arcuèlh

dilluns, d’agost 31, 2015

2015 Ucraïna es encara en guèrra

Seguissi de prèp los afars politics e militars d'Ucraïna, perqué es l'istòria europèa que s'illustra encara e encara ; los Estats imperialistas son causas de la guèrra entre Ucraïna e Rússia. Dins un article pron plan escrit e amb contengut precís de geopolitica en Ucraïna, un article del tipe aquel fauta dins los papièrs regionalistas de Bordèu, Lemòtges, Clarmont, Lyon, Tolosa, Montpelhièr, Avinhon o Marselha e Niça.
Dins l'article d'en Albert Branchadell, qu'es de convidar a Tolosa, Montpelhièr, Ais-de-Provença o Niça, per parlar de l'Ucraïna e de l'istòria modèrna, l'autor explica que «Segons els accords signats a Minsk el passat 12 de febrièr per Ucraïna, Rússia, Alemanya i França, el govern d'Ucraïna es va comprometre a iniciar una reforma constitucional que havía d'incorporar la decentraizació com a element clau i havía de tenir en compte 'els especificitats de certes àrees de les regions de Donetsk i Lugansk, d'accord amb els seus representants'.» [segon lo accòrds signats a Minsk lo passat 12 de febrièr per Ucraïna, Rússia, Alemanha e França, lo govèrn d'Ucraïna s'en esgatjat a debutar uina reforma constitucionala qu'aviá d'incorporar la decentralizacion coma un element clau e aviá de téner en compte 'las especificitats de mantunas tombadas de als regions de Donetsk e Lugansk, d'accòrd ambe los seus representants']

L'article es paregut dins la pagina Debat pel magnific jornal de Barcelona, ARA.

Lo sistèma federal alemand l'an imposat los aligats en 1945. Senon ni Minsk, ni Moscó, ni París son ontologicament enclinats a donar a la decentralizacion la valor que Donetsk o Lugansk son supausats vóler de manièra autonòma, se l'autonomia d'un pòble, de la pensada politica d'un pòble, se pòt mesurar ambe los tanks dabans la pòrta !

Dins las regions o províncias que fan la Federacion Russa, car es una Federacion (!), podèm notar que los caps de las republicas russas federadas son nommadas pel sistèma politica autoritari moscivit actual. Res a cambiat dempuèi lo regime sovietic, levat l'etiqueta de l'Estat independent rus. Aital en Crimèa, sul pis lo regime rus a integrat un partit unic e un cap de region annexada nommat.

Alara dins l'article d'en Albert Branchadell, «Les reformes inútils», l'autor explica que lo govèrn de Kiyv «estan a punt d'obtenir precisament el trencament que volien evitar».
Lo trencament d'evitar es lo trencament desirat pels nacionalistas franceses (Jean-Luc Mélenchon, Marie-France Garaud, Jean-Pierre Chevènement, Jacques Myard, etc.) aquel d'un Estat jove que recebrà jamai ajuda dels Estats vesins per bastir aquela republica que l'Union Europèa pensa cada jorn, l'ideala. Alemanha e sobretot França demanda a Ucraïna çò que, en temps de patz, e sense agression del vesin, fRança a pas jamai sabut capitar, una reala decentralizacion legislativa ; aquò dona la dimension del problèma, o de l'ajuda russa per menar los debats de Minsk.
Lo referèndum d'evitar èra aquel de Crimèa, mas coma evitar un referèndum car al passiu francés, i a tanben un referèndum del meteis tipe, aquel de 1860 per l'annexion de Savòia e Comtea de Niça ? E lo referèndum de favorizar es aquel de Catalonha, per non pas mostrar l'asirança granda d'Espanha per l'independéncia de Catalonha, benlèu de faiçon ipocrita coma Anglatèrra, mas aital jogar lo juec de la democracia vertadièra ; refusar lo referèndum coma l'explica Madrid, mòstra que lo regime de Madrid es pas democratic, e donc qu'a pas per vocacion d'èstre dedins l'Union Europèa, benlèu mens qu'Ucraïna independenta e modèrna.

Se i son Estats per bastir l'Union Europèa coma cal, en patz realament, son pas las diplomacias dels ancians Estats bellics qu'o pòdon fargar.

Al contrari de l'Albert Branchadell pensi pas que lo problèma ucraïnian es «articular la seva diversitat nacionala e lingüistica», es puslèu la dificultat de tot Estat novèl, de non pas poder exercir lo ròtle d'un Estat independent, e al meteis temps, en patz, poder bastir una administracion qu'agradarà non pas als Estats non-modelics francés o rus, mas agradar a totas las populacions o ciutadans d'Ucraïna. Aquò demanda temps, e l'independéncia d'Ucraïna es recenta.

Aquel temps que fauta, ajuda Rússia a bastir una estratègia de dominacion ; e las gròssas flaquesas e lentors de l'Union Europèa, que son tanben las flaquesas de l'OTAN, van ajudar l'adversari d'Ucraïna. L'annexion de la Crimèa es la primièra consequéncia, la segonda es la guèrra actuala.

La consequéncia d'aiçò per la pensada d'anuèch, es ligada al procèssus l'independéncia de Catalonha ; se l'independéncia es pas volguda pels Estats vesins, los problèmas arribarà pel futur de l'Estat novèl. E aiçò zo escrivi, non pas per frena las creacions d'Estat e la liberacion de pòbles de la sotmission d'un imperialisme dels Estats europèus actuals que fan la diplomacia tòrta e factor de guèrra, mas per determinar que cal establir al nivèl europèu lo biais d'arribar a l'independéncia per un pòble e un espaci d'administracoin que fabrica lo pòble. Cal dintrar clar dins los esperits que l'independéncia d'un Estat a res d'aver de plaser pels Estats vesins e quand los vesins an l'istòria colonialista similara a Rússia, e que son fRança e Espanha se cal mesfisar dels vesins.

dissabte, d’agost 29, 2015

Un CGTista independentista, sèm en Bretanha

La causa va grandament estonar dins un mitan occitanista puslèu legitimista, plega-esquina, collaboracionsta pels pièges, e vos disi pas dins aquel sindicalisme que pensa que la decentralizacion es una plega virulenta, los sindicats aqueles se díson UNSA e FO ! (o fan per comunicats pro discret, que sovent lo public o vegèsse pas, la majoritat dels sòci de UNSA e FO vívon de la decentralizacion)... E quitament dins la CGT d'Occitània, vesèm pas grand'causa pujar sus aquel terrenh qu'es de desvolopar, l'independentisme occitan, seriós, e enraiçigat dins la realitat viscuda. Seriós, vòl dire que ne sap quicòm de l'economia, de la politica e de als institucion imposada per fRança, e qu'al mens sortís pas sonque de las formacions de letras occitanas, pro simpatics per fabricar plega-esquinas pel regime en plaça, unicament.
Soi segur çaquelà, qu'i aurà d'Occitans per los ajudar en moneda : Per aver totes los ligams per l'ajudar, anatz sul site Internet.
Ieu, dobti de veire la trista CGT espectacle presentar a las eleccions en demandar l'independéncia de Tolosa e del país tolzan o d'Occitània, lo cantar benlèu, per engraissar moneda, mas sul terrenh de la campanha d'una novèla region Sud-Occitània, ne dobti grandament. En Bretanha es un militant CGTista que se lança ! Sabi pas coma los dependentistas o unionista de la FELCO amai d'èstre comunista de la santa universitat de Montpelhièr van capitar de comprendre, van poder entendre aquò ? Ne dobti vist l'estrambòrd qu'an per tractar l'independentisme occitan de merdic, coma la manièra que se forma los professors dins la quita universitat francesa de letras occitanas de Montpelhièr ; els, aqueles jacobins provincialistas, que de la fRança ne sábon que la santetat republicana, lo miraculós e «saint service public» qu'es un servici a l'Estat jacobin e centralista ! Lo van tractar de fascista o d'islamofòb segurament .... al CGTista valent !?!?

Dins un article que recampa l'ensemble de candidats per Bretanha, es de dire que son pas afidats a un sistèma politic francés, 7seizh.info infòrma en francés sus aquela candidatura que cerca finançament. Lo valent breton se sona Bertrand Deleon.
E se lançar coma independentista dedins l'Estat francés, cal de coratge als Bretons per zo far.

Pel moment, es clar la lista qu'amerita tot lo vòstre interès tanben es la lista Troadec, que associat ambe l'UDB, pensa capitar d'aver elegit independentament del sistèma politic francés.

Lo Parti Breton, el se lançariá ambe una autra lista encara !

Per èstre clar, 5 departaments bretons faràn una prepausicion politica de 3 o 4 listas bretonas, dementre qu'en Occitània, aurèm .... res ! Res per 32 departaments.


divendres, d’agost 28, 2015

RPS e ALE fan una clarificacion dins un comunicat

Es en lenga francesa que Régions & Peuples Solidaires -Regions e Pòbles Solidaris- manda una clarificacion a prepaus del procèssus democratic de Catalonha. 

Traduccion en occitan
1 / L'Universitat d'estiu e lo Congrès de Régions et Peuples Solidaires s'es tengut a Font-romeu en Catalonha. La causida de Catalonha es estada faita per portar un sosten sancièr de las organizacions de R&PS a la lista «Junts Pel Sí» iniciada per Convergència Democratica de Catalunya e Esquerra Republicana de Catalunya e que, lo 27 de setembre venent, vòl ganhar l'escrutin plebicitari organizat per ajudar lo pòble catalan de causir liurament lo seu destin. Lo combat per la libertat del pòble catalan es lo combat de totes los nòstres pòbles, perqué fosquèssen respectadas las lengas, las culturas pròprias e los dreits istorics.
2 / Lo combat nòstre es aquel de mantunes pòbles d'Euròpa que crídan d'aver los lors dreits respectats, lo dreit de decidir de manièra autonòma. R&PS a bastit un partenariat fructuós ambe l'Aligança Liura Europèa. L'ALE -EFA es un partit politic europèu que se vòl l'esséncia de l'Euròpa dels pòbles. Lo seu grope al Parlament Europèu es de totes los combats per lutar contra la desrivada actuala de l'Euròpa vista coma dangierosa en caminar per una Euròpa ultra-liberala dominada pels Estats los mai potents. Volèm tornar dinamizar lo projecte europèu de solidaritat, de diversitat e de democracia en que totes los pòbles e totas las regions deuràn èstre partenaris reals, per ne sortir de leadership dels Estat-membres e dels govèrns centralistas.

Lo comunicat se perlonga per element que ne farai un rendut compte ulteriorament.

Eveniment : l'Estat francés se reformarà ENFIN !

La primièra reforma que caliá far, arriba enfin ! Tres ans aprèp l'arriba al poder de l'esquèrra socialista, enfin !
Benlèu que la prefectura de Belfort -"la sola prefectura etnista de fRança" m'expliquèt un amic occitan- serà la primièra a desaparéisser ambe lo departament ?

Las idèas que li cal donar, redusir lo nombre de burèus dins las prefecturas, eliminar mantunes secretariats, informatizar l'establiment de papièrs prefectorals, eliminar las aulas d'espèra, e sobretot, suprimir mantunas prefecturas, per las sos-prefecturas es benlèu pas aquí que cal picar, mas transformar prefecturas en sos-prefecturas, ambe mens de personals donc ; aiçò se sona gerir l'argent public, l'argent de totes los ciutadans, d'Occitània o d'endacòm mai de l'Estat jacobin e bonapartista francés.
Aprèp aiçò un prefecte per region administrativa es sufisent, e vendre lo bastiment que lòtja lo prefecte en sobre. Cal notar : cal suprimir un prefecte sus dos, vesètz jà estauvi !
Ai notat Belfòrt, cal saber l'istòria d'aquel departament que servís a res, levat a ajudar Jean-Pierre Chevènement d'aver un estatut d'elegit permanent pel nacionalisme francés, senator actualament, e vist lo còst dels senators, podèm pensar que l'estauvi de la supression del departament etnista de Belfort, farà gròsses estauvis.
Belfòrt l'a creat lo poder alemand quora lo determinèt non pas coma etnicament alsacian, mas francés. Aquel departament es alara estat daissat a fRança, e Alsàcia tornava a l'impèri germanic. Podètz aital melhor entendre la fòbia d'un Jean-Pierre Chevènement regard a Alemanha, lo problèma aquel l'a transmetut... e l'antigermanisme modèrne es nascut a partir d'aquí. La supression del departament de Belfòrt ajuda a recuperar un numèro, lo 90, e estauvi tota una administracion bonapartista ailà, plus lo Conselh Generau + tota la seguida administrativa francesa e las antenas, que cal transformar en sos-prefectura del departament qu'agrada a París, un dels vesins.
Es una reforma que veirètz aviat serà castigada pels sindicats FO e UNSA, sindicats que son anti-decentralizacion e qu'an escrit mantunes còps lo refús d'un poder decentralizat en region, departament o comuna ; alara que la majoritat dels foncionaris que paga la cotisa a FO e UNSA, son d'aquelas estructuras administrativas francesas ; FO e UNSA son la vergonha del foncionariat que desgalha l'argent public, l'argent o capital que lo sistèma fiscalista francés se creva de recuperar.

Dins lo numèro especial de ARRITTI, Corsega se recòrda de la malfasença dels prefectes. Nosautres tanben nos devèm recordar qu'a l'amagat, la barbouze institucionala que díson en Corsega, e la rason es mens evidenta en Occitània, mas n'avèm agut de polits, un pauc coma aquel qu'es estat en Corsega qu'es arribat aprèp a Perpinyà (amic de Jean-Pierre Chevènement) e lo libre famós del Joan-Lluís Lluís sul tèma, se cal recordar de la malfasenta dels prefectes, me recòrdi la frasa d'un elegit agenés del Pont del Casse «mais le préfet sera d'accord ?» d'un elegit del pòble fàcia a un dictat administratiu vengut del bonapartisme parisenc, lo maissant ròtle institucional d'un prefecte, e de totes a l'amagat sovent, es donc de recordar tanben : 

Me recòrdi aver jà explicat sense prefecte en Dordonha, frescament sortit de l'escòla nacionalista d'administracion francesa, lo prefecte traparà un emplec al Conselh Regional o endacòm mai, mas que lo prefecte es pas utile en Dordonha ; vos podètz imaginar l'estonament de la taula a la Felibrejada de Peirigüers ! Dins lo concènsus politic occitanista que cal aver per non pas èstre tractat de reaccionari anti-francés... d'extremista. Un pauc coma aquel dessenh umoristic que circula sul net.

Comprendre melhor quí es quí en Catalonha, e Occitània

1 / L'associacion, tot es bon per Espanha per donar lo punt de viste castelhan e centralista, Ciutadans d'extrèma dreita espanhòla qu'engraissan per destrusir Catalonha e en deficit. E malgrat non saber gerir l'argent public espanhòl, vòlon imposar lo punt de vista de los que sábon pas gerir l'argent public !
Aquel camp politic es lo camp de : PSC-PSOE-Unitat d'Aran (e los amics dels Partit Occitan), UpyD, Ciutadanos, PP.
Quand lo finançament es pas clar, se parla de finançament mafiós, non ?
Quand se sap quitament pas gerir aquel argent, dions las màfia la mòrt arriba aviat de l'autre caire del recanton ; en politica centralista, es un ministèri per gerir l'ensemble de l'argent de l'Estat, e enganar aital los banquièrs de la BCE, es lo PP actual. 

2 / Quines partits politics fan la campanha en Catalonha ?

Un document de l'associacion de ciutadans espanhofònes de Catalonha vos podrà ajudar ; quí es quí, Who's who en dos tablèus : a/ lo tablèu oficial b/ lo tablèu ambe los partits de l'Estat francés
 a/ lo tablèu es en, lenga espanhòla per plan indicar que l'espanhòl es pas abandonat en Principat de Catalonha, e s'adreiça a la populaicon de lenga espanhòl en Catalonha.
 b/ segond tablèu comparatiu

Me sembla important de saber e de far saber als militants que son afidats, cap baissat del Partit Occitan, que trabalhan contra Occitània, en trabalhar contra l'independéncia de Catalonha. Aquò vòl pas dire que soi devengut independentista catalan, mas la situacion catalana es luènh d'èstre l'occitan.  Mas de que se passa dins lo cap d'aquel occitanisme qu'a sempre agut mestièr dels Catalans, mas quora pensan coma los jacobins franceses ?
Çò que fauta a Occitània per èstre al nivèl de Catalonha :
- una consciéncia politica clara
- una lenga fòrta e dignament respectada per totes/as, parlada, veïculada, visedoira, objecte de mèdias, totes, entrepresa nacionala, mercat Occitània, etc.
- una economia modèl catalan çò que vòl pas dire que n'avèm pas d'economia pròpria
- una basa associativa fòrta per donar dins una ciutadanetat occitana fòrta
- una formacion dels professors de lenga al nivèl politic que sabèm en Catalonha, donc un Òmnium Cultural modèl occitan
- une formacion universitària (fòra las letras) de naut nivèl occitan e universal
- un coorporatisme occitan sindicalizat
- una administracion occitana realament pròpria
- una fiscalitat pròpria, e un sistèma bancari que vira sense Paris.
E fins d'aver tot aquò, compreni pas tanpauc perqué un partit que se vòl occitan refusa de conéisser realament lo problèma espanhòl en Catalonha, e accepta sonque d'entendre la paraula dels unionistas, de Unitat d'Aran, perqué lo PSOE lor a pagat un pòste de senator a Madrid. 
Quin es l'objectiu del POC ?

dijous, d’agost 27, 2015

Entrevista d'en Roger Torrent candidat #JuntsPelSi a Girona

Aquela entrevista es estada faita en Cerdanha, Èguet, al entorn de 12h30. Roger Torrent èra un dels convidats per explicar lo procèssus politic que se desvolopa actualament en Catalonha (Principat de Catalonha) - la conferéncia èra co-organizada, pro plan organizada, per RPS e ALE-EFA dedins lo contèxte estiuen de l'universitat d'estiu dels partits dits "régionalistes" de l'Estat francés ; èrem en Cerdanha costat francés.
Los tres A de la basa de las questions que pausèri, son per completar la conferéncia, malgrat la qualitat dels representants dels partits regionalistas de l'Estat francés fautava 3 punts ligats a la letra A (soi çaquelà estonat qu'un representant del Partit Occitan i aguèsse pas pensat) : A coma associacions de ciutadans catalans per l'independéncia (Suma-te, ANC, AMI, Òmnium Cultural e Associacions dels Catalans de l'exterior), A coma Aran e donc Aran dab Occitània, e lo darrièr A es Andòrra dedins la Comunautat dels Territòris Pirinencs.
Lo tecnician èra Joan-Pau Capdecoma, e l'adobament tecnic tanben, malgrat lo vent fresc que donava un bona esperança de polit temps, dos passes de Puigcerdà, suls tucs prèp de Font-romeu en Catalonha del nòrd.

Conferéncia lista Gérard Onesta

Per èstre segur que las questions seràn provincialistas, cal redusir las convidacions jornalisticas. Aital saurèm lo punt de vista d'Onesta sus las magolhadas en govèrn e EELV, entre deputats e EELV entre senators e EELV ! Saurèm tot levat çò qu'es de la region. 
Per astre i a twitter per aver las fòtos, aquela de la Nouvelle Gauche Socialiste ; un nom plan francés per una region d'identitat occitana fòrta. E quora los dirètz vos respondràn : «mais on est en France», e son supausats defendre una politica per l'occitan... mas se l'aplicarà pas a els.


Mas lo mai inquietent es pas aiçò, es puslèu un trabalh qu'es supausat èstre lo denominator qu'ajuda lo POC d'anar ambe lo PdG sus la lista d'Onesta.

 Ieu, ia quicòm que me desrenga dins aquela faiçon de fabricar las eleccions dins lo sistèma francés, es un biais d'autodestrusir l'expression tot en se reclamùar d'una novèla manièra de fabricar las relacion entre los ciutadans e los elegits.
I a una enquèsta lingüistica per l'occitan qu'es estada enterrada per totes los ancians elegits dels CR de Tolosa, perqué aquela enquèsta imposa pas una reala politica, e non pas aquel barnum o pietadosa lista de pregàrias lordescas. 
Mas es evident que cada vagada nos explica aiçò, o entendi pas es la sampitèrna litania, pels joves benlèu, o recents arribats, mas los qu'an l'istòria al cap, sabèm : 
Plan segur, cal èstre gente, amb intelligéncia sempre, amb gentitud, amb galantariá, sempre o sèm estats, mas cada vagada nos fasèm enganar ; lo POC èra clarament e realament contra l'independéncia de Catalonha dins lo camp PSOE..... Pròva al bilhet següent; Alara ambe aiçò SÈM plan partits, o sortits per una dintrada de recuolon, per melhor se far encuolar !

L'umor catalan m'agrada, El Periódico ajuda

Dimarç passat soi estat en Catalonha, Cerdanha (Cerdanya), pauc de km de Tolosa, sus la linha de camin de fèrre abandonada per RENFE e SNCF per far lo ligam directe entre Barcelona e Tolosa ; e ai poscut anar a Puigcerdà car, a las 14h00, es quasiment impossible dedins l'Estat francés, en Cerdagne, d'aver la possibilitat de minjar ; la competicion es granda en Cerdanya (Estat espanhòl e Estat francés) per recaptar lo torisme, mas las aisinas son pas similaras. Aital a 14h00 soi estat a Puigcerdà, minjar ; lo problèma de Puigcerdà es que, per aver libre, objectes culturals e jornals o periódic, la botiga es pichoneta e gaire duberta a d'oraris que fosquèssen adaptats a la clientèla de l'Estat francés ; cadun a problèma de gestion dels oraris dels emplegats !
Mas a las 16h30, ai poscut crompar ARA (lo jornal catalan seriós de Catalonha) e lo jornal umoristic (legit en un estanquet) El Periódico (en version catalana).
Alara soi ambe aquel article umoristic qu'explica lo problèma de Unió (version unionista, 51% dels militants) a prepaus de Convergènncia Democratica de Catalunya. CiU, una sigla plan coneguda ara per aver donat una basa de govèrn catalan a la Generalitat de Catalonha, es ara petada, dempuèi quasiemnt la decision del Tribunal Constitucional (espanhòl) de non pas respectar lo vòt catalan ; èrem en ...2010! Donc Unió o Unión (partit Unionista democratica espanhòl) li agrada pas que los militants de Convergència Democratica de Catalunya anguèssen manifestar lo 11S per l'independéncia. E donc Unión lança un avertiment contra CDC e se fa aital lo pòrta-votz antidemocratica del PP a Madrid, e de las votzes novèlas que son PODEMOS, UPyD, Ciutadanos, PSOE-PSC-Unitat d'Aran. Aquò del partit de las entrepresas e de la borgesiá de Catalonha qu'a mestièr del mercat espanhòl (veirèm que las chifras fan la pròva del contrari*), me sembla umoristic, vist que costejant regularament la jovença de JNC o de CDC, sèm bravament luènh de las vièlha luna que faguèron Unió coma lo descendent progressista de la Lliga regionalista. E pensi qu'en legissèm aiçò : 

soi pas estat lo sol a rire en Catalonha, o en Occitània (per Occitània, levat lo Partit Occitan que se trapa dins lo camp d'Unión).
Tanben dins aquel article, çò de risolièr es la personalizacion que los Unionistas vòlon veire dins lo procèssus d'independéncia de Catalonha, d'una nacion (antropologia), d'un pòble que, de subjecte del rei d'Espanha vòlon devenir ciutadan sul modèl que faguèt flòri de l'istòria de la debuta de la dita Révolution française, tal que los amics socialistas fasián la promocion en Catalonha un còp èra, ara oblidat, levat ambe lo partit novèl MÉS, sission partesana novèla, qu'a aumentat lo sosten a la lista #JuntsPelSi ; cal notar que los deputats d'Unió al Parlament de Catalonha son totes anat apondre votzes politicas a #JuntsPelSi. E çò d'encxfredible es qu'Unión se plaça aital dins lo camps de La Terreur en parlar aital, lo camp qu'agrada en republica francesa a totes los nacionalistas de tipe Jean-Pierre Chevènement, Jean-Luc Mélenchon, Marine Le Pen and tota la companhiá, Philippe De Villiers, Jacques Myard, Nicolas Sarkozy, lo coble dels financièrs Balkany, Fillion, Manolito Valse, etc. Unió demanda pas als militants de CDC, mas al Artur Mas, coma se pensava un còp èra que la volontat dels Bonaparte fasiá sonque la via politica per fRança, e benlèu o fabrica encara ambe lo sistèma prefectoralista a l'Estat francés. Lo caporalisme es tanben un ideologia qu'agrada plan als partiodocratas; sovent contra la votz del pòble, e aital los entendèm parlar de «populisme» quora lo pòble parla solet sense els.
Mas El Periódico es tanben dins l'umor quora publica un dessenh umoristic aquel :
Se a l'Estat francés lo torisme a aumentat, a l'Estat espanhòl tanben, e coma Catalonha es encara una província d'Espanha, aquel reialme borbon, las estadisticas díson gaire se la Sagrada Família es estada o non lo monument lo mai visitat d'Espanha ; podèm afortir que l'aeropòrt de El Prat, malgrat lo castig regular d'Espanha per evitar que las companhiás d'aviacions arribèsse aquí, a agut chifras fòrt bons. Per la Sagrada Família lo meteis jornal presenta una darrièra pagina que o sembla confirmar.
L'umor de El Periódico se pausa aital aquí : «digun podrà negar que lo torisme se porte pas grands beneficis a la ciutat» comtala, BCN, Barcelona. E de contunhar per parlar d'aquel mercat : «las farmàcias d'aquel barri an agotat cada jorn las previsions de somnifèrs» Se parla aital d'un pauc de tot, la non regulacion de las crambas de particulars, e l'arribada de toristas que fan pro bruch per festejar lo contentèr d'èstre a Barcelona en vacanças, per un jorn, dos, tres jorns o una setmana.
Se parla d'un vila voidada de sa populacion per èstre remplaçar pels toristas ; se questiona alara quin es lo melhor moment de viure Barcelona en companhiá de la reala populacion catalana... quin tipe de torisme es aquò ?
Donc o confirmi, El Periódico es un jornal umoritic, per èstre a còps pro anti-independentista. E aquò tanben far rire los Catalans, e los Occitans ensenhats e solidaris ambe lo despertar de la democracia en Catalonha, car a la Via Lliura e la libertat de decidir çò de melhor per els, lo 27S dins eleccions. E coma soi segur que El Periódico publicar pas aquesta lista, #JuntsPelSi, la vaquí :
ARA.cat damora çaquelà la melhora e seriosa referéncia per parlar de Catalonha.

-°-
* Lo mercat espanhòl, qué per Catalonha ?
E aquelas chifras non pòdon èstre ignoradas per Unión ? O pel Partit Occitan ? Catalonha trabalha ambe lo monde e donc se deurà interessar al monde, contrariament a çò que pensa un famós jornalista setmanièr d'Occitània (veire bilhet següent). Lo Partit Occitan me farà rire a còps, mas nègre, val melhor El Periódico, es de dire !

dimecres, d’agost 26, 2015

Estiu Cerdanh de RPS fàcia a l'independentisme catalan

Es estat una matinada plen de suspresas e pro interessanta per me, non pas pel contengut, que sabi perqué l'ai seguit dempuèi 2010, mas pel public de RPS* qu'èra dins l'aula, plataforma politica electorala  bastida dedins l'Estat francés. L'ai seguit del dedins e tanben ai seguit totas las reaccions politicas pauc nombrosas dels membres de RPS, e principalament del Partit Occitan.
Qu'es aquò RPS, es un regropament de partits regionalistas franceses, que dedins i son excepcions qu'an l'uèlh d'una nacion que se vòl despertar, en Corsega e Catalonha del nòrd ; per rason mai o mens diversas, i a tanben anti-independentistas, coma per exemple lo Partit Occitan qu'aital seguís la linha politica fabricada ambe la FELCO e lo grope d'ensenhants que la seguísson, engimbrat a Montpelhièr per una marrida letrada de formacion comunista qu'aital, pròva la seuna eficacetat dedins lo sistèma nacionalista e expansionista francés. Amai de vóler aital concervar los amics del PSC-PSOE que se díson Unitat d'Aran. Son els que faràn la dintrada de la sotmission politica d'esquèrra a Leucata lèu, una granda sortida politica que los ajudarà a èstre melhor vesedor e aital donar la dimension que díson fòrta als partenaris ecologistas que n'an mestièr  per las #régionales2015.
E aquestas linhas rasseguràn totes los partenaris del Partit Occitan, aquela via que contunha de destrusir la dignitat nacionala occitana. 
Aquelas linhas non estonaràn los partenaris independentistas de Corsega o Catalonha dedins RPS.


Donc quand una Universitat d'Estiu de Régions et Peuples Solidaires (plataforma electorala* qu'amassa partits pro diferents, entre régionalisme lo mai sotmetut a l'ideologia jacobina, coma lo Partit Occitan e l'Union Democratica Bretona e los nacionalistas còrses coma lo Partit de la Nacion Còrsa o Convergència Democratica de Catalunya Catalonha del nòrd) o Régions et Peuples Solidaires se debana en Catalonha del nòrd, non serà qu'un extra-ordinari encontre entre Régions et Peuples Solidaires, partits regionalistas franceses (e me soi pas enganat de qualificatiu), e los independentistas que son al poder a l'ALE, regropament d'elegits independentistas del Parlament Europèu, e que las finanças pòdon ajudar per organizar aquel encontre tant especial, non pas perqué èra en Cerdanya, mas que Cerdanha e sa localizacion a ajudat per desvolopar l'encontre de ièr. Coma ciutadan per la dignitat nacionala dels pòbles, non podiái qu'èstre present a-n aquel moment especial ; la meuna preséncia occitana dins un encontre relativament discret mediaticament parlant, non agradava als capolièrs del partit que se qualifica d'Occitan e que sembla pas saber quitament prononciar correctament los noms dels elegits occitans del meteis partit, paure Guil(h)em !

Per aquela matinada, qu'a debutat ambe retard, es estat donc un grand moment pedagogic, en doás lengas (francés e catalana), per ensenhar la realitat, causa que los mèdias franceses fan mal, volontariament segur ; aital los movements regionalistas e encara pro franchimands, podián popar a la sorga directe ambe dos candidats joves (causa qu'en Jordi Vera, CDC Catalunya del nòrd), aurà plan sotalinhar en presentar las causas. Rogèr e Miquèu son candidats elegibles sus la lista de Girona, e an 26 e 36 ans !: « Es una causa pro extra-ordinari que cal notar dedins l'Estat francés» assegura Jordi Vera ; es vertat qu'es pauc comun dins lo vièlh sistèma francés.

Donc podèm afortir que l'independentisme catalan es jove, «tot en confirmar qu'a Barcelona los joves an problèma per votar pas que per PODEMOS», un novèl partit espanholista version los unionistas del PSC-PSOE, o Unitat d'Aran, los grands amics del partit anti-independentista dit occitan.
Alara, dins la presentacion de l'encontre, podèm plan notar qu'es introdusida pel director de l'ALE, Günter Dauwen, que vestit d'un quessòt a las colors de l'independentisme blau, non a amagat d'identitat politica de son introduccion (veire la fòto). O escrivi, car a las fins, una question del «grand» dels mèdias occitans e capolièr del POC pausarà una question, que non cal dobtar de l'orientacion politica, mas que s'amaga darrièr sa capacitat a mediatizar una cauma de la fam que pel moment e al moment qu'escrivi, a pas agut de resson dins l'Estat francés, ni dins un ministèri, sonque comunicats nombroses de premsa dels amics del famós ciutadan-jornalista setmanièr.

Una granda partida de la situacion es estada describuda pels dos candidats CDC-ERC de la lista #JuntspelSi de Girona, se notèt la convidacion de la CUP que «seriá pas vengut per rason de non pas èstre a la meteissa taula qu'un concurrent en campanha electorala». Cal notar que la traduccion se faguèt sempre del catalan en francés, puèi per las questions del francés al catalan.

Los intervenents son estats dos candidats de Girona, car efectivament la circonscripcion de Girona es
una de las circonscripcions d'eleccions en Principat de Catalonha, qu'englòba la Cerdanya dita espanhòla. La lista de Girona es capcejada per en Lluís Llach, lo cantaire preferit de mantunes occitans
quitament anti-independentistas, non pas etiquetat politicament, mas candidat de la «societat civila», e membre de la direccion de l'Assemblèa Nacionala Catalana.

La presentacion se faguèt en alternança, CDC+ERC e las traduccions, lo public present èra donc mai o mens limitat als militants de las direccions dels partits de RPS, pauc de public exterior, que sembla pas èstre volgut, vist la dificultat qu'i aguèt per veire la signaletica RPS ; mas quí sap a Font-romeu e Èguet de qu'es RPS ? Èra tanben dins una aula d'un centre plan polit de vacanças en Cerdanya, plan equipat e que l'arcuèlh arriba mai aisidament a parlar catalan que s'i pensa.

Lo public èra çaquelà pas interdit, e gaire present, mas benlèu pas interdit, ieu, cronicaire regular de l'anti-independentisme occitan... Seriá plan curiós de saber çò que se diguèt quora soi dintrat dins l'aula. Se d'unes Internautas an idèa, me pòdon mandar aiçò per escrit, o simplament me donar los telefònes, los contactarai.... Es sempre pro utile de saber çò qu'un adversari -amagat e non declarat- pensa de tu. Es vertat que los militants occitanistas de la politica an una facultat de parlar e desparlar
fàcia a un public que non sap pas realament de quin punt de vista la «santa paraula» del POC arriba... Ieu o sabi, es aquò que desrenga !

Tot se debanava coma cal, e las questions son arribadas, primièr dels organizadors ALE ; res de dire,
concensualas. Aquí èra coma al maitin en Cerdanya d'estiu, la frescor es arribada quora la «sala», militants anti-independentistas an pausat question ; la primièra es sus l'utilitat del combat catalan per «nosautres regionalistas» (l'ai escrit mantunes còps e lo cap del blòg indica plan, soi pas regioanlista) ; farai la responsa qu'ai pas entenduda :








 E ara passarèm la costat «solidaritat dels pòbles» dins RPS, la question d'un famós jornalista occitan, president d'un partit que se vòl occitan...Remarcarai donc la question d'un sol pro conegut personatge sempre mesprezat per non aver obtengut un acte concret de l'Estat francés, lo finançament de l'OPLO. Que s'installarà en darrièr totas las timiditats qu'ai poscut entendre fins ara, mas la question serà pausada sus un ton qu'amerita de las descripcions cortas, una mena d'arrogança politica, una timiditat bearnesa tota mesurada al maxímum, un illusion pessimista que sembla èstre una costuma dins lo personatge.


Devèm donc fabricar un comentari ; la premièra partida de la question sul Quebèc que jòga pas son ròtle dins la francofonia, es interessanta vist que la francofonia es un instrument de colonialisme francés per me, donc sembla que lo colonialisme francés li agrada mas a docina coma fRança o practica, mas l'actualitat recenta, e lo personatge es jornalista occitan de renom setmanièra (donc dèu èstre melhor informat que los autres o alavètz jòga sus l'ignorança de l'aula?), la presenta de l'institucion de la francofonia es una femna del Quebèc e son eleccions es estada faita pels Estats d'Africa contra lo sistèma de la françafrica plan contengut del bipartisme jacobin francés. segur que los African devon trobar mai de bon gost de votar pel Quebèc -criticat dins la question) que non pas lo famós jornalista occitan(ista). La segonda partida dona una mena de vomitòri e çaquelà la responsa catalana, dels joves candidats, es estada jà donada e o tornaràn far de manièra pro diplomatica ; lo famós jornalista, ieritièr d'una familha socialista de Bearn, e lo capvirat sistematicament cap a un poder socialista per als seunas accion dins aquel partit que se dís Partit Occitan, dona dins lo vomitòria quora demanda se los Catalans an encontrat «lo sol governent catalan qu'es al cap d'un Estat INDEPENDENT, Manuel Valls», que sus aquel bilhet disèm Manolito Valse ; la perversion d'aquel famós jornalista es que parla catalan, amai ; e donc segur un bon interlocutor per presenta Occitània sotmetuda en Catalonha, del punt de vista d'esquèrra, coma o faguèt un còp èra en 2006 al Parlament de Catalonha, dins un discors demorat famosa, encara !
Mas analisar perqué lo cap d'un partit que se vòl occitan, pausa una question talament estupida e sustot non pensa a son amic Paco Boya senador socialista a Madrid e provenent de la Val d'Aran, Principat de Catalonha (província concernida pel procèssus d'independéncia), e de lenga occitana, oficiala, enfin aranesa coma explica lo regionalista aranés Paco Boya, me sembla pro estonent, sobretot qu'èrem dins los Pirinèus prèp de la Val d'Aran justament....
Donc la question mostrava una manièra eleganta de non pas aver apreciat aquel debat que justament potava al clar que los partits an un ròtle de jogar dins un procèssus independentista, lo Partit Occitan non o vòl jogar.
Dins aquel debat çaquelà s'oblidèt de parlar dels quatre A, per Associacions dels Ciutadans a l'exterior, Associacions dels catalans de lenga espanhòla, Suma-te, Associacions ANC que farguèt als primièras manifestacion de massa e la darrièra en companhiá de Òmnium Cultural, e per clavar Aran, per non pas oblidar Occitània lo vesin del nòrd, oblidar lo vesin del nòrd sonat Gavatx es benlèu respondre al famós jornalista occitan que l'interès amont anut es França e pas Occitània, vist la mentalitat que l'occitanisme politic, «poc util», pòrta sus Catalonha.
E malgrat tot aqueles oblits e las reaccions de l'audiéncia qu'èra convidat a l'Universitat d'estiu dels regionalistes franceses, ai trobat aquela matinada pro interessanta, çaquelà.

* Plataforma electorala per ajudar al finançament de totes, dins un sistèma jacobin que lo finançament dels partits es adaptat e votat pels partits nacionalistas e expansionistas jacobins franceses, que aital s'autoseleccionan per donar la paraula public pendent las eleccions ; aquela plataforma politica RPS se comprendrà plan aital, per las legislativas, regionalas, europèas e totas las aliganças que pòdon aver ambe partits suportables coma EELV, o los partits centristas non jacobins.

Ucraïna : guèrra russa en Euròpa

Anuèch, se confirma l'empresonament d'un ciutadan ucraïnés per aver donat una opinion, e mostrat manifestacion pacifica de Crimèa ambe la bandièra d'Ucraïna (del temps de patz abans l'invasion de Rússia). Se confirma dons l'invasion russa de la Crimèa, e de l'organizacion mafiosa e russa de l'Èst de l'Ucraïna e non respectar aital l'integritat de las frontièras d'un Estat independent d'Euròpa (lo continent europèu, non pas l'Union Europèa).

Olieg Sentsov es donc un prisonièr politic del regime ortodòxe russe, lo regime repressif rus ; un regime que li agrada pas las opinions diferenta, quitament se son pacifica.
Nos recordarèm a prepaus de l'integritat de las frontièras, los accòrd de München, aquí, que preparèron l'invasion dels territòris de majoritat alemanica pel regime Nazi ; los accòrds de Minsk son similars ; la guèrra contunha en Ucraïna :

Los partits d'esquèrra francesa, los nacionalista del Parti de Gauche per xemple, qu'an sostengut Putin e son regime contra los «extremistas d'Ucraïna», de que ne díson ? De qué ne díson los novèls aligats d'aquestes partits d'esquèrra per las eleccions #régionales2015 ?De qué ne dís lo Partit Occitan ? 
Los partits de la dreita francesa, los nacionalistas de Debout la république per exemple (amic de Marie-France Garaud jà tractada sus aquel blòg), los del FN-Bleu-Marine, qu'an sostengut Putin e son regime contra los extremistas d'Ucraïna», de que ne díson ?
E devèm contunhar l'ipocrisia francesa sul tèma del «dreit de decidir» pels pòbles que vòlon votar las lors leis, e non pus èstre enganats per vièlhs imperialismes (franceses o russes) que destrusíscan l'umanitat e la diversitat de pensar, amai de la democracia europèa ?
Al vòstre avejaire, quand Daesh destrusirà lo regime de Damasc, lo dictator anirà jaire, ont ?

Comprenètz perqué l'OTAN rassegura los Estat novèls Baltas ? Perqué cal l'independéncia de Catalonha ? perqué lo «dreit de decidir» en patz es l'avenidor d'Euròpa ? Perqué lo combat catalan es universal e utile per Euròpa e per la patz sul continent. Es per combatre las idèas jacobina, bonapartista, borbonica, centralizatriça, antidemocratica, ortodòxa e russa, per favorizar l'avejaire dels pòbles contra las tecnocracias de las etnias expansionistas europèas.

Charte Européenne des Langues Minoritaires

Pareis que los socialistes la vòlon enfin ratificar, paries que cal perdre son temps a far pression per l'aver ratificada. 
E vaquí lo messatge qu'arriba anuèch sul tèma :
 Lo govèrn es sul punt de ratificar la Carta Europèa de las lengas ... aquí lo ligam.... en ajustar una interpretacion (NDLR, parlamentària francesa) imposant lo francés e donc anar a l'encontre de l'esperit de la Carta qu'ajuda a emplegar d'autras lengas : «(lo) francés s'imposa a las personas moralas de dreit public et a las personas de dreit privat dins l'exercice d'una mission de service public, parier qu'als usançièrs dins als realcions ambe l'administracion e services publics»
Anuèch s'o volètz podètz èstre maridats en catalan (coma en anglés o en alemand se l'oficièr de l'Estat civil (francés) n'es capable e ambe l'ajuda d'un traductor) mas ambe aquela novèla disposicion, serà la acabat.
L'art (NDLR francés) de far l'oposat de l'objectiu aficat.

Aquò me recordi 1992, quand lo parlament francés en nom del deputat local me mandava una lei per las lengas, magnifica lei, recebut en mai 1992, en junh 1992, lo meteis deputat socialista votava l'article 2 de la constitucion parisenca «le français est la langue de la république», article qu'oficializa per escrit lo netejament lingüistic practicat e que fins ara èra aps dins la constitucion, e transforma aital la constitution «universala» francesa, en constitucion etnica ; son los socialistas que o faguèron, los socialistas occitans atanben !

Quí a dit que caliá far fisença a l'Estat francés per votar las lei ? Lo 22 de setembre de 1792, la borgesiá occitana abandona a Paris, a Pau (Reialme de navarra) e Avinhon (Comtat Venaissin), la fabricacion del dreit als Parisencs, o afidat del regime dels jacobins, aqueles que agradan a un Jean-Luc Mélenchon, jean-Pierre Chevènement, Marie-France Verny, e al final als amics de la FELCO, lo Partit Occitan que dins lo meteis vam nos demanda de nos aucupar a cridar per aver aquela ratificacion, o manifestar a Montpelhièr a la fin de l'annada.

Podèm escriure que lo sistèma politic francés es pervèrs, veire mai ? 

Podèm pensar que la fabricacion de las lei, car sèm tanben alfabetizats, se deuriá unicament far en Occitània per totes los territòris que i vívon populacions o ciutadans que parlan la lenga occitana ?
Podèm pensar que cada vagada que Paris pensa a nosautres, es sistematicament un encuolatge de mosca, veire en fumada politica ? Que cal pensar de los que creson encara al sistèma legal francés ? A sa supausada democracia ?
 

dilluns, d’agost 24, 2015

Ucraïna, lo jorn de l'independéncia

Anuèch, avèm lo jorn de l'independéncia de l'Estat d'Ucraïna ; e ne soi plan content d'o poder commemorar, malgrat la guèrra que Rússia* li pòrta sul costat Èst d'Ucraïna e en Crimèa. Mantunes jorns abans, Marie-France Garaud, granda elegia del nacionalisme francés, del replegament francés, anti-europeana vertadièra, explicava sus fRance CULture que Putin -lo regime rus actual- a ambe rason annexar Crimèa perqué «Crimèa es estada sempre russa». Se la frasa èra estada «Algèria es sempre estada francesa», serián en 1960, ambe coma ministre francés a l'interior un certan François Mitterrand, per l'interior de l'impèri que passa l'aiga blava nòstra, que passa lo «plein sud» coma díson los militants FM-BM en Provença, per las #regionales2015.
Per èstre clar, Crimèa es un territòri de l'ancian impèri turc, coma l'èra Algèria abans 1830. E coma l'a poscut escriure un istorian francés, Rússia es tanben un sistèma politic autanplan imperialista que lo francés. Aital Crimèa es estada annexada per Rússia al moment de la sortida de l'impèri otoman. La sortida l'an ajudada d'autres imperialistas britanic e francés, en aflaquir l'impèri turc. L'impèri turc aflaquit a fabricat un genocidi armenian, per non acabar e per pensar ne far parier anuèch contra los partesans de la pluralitat politica dins la Turquia de 2015. Marie-France Garaud es d'aquel camp politica, la violéncia d'una minoritat nacionalista, d'expansion violenta.

De l'impèri turc i son damorat, en Crimèa, una populacion que los regimes sovietic e rus an assajat de deportar, los Tàtars (i a mantunes sites Intenret per explicar çò que se debana ara en Crimèa annexada per Rússia (e coma occitan podèm pas oblidar que lo regime qu'agrada a Marie-France Garaud, lo regime de napoleon III a tanben aprèp Argèria, annexat Savòia e Niça ambe referèndum autanpauc democratic que lo referèndum de Putin) ; aquel pòble Tàtar sembla pas èstre conegut per la sapiença nacionalista francesa, coma o èra pas las populacions del Magreb (musulmana, cristiana o joisiva) ; es aquel nacionalisme que pensa que sa pensada es la melhora per l'Union Europèa, non pas per la fortificar la patz en Euròpa, mas per la destrusir per contunhar las estupidas guèrras que los pòbles europèus an suportat ambe l'expansionisme ontologic francés, ajudat pels russes o angleses...

Nos cal recordar qu'après la guèrra de 1939/45, se parlèt d'una intangibilitat de las frontièras sul continent europèu, per evitar las guèrras etnicas, lingüisticas o religiosas ; l'afar Iogoslava debutèt lo problèma e la Rússia del regime expansionista n'a près arguments diplomatics e politics (es aisit d'èstre contra un pòble qu'a pas d'organizacion administrativa ontologica, pas d'Estat). Es per aquesta rason que la situacion intenacionala de Catalonha serà talament aisida, e interessanta per tot desvolopament d'una Euròpa de patz, mas totes los poders madrilencs sembla a las idèas d'una Marie-Frnace Garaud. Es aprèp München, 1936 que lo pacifisme europèu a daissat invadir la partida alemanda de la Tchecoslovàquia (es de dire ont se parlava alemand), e donc en granda partida la Tchequia actuala. Marie-France Garaud es del camp de los que daissaràn un novèl Hitler fabricar un novèl impèri etnic sul continent europèu, al XXIen sègle. Son d'aqueles nacionalistas que refúsan un dreit per las minoritats lingüisticas, son pel netejament lingüistic, coma Hitler èra pel netejament de la societat ambe las règlas del blanc alemand que governa e que decidís quina umanitat es bona o pas ; aital los josius, gais, rròms, comunistas èran pas del bon costat de la barca nazi.

Marie-France Garaud es d'aquel bòrd politic, lo netejament etnic. Marie-France Garaud es del camp de los que fan la promocion de Maurice Barrès a Cogolin, en Provença.

La guèrra que se debana en Euròpa actualament, e qu'es manipulada per una màfia politica russa afidada al regime ortodòxe moscovit, teocracia politica, agrada a Marie-France Garaud ; Mazarin o Richeliue devon èstre grands amics d'aquel nacionalisme francés ; e las idèas de Marie-France Garaud en Euròpa, non son solucions, son lo problèma europèu d'anuèch, e donc coma se vòl una votz rasonabla de fRança, cal dire que la votz de Marie-France Garaud es la votz dangierosa de fRança en Euròpa.
Es pietadós de pensar que sa revendicacion del gaulisme istoric, l'etiqueta que se dona, fosquèsse encara e encara acceptada per las redaccions parisencas sense poder li donar una responsa fòrta : «escotat Garaud sètz del bòrd politic d'Hitler e vos n'en rendètz pas compte».

Donc es ambe plaser qu'anuèch festejarai la democracia e l'independéncia ambe l'intengibilitat de las frontièras d'Ucraïna.

diumenge, d’agost 23, 2015

Militants ecologistas e lo baston d'Alternatiba

Per un relai ideologic Alternatiba a mestièr del baston coma en Atletisme, transmetre, lo problèma es que lo baston correcte en partent d'Iparralde se transformèt baston d'ideologia francesa aprèp la sortida de fRança ! Per far avançar l'ase cal un baston, mas cal verificar lo contengut de l'ideologia d'aquel baston ... Çò que faguèri dimenge passat, en demandar «l'occitan sus la pancarda, e donc TOLOSA, notat». O fariái per tot grope d'ideologia diferenta d'aquela.

La semantica es ecologista e PUNT per Alternatiba en fRança, passar l'Adorn, lo discors es pas estat transmetut sancièr, e o serà jamai pels ecologistas de fRança qu'aital fan pròva de nacionalisme lingüistic francés, una vergonha que frena lo desvolopament de l'idèa d'una ecologia per totes/as, totes los ciutadans e totas las ciutadanas d'Occitània.
Aqueste dimenge ai encontrat militants ecologistas d'Alternatiba ; lor auriá pas degut parlar e filar a l'anglesa, non pas coma aquel occitan anglofòne qu'es devengut un eròi, soi damorat e ai volgut explicar lo messatge d'emplec de l'occitan, en public, mas un messatge occitanista segur que non pas ; ai donc près aquesta fòto, abans la tempèsta ideologica Alternatiba Toulouse :
Soi sempre estat del costat de BIZI qu'a lançat l'iniciativa en Iparralde, e aquò foncionava plan ; mas l'exportacion fòra Iparralde, en mesclar ecologisme ponchut e l'ignorança francesa fabrica un sistèma ideologic qu'oblida la filosofia d'Alternatiba en Iparralde ; soi pas segur tanpauc qu'un sol militant d'«Alternatiba Toulouse» posquèssen saber çò qu'es Iparralde !

Dinc èran sul mercat de Sant Albin, dimenge, coma faguèron sus mantunes mercats de l'Estat centralista francés ; un Estat que BIZI a la costuma de trabalhar politicament en Iparralde sus basa que son pas regionalistas.

Donc, en plan de fisença, en la transmission del messatge politic conegut, ai agut un comentari sus la pancarda qu'oblida l'occitan, e lor ai parlat (error!) ; es una causa qu'ai remarcada al fial del camin d'Alternatiba en fRança, s'oblida las lengas de fRança, e donc la fusion qu'a permetut de bastir un discors coërent en Iparralde, o «Pays Basque français» pels ignorants de l'Alternatiba de «Toulouse» ; aquel comentari èri simplament «fauta Tolosa en Occitan», sul pic una femna del grope (presenta sus la fòto) arriba ambe lo discors maurrassian de «çò que me gèina ambe l'occitan es qu'oblidan lo provençal, e lo provençal es pas d'occitan» ; aital podèm reconéisser clarament l'ignorança francesa, e lo discors de l'extrèma-provencalisme de tipe Coulectiéu Prouvenço.

Donc aiçò que me sembla un discors d'ignorança, l'es de vertat, en descalatge sancièr de la reala Alternatiba qu'ai seguit dempuèi la debuta, m'enràbia. Donc un membre autre del grope (sus la fòto sempre), assaja de me sortir del luòc public perqué «derengavi» ; son pas monde grandament democratas, en tot cas aquel e aquela de «l'occitan es pas de provençal». Per astre, un autre membre (sus la fòto sempre), qu'es immigrat del nòrd, es vengut me sosténer ! La paradòxa es que los Occitans m'an castigat coma l'extrèma-dreita o fariá (!), e un immigrat francés a Tolosa es vengut m'invitar a las jornadas per «far ausir l'occitan».

Tanben, se me conselhèt de venir convéncer que l'ignorança francesa amagava lo subjecte del contengut del messatge d'Alternatiba Iparralde, en reünion privada, a l'escondut : l'occitan es presat, mas a l'escondut … coma l'extrèma-esquèrra de Jean-Luc Mélenchon nos l'explica. «mas que fasiatz quand i aviá de reünion d'Alternatiba?» Es un biais de dire, aquí en public, acceptèm sonque un discors, lo nòstre, pas de debat, «vos pregam de partir ! », sus una plaça publica, alara vos podètz imaginar quand seràn al poder !

Avèm discutit sus lo biais d'esciure Alternatiba en occitan, «es pas grèu de l'aver en basco» ai respondut ; mas lo problèma es d'aver sonque marcat «Toulouse» devath, aiçò lo gente militant a pas comprès tanpauc.

Ai refusat la genta convidacion a las jornadas de setembre : soi pas l'indigène que parla la lenga d'aquí, soi pas l'occitan que se sortís per explicar que lo discors d'«Alternatiba Toulouse» es coërent. Es pas coërent parier qu'aquel d'Alternatiba Iparralde. Detalh, al moment de la manifestacion pel departament Pays-Basque, se me preguèt d'anar parlar sus l'empont, coma representant d'Unitat d'Òc, e «sobretot pas en francés !», dixit Jakez Abeberry, cap redactor d'ENBATA.

Per clavar, farai tot mon possible de pregar qu'Alternatiba damorèsse en Iparralde. Per rason d'eficacetat politica, de civisme, de civilitat en Occitània, e de non amalgame ambe lo nacionalisme francés qu'es prigondament enraiçinat dins l'ignorança francesa, e sobretot en Occitània.

-°-
Per clavar vòli felicitar aquel occitan anglofòne qu'es estat un eròi dins un Thalys entre Amsterdam e Paris, atudat dins la vila d'Arras en Picardia.

Maurice Barrès a l'aunor = agression politica

Maurice Barrès es lo grand amic de Jean-Luc Mélenchon, la Terreur li agrada an-aquel arganhòl del nacionalisme francés (subjecte jà tractat sus aquel blòg) ; mas dins lo nacionalisme francés coma dins los espectres politics d'una nacion, i a de tot, de tot de l'extrèma-dreita a l'extrèma-esquèrra, pauc son pas nacionalistas franceses e manipulats per l'istòria santas qu'an engolit dins las santas escòlas republicanas que mesclavan alfabetizacion e francizacion, mas ambe una dòsi de manipulacion istorica per far engolir pro plan lo tot ; dins aquel camp de la negacion dels malvenguts d'aquel nacionalisme, i a Maurice Barrès ; es segurament perqué l'elegit recent de la comuna de Cogolin lo vòl commemorar a la dimension del nacionalisme francés, per nommar una plaça de parcatge, en granda fèsta expansionista, dins l'Èst d'Occitània, en Provença.
Cal notar que la populacion de la comuna a causit coma camp politic per la gestion de la comuna, lo camp de la dreita nacionalista francesa, aquela entre lo blau marina e lo blau de l'Oèst parisenc ; lo blau estent la color favorida dels Provençals dempuèi que René Ier a eiretat de Provença, e qu'a aital importat la famosa bandièra blava e las idèas francesas a l'Èst de Ròse dins l'impèri germanic. L'invasion a l'Èst (per rapòrt a París) farà aital sa debuta istorica francesa, puèi vendrà Lorrena, Borgonha, Francha-e Comtea, e Alsàcia ; l'expansionisme francés es pas etnic quitament se o revendícan, mas es l'expansion d'una zòna fiscala per engraissar las caissas traucadas (sempre) de l'Estat jacobin francés.

Donc a Cogolin, i a una polemica que nais, e que malastrosament florís pas dins los mèdias en lenga francesa; nimai occitana ; e simbolicament farà mens de bruch qu'una polemica parisenca sul tèma d'una guèrra entre associacion de ciutadans musulmans e los elegits blau-marinièrs que vòlon installar un comissariat municipal ; la justícia es requisicionada per aquel afar religiosa e politica.
Cal notar que lo jornal aviá enterrat l'afar, car titola : «la polemica tòrna» ; e ajustarèm qu'aquela polemica interessa pas los mèdias autres, perqué sembla pro complicat d'explicar del punt de vista nacionalista francés, es pro complicat d'explicar l'engana de La Terreur per fRança.

Vos brembatz la polemica engimbrada pel Jean-Luc Mélenchon quora un jòc american per Internet, ajudat per un especialista d'istòria d'aqueles tempses, fabrica un jòc e classifica las guèrra de Vendèa de genocidi francés ; Jean-Luc Mélenchon èra sus l'empont de la polemica ; e coma Jean-Luc Mélenchon es d'accòrd ambe l'idèa FN-BM d'installar una plaça que valoriza Maurice Barrès, non i a agut de polemica dins los mèdias parisencs, ni tanpauc dins lo fialat dels militants occitanistas, çaquelà ! Jà pro plan pastats pels plasers politics qu'an portat la Révolution Française, aquò se sona manipulacion ideologica de las universitats francesas en Occitània.

Mas a Cogolin, i son vertadièrs istorians çaquelà, e qu'an pas oblidat l'istòria d'aquel personatge dangierós per la democracia en fRança, e encara mai en Occitània de l'Èst o Provença. O podrètz legir dins una debuta de traduccion de la letra als elegits de Cogolin.

Alara coma la polemica se sembla èstre arrestada al Ròse, quitament dins lo mitan antifascista d'Occitània ; me sembla important de donar la debuta de la traduccion de la letra dels istorians, letra adreiçada al cònsol de Cogolin, representant elegit de tota la populacion (rapèl istoric, lo partit Nazi èra tanben representant de tota la populacion, ambe 30% de vòts - cal castigar lo sistèma politic europèu que pensa majoritat = unicitat de l'accion politica de los qu'an ganhat l'eleccion, simbolizat pel Napoleon local - aquò se sona bonapartisme), e tanben al seu conselh municipal qu'a votat per aiçò commemorar, cridar (puslèu) lo nacionalisme francés que mata l'Èst d'Occitània, especialament Provença, aquí.
E se ne volètz saber mai, lo punt de vista dels amics de Jean-Marie Le Pen, sempre a costat d'el per l'afar estiuenc qu'a passionat los mèdias parisencs, lo divòrsi de familha Le Pen, Marine contra Jean-Marie, lo sant òme del nacionalisme de Lyon, Bruno Gollnisch  vos la dona clara : «en defendre pas Barrès setz devengut falord», l'informacion nos arriba d'un ciutadan de Lyon que dèu saber pro plan l'istòria de la guèrra de 14/18 e del racisme contra los Provençals, vist qu'a degut èstre tradusit en japonés :
O podètz signar la peticion en linha aquesta, que sembla çaquelà clavada, ambe sonque 126 ciutadans qu'an signat ; anar veire l'observatòri de las «comunas FN» (devath lo principi republican francés que lo que ganha l'eleccion es un òme pas un grope de ciutadans) ; O sus Place Publique (en francés e non pas en provençal), "collectiu dels ciutadans de Cogolin", podètz anar veire l'actualitat d'aiçò.