Es ambe un messatge a l’atencion de la FELCO qu’una amiga de Bernadeta a anonciat oficialament la mòrt d’una militanta per la lenga occitana en Agenés, e Aquitània. Los amics de l’Agenés son pas estats pron aluzerpits per me mandar l’informacion en directe.
Ambe AMASSA per ajudar Ràdio 4 Cantons, puèi Ràdio 4, per son finançament enpresarial, Bernadeta Fournier a encontrat la militança occitana en Agenés ; es devenguda pauc a pauc una militanta per l’accion politica, lo Partit Occitan.
Puèi OCBI li dèu son desvolopament en Aquitània, ambe totas las accions per salvar las classas que l’administracion s’encarnissava de vóler tampar.
Es ambe una pichona letra a la FELCO que l’informacion aurà oficialament percorregut totes los computers, abans d’arribar dins las redaccions de las premsas occitanas, e de las ràdios associativas.
Occitània es donc en dòl.
Cap comentari:
Publica un comentari a l'entrada