Puigdemont a la VRT television belga, entrevista utila en fRança

Cap mèdia francés es estat capable de far melhor que VRT e CatRàdio aqueste maitin. E o farà pas jamai.

Ligam

Es aquel tipe de television que nos fau per Occitània, una libertat d'expression que passa pas per Paris. 

Felicitacions a la VRT News d'aver prepausat aquel programa excepcional. 

Mentre que l'UNION EUROPÈU defensa los Estats contra los ciutadans, un economista grèc prepausa un autre projecte politic per l'Union Europèu sus Catalunya Ràdio, aquí tanben un trabalh remirable.

Ligam 

Lo grèc e economista Danis Varofakis respond a las questions del « Matí de Catalunya Ràdio », e prepausa aquel projecte inovador d'una Union Europèa democratica. Nos fauta. 

Se manifesta per gotetas de programas en occitan sus la television de l'Estat francés, Tolosa ièr :

 S'i manifesta e l'occitanisme letrat es absent ! Quin moment pietadós.

Vos confirmi que soi a pensar tanben sus mèdias en lenga occitana amb tribuna que fau escotar de temps en temps :  Ligam de Ràdio Lenga d'Òc

Lista dels presonièrs politics en Espanha

Al meteis temps aprenèm que lo govèrn espanhòl es un govèrn de truands en e de la politica, e aiçò l'a censurat la television RTVE, òrdre d'amontaut, per non pas marcar la realitat d'Espanha, una dictatura de truands.

L'ALDE Group al Parlament de Brussels non a vergonha de sosténer aquel govèrn PP-PSoE-C's

Lo PS europèu del Parlament de Brussels non a vergonha de sosténer aquel govèrn PP-PSoE-C's

L'Union Europèa critica Turquia e jamai Espanha, la polida paraula europèa es clarament destrusida.

ETA aviá rason, lo franquisme es encara viu a Madrid.

Amb aquel bilhet mandi tanben la sampièrne vergonha als elegits d'Occitània que pel moment se son calat sul tèma. Especialament Carole Delga e Alain Rousset, Jean-Luc Moudenc, Philipe Saura, Alain Juppé, Jean-Luc Gaudin, Christian Estrosi, Jean-Michel Lattes, etc.

E mandi aquí : tota la meuna solidaritat pel govèrn catalan en preson o / e en exili anuèch.

compassion e simpatia ; illusions democraticas d'Espanha

Avèm tanben l'illusion democratica de l'Union Europèa.... solidari ambe un Espanha imperialista e preste de tot sacrific per la « Unión de la Hispañidad », e totes los mejans son bons.

La FSU sindicat francés de l'ensenhament d'Estat, capita d'aver aquela pausicion: (illustracion junta) lo Partido Popular deuriá apreciar, enfin benlèu ... Car dialogar seriá la reala semantica costumièra del MariaNONONONONONO Rajoy ? La realitat espanhòla es luènh d'èstre la francesa. Encara que ... a còps, fòra d'un Michel Rocard, podrèm dobtar del jacobinisme francés e sas capatitats democraticas, o de sas capacitats de monejar lo modèl franquista.

 La solucion politica en fRança es lo dialògue, modèl Michel Rocard o la guèrra d'Argèria modèl esquèrra d'aprèp guèrra, ministre interior François Mitterrand ; mas la realitat espanhòla es la vision franquista de l'Estat, lèunh de la basa democratica que faguèt dintrar lo Reialme d'Espanha dedins l'Union Europèa, bravament luènh.

Ara fau dire que l'Union Europèa determina clarament una Union d'Estats imperialistas e d'unas administracions que son seguras, autosufisentas, d'aver lo sosten dels pòbles, al mens los que son pron plan avuglats e sense cap vision critica del sistèma sancièr.

Ai mandat aquel corrièl (que tot ciutadan europèu pòt mandar, e dèu mandar, sens eesperar qu'une simplassa compabilitat de las letras de protestacion recebludas, seràn dins la foncion del foncionari eurpèu modèl jacobin ) :

Ai tanben mandat cartas postalas de protestacion (destinacion, gropes parlamentaris a Estrasborg, ecologistas, esquèrra unida, PSE, ALDE), de vergonha democratica, aital : 

Vos doni aquí la letra (en catalan e superficiala al possible) qu'ai recebut dels avuglats foncionaris de l'Union Europèa (ai protestat).

Benvolgut Sr. / Benvolguda Sra.:
La Unitat de Sol·licitudsd’Informació dels Ciutadans del Parlament Europeu ha rebut el seu correu.
Li fem avinent que aquesta Unitat és un servei administratiu que té com a funció oferir als ciutadans informació sobre l’estructura, les competències i les activitats de la nostra institució. La Unitat no està habilitada per a adoptar posicions polítiques ni per a participar en debats sobre qüestions d’actualitat, prerrogatives que corresponen als diputats al Parlament Europeu.
Posem en el seu coneixement que, el dimecres 4 d’octubre, els diputats al Parlament Europeu van participar en un debat [ndlr : un debat de mèrda] amb la Comissió Europea sobre «Constitució, Estat de dret i drets fonamentals a Espanya a la vista dels esdeveniments a Catalunya».
Pot veure el debat complet celebrat en el plenari del Parlament Europeu a la secció «EPTV» de la pàgina web d’aquesta Institució.
En la seva declaració en la cloenda del debat, [ declaracion de mèrda foncion dels elements portats al debat ] el President del Parlament Europeu, Antonio Tajani, va pronunciar les paraules següents:
«Agraeixo la Comissió Europea, guardiana dels tractats, la clara posició que ha expressat en el plenari.
A la llum del debat que acaba de tenir lloc i com a síntesi de la posició expressada per la majoria del Parlament, vull destacar alguns elements fonamentals:
Tal com ens ensenya la història de la Unió Europea, en democràcia, l’únic camí és treballar junts a favor de la concòrdia i la unitat.
A ningú li han agradat els esdeveniments del diumenge, però les decisions unilaterals, inclosa la proclamació d’independència respecte a un Estat sobirà, no tan sols són contràries a l’ordenament jurídic europeu, sinó que, a més, estan destinades a provocar divisions perilloses.
D’aquest Parlament en surt una crida forta a favor d’una reflexió serena i profunda que afavoreixi el diàleg amb Espanya respectant el seu marc constitucional, inclòs l’Estatut d’Autonomia de Catalunya, i que torni la política a les institucions.»
D’altra banda, el dilluns 2 d’octubre, la Comissió Europea va fer una declaració sobre els esdeveniments a Catalunya que pot consultar en aquesta pàgina web.
Li agraïmque s’hagi posat en contacte amb el Parlament Europeu [ traduccion en occitan : vesètz que sèm encara utile !].
Ben atentament,
Unitat de Sol·licituds d'Informació dels Ciutadans
www.europarl.europa.eu/askEP

Es una causa qu'estranha dedins l'Estat francés (una responsa estupida mas es una responsa), puèi tanben estranha aquela fauta de convergéncia democratica que -vist de fRança- son supausats èstre de las doás bandas, alara que de facto (en sapient pron plan los dorsiers) es sonque la partida espanhòla que fauta de dialògue dins aquel esjòc politic, e la partida espanhòla èra sobrerepresetada al Parlament Europèu, e la partida democrata ges representada normalament, per donar punt a punt los arguments catalans per èstre mai democratas qu'Espanha.

Catalonha / Espanha : dialogar mas amb qui

Ambe qui dialogar ? 

A Palma de Mallorca es l'extrèma-dreita espanhòla - donc una partida del Partido Popular - que lo « dialògue » debuta :

ligam

 

Al debat minable del Parlament Europèu, al final èra : dialogar ; mas ambe quí ? Lo dialògue  es pas una causa del moment que fau cridar, o escriure coma o faguèt lo jornal La Croix abans-ièr (Benlèu que La Croix crei que l'arribada dels curats per dialogar serà un succès pel Vatican !) ; lo dialògue amb Espanha es IMPOSSIBLE. Es causa de pas aver assajat pendent 40 ans, es causa que tot catalan sap que s'acabar per èstre lo perdent.

Car lo dialògue es lo « café para todos » e al final son los Catalans que pagan lo café a Madrid, Madrid qu'oblida grandament la reparticion, la solidaritat ambe las autras regions d'Espanha ; lo dialògue es impossible PUNT.

E per la paur engimbrada per la novèla dels siètis bancaris que s'en van de Catalonha, es una bona novèla pels concurrents, JP Morgan o Barclays, BNP-Paribas o Crédit Agricole, D-Bank o Crédit Suisse an un mercat aisit aquí.

Acabi de mandar a quatre gropes parlamentaris europèus, la carta postala aquesta :

Ai escotat lo « debat » per castigar los ciutadans de Catalonha al Parlament Europèu, èra una vergonha, coma un debat qu'a mai de 14 ans de retard, 14 ans de fautas d'informacion sus la situacion en Catalonha o la gestion PP-PSOE d'Espanha.

Aquel debat del Parlament Europèu èra l'inici de la fin de l'Union Europèa democratica.

Dialogar ambe quí, en Espanha ? Segurament per ambe lo modèl de fascisme jornalistic de l'ambassador d'Espanha a Paris, que en directe sus fRance CULture a provat que podiá tornar lo caudillo que fauta a la « democracia » espanhòla.

Quand la "Commission Européenne" ajuda la repression contra un pòble

Dins una conferéncia de premsa, lo pòrta-paraula de la Comission Europèa nos explica e confirma una causa que sabiam, l''Union Europèa es pas causa ciutadana, dels pòbles d'Euròpa, mas un sistèma per ajudar una oligarquia de damorar al poder.

E aiçò val per l'UE, coma per fRança e Espanha ... Fintatz lo ligam ont la vídeo es presentada sancièra.

Al meteis moment, la propaganda del Parlament Europèu (en anglés per la còlha francesa, en novèla patois parisenc, la lenga del #Brexit) arriba per nos explicar que son democratas, e que fan lo « International Day of democracy » en ajudar a barrar site Internet d'expression de las populacions catalanas, e ajudar los poders madrilencs a interdire un referèndum d'autodeterminacion : i a melhor mejan pel jorn de la democracia, non ? Las realitats son diferentas en viu !

Aquel promocion de la democracia en anglés, dins un país que refusa a las lengas de fRança la mendra vida oficiala, e quitament que parla ambe la lenga del #brexiters ; sabèm que l'article 2 de la constitucion èra utile per castigar l'occitan, e non pas l'anglés coma o diguèran a l'Assemblée dita Nationale al moment de la votacion. Sabèm que lo sistèma jacobin es un sistèma de repression, coma l'Espanha ; mas ara sabèm ambe lo sosten que mandan a Madrid, qu'es realament de repression.

Quí castigarà la Comission Europèa quand la majoritat del Parlament Europèu ajuda los amics de la corrupcion espanhòla d'èstre membre de la comission, los amics dels amics del Partido Popular son antanplan corruptes a Madrid qu'a Bruxelles ?

Coma l'explica Daniel Cohn-Bendit Catalonha pausa un real problèma a l'Union Europèa (France Inter aqueste maitin), mas lo problèma es pas CATALANS es puslèu de la casta o oligarquia al poder dedins l'Union Europèa, los amics del Partido Popular son vomitius, dedins l'Union Europèa coma fòra.

Aquel bilhet qu'ai escrit aqueste maitin, sense legir la premsa francesa, es donc completat per : Avenidor de l'Union Europèa se jòga en Catalonha

La majoritat JC Junker (sempre muda) podiá amagar fins ara que l'oligarquia europeïsta tripatouillait amb allegria la democracia, mas ara es concret. es un cas d'Escòla de sciéncias politicas, la democracia contra la repression, Catalonha contra Espanha.

 

Campanha pel referèndum en Catalonha

Lo punt de vista de los qu'an cambiat d'avejaire encontra Espanha (la post-franquista), me sembla plan interessant d'aver al cap, sobretot pels jornalistas franceses que ... semblan grandament perturbats (e amb pauc de vision istorica dels eveniments) car sempre son jacobins e centralistas sense se mainar ! Mèstre Jourdain fasiá pròsas sense saber... explica Molière.

L'objectiu de l'independéncia es « GOVERNAR BIÉN » Catalonha ! 

Es un objectiu que nos fauta en Occitània, car los jacobins, reialistas o republicans, son sempre a badar la santa capitala per la copitar (RER per ligar la linha 3 de mètro a l'aeropòrt) e quitament per pagar al luòc de l'Estat (pagar la LGV entre Tours e Bordèu sense aver l'assegurança d'aver Tolosa-Bordèu), e quitament en copiar per corrupcion en ajudar las entrepresas de La Défense d'èstre sul mercat occitan [etc.], a l'exemple de Jean-luc Moudenc (Les Républicains, dreita expansionista francesa, e dins lo cas, superafionat al reialisme borbonic) a Tolosa.

GOVERNAR PLAN es l'objectiu de la democracia.

Donc fan campanha pel SI, mas oblidètz pas es tanben un ÒC ben gròs sus las camiseta de l'ANC per finançar las manifestacions del 11 de setembre, camiseta fabricada en Catalonha ! 

Nosauts tanben necessitèm Catalonha coma Estat, perqué Occitània es submetuda a la pensada jacobina, e lo personal politic es aquí per imposar al pòble (dels ciutadans) d'Occitània, la vision parisenc per melhor pagar lo centralisme, sa logistica e sos mèdias, e lo ben-Estat dels Parisencs, per pagar aquel regionalisme d'expansion parisenca que còsta a la democracia coma l'Espanhòl de Castilha còsta a Catalonha.

En Aran tanben auràn de votar ÒC o NON ... es democracia ! Aquela que los Espanhòls, o collabò an assimilat, e que de cap manièra vòlon. Totes los mejans, modèl franquistas, son alara bons per destrusir la consultacion.

Aquelas eleccions semblan « la croisière s'amuse » un programa vièlh que se debanava sus un batèu, Warner Bros programa Llooney qu'es pintrat suls batèus de la guardia civil espanhòla suls pòrts de Barcelona e Tarragona ; avèm donc una armada ineriora contra lo pòble dels ciutadans democratas (en Catalonha), l'armada franquista contra los pòbles de « España UNIDA Y GRANDE » coma l'estímava Franco, Primo de Ribera, una granda istòria de sobmission castilhana en Espanha, la renda contra lo trabalh (veire documental en seguida).

 E i a sempre coma en 1939, la collaboracion per damorar sobmesses...Los Philippe Pétain catalans son nombroses, mas son pas lo pòble de Catalonha, son l'engana espanhòla, lo NO que non que non fa campanha electorala quand l'eleccion, la consultacion, lo referèndum, li agrada pas.

Catalonha : perqué ? Las rasons economicas en vídeo, essencialas

Es non pas simplament una acarament entre Espanha e Catalonha, es un acarament de dos sistèmas economics : 1 / Espanha, la renda del mercat-Estat-nacion imperialista espanhòl (los jacobins an La défense), contra lo punt 2 / Catalonha, la vision economica de las PME-TPE sul mercat mondial (Occitània a res d'aiçò!).

Sèm al delai de l'acarament dels conceptes de democracia d'Estat (violent e repressiva coma sempre)  contra democracia parlamentària catalana ( representant de vertat del pòble dels ciutadans catalans).

Car es plan un pòble que vòl pus èstre al servici de la corrupcion d'Espanha, materializada pels govèrns PP, qu'an recebut sosten del PSOE, e de Ciudadanos.

Mas frena pas d'aver de l'umor en Catalonha e Espanha.

E segur Catalans e Occitans del Principat de Catalonha faràn clar la revolucion tranquilla que fautava a l'espaci occitano-catalan, ambe ginofladas.

Mas fau èstre a Vielha per defendre la democracia parlamentària catalana. Aran es donc concernit grandament, per servar l'estatut e o poder grandir. Ara es l'ora perls OCCITANS de bolegar per la democracia en Occitània (Aran e mai luènh Euròpa).

 

Per la democracia, contra lo govèrn PSOE-CIUDADANOS-PP

Votaràn : Fau veire l'aula de Tarraco a Tarragona (Tarraco es la capitala en fàcia Roma, coma Narbona, e vila de la latinitat en tèrra d'Ibèria), aula Tarraco emplenada per entendre melhor la valenta decision democratica del pòble de Catalonha, puèi escotar Carles Puigdemont sus Catalunya Ràdio, o RAC1 etc... mèdias unicament catalans, premsa unicament catalana ; la censura espanhòla fonciona grandament e SONQUE a Madrid !  (sobre RTVE per exemple, que son encara difusats per ARTE TV çaquelà, fins a quand ? O per EURONEWS dinca quand ? )

Fau notar que las indimidacions del govèrn PP-Ciudadanos-PSOE an pas ges d'efèit sus la populacion de Catalonha, ben al contrari son una ajuda per la promocion del referèndum : la paradòxa del Partido Popular es que la corrupcion e la fauta de govèrn la van pagar caríssim per l'Estat espanhòl, mas lo pòble catalan serà ENFIN liure de pensar democraticament.

La pagarà tanben Jean-Claude Junker, el qu'amenaça los Catalans de sortir de l'Union Europèa, mas qu'oblida que sa majoritat es los del #Brexit en Anglatèrra (pauròta de Teresa May), aqueles de las Casta Les Républicains (veire bilhet en seguida) e aqueles de la corrupcion Partido Popular en Espanha ; la lista es pas clavada per aver ajudar Jean-Claude Junker a arribar al poder, es pas brilhenta ; Pagarà un jorn Jean-Claude Junker per èstre tanben lo primièr desfiscalizaire luxemborgés d'Union Europèa malauta ?  Jean-Claude Junker es tot aquò, es tot a vomir sobre çò que díson « democracia europèa ».

Quand Alemanha se despertarà ? Aprèp las eleccions de setembre ? 

Catalonha en Espanha s'acaba, lo chòc es aquí

Ièr tot èra bon per frenar la votacion d'UNA MAJORITAT elegida en CATALONHA. Aital en comun se posquèt veire PSC-UA-PSOE, Partido Popular (lo grand corrupte) e Ciudadanos (la minoritat dels elegits en Catalonha) s'ajudar per frenar amb questions la votacion parlamentària per aver la LEI REFERENDÀRIA (coma en tota la democracia europèa) .

E anuèch avèm portadas de jornals espanhòls -coma o an sempre pensat - que Catalonha es pas una democracia car es pas Espanha UNA Y GRANDE ; la question es : quina dimension imperialista dèu aver la democracia per èstre democratica per Espanha ? Al moment de la fin de las dependéncias d'America del Sud s'explicava que « Cúba serà jamai independenta », etc. per la rèsta de l'imperi, el Imperio. ... la causa se faguèt similara; Espanha es orgulhosa d'aver una dimension imperiala.

I aguèt un Cop d'Estat (mancat en Espanha) mas ambe las armas ; es raríssim d'aver un còp d'Estat ambe una votacion parlamentària ; mas per l'imperialisme espanhòl, sí ! es a morir de rire s'èra pas tristàs per Espanha, d'aver estupiditats d'aquel nivèl. E per provar que Espanha es pas una democracia, ara la polícia espanhòla percaça los imprimèires eventuals en Catalonha (Principat), e se parla de blocat totes los burèus de vòts per interdire al pòble catalan d'i dintrar.

Fau tornar explicar a la premsa espanhòla que sonque en Espanha lo còp d'Estat se farga amb militars pertot, dins l'emicicle o a la television, al cap de el Imperio :

Sonque Espanha es violenta e antidemocratica, es ontologic.

La violéncia es pas encara al programa, mas la violéncia espanhòla es plan coneguda, l'an testat en Catalonha ambe la violéncia contra la votacion contra la corrída espanhòla en Catalonha, o dels tempses longs del franquisme amb enpresonaments e un final que lo dictator es mòrt in bed ; e pensatz pas que traversa pas l'idèa dels Espanhòls, son pron estupids per l'escriure sus twitter, e pel moment -ENCARA- i a bric de responsa politica al nivèl europèu.

Pel moment la premsa internacionala es de melhora qualitat que la premsa espanhòla ; e çò qu'ai entendut sus France Culture aqueste maitin es balançat, mas fauta çaquelà granda incompreneson entretenguda per assegurar a Espanha una bona qualitat de « democrata » contra la democracia catalana.

Sembla çaquelà que va cáler sortir los militars espanhòls coma quand fRança imperialista a annexat Niça, per un referèndum que sonque se presentèt lo butletin OUI per assegurar una annexion qu'es devenguda restacament amb la manipulacion de l'Istòria francesa, e del expansionisme regionalista parisenc ; èra en 1870. Aquí, anuèit al XXIen sègle, 2017 (!) lo sistèma politic corruptible espanhòl assegura una pensada franquista per imposar als Catalans la corrupcion del Partido Popular, e l'amiguisme politic del Tribunal Constitucional espanhòl.

E vos podètz imaginar que los Catalans, democrata dels grands, an tanben los uèlh capvirat del costat de las ancianas colonias d'oltra-mar espanhòla o portugesa, aital anuèch tanben al Brasil :

Fau veire la deputada que sortís las bandièras espanhòlas daissadas per lo conservatisme pòst-franquista del Parlament de Catalonha ; es la fin de Catalonha en Espanha. Puèi sortir del Parlament ajuda a la democracia ? Los collaboradors de l'espanhòlisme son sortit del Parlament per « cridar fòra al còp d'Estat », quin cinisme politic !

Lo chòc de tren vist pels catalans ! 

La vídeo que crida a la democracia farga un resumit grand de la jornada d'ièr.

Catalonha aurà un mes que prepara un referèndum que serà la finalitat de l'independéncia, Madrid o sap, tot es acabat e es la fauta de la gestion del Partido Popular, MariaNO Rajoy. Aquel arganhòl espanhòl pagarà la pèrda de Catalonha ? Una crisi politic seguirà en Espanha ? La question de l'estabilitat del regime espanhòl es realament en vista. I aurà una crisi dedins l'Union Europèa ambe una majoritat Jean-Claude Junker perduda ambe lo #Brexit, l'independéncia d'Escòcia e l'arribada d'un pòble europeïsta e independent, aquel de Catalonha ?

Alara que Catalonha anirà sul camin de las grandas democracia europèa. Serà una granda victòria del pòble de Catalonha, e dels democratas europèus.

acte antidemocratic espanhòl o l'inquisicion castilhana tòrna

Lo chòc de tren arriba entre Espanha e Catalonha, ara fau agir, EUROPÈUS !

Se podrà criticar l'oligarquia russa al poder actualament a Moscó e dins los territòris annexats de Crimèa o dins lo Donbàs d'Ucraïna, mas (ara es causa de) la dreita europèa al poder en Espanha, e que farga la majoritat a Jean-Claude Junker (cap de la comisison) es del meteis escantilh. Ara se podrà pus dire que Espanha es un Estat democratic, nimai que l'Union Europèa es un aplec d'Estats democratics se res en condamnacion ferma arriba pas de l'UE.

 

Acabi de recebre aquela informacion que segurament aurà de mal d'èstre explicada als Franceses... e quitament als Europèus. Per aver ajudar a l'installacion d'urnas (pas brica la creacion d'una milícia politica coma mantunes membres de la fondacion franco ajúdan, e qu'es subvencionada per l'Estat espanhòl), es castigar juridicament en seguir la santa constitucion pòst-franquista. 

Dimarç passat, l'Estat espanhòl a anonciat que, per aver organizat la consultacion del 9 de Novembre, li faràn pagar 5.12 milions d'€ a Artur Mas, Joana Ortega, Irèna Rigau, Fransc Homs, e encara set personas ciutadanas de Catalonha.

Se fau recordar que la sortida d'urnas, e la magnifica consultacion pacifica, es estada imposada per l'abséncia de volontat de dialògue ambe lo govèrn de MariaNO Rajoy, e l'encaboriment per installar la constitucion coma un libre sant qu'afavoriza clarament la majoritat dictatoriala elegida dels partits espanhòls, sul modèl vièlh del franquisme.

Serà aplicat lo 25 de setembre 2017, pretendon lor confiscar lo patrimòni per aver posat las urnas. 

Serà -se aquò arriba, mas jà es pron per entendre a l'anóncia- lo primièr acte juridic antidemocratic dedins l'Union Europèa occidentala. Quin govèrn europèu protesta ? Ongria ? Polònia ? Slovàquia ?

Aquel acte antidemocratic es dels partits politics següents : Partido Popular (Dreita liberala europèa), Partit Socialista (Obrièr Espanhòl, membre del PS Europèu), Ciudadanos (ALDE). 

En situacion violenta, coma son pas los Catalans, es un acte de declaracion de guèrra.

Ara, es clar : los Estats europèus an d'agir francs, las institucions europèas tanben e lo Parlament Europèu a de confirmar que Espanha es pus una democracia e que la fau expulsar de l'Union Europèa.

E l'Union Europèa, union d'Estats, aurà aital un grèu problèma amb Espanha, e pas sonque amb Polònia, Reialme-Unit (dins lo cas d'Escòcia e Irlanda del nòrd), Ongria o Slovàquia...

Lo problèma es pas simplament extèrna coma dins la guèrra que pòrta la Rússia (Estat imperialista e expansionista) contra Urcraïna (Estat independent); lo problèma es ontologic al sistèma dels Estats de l'Union Europèa. De quina manièra castigar un Estat del dedins, e que pòrta en se un vèto e amb volontat de sotmetre un pòble tot en respectar pas la Carta de 1947 de l'ONU, alara qu'es pas democratic (clar ara) ?

Se èstre tranquil es causa de la Montanha Aranesa, per la plana occitana de Garona, fau agir al nivèl europèu e al pus lèu per reglar un problèma que MariaNO Rajoy es incapable de reglar !

E çaquelà i a de qué vomir per aquelas institucions espanhòlas, sobretot quora devenir senator es simplament pagar la collaboracion aranesa, sul modèl jacobin francés pels senators dins lo damorat d'Occitània :

Lo foncionament de las institucions ditas democraticas d'Espanha, son clarament un malfoncionament generalizat.

Autra reaccion aranesa, na Mireia Boya, deputada aranesa del Parlament de Catalonha.

E çaquelà, los mèdias espanhòls son en fasa ambe Catalonha ; es la fin de l'Estat espanhòl, ligam : 

L'Union Europèa dèu ajudar per aquesta fin, e ajudar tanben per crear dos Estats : Espanha d'un costat e Catalonha de l'autre.

Responsa de la Generalitat de Catalonha en vídeo, President e Vice-President :

Èra en directe sus totes los mèdias televisuals catalans, a las 21h ! 

Ligam

Lo Parlament Europèu escriu en catalan

S'espèra encara aquò de l'Assemblée Nationale o del Sénat mas podèm pantaissar ... O podèm pantaissar que lo Conselh Regional d'Occitània fasquesse pas sonque votar per un nom en occitan e en catalan, mas qu'empleguèsse las lengas occitana e catalana. O podèm pantaissar que lo Conselh Regional de la Novèla Aquitània empleguèsse la lenga normalizada a Lemòtges -per edicte del Duc d'Aquitània- per valorizar sa politica euroregionala e europèa, podèm pantaissar. O podèm pantaissar que l'identitat d'Auvernhe tanta presada a Lyon, posquèsse un jorn passar lo amrqueting territorial e oblidèsse pas Ardècha e Droma dins l'ensemble occitan de la region de Lyon. Podèm pantaissar qu'un president de PACA passa al delai de la subvencion d'un musèu per enterrar la lenga, e empleguèsse lo provençal en tota dignitat. Çò qu'es vertat pels Conselhs Regionals es vertat pels conselhs d'aglomeracion e per las comunas. Donc quand lo Parlament Europèu saluda en catalan, dona la via de la diversitat lingüistica que fau préner, tanben per l'occitan en Occitània granda.

Ligam 

Bon fau aver d'elegits o d'elegidas que demandèssen que lo Parlament Europèu escriguèsse tanben en occitan, o en aranés ?

Sempre l'occitan serà una pietadosa e compassionala referéncia dels elegits e elegidas d'Occitània; sempre pietadós.

 

L'occitan es lenga d'aquel espaci economic, mas es plaçada sempre per compassion dins lo tirador constitucional del 75-1 de la constitucion francesa, dins lo tirator de l'enbarrament politic jacobin.

Dante Alighieri sabiá de l'occitan qu'èra la clau per despertar la lenga vulgara latina en Toscana, mas anuèit pus digun en fRança sap qu'un vers de referéncia es en lenga occitana, la lenga normalizada per rasons politicas a Lemòtges dins lo Ducat d'Aquitània, a l'egal del latin.

Joan Jaurès sabiá de l'occitan qu'èra la clau latina que nos desperta, a l'imatge d'un prèmi Nobel Frederic Mistral, 1904 jà ! Mas pus digun dels militants d'esquèrra parla d'aiçò, al contrari, a L'Union, País tolzan, l'esquèrra castiga l'unica escòla en lenga occitana, calandreta.

L'UNESCO qu'es a Paris, sap tot aquò, mas accepta de discutir d'un projecte UNESCO per Tolosa sense imposar l'occitan coma lenga de comunciacion, d'una modernitat "clau latina", e aisina per l'Union Europèa...

Rajoy contra l'inquisicion, nosauts europèus, los dinèirs ont van ?

MariaNO Rajoy es contra l'inquisicion dels ciutadans ; çò que dona coma una inqusicion es la volontat dels ciutadans de saber ont van los dinèirs de las fiscalitats, e aiçò se questiona en Espanha, mas tanben en Euròpa, car totas las fiscalitats de cadun dels membres de l'Union Europèa a consequéncias sus l'economia de cada ciutadan. Jean-Claude Junker o podrà assegurar, car en responsabilitat al Luxemborg, aurà plan obrat per aiçò.

Cridar contra l'inquisicion dels ciutadans es coma dire : "daissatz-me corrompre tranquil, mercés" dixit MariaNO Rajoy.

 

MariaNO Rajoy es pas lo modèl polonés, un pauc extremista de la dreita catolica polonesa, mas quasiment; çò d'estranh es que los politicians europèus li piquèssen pas suls dets e li diguèssen pas de se calar e de demissionar, perqué o fan pas ? La rason es simplassa : es question de la majoritat al Parlament Europèu, car sense los elegits del #Brexit, la dreita es pus majoritària per imposar lo desfiscalista luxemborgés Jean-Claude Junker al cap de la comission europèa.

La dreita europèa exista gràcia a la corrupcion del PP e l'inocentàs MariaNO Rajoy, lo grand amic d'un Nicolas Sarkozy ; pareis que sap res de res, e que la melhora defensa es l'ataca ; discors clar al Congrès espanhòl a prepaus del cas de corrupcion dit Gürtel. 

Fau oblidar que lo discors del PP, Albiol, elegit al Parlament de Catalunya, dins un programa en catalan de Catalunya Ràdio, es similar al discors d'Éric Ciotti a Niça ? 

Me sembla important de veire que l'Union Europèa la fabrica la dreita del Parlament Europèu, mas contra la diversitat europèa.

Mare aux Canards Espanha França

Se dís sovent a l'Estat francés que sèm un Estat-nacion, ieu vos o disi, es primièr un mercat-Estat-nacion, un mercat pels amics del rei, en primièr, puèi pels amics que fan la fisclaitat decentralizada pel monarc borbon.

Se nos explica que la dita "révolution française" a cambiat las causas ; fau dobtar grandament, lo cambiament clar es la centralizacion de las fiscalitats e donc la creacion d'un mercat central que totas las decision se fan al govèrn o a La Défense (ara). La moneda es lo « nerf de la guerre » s'explica en francés.

Lo jornal Le Canard Enchaîné parla de Le Château per situar lo poder jacobin a Paris ; en Catalonha, los militants republicans, independentistas, parlan de La Caverna per nomma lo poder pòst-franquista que supòrta en 2017. 

Es que val melhor Lo Castelon o La Caunassa ?  L'un e l'autre an un còst pels mercat-Estat-nacion d'una granda dimension financièra, mas pas sonque ; e los ciutadans damòran muts sul tèma.

Vau èstrre pressimista, un mercat-Estat-nacion qu'es mal contra-rotlat pels ciutadans fabrica unas corrupcions; aital Catalonha es una sorga de finançament per l'Estat centralista espanhòl, e dins AIRBUS defence lo PP a causit luòcs de produccion espanhòla que vòtan PP.... corrupcion ? o logica economica de desvolopament centralizat ? Desvirament de la democracia ?

Avèm tanben la mapa de las corrupcions Partido Popular (per la granda majoritat) en Espanha :

Fau tornar dire que lo comisari de l'ecologia europèa es un ancian petrolièr espanhòl e ministre de Madrid ? Gràcia a la majoritat del Parlament Europèu, e dels grands elegits europèus... 

Dins tota l'Union Europèa, l'enèrgia solara installada suls teulats privats, en Espanha es interdita e lo monopòl de produccion d'electricitat es de l'Estat, confina ambe la preséncia d'ancians elegits del PP-PSOE al cap de las companhiás d'electricitat "espanhòla"... La corrupcion es constitucionala en Espanha.

Quora l'Union Europèa a un projecte de linha ferrada entre Hamborg e lo Marròc, passa per la còsta catalana, mas per Madrid dèu passar per Madrid e Aragon... Corrupcion o centralisme forçat ? Qui ganha a Madrid que la linha costarà 200 km de mai ?

De mai la constitucion es sanctificada per un Tribunal Constitucional que lo monopòl de las designacions es del govèrn central, donc majoritariament del PP-PSOE.

Lo document del Canard Enchaîné se question sul govèrn de LERM-Emmanuel-Macron.... e amb rason ; sembla al govèrn PP-PSOE-Ciudadanos de Madrid [PP-PSOE-Ciudadanos + del pòst-franquisme = LERM-LR-PSF-PRG + del pòst-petainisme, estranh non ? ] ; es pas brilhent per la clartat politica....

Lo modèl LERM es lo modèl de quin Estat ? Espanha ? Lo Canard Enchaïné explica que òc.... la consequéncia clara per Espanha es una migracion dels joves cap a l'Euròpa del nòrd ; sembla èstre lo projecte de LERM-Emmanuel-Macron, lo mercat dèu tot reglar ... e las populacions jovas reglaràn lo problèma ambe lo pès, en migrar.  Un projecte LERM ? + la corrupcion d'una casta novèla ?

E la realitat economica d'Espanha es aquela : 

Lo liberalisme cava los deficits ; Keynes aviá rason. L'Estat qu'abandona la gestion al mercat, es un Estat acabat.

Notatz que lo BREXIT debuta l'inquietud dels joves europèus....

Vueling lo novèl negrièr de la lei espanhòla

Se critica sovent los « passeurs » libians dedins la mar Meditarranèa, d'Africa cap a Euròpa ; e VUELING alara ? Pel retorn legal... en Africa, qué ?

VUELING es una companhiá d'aviacion, logitician dels transpòrts aerians de l'aerpòrt de El Prat a Barcelona ; lo mercat li indica que fau emplenar los avions per la rendabilitat ; es question de mercat;  autres còps èran batèus que transportavan los nègres de l'Africa a l'America, e los negrièrs èran europèus ; las platafòrmas de comerci europèu an engraissat moneda sus aquel tèma pendent sègles, fins a l'abolicion de l'esclavatge.

XXIen sègle, l'Estat Espanhòl a trobat la solucion del mercat, es de dire la mens cara : un contracte ambe la societat Vueling es estada signada per expulsar los nègres supaudadament fòra lei comuna europèa ; aqueles umans an agut de traversar totes los sofriments per arribar en Euròpa e lo govèrn Espanhòl tròba normal d'emplegar vièlh sistèma (comèrci triangular) per los tornar en Africa car jutjats illegals ; lo problèma es que los paures « Africans illegals » son sovent en condicions de mal-estats patents o quitament endormits per assegurar la deportacion tranquilla.

E coma la pression ciutadana es pas pro clara, VUELING contunha aquel comèrci ambe l'Estat espanhòl del XXIen sègle, coma un còp èra, lo comèrci triangular dels esclaus.

Clients de VUELING a l'aeropòrt de El Prat an pas acceptat d'èstre setat a costat de deportacion espanhòla d'enfants « africans illegals » sul continent europèu.

«Quora ai vist los uèlhs d'aquel dròlle, m'es donat clar que aviái de preváler l'umanitat per sobre la legalitat » dixit una viatjadoira de VUELING a l'aeropòrt de El Prat a Barcelona. E donc las protestacions èran plan installadas dins l'avion ; e l'avion VUELING non podiá partir aital. La companhiá a ordenat de daissar sortir los Europèus, e los Africans « illegals » e legals, alara son partits ambe VUELING cap a Africa.

Ara, lo problèma se pausa : Qui pagarà lo retard del depart de l'avion ? Quí pagarà los viatges dels viatjadors europèus expulsats de l'avion per daissar sonque los « Africans illegals » dedins ? Qui pagarà lo transpòrt de Vueling d'un viatge (un avion) ambe mendra chifra d'afar ? Que farà l'Union Europèa sul tèma ?

Es que l'Estat espanhòl compta dinièrs ? Es que l'Estat espanhòl que fabrica avions de guèrra per AIRBUS a pas d'autres mejans per solucionar la causa, transpòrts privats ? Lo mercat es la sola solucion per resòudre los problèmas de l'inumanitat de l'Estat espanhòl ? 

Es que la pression ciutadana, clientèla europèa, sus l'entrepresa VUELING serà pro fòrta per atudar aquel comèrci legal negrièr novèl ?  Qui assajarà de far entendre a VUELING la dignitat que fauta per aquel contracte, per aquel afar dinerièr ligat a la deportacion de populacion ?