finançada per unes amics (sonque mascles) de l'ortodòxia russa enriquida pel mercat rus, e mondializat, e una ideologia expansionista del modèl que pensa que big es beautiful per ganhar clients potencials - oblidèm?
Fau pas oblidar que la casta ortodòxa russa que sosten aquela politica es de la meteissa basa politica e ideologica que la basa qu'a fabricat Donald Trump, integrisme religiós e liberalisme qu'ajuda a amassar moneda e qu'estima melhor lo mercat quora i podrà far çò que l'agrada (libertat dels movements de capital pas dels òmes, normal), e lo twit o piulet es un instrument ideal sus aquel mercat.
La casta que Napoleon III a favorizat de son temps, XIXen sègle, es una casta similara ; una casta que lo mercat l'agradava quora èra lo mai grand possibla (colonialisme debuta) e quora lo concurrent es flac, e pichonet, donc pas anglés a l'epòca. Car tota oposicion al mercat monopolistic es un problèma grèu per son desvolopament.
Anuèit, vist que la casta anglesa a perdut poders al nivèl europèu, se son batut per aver lo Brexit, e vòlon tornar a l'ancian sistèma.
Lo final del XIXen sègle a preparar 14/18. La destruccion de l'impèri otoman e sobretot las estructuras de gestion de las diferentas comunautats a preparat las guèrras futuras ; aquela destruccion èra sus la basa d'una ideologia modèl francés dita de la Révolution française, e d'aquela nocion d'egalitat que fins ara -quitament dins las tèrras de conquèstas parisencas- avèm pas vist en aplicacion al XXIen sègle, per exemple sul tèma lingüistic ; parlatz d'egalitat lingüistica ambe los imperialistas franceses sul tèma lingüistic es demandar un ròtle similar per l'occitan fàcia al francés en Occitània ; jà per un jacobins (conscient o pas) es jà una novèla revolucion (dins los neurònes de l'esquèrra coma de la dreita).
Donc per me, me fau remembrar Ucraïna car se los d'Ucraïna perdona la batalha, es una guèrra de la pensada sus la diversitat que capitarà jamai. E los que vòlon Estat pur lingüisticament i podràn pas ganhar tanben, car Ucraïna es tanben la diversitat dins una còca d'Estat plural, fau pas oblidar los Tatars de Crimèa, e totes los locutors russes en Ucraïna. Aquí, e fins ara, totas las institucions europèas, an portat solucion de la rason politica, sul tèma lingüistic ; se trapa que son jamai estadas comprèsas e acceptadas per fRança e los polits neurònes jacobins (en politica, dins l'administracion o dins l'ensenhament, quitament al pus naut nivèl, veire tanben en comunicacion).
E oblidi pas tanpauc los Irlandeses, lo Galleses e los Escocesses qu'an plan causas a indicar a l'Union Europèa, e que fau ajudar a sortir del Reialme-desUnit. E zo farai tanben en anglés, car la lenga, amai de l'occitan, la mestregi tanben.
Fau oblidar de viatjar a Londres (especialament rurala), e anar viatjar en Escòcia, Irlanda del nòrd (Ulster de cada costat), e País de Gallas.

dilluns, de gener 30, 2017

Vòts del 30 de genièr a Tolosa

Lo meu vòt es tolzan, de vertat ; vòli un projecte per Tolosa que passèsse pas per Paris ; es pas necite donar de moneda a una capitala que nos pompa cada annada mai d'argent public e qu'en mai ne sap pas emplegar correctament (veire la montanha d'argent que l'Estat dona per la RATP e que lo servici es mediòcre). Donc quand legissi lo 30 de genièr 2017 aquò (veire lo piulet del cònsol jacbin Jean-Luc Moudenc), disi es pas que #Toulouse que sosten Paris, es un sistèma politic jacobin qu'a mestièr del cumul dels mandats e que sosten lo sistèma parisenc, e lo sotmission al poder central.
La votz del cònsol de Tolosa es particularament l'expression de la fiscalitat dels Tolzans, e la fiscalitat dels Tolzans anirà a ... un projecte vergonhós parisenc. Es normal de votar per los que fan que l'argnet public del Tolzans anguèsse als projectes parisencs ?

Se los jòcs èran estats de Barcelona, Turin o Bilbo, quin seriá estat los vòts tolzans. Aquò sentís lo moton nègre que vòl far plaser al mèstre, lo mèstre en l'ligarquia parisenca que de projectes peta-que-n'en-vòli es sempre sus l'esquina de la fiscalitat de tot l'Estat, e dons sus l'argent dels ciutadans en regions occitanas (Nouvelle Aquitaine, Occitània, Auvernhe-Rhône-Alpes, PACA).

I aurà jamai projectes d'una linha Bordèu-Tolosa-Montpelhièr-Marselha-Niça que seràn sostenguts per Paris, jamai ; alara perqué sosténer París ?

Ieu soi per un MAGLEV (grope SIEMENS de Tolosa) entre los aeropòrts d'Occitània, del Hups o platafòrma de Niça dinca Bordèu en passar per la ciutat de l'aeronautica europèa Tolosa ; quí a Paris sostendrà lo projecte ?

Es que fau legitimar lo cumul dels mandats en autorizar aquelas decisions politicas de la sotmission occitana al poder parisenc ?

L'anglés lenga de comunicacion dels jacobins

Pendent qu'un amic se passeja dins los bordelics transpòrts collectius parisencs, ai recebut una comunicacion d'una entrepresa parisenca que comunica als clients de fRança en anglés.
Se fau recordar l'argument màger dels jacobins per dintrar l'article 2 de la constitucion (sonque en 1992) per non pus aver paur de las institucions europèas ? Ara de mai en mai, las institucions europèas an debutat, per causa de brexit, un giratòri lingüistic en emplegar mens l'anglés ; mas la SNCF contunha ela, de nos imposar la lenga del Brexit.
Fau remembrar que la SNCF es una entrepresa d'Estat ? E l'Estat de la diversitat lingüistica, sonque cridada per valorizar la francofonia fàcia a l'anglés, govèrna l'entrepresa ? Entrepresa dita de « service public » e qu'en granda mesura frena pertot per imposar pauc a pauc l'anglés, e interdire las lengas de fRança ; « fau semblar a las companhiás aerianas » se sembla ... aquelas companhiás misoginas que considèran qu'una femna dèu portar talons per èstre femnas d'acompanhament dins los avion ; pel moment pas una campanhiá a considerat que pels òmes d'acompanhament fau talon per plan acompanhar los clients !
Es un pauc coma las CRCI que, dins los aeropòrts, impausan lo sol anglés aprèp lo francés, alara que en foncion de las linhas, la lenga emplegada es : alemand, rus, italian, espanhòl, catalan, portugués, gaelic, turc, francés, arab dialectal, ordó, índi, javanés, chinés mandarin, chinés cantonés, japonés, africaner, etc.
Sèm pel moment a una virada lingüistica, fau encara aprendre l'anglés, la lenga del replegament sus se ? O puslèu lo chinés mandarin la lenga dels escambis mondials de capital e de personas ?
I a encara d'ignorents franceses que considèran que val melhor l'anglés dins lo mètro de Tolosa que l'occitan. I a encara d'ignorents franceses qu'an la mentalitat dels sotmetuts que pensan que podràn devenir rei se parlan -quitament mal- sa polida lenga devenguda aital reiala, o aquela del mercat bancari, de la City de Londres.
La SNCF es d'aquela categoria d'estupiditat de la pensada lingüistica.

dissabte, de gener 28, 2017

Tolosa : avèm d'elegits especials

Una publicitat de "Toulouse Métropole" o confirma, avèm d'elegits e elegidas un pauc especials/as ! Son de umans qu'an la costuma d'alenar « l'oxigène dels desplaçaments » automobils. 
Quand vòtan pel nom de la region, fan la pròva que sabon pas l'istòria de la region de Tolosa, e quand fan de publicitat collectiva, nos explícan que l'oxigène los ajúdan a viure, mas es l'«oxygène» de la circulation automobila, de la pollucion que lo lòbi automobil los a ajudat a arribar al poder parisenc.


Los Tolzans an de chança, i a pas de pollucion a las particulas a Tolosa, simplament perqué i a pas de mesura !
L'estupiditat dels elegits jacobins de Tolosa, en gestion al país Occitània, se mesura gràcia a la publicitat qu'an gausat installat en vila : « de l'oxygène dans vos déplacements » Per las particulas que circúlan tanben, vist la manièra pron especiala de la magolha entre los constructors automobils e lo sistèma politic parisenc (avèm donc maissantas mesuras de la nosibilitat del diesel - majoritat de las automobilas de Tolosa), avèm tanben una circulacion mai rapida, la nosibilitat es tanben assegurada, vist que lo sistèma politic installat dempuèi 30 ans oblida d'organizar un sistèma eficaç de circulacion collectiva, e que polluïriá mens.

Fau oblidar que la creacion de la linha 1 del mètro se faguèt ambe las estadisticas vièlhas de 10 ans ?

Fau oblidar que las pichonetas garolhas entre PSf-PRG e RPR-UDF, puèi PSf-PRG e LR-UDI aurà fabricat un retard consequent pel XXIen sègle, amai l'argent circula melhor per un escambiatòri rotlièr e autorotlièr que non pas per una politica de respecte de la sentat polmonièra dels Tolzans.

Es lo fait qu'i aguèt fòrça mètges al poder a Tolosa ? 

L'umor de l'administracion, del servici comunicacion de Toulouse Métropole vos agrada ? Los elegits e las elegidas jacobins/inas vos mandan las satisfaccions politicas d'un pòble agradiu car sotmetut a las estupiditat del personal jacobin.

divendres, de gener 27, 2017

Òda a la republicana e jacobina Penelòpe

Mas abans un pauc de cançon per la distracion e desligar las tensions politicas dins l'aire, Penelope de Joan-Manuel Serrat en lenga imperiala espanhòla :

Puèi aquela admirabla solidaritat venguda de Brussèls : 






 Acompanhat d'aquel pichon tèxte de solidaritat belga per una castelana de la Sarthe.

#SUPPORTPENELOPE
Très chère Pénélope,
Nous t'écrivons parce que tu vas être la première victime du projet politique de François Fillon.
Oui ! Alors que tu as travaillé dans l'ombre pour 5000 € mensuels (somme ridicule et dérisoire, nous le savons, qui ne permet pas de mettre de l'argent de côté, d'après Henri Guaino), tu es à présent, victime de la politique misogyne et anti fonctionnaire de ton mari, candidat de la droite.

Chère Pénélope, toi, qui en dépit de tes compétences, est sommée de retourner à tes fourneaux dans ton château glacial, nous te soutenons dans ton désir d'émancipation par le travail.
A nos yeux embués d'émotions, tu es la martyre de cette société patriarcale et réactionnaire que nous promet #FrancoisFillon.

Ton époux, veut égoïstement, baisser drastiquement les dépenses publiques et supprimer 500 000 fonctionnaires. Il finira bien par supprimer d'autres postes et te laisser sur le carreau !
Si jamais, un jour, une de tes filles veut avorter, auras tu seulement les moyens de lui acheter un cintre ?
#Résiste Pénélope !
Prouve-leur que tu méritais bien ton humble revenu, que tu n'étais pas une de ses personnes honteusement privilégiées se nourrissant du travail des autres !
Après tout, ce petit pécule de 500 000€ de fonds publics qui te permettait de t'occuper du ménage et de la cuisine, n'est rien d'autre qu'une sorte de revenu universel avant l'heure...

Contre les maris sexistes et paternalistes FEMEN apporte son soutien à Pénélope ! #bringbackmyjob !
SOUTENONS LA TOUTES !
Apporte ton soutien à Pénélope en postant ta photo avec : #supportPénélope

#PenelopeGate #Fillon2017 #Présidentielles2017


 La nòstra polida Penelòpe,
T'escrivèm perqué seràs la primièra vistima del projecte politic de François Fillon..
Òc ! Alara que tu as trabalhat dins l'ompra per 5000 € mensuals (soma ridicula e desiròria, o sabèm, que ajuda pas de capitalizar coma l'expliquèt l'amic Henri Guaino), tu ara, victima de la politica misogina e antifoncionari de ton òme, candidat de dreita.
Cara Penelòpe, tu, qui malgrat las realas competéncias teunas, es forçat de tornar a la cosina dins un castèl gelat, te volèm sosténer dins la teuna volontat d'emancipacion pel trabalh.
Ambe los paures uèlhs qu'avèm, afumigat d'emocions, sès lo martir d'aquela societat patriarcala e reaccionària que nos es prometut per #FrancoisFillon.
Ton òme per maridatge, vòl egoïsta qu'es, baissar dracticament las despensas de l'Estat e suprimir 500 000 fonctionaris. S'acabarà plan per suprimir d'autres pòstes e de daissar sense trabalh !
Se per astre, un jorn, una de tas filhas vòl avortar, auràs tu sens que los mejans de li crompar un cintre?
#Resista Penelòpe !
Probas-lors que ameritas plan lo teu pichonet revengut, que èras pas una personas vergonhosament privilegiada en se minjar del trabalh dels autres !
Totunt, aquelas pichoneta dineiròla de 500 000€ de fonds d'Estat que t'an ajudat a l'ostal, per netejar e cosinar, son res d'autres que lo revengut universal abans l'ora...
Contra los òmes sexistas e paternalistas FEMEN baila lo seu sosten clar a la cara Penelòpe !
#bringbackmyjob !
SOSTENÈM-LA TOTAS !
Baila ton sosten a penelòpe en postar ta fòto tanben a : #supportPénélope
#PenelopeGate
#Fillon2017
#Présidentielles2017

Vos que trabalhar a l'ompra de l'òme, demandatz una remunaracion parlamentària - aquelas dels jacobins plan segur. Aqueles Jacobins que pompan las fiscalitats en regions, en Occitània, pel benefici d'una casta republicana parisenca.
 

dijous, de gener 26, 2017

2 / cinèma de campanha electorala, la ministra signa convencion

Alara que la censura de la paraula dels professors en Ardècha-Droma, Auvernhe, PACA es regulada per l'administracion de l'E.dita N. ; dins l'Estyat de las libertat de pensar .... L'esquèrra (administrativa e elegida) nos fabrica un apening a Tolosa. Gardèm donc la fòto de campanha electorala, que i remarcar los actors de la peça de teatre politica, lo POC es plan plaçat : @occitanie 
 






















Aquela fòto podrà èstre utila dins pauc de temps, en junh 2017.

Quand l'UNESCO condamnarà fRança per sa politica lingüistica contra l'occitan, politica anti-lenga occitana dins totas las regions governadas per la dreita o l'esquèrra ?

1/ Arqueologia politica : visita del cors de matematica en occitan

Arribat al poder la primièra accion del govèrn de Hollande-and-Co es estat pel comunautarisme LGBT; segur qu'i aviá urgéncia antropologica, ne fau pas dobtar ; mas se l'enèrgia aquela èra estada divisida en doás partidas per far una lei per l'occitan, qué ?

Darrièrament a l'Assemblée dita Nationale alara que sábon que lo Sénat (institucion sense cap d'utilitat politica) la blocariá, an assajat de manipular encara e encara l'opicion de la « comunautat electova occitana » en lor fasèm miralhar una lei ; donc pendent una entrevista Christophe Borgel ne parla plan segur... 


Fau tornar dire que l'Assemblée dita Nationale e al sant republican Sénat son estats ambe d'elegits d'esquèrra majoritariament socialista ; e que s'ul tèma aquel son estat capable de far veirina pendent las manifestacions, e res de mai ? 

De mai quand un elegit arribat a Paris vòl far un discors ambe contengut sul tèma (ensenhament de las lengas o lenga e mèdia public), demanda a l'administracion o France 3 de li preparar ... e s'emplena aital de messorgas per legitimar los pòstes dels cargats de mission d'educacion a la lenga occitana, bretona, basca, catalana, alsaciana, o del respecte del casèrn de carga de France Télévision ; fan çò que pòdon per resistir dedins lo sistèma ; la demanda oficiala dedins lo discors es una l'estèla que passa lo jorn de la naissença d'un nenet a Nadal, an zèro. E lo personal politic, pro plan jacobin, crei son administracion sense realemant comprendre lo sistèma e la problematica...

Una amiga me fabrica una remarca que lo jorn de l'entrevista de Christophe Borgel: "i aviá pas cap femna entrevistada" ; vertat que pas cap elegida de Tolosa (Senatriça, o Deputada socialistas) es venguda per onorejar los 10 ans de l'Ostal d'Occitània ; es la fauta de quí que fosquèssen pas entrevistadas las elegidas femnas de Tolosa ? En matièra de femnas, a Tolosa, son doás femnas d'esquèrra qu'an blocat pendent annadas l'arribada de libres occitans a la bibliotèca de Tolosa, o la dubertura de classa de l'ensenhament d'Estat ...

Donc aquí avèm una femna que s'en tòrna, per un cors de matematicas ... recentament es venguda a Tolosa, e al moment de la conferéncia al Conseil Régional lo cargat de la visita, secretari general del Conseil Régional, se carguèt de sortir las bandièras catalana e occitana ; la dòna-ministra a protestat ? Non, avèm res entendut dins los rengs dels jornalistas... nimai legit sul tèma.

Ipocrisia, quand serà dinc lo camp de las femnas politicas coma dins los rengs dels òmes, aurèm un personal politic balençar en ipocrisia ; quora los elegits o elegidas, los/las aurèm que tendràn las promessas de An Orient (1981), o la 101 de ...., o la promessa 58 de 2012 ? 

Es pas una pichoneta visita feminina qu'ajudarà a quicòm ! Farà plaser a quí ?

Lo sistèma educatiu d'Estat es a far crevar l'occitan, oficialament !

S'espèra lèu lo candidat polidet novèl, promegut a una granda campanha electorala, lo gente Benoît Hamon que nos vendrà explicar la seuna promessa novèla sul tèma ... atencion, las autras colors politicas jacobinas son pas melhoras, veire pièja ! 

dimecres, de gener 25, 2017

Madame travaille pour moi, lo guidon

Aqueste maitin, avèm agut d'economistas qu'an pas jamai trabalhat sul terrenh, nos informavan de las sapienças qu'an de donar ; puslèu en pratica donavan la realitat de las longors matematicas qu'an après en classas de segonda "sciences économiques". L'ignorança nos portava als estupids, la sapiença de l'elita, celle qui sait ; èra sus fRance Culture. Quand la casta mediatica convida la casta economica, se vei tròp que l'un e l'autre n'en sábon res de la realitat del terrenh economic.
Ièr, la premsa a descobert Benoit Hamon, (l'aucèl es çaquelà pas novèl, descoberta gràcia a una pichona votacion socialista), liurat als socialistas (elegits de la casta) lo conilh politic un dimenge tranquil, e la campanha contra el serà dura ambe la ges-pensada de la casta ; totes los grands socialistas, los qu'an agut coma sola competéncia de pujar dins la ierarquia socialista e donc dins pòstes politics qu'assegúran en general un RSA modèl politic jacobin ("moneda collectiva per res far", coma avèm poscut entendre sul RSA), lo Sénat, o una presidéncia d'una comission fantauma, e quitament al Conseil Constitutionnel o al Conseil d'État... las possibilitats de l'inutilitat foncionariala jacobina son legions ! e sovent desconegudas legions pels pòbles de fRança, mantenguts dins l'ignorança pels mèdias d'Estat, privat o quitament associatiu.
Avètz jà vist dins un programa de la partidocracia jacobina, la supression del Sénat ? E çaquelà son inutile, e aquò còsta combien de RSA ?
Totes aqueles grands del socialisme, mas i a pas encara la dreita, mas tardarà pas ! Lo revengut universal es una causa que « plombarà las finanças de l'Estat » !
Las grandas entrepresas francesas vívon sul mercat-Estat-nacion fRança ... La casta jacobina es reconeissenta, donc.
Aquò farà mai de 50 ans que lo nuclear, las ajudas a las entrepresas que vívon sul mercat-Estat-nacion e fan viure grandas familhas qu'an coma sol objectiu desfiscalizar, las guèrras pòst-colonialas, los projectes de centralizacion cap al trauc de la pollucion (parisenca, lionesa, nordenca), projectes faraonics  "et de culture" que fan que los libres van crevar a Paris (per rason del princep-president), que senadors e deputats fan viure la pichona familha en dolçina republicana e santa, etc. tot aquò plomba las fiscalitats de l'Estat centralista, e que la reparticion ajuda a la desficalizacion (jamai casticada per la justícia dita francesa) ; mas aquí pas cap problèma per aquel personal jacobin. Lo pòble pòt crevar e sobretot pagar per tornar l'argent a una casta que se fan pauc a pauc privilegiats novèls.
Pel moment, e coma se debana lo sistèma, es una ajuda financièra qu'exista jà, mas qu'aucupa un fum de femnas, de secretàrias, lo sistèma se noirrís de la pauretat dels pòbles de fRança. Lo sistèma regropat e simplificat, seriá lo revengut universal !
Mas coma reforma essenciala i a tanben la supression del Sénat, la supression dels avantatges jacobins, e d'una administracion centralista que còsta sus la fisclaitat de totes (Paris per exemple còsta bravament a totes, continental o fòra mar, dins las tèrras colonizadas d'oltramar) ; e la deconcentracion de totas las administracions prefectoralas de l'Estat centralizat es causa essenciala ; qui es lo candidat qu'o prepausa ? Pas encara lo novèl candidat Hamon ; vendrà ?
Vist la manièra que la polida viroleta, Manolito Valse, cámbia de sens, e que lo vent cambia pas de direccion, i a quicòm que los pòbles de fRança an de meditar ; se los cambiaments d'avejaires son una realitat politica per la casta, es pel plaser de quí, de quinas populacions ?
Mas segur lo guidon a la femna que trabalha al burèu del deputat per assegurar que lo cumul dels mandats es una necessitat, e vos mandarà cada annada la "bona annada" per plan damorar dins l'illusion de l'ignorança politica jacobina.

Pel moment sabèm que totes e totas al poder sábon comptar, mas rarament l'argent collectiu.

divendres, de gener 20, 2017

Catalans a Tolosa, Occitània : Torrons Vicens

Un Torró (catalan), un « Torrón » (espanholisme), e al plural es Torrons, en catalan, « torrones » barbarisme espanhòl ; de quina manièra los Occitans de Tolosa diràn ara ?

Mistengett es arribada a Tolosa, dedins la botiga novèla de la familha Vicens, la podrètz trobar. Es al camin d'una pichoneta passejada dedins la vila comtala, Tolosa, carrièra del Taure qu'ai agut la granda e agradabla suspresa de veire aquela botiga novèla :

Per Mistengett vos faudrà demandar de qu'es aquò ; mas vos serà utile, car ara podrètz pus dire -Occitans de Tolosa- que los produïts catalans son pas disponibles en vila, capitala d'Occitània qu'integra Perpinyà e donc las produccions catalanas i son plan vengudas, e fins ara mal presentadas, e los Catalans de Perpinyà gaire lo biais de la bona promocion en Occitània. Ambe la botiga Vicens -carrièra del Taur- aurètz tota la lista del melhor de Catalonha, a posite, a Tolosa dins la capitala d'una region qu'a un departament catalan e que los Catalans d'Agramunt i an tanben installat una botiga, coma pertot sus aquela planèta que la qualitat del TORRONS VICENS es reconegut.
Quand ai vist la faciada, estabosit ; aquò farà tantas annadas qu'espèri que Tolosa devenguèsse lo mercat natural de Catalonha .... e pas simplament pel biais associatiu.
Per la pichoneta istòria, es pas un botiguièr catalan de Perpinyà qu'es vengut l'installar, mas un botiguièr de Cáurs ... los Occitans son interessats al desvolopament del comèrci ambe Catalonha ; e a còps an pas bric mestièr dels Catalans de Perpinyà per o far !

Donc dins aquela botiga occitana dels TORRONS VICENS i podrètz trobar totas las referéncias de la vila d'Agramunt, prèp de Lhèida, en Catalonha (Principat) e la qualitat vos serà coneguda, vist que fins ara compar torrons de qualitat passava per un viatge en país catalan. Ara la botiga Vicens carrièra del Taure vos espèra.

Dinc los projectes, aprèp Perpinyà, e Tolosa (dempuèi decembre 2016), i a Marselha. Sabi gaire perqué, mas aquela invasion catalana, intelligenta e gostosa, m'agrada fòrça. Es que los de Perpinyà ne prendràn de la grana ? O faudrà encara los Catalans del sud per lor mostrar lo camin ?

Un còp èra lo catalan li èra pas aplicar la lei de politica lingüistica per la dignitat de la lenga manténer, mas los Torrons Vicens existavan tanben.

dimarts, de gener 17, 2017

Los vòts tolzans de 2017

Jean-Luc Moudenc s'en va a París coma dins las aulas municipalas per donar los vòts 2017, mentre qu'a Tolosa suls trepadors que Jean-Luc Moudenc coneis gaire, la pauretat es plan presenta. Es un biais de far creire qu'es pertot en vila, quitament pels exiliats tolzans a Paris ; mas concretament sul terrenh, e plan al ras del terrenh, de que se debana ?

E lo freg arriba...
Lo cumul dels mandat es d'una granda utilitat, segur.

Sabi pas perqué mas me recòrdi un Alain Juppé que, el, se passejava en jean's dins las carrièras de la vila ducala ; es una causa que vesèm gaire dins lo biais de governar de Jean-Luc Moudenc, senon es de creire que la pauretat s'aficariá mens en vila tolzana, i trapariá, segur, potinga ; la cura politica se trapa aital èstre urgent per escriure aquelas linhas.

Nos pòdon fargar una exposicion de l'istoric de la familha Baudís, mas es un autre monde ambe la mesma color politica çaquelà.

divendres, de gener 13, 2017

Los illustres de Tolosa an panèus

Pendent la commemoracion dels Dreits Comunals tolzans, que son estats redigits en occitan ; avèm poscut verificar que l'idèa de l'occitan coma lenga de comunicacion èra pas la nòrma pensada dins totes los servicis de la comuna de Tolosa, aital un servici segurament istoric a plaçat panèus informatius en tres lengas, l'occitan es oblidat e las tres lengas causidas son las imperialistas europèas, espanhòl, anglés e francés ; an ges pensat que lo rus, l'alemand o lo chinés mandarin auriá poscut avantatjosament acompanhar la lenga de Tolosa, dels illustres de Tolosa, l'occitan, lenga pont de la latinitat e donc de l'espaci lingüistic mai grand del monde e non imperialista (l'occitan o es jamai estat grandament, benlèu un pauc del costat de Nafarroa, çaquelà - e o fau pas oblidar).


Cada còp que l'administracion de la comuna farga quicòm d'utile e que l'occitan s'i podriá botar a gratís, l'administracion comunala se carga d'oblidar l'occitan, e alara l'occitan capita d'èstre una factura per totes, los que paga la fiscalitat de Tolosa...

Donc encara un còp, l'occitan es pas sola lenga a non pas èstre oblidada a Tolosa ; fau notar per l'administracion tolzana que l'alemand es la lenga la mai parlada a AIRBUS, e que lo rus es la lenga la mai parlada sul continent europèu, de mai l'occitan es la lenga de Godolin, lenga istorica de la vila e lenga pont de la latinitat.

Me sembla que Jean-Luc Mouden en luòc que provar que lo cumul dels mandat es utile a París, fariá melhor de visitar lo trabalh de la seuna administracion tolzana !

Drama al Parlament, Sylvie Goulard parla Europèu

Se lo ridicul matava, la genta deputada Sylvie Goulard seriá mòrta, jà. La novèla pensada conservatriça aima pas los ciutadans que gausan dintrar en politica per concurrenciar la partidocracia ; Sylvie Goulard, l'exemplara -segur- Sylvie Goulard, ela tanpauc « manipula pas en politica » per èstre elegida, pareis ...

La Pravda-Le-Monde titolava dimècres passat aital: « Lo Brexit complica la vida dels Eurosceptics »; la causa es reala, lo tractament legitimista dins Le Monde. Car me sembla qu'es bravament mai complicat...
Soi pas un militant de Cinc Estèla, lo movement ciutadan que digun es capable de plaçar sus la règla de calcul politic de la sciéncia politica de sciences-Po, règla establida en foncion de la situacion a dreita o a esquèrra de la cadièira del rei pendent la revolucion parisenca de 1789, los especialistas de l'entrisme dins la partidocracia francesa dita republicana son perdut dins las universitat, quitament los professors  normalament legitimistas per èstre lo sistèma ; mas encara un còp aquel partit dona una lutz particulara al sistèma politic europèu.

Quines son los actors de la drama politica ?

1 / l'ADLE, grope eteroclita de partits dits de « centre » ; es aital que se presentan, segur que digun dels jornalistas franceses es estat verificar la realitat, abans de considerar aquò coma la realitat.
2 / Cinc Estèla, un grope itlaian de ciutadans, fòra nòrma, engatjats en politica per far petar la partidocracia italica.
3 / UKIP, grope anti-institucion-Europèa e clarament pro-Brexit e que es a man de partir del Parlament Europèa ; enfin es aital qu'o podèm pensar ; benlèu que podèm dobtar vist la soma d'argent qu'i pòdon trobar. Mas lo Brexit sembla mai complicat que previst ...
4 / Los elegits del centre dels autres Estats europèus qu'an una vision que dona clarament una idèa de l'unitat del grope e de sa pensada politica, sobretot quand s'escota la centrista Goulard parlar de l'idèa de far dintrar Cinc Estèla dins aquel forabora politic l'ADLE.
5 / Ciutadanos, partit que se fabrica una imatge de centre-dreit al modèl espanhòl d'una Espanha que pensa coma Franco, e que leva lo braç quand es necite, mas sobretot que refusa una referèndum (la democracia donc) en Catalonha per n'acabar ambe lo colonialisme fiscal espanhòl a Barcelona ; e malgrat las promessas electoralas, plaçarà lo corrupte PP al poder a Madrid ambe l'ajuda de l'abstencion del PSOE !

Ambe aquela fotografia en cinc punt avètz la fotografia de la drama politica del Parlament Europèu, al centre.

Espèri encara una version de la deputada Goulard per m'explicar que refusar Cinc Estèla a l'ADLE es melhor qu'acceptar Ciudadanos ?

Plaça aital la genta deputada Sylvie Goulard non pas al centre del Parlament Europèu, mas coma actriça de l'antidemocracia en Euròpa, una amiga de las idèas franquistas en Espanha ! Mas pas un jornalista francés que l'entrevistava a gausat li pausar la question ... es de dire la libertat de la premsa qu'avèm en fRança.

Un autre deputat de l'ADLE, e centrista, se masturbèt un jorn dins un Castorama de l'Anciana Aquitània...

E Guy Verofstadt farà un comentari sus la paura qualitat del personal politic francés dins l'ADLE ? L'espèri ambe grand interès.

Tolosa, las grandas aigas de Véolia, e la gestion politica republicana

Tolosa, las grandas aigas son de Véolia.

A còps, e al primtemps, Garona portava aigats a Garoneta, e mai al delai ; ara son las collectivitats que pagan las digas, mas Garona es paura en aiga, quitament a la sortida de l'ivèrn e de las nheus pirinencas.
Ara avèm la gestion decentralizada, modèl jacobin e comunalista, gestion dels jacobins, dels partits jacobins en Occitània ; fan la logistica matinala dels 100.000 tolzans al sud de Tolosa dempuèi mai d'una setmana, es l'aiga VÉOLIA (entrepresa mondialista del mercat-Estat-nacion francés) dins l'estacion de Sant Anha (Saint Agne) ; avèm donc aquí la resulta d'una causida politica d'externalizacion de las accions comunalas de Tolosa ; politica aplicada a totes los sectors de l'activitat comunala a Tolosa, transpòrts collectius comprès, mai tanben dins las relacions entre la comuna (los capitolièrs) e los botiguièrs tot parier.

Bon pareis que TISSEO portarà un planh contra VÉOLIA e la fauta d'investiment ; mas quí a causís VÉOLIA coma actor del servici de l'aiga a Tolosa ; los meteisses elegits que son en governacion de TISSEO ; aquò s'acabarà en colha ... e negociacions que lo còst tornarà als sampitèrnes fioncalizats.

Alara qui explica que verificar que los investissaments necites faits per la salvagarda dels servicis publics comunals, e donc l'emplec de la fiscalitat locala ? Sembla que los elegits fan representacion sovent (lo cònsol a Paris sovent, e gaire sul terrenh, levat per se passejar pels vòts dins los barris per marcar l'illusion politica), mas salvagardan gaire la vida logistica dels Tolzans, lo bon emplec de l'argent public e dels investiments publics coërents... an per la dreita un cumul de mandat d'assumir, e per l'esquèrra avián un partit de salvar.

Car dins aquel afar de l'aiga a Sant Anha, fau pas desvirar que l'esquèrra, Pierre Cohen, es tanben en fauta. Fau pas oblidar que la majoritat de Pierre Cohen, malgrat l'inscripcion dins los programas de la municipalizacion de l'aiga, l'afar es pas estat pactat coma a Grenòble. VÉOLIA sembla aver d'entradas politicas fòrtas a l'UMP-UDI (ancian nom dels Les Républicains) e al Psf-PRG … Aquò se sona lobbying en francés academic, mas es simplament la maissanta gestion de la fiscalitat publica qu'es aquí dins l'actualitat de 2017. Maissanta gestion, un pauc coma per l'ancian regime... del delegat del rei-dictator en Comtat de Tolosa (veire bilhet de ièr).

Coma ai poscut l'escriure ièr dins un bilhet sus l'Òtel de Tolosa, la fiscalitat es causa de totes los subjectes del rei-dictator franc, o ciutadans/anas de la santa République française.

L'aigat Véolia de Tolosa es la resulta d'una maissanta gestion dels capitolièrs, e qui pagarà al final, las destruccions de las aigas e la maissanta logistica dels Tolzans al maitin, lo meteis ciutadan fioncalizat. Car sempre lo politic decidís, s'aumenta lo revengut sovent en representacion a París, mas sovent laissa liurament pagar lo bais pòble, pagar per las errors de gestion que fan al fial dels sègles ; sembla èstre una granda tradicion tolzana (lo bilhet es pels Tolzans, segur que podèm listar d'autres endreits aital).

I a un guit-estudiant de la Toulouse Business School per ne fargar un memòri de doctorat sul tèma de la fiscalitat locala e lo sistèma jacobin, o d'ancian regime ? Non pas, pas un per saber de quina manièra las fiscalitats tolzanas son mal emplegadas al fial dels sègles ! Ah si per aver prèmi "Nobel" de la banca de Suèda son mai fòrts.

Pel moment, avèm una memòria-exposicion sus Pierre Baudís al capitòli ; segur que se fau remembrar l'istòria, mas dins aquel afar es pas aquela d'una persona, mas d'un fenomèn tipicament tolzan, estranha fiscalitat e son emplec, lo fioncalizat tolzan a brava esquina pels politicians installats pel sistèma bonapartista francés, installats al cap de Tolosa devath las aigas, e per las eleccions dins lo darrièr regime republican francés.

dijous, de gener 12, 2017

Tolosa, la talha de l'ancian regime e Paris

I a causòtas que me fau pas mostrar ; aital pels vòts parisencs del Jean-Luc Moudenc (deputat e cònsol de Tolosa, lo cumul reial e republican), pels vòts alprèp dels « Toulousains de Paris » avèm agut fòtos de l'Òtel de Tolosa a Paris ; e la confirmacion qu'i a tolzans que creson encara èstre utile a París melhor qu'al país ; lo cumul dels mandats assegura un finançament al partit politic jacobin e a la perseguida d'un sistèma arroinós per Occitània, lo pòble dels fiscalizats republicans de Comtat republican d'Occitània.
De qu'a cambiat realament dempuèi l'ancian regime destrusit en 1789, la fiscalitat de segur ; mas de la fiscalitat del Comtat de Tolosa de qué ne fasián los delegats (aital enriquits) del rei-dictator parisenc ? Ne donavan al rei per temps de guèrra, e per las multiplas demandas reialas ne mandavan a Paris ; mas ne damorava sempre en sobre, car lo Comtat de Tolosa èra grand e comerçava ambe tota l'Euròpa ; donc èra un Comtat ric ….D'aquela riquessa fabricava castèls, per exemple al nòrd de Montpelhièr, que fins ara lo sistèma de la decentralizacion a pas encara trobat un emplec a sa dimension, o fabricava representacion a la dimension del Comtat de Tolosa. Avèm donc l'Òtel de Tolosa, pagat per la fiscalitat comtala, donc pel trabalh dels subjectes del rei-dictator franc en Comtat de Tolosa, tèrra estrangièra segon la mapa de 1732.

A la debuta de 2017, pels vòts autrejats als « Toulousains de París », Jean-Luc Moudenc a trobat una dubertura excepcionala ; una compassion politica autrejada gràcia a una demanda excepcionala dels « Toulousains de París » alprèp del proprietari actual, al XXIen sègle, l'imperiala Banca de França, nom oficial en lenga de l'edicte de Villers-Cotterêt, Banque de France.

E son « gentes » a la Banque de France, per los de Tolosa, los immigrats economics e politics de París, an agut dreit d'emplegar aquela rica aula per far brilhar lo jacobinisme en aula republicana, dins un discors de Jean-Luc Moudenc que aital pròba que lo cumul dels mandats es utile. Mas l'aula rica es una ambaissadriça de la riquessa de la fiscalitat dels sotmetuts del Comtat de Tolosa, abans la revolucion dels Parisencs, 1789. Car fau pas oblidar que de revolucion n'i aguèt maitas quasiment pendent 20 ans abans e principalament en tèrra comtala, ducat, marquesana, tèrra de lenga occitana ; fau remembrar lo libre de Jacme de La Magistèra sus las revolucions abans la dita Révolution française, jamai re-editat. Una revolucion multipla per regretar lo pès fiscal, non pas per aver lo pès fiscal trabalhat sonque a París … Es una causa que la representacion dita republicana a oblidat. Fau dire que per la gestion son pas mai fòrts que los ancians representants fiscals del rei-dictator franc, de la familha dels Borbons – la meteissa familha qu'engraissa la pensada politica d'un ancian dictator, Franco en Espanha del XXIen sègle. Per la gestion, e serà lo bilhet següent, avèm l'aigat de l'estacion de Sant-Anha (Saint Agne), que blòca los desplaçaments dels tolzans dempuèi mai de quatre jorns.

E coma d'unes pensan, per ignorança que la novèla region administrativa francesa sembla al Lengadòc, es de dire la majoritat de dreita e del Jean-Luc Moudenc, fau refrescar la memòria istorica dels Tolzans aimador dels cumuls dels  mandats representatius republicans, lo Comtat de Tolosa es pas lo Lengadòc, gaitatz la mapa : 


Es la partida en jauna qu'a pagat l'Òtel de Tolosa a Paris e qu'alberga generosament  a causa deNapoleon Ier, Banque de fRance. Es la fiscalitat de Tolosa qu'ajuda una banca parisenca per s'albergar.

divendres, de gener 06, 2017

2017, pèira nègra per l'occitan e l'administracion francesa

Sèm en genièr, de Mentan a Lacanau, de Garat a Quilhan, de Baiona a Briançoneta, per l'administracion francesa dels collègis, es lo moment de parlar ambe los professors per donar l'avenir dels corses en sobre (occitan, latin, grec, portugués, rus, etc.), corses en sobre per rappòrt a l'aplicacion de la novèla reforma socialista ; se farga segon los endreits en ambient de jòia nacionalista francesa (per l'occitan abandonat) o en tristessa de perdre professors de granda qualitat, mas que "coma aguent d'estatut de foncionari" serà salvat per la bivalença del recrutament, e serà professors d'istòria : "es parier, non ?" Faràn matematicas, istòria o devendràn director de collègi (raríssim). fauta corses de geografia vist çò que los mèdias franceses nos dónan cada ser al jornal televisat coma errors geograficas.  La preparacion administrativa se faguèt a docina, sobretot pels professors qu'an pas lo capes, an agut de dormir dins iortas, defòra per poder ensenhar (4 oras aquí, 3 oras ailà, 2 per aquí, ambe 2€ del km per cobrir los còsts de desplaçament e organizar los oraris merdics), per poder ensenhar l'occitan dins aquel bordèl organizat : l'Éducation dita Nationale.
La "regionalizacion" del mamot o aviá pas capitat ; pauc a pauc, devath la pression productivista (s'organiza aquò tanben), pression de l'ignorança de la populacion, l'administracion se prepara la maissanta dintrada 2017, ambe la reforma socialista de l'Éducation dita Nationale.

Pauc a pauc e per gentas rasons grandament administrativas, l'ensenhament de l'occitan desapareisserà del collègi de l'Estat francés. Çò que la dreita a pas capitat de far, seràn los socialistas que l'auràn fait ambe la reforma darrièra. Collègi aprèp collègi l'occitan s'en va. L'administracion francesa (ajudat pel govèrn socialista) l'aurà crebat. E los professors d'occitan per estatut de foncionaris d'Estat, la resèrva de parlar, se fan interdire de dire aquò a la premsa ; l'administracion susvelha la paraula dels professors valents per simplament dire la realitat maissanta que fau pas dire ni escriure. Es l'estalinisme administratiu jacobin francés (lo collègi son devenguts camp anti-professor-d'occitan que la paraula es pas liura), sobretot sul tèma de la lenga mesprezada occitana.

Per l'occitan, dins lo continent europèu, damorarà sens que la Val d'Aran e Mónego (corses obligatòris) per l'ensenhament al collègi. Perqué ? ES OBLIGATÒRI !

Amai d'aver corses mal adaptats a la situacion politica de l'Estat francés, l'universitat francesa en Occitània aurà lèu pus mestièr de formar professors d'occitan ; la situacion es a man de tornar a l'an pre-istoric de 1954, que los corses se fasián a gratís segon la bona volontat dels professors (e n'i aviá bravament mai qu'ara), gràcia a la politica socialista sul tèma, 2017 serà de marcar d'una pèira ròsa-nègra sus la promessa oblidada pels tres govèrns de François Hollande e l'ensenhament de l'occitan descapitat.

Fau notar çaquelà qu'aquel ensenhament a pas donat granda assegurança per la lenga occitana ; sobreviu malgrat tot, fòra, e ambe una populacion desalfabetizada en occitan.

dijous, de gener 05, 2017

Soi estat al Far West, Donzac

I a mantunes ciutadans d'Occitània que son inquiets, i a pas agut de bilhet entre Nadal e lo cap-d'an 2017 - Bona Annada plan granada e un fum d'autras acompanhadas ; soi estat me passejar dins lo far west. La pròva :
Dins aquel far west de la region administrativa francesa, Occitània, ai poscut veire la debuta d'una pichoneta politica de signaletica dins totes los vilatges del recanton al torn de la dangierosa centrala de Golfèch. Soi donc estat dins lo far west, una indica a la gara de Lamagistèra o indica clarament.

Ai notat que l'estacion es pas equipada per albergar los Velò-Tren (Velò-TER), es evident qu'o es pas vist que dins lo vilatge quitament la signaletica per anar a l'estacion exista pas. Lo panèu per l'ostal dels pensionats es clar, l'ostal dels pensionats es a costat de la gara, mas i a pas de panèu. Se vei aital un pichon detalh qu'indica lo clientelisme de la signaletica dins aquela comuna (que dèu pas èstre la sola aital).

Dins aquela comuna qu'an d'argent, vist que l'explotant de Golfech sap donar la moneda ont fau, los arbres son pas entretenguts, çaquelà ; aquel palmièr amerita una neteja urgenta.

Se remarcarà dins lo Far West aquel panèu que la caracteristica aglutinanta de l'occitan es estat abandonat, aital avèm Lamagistère aglutinat en francés, mas pas en occitan. E que se los elegits èran pas dins la compassion clientelista, auriá sul pic demandat a l'IGN de cambiar lo nom oficial francés mal ortografiat, en La Magistèra, aital lo panèu seriá unic e auriá pas estat mestièr de ne botar dos pels parisencs (segurament).

Dins la comuna a costat lo ridicul d'aquel signaletica qu'a pas debutat la mendra reflexion sulk ròtle de l'occitan dins lo Far West irradiat per l'argent de l'electriciat, avèm Donzac qu'en occitan coma en francés ; car lo francés es fin finala la bona ortografia de l'occitan, avèm : 


Avèm donc un doble panèu que un es inutile (lo francés plan segur !) e que lo de devath enmplega pas l'occitan !

Avèm donc la pròva de la fauta clara de reflexion sus la signaletica en occitan dins aquel país de Bulhés, e del desgalh d'argent public a causa de la signaletica francesa; l'occitan deuriá èstre la nòrma, e tot l'argent public per l'occitan ; donc a Donzac fan un acte patriotic francés de daissar lo panèu en francés en foncion e en francés la signaletica del nom de la tombada, País de Brulhés (un país de vin e de lenga compassion).

A costat de la gara de Lamagistèra, i a una alberga, que l'abús de bandièras francesas li deuriá donar lo vomitòri abans de minjar pels ciutadans de la vila irradiada.

Donc avètz comprès que lo Far West d'Occitània es un parçan de la region administrativa occitana qu'ai assajat un velò electrica, per saber se Golfech seriá pas sobrecargat per mon passatge.

Ai remarcat que la frontièra dentre Donzac (ambe lo doble panèu) e lo vilatge de la region a costat (Novèla Aquitània), la frontièra se marca per l'abséncia de panèu en occitan a Sant Sicta (sense referéncia occitana sus la pagina Wikipèdia) ; alara que la politica de signaletica e una pensada sul tèma son estat desvolopat per l'Institut Occitan e lo Conselh Regional de l'anciana Aquitània ;-))

La politica de signaletica es esperada en Agenés... e en Novèla Aquitània çaquelà : ai pas encara vist un comentari sul tèma enonciat per Alain Rousset.

Ai pas tanpauc vist una sola municipalitat occitana emplegar l'occitan pels vòts de cap-d'an 2017. Dèu èstre per ignorança, o per un còst politic grèu ?

Anè un còp de mai, e sabi pas quantes jorns farai l'edicion originala ... Bona Annada plan granada e un motlon d'autras acompanhadas e que se sian pas mai, fosquèssen pas mens. Dempuèi Tolosa, enfin oficialament OCCITÀNIA. Remembra-te PEIRE GODOLIN. E l'occitan, s'adapta, los Aranesi e los Catalans son a esperar 2017 independents... Sempre a l'escota de Radio Coupo Santo ? Escotatz 2017 o oblidatz qu'èriatz legitimistas l'an passat.

-°-
Responsa locala, clientalisme en Carcin de Montalban.
 Una sola lenga emplega, mas es pas sufisent ... vision perosonala de 2017.