Debat a Madrid, se confirma lo regime politic espanhòl : dictatura

Dins un debat al congrès espanhòl, lo cap del partit Ciudadanos (ALDE al Parlament Europèu) confirma lo tipe de regime d'Espanha : es un regime qu'es supausat contra-rotlar las eleccions per aver lo resutlat qu'agrada ; es democracia ESPAÑA ?

« vòli qu'Espanha coma Estat garantisca LO RESULTAT d'aquelas eleccions...» Albert Ribera.

« je veux qu'Espagne soit garante du résultat de ces élections...» Albert Ribera, Ciudadanos - ALDE.

L'article 155, inventat pel poder espanhòl que far creire que son pel dialògue, e per la sobrevida d'un regime corrupte, es un article que -supausadament- prevei eleccion ; dins lo cas en Principat de Catalonha ; mas eleccions en Catalonha, es cap garantia de succès, vist que los « secessionistas » son encara mai de 2 milions, e lo nombre acaba pas de créisser ; lo PP, C's e PSOE son minoritaris (es una realitat de terrenh, deconeguda ça sembla, a Madrid)..

De que ne pensa Sénher Verhofstadt d'aquela intervencion d'un membre de sa co-aligason politica del Parlament Europèu ?  De que ne pensa un François Bayrou, Modem (membre francés de l'ALDE al Parlament Europèu) e donc companh de cadièra al Parlament Europèu ?

De que son « eleccions amb resultat assegurat » pel regime madrilenc del XXIen sègle ? Fau interdire quin partit en Catalonha ? Es legal e constitucional, democratic, interdire partits ? Quin tipe de vergonha pòrta l'Union Europèu, la Comission Europèu, lo polonés Donald Tusk (qu'a plan oblodat los regime sovietic qu'assegurava tanben eleccions pel regime), qui tipe de vergonha sul regime espanhòl senon una vergonha vomitòria per damorar al costat e sosténer aquel sistèma politic ?

Fau oblidar que Ciudadanos dona un sosten clar al regime que MariaNONONONO Rajoy pòrta coma una malautiá, un cancèr poltic, dedins l'Union Europèa ? Fau oblidar que lo PSOE fa tanben partit d'aquela pensada politica ? Fau oblidar que lo Partido Popular, lo mai corrupte del darrièr dètz ans en Espanha, es encara al poder per aplicar aquela « democratica » politica espanhòla ?

Rocard es mòrt ; lo fau reviscolar.

Franco es dead in bed, l'an reviscolat. 

 _°_

Catalonha : Hey ciutadans del monde, vos escrivi de...

La jornada d'ièr ai passat a dintrar en Catalonha, via la Val d'Aran ; ai coma aquel catedratic espanhòl, Palinuro, encontrar un pòble de ciutadans, joves, femnas, òmes, pensionats, artesans, païsans, cap-d'entrepresa, politicians, totes que vigilan per la democracia, e un ambiant extra-ordinari que me sembla aver jam i vist dins una republica jacobina francesa.

Dins totas las escòlas o « collègi » de vòts, burèus, la vigili es aquò ; dins los mèdias catalans, RAC1 (programa especial) o Catalunya Ràdio (programa especial), la ciutadanetat parla e explica las activitats civilas e non electoralas que fan. Es puslèu ENCARA un còp excepcional e complicat d'explicat dins un bilhet qu'escrivi un dimenge de vòts extrambordant en Catalonha (Aran tanben).

A la velha del ser, avèm vist a passar los mossos d'esquadra verificar que las activitats fosquèssen pas politica ; fau repectar la lei e totes los ciutadans son conveçut d'aiçò.

E aquele maiitn la ràdio anóncia las mentidas o errors dels rensenhaments espanhòls, qu'an vist SONQUE 150 escòlas aucupada .... son mai de 1500 ! Aucupada dins la jòia d'una democracia que digun a vist en Occitània, ni en fRança, ni endacòm mai sul continent europèu.

Farai cort donc perqué a la 5 jà dins lo burèu de vòts que soi i a mai de 50 personas, dins un vilatge que i son 1500 ciutadans!

Tè escotatz en bluetooth se difusa cançons catalanas seleccionada, al moment qu'escrivi aquel bilhet en LIVE coma s'escriu en patois parisenc.

(Clavi car las urnas son d'arribar aquí) non èra pas las urnas, mas la visita dels mossos d'esquada per confirmar que fau voidar lo collègi electoral, la Vielha tanben (ont soi tanben), e vos doni ara la vídeo de la conversacion ambe los ciutadans e los mossos d'esquadra. La vigili encontra l'autoritat e dona l'autoritat del pòble contra l'autoritat de polícia forçada pels policièrs espanhòls.

(una vídeo serà plaçada aquí)

 Fintatz la visita e conversa.

Campanha pel referèndum en Catalonha

Lo punt de vista de los qu'an cambiat d'avejaire encontra Espanha (la post-franquista), me sembla plan interessant d'aver al cap, sobretot pels jornalistas franceses que ... semblan grandament perturbats (e amb pauc de vision istorica dels eveniments) car sempre son jacobins e centralistas sense se mainar ! Mèstre Jourdain fasiá pròsas sense saber... explica Molière.

L'objectiu de l'independéncia es « GOVERNAR BIÉN » Catalonha ! 

Es un objectiu que nos fauta en Occitània, car los jacobins, reialistas o republicans, son sempre a badar la santa capitala per la copitar (RER per ligar la linha 3 de mètro a l'aeropòrt) e quitament per pagar al luòc de l'Estat (pagar la LGV entre Tours e Bordèu sense aver l'assegurança d'aver Tolosa-Bordèu), e quitament en copiar per corrupcion en ajudar las entrepresas de La Défense d'èstre sul mercat occitan [etc.], a l'exemple de Jean-luc Moudenc (Les Républicains, dreita expansionista francesa, e dins lo cas, superafionat al reialisme borbonic) a Tolosa.

GOVERNAR PLAN es l'objectiu de la democracia.

Donc fan campanha pel SI, mas oblidètz pas es tanben un ÒC ben gròs sus las camiseta de l'ANC per finançar las manifestacions del 11 de setembre, camiseta fabricada en Catalonha ! 

Nosauts tanben necessitèm Catalonha coma Estat, perqué Occitània es submetuda a la pensada jacobina, e lo personal politic es aquí per imposar al pòble (dels ciutadans) d'Occitània, la vision parisenc per melhor pagar lo centralisme, sa logistica e sos mèdias, e lo ben-Estat dels Parisencs, per pagar aquel regionalisme d'expansion parisenca que còsta a la democracia coma l'Espanhòl de Castilha còsta a Catalonha.

En Aran tanben auràn de votar ÒC o NON ... es democracia ! Aquela que los Espanhòls, o collabò an assimilat, e que de cap manièra vòlon. Totes los mejans, modèl franquistas, son alara bons per destrusir la consultacion.

Aquelas eleccions semblan « la croisière s'amuse » un programa vièlh que se debanava sus un batèu, Warner Bros programa Llooney qu'es pintrat suls batèus de la guardia civil espanhòla suls pòrts de Barcelona e Tarragona ; avèm donc una armada ineriora contra lo pòble dels ciutadans democratas (en Catalonha), l'armada franquista contra los pòbles de « España UNIDA Y GRANDE » coma l'estímava Franco, Primo de Ribera, una granda istòria de sobmission castilhana en Espanha, la renda contra lo trabalh (veire documental en seguida).

 E i a sempre coma en 1939, la collaboracion per damorar sobmesses...Los Philippe Pétain catalans son nombroses, mas son pas lo pòble de Catalonha, son l'engana espanhòla, lo NO que non que non fa campanha electorala quand l'eleccion, la consultacion, lo referèndum, li agrada pas.

Lo debat de Les, campanha referendària 1-0 al Principat de Catalonha

Un ser de junsèga (Julhet) en Aran se debanèt un debat per debutar la campanha en Aran del referèndum 1-0 al Principat de Catalonha. Avèm (militants d'Occitània en fRança, pas ges remunerats) enregistrat lo debat. Serà difusat aquí en doás partidas :

1 / los intervenents



2 / las intervencions en seguidas.

 Pensèm que lo debat ameritava d'èstre enregistrat per la demicracia en Euròpa, dedins l'Union Europèa.

Ligam

_°_

 Ligam


Extrait : « Li consta que Boya ha donat instruccions als alcaldes i regidors per boicotejar el referèndum?

Sí, la qual cosa em sembla del tot impresentable. Els alcaldes no estem al servei del nostre partit, sinó de tot el poble. Celebro la decisió que ha pres Convergència Democràtica Aranesa de donar llibertat als seus alcaldes l’1 d’octubre, és el més coherent i correcte. Però donar instruccions des d’un partit sobre què han de fer els alcaldes em sembla que no és de rebut. »

Mas fau legir tota l'entrevista, qu'es d'un grand interès per Occitània....

Emilio MEDAN entrevistat en Junhsèga 2017 a prepaus de la campanha referendària del 1-0 en Catalonha.

Sempre militants occitans a l'òbra tecnica.

Éric Ciotti s'interessa a la sentat de ....

Éric Ciotti s'interessa a la sentat ... de la populacion, non, de l'armada sí !

Es que fau conselhar al Éric Ciotti de pas aver mestièr de l'espital de Niça ?
Es que fau conselhar al Éric Ciotti d'anar se far potingar en Liguria o Piemont, de l'autre costat de la frontièra franco-italiana ?
Es que fau conselhar als accidents que lo van tocar, d'o far a l'estrangièr ?

O es que Éric Ciotti sap jà, coma privilegiat jacobin, que serà potingat dins l'espital de l'armada francesa ?

Es interessant de saber que Le Républicain Éric Ciotti estima mai la sentat de l'armada que la sentat de la populacion ! Fau esperar que per las prochènas eleccions l'electorat Les Républicains s'en sovenguèsse fòrt ....

Se fau aver d'arguments per pus votar per els (!).

_+_

Fau pas oblidar los sordats tanpauc, e dins totes los conflicte, an tanben mestièr de bona sentat....
Centenars de sordats d'Ucraïna se son suïcidat en tornar a l'ostal aprèp la guèrra russa dins lo Donbàs.

 Ligam en vídeo sobre Tweeter

Àngel Rós, cònsol màger de Lhèida, la vièlha escòla regionalista

De qué fau pensar d'aquel monde partidocrata e conservator, per exemple lo cònsol de Lhèida ? Se publica lo 9 de junhsèga un bilhet d'opinion de l' « alcalde de Lleida », lo cònsol màger de Lhèida, capdal de la deputacion (que la Val d'Aran es dedins).

Se sembla que lo dialògue pel referèndum del 1er d'octobre, debuta, coma es costumaambe los regionalistas espanholistas, per un gropeton que parla en fugir, d'esquina, parla a l'autre un grope majoritari, d'esquina cap a Barcelona e demanda de dialoguar en partir vers Madrid, coma un batèu en perdicion al moment qu'una centrala nucleara peta sus la còsta, lo batèu assaja de se salvar en partir en Castilha, en plena tèrra.

Lo lendoman de la reünion de Les, Aran, Occitània, que cridava a la discutida democratica, per far foncionar la democracia, aont lo parlament de Catalonha, majoritariament elegit per portar una autra legalitat, un autre Estat pel pòble de Catalonha, votava per un referèndum de prefàcia de la constitucion d'una novèla republica en Principat de Catalonha, transformat en Republica Catalana que lo contengut es de determinar, legalament e unilateralament per existir politicament e en tota dignitat.

Lo contengut es de determinar e aiçò fa paur a la partidocracia vièlha, del sistèma legalista que li agrada d'èstre lo conservador unitari del sistèma rendal perqué ne vívon del sistèma actual. Aquel sistèma es desfavorable al pòble de Catalonha (Principat e benlèu al delai), mas s'en trúfan, son al poder. E son pron saberuts aqueles elegits del sistèma per cridar al « dialèg», alara que dempuèi 2006, lo sistèma centralista refusa de reformar ma legala constitucion mal biaisuda, es de dire de parlar, lo dialògue !

« Ils sont gonflés » diriá tot democrate republican francés, se al mens èra assabentat de la durada extrèma del non dialògue madrilenc sul tèma, en Catalonha (proncipat mas pas sonque).

L'alcalde de Lhèida (Lleida) es « gonflé » de titolar una opinion « Diàleg i legalitat », alara que de dialògue e de legalitat son pas al programa madrilenc (amics seus). Lo dialògue es pas al programa dels centralistas ; la legalitat es efectivament acabada car ara se tracta de trobar una novèla legalitat, un Estat de dreit, un Estat novèl pels pòbles catalan e aranés, per atudar l'engana que constitucionalament e legalament, Espanha imposa ambe lo non dialògue dempuèi al mens 2006 !

Lo dialògue qu'Espanha, una e indivisibla sul modèl franquista, imposa a Aran e Catalonha, es un dialògue de sord de falord.

La responsa es crear un Estat novèl, mas es la fauta del sistèma politic en plaça pel centralisme espanhòl ; donc es tanben la fauta d'un « alcalde de Lleida », de son partit o/e aligats.

Fau tornar dire que lo govèrn madrilenc exista sonque perqué lo PP, MariaNO Rajoy, a una majoritat adobada per Ciudadanos (qu'es estat constituït per contra l'independentisme e ontologicamlent refusar tot dialògue), e lo PSOE (aligat del PSC-Unitat d'Aran).

Benlèu que Àngel Rós es talament angèl qu'a pas seguit l'actualitat d'afrontament bastida a Madrid contra los Catalans e Araneses ? E que cada vagada, lo PSC nos sortís un dialògue virtual que jamai (quitament al poder lo PSOE) se fabriquèt a Madrid.

La consequéncia es una creacion d'una autra legalitat, un autre Estat ; es la fauta del partit d'en Àngel Rós e sos aligats de Madrid.

Alara pietat, qui es pel dialògue ? Donatz los arguments vièlhs encara, es acte democrtaic, mas es un pauc estatic, s'avança gaire.

Justament lo Parlament de Catalonha, sus la basa del referèndum del 1er d'octobre (un biais coma un autre de dialògue democratic, refusat sul sistèma constitucional espanhòl), prepausa un dialògue democratic, refusat per Àngel Rós e sos amics.

Fau avançar Àngel Rós, FAU AVANÇAR ; las vièlhas solucions son las solucions del PSOE-PSC-UA, an pas jamai foncionat dempuèi, al mens, 2006 ! Sense avançar, los socialistas franceses, an aviat comprès en 2017, qu'èran sus la via de la desaparicion...

Referèndum 1er octobre 2017 = dialògue

Referèndum per un novèl Estat = legalitat novèla per avançar.

Reünion de Les, per la campanha del referèndum del 1er d'octobre

Aran sembla plan silenciós per aqueles tempses sul tèma de la participacion al referèndum del 1er d'octobre 2017 ; la reünion de Les ( Aran - Occitània) èra per debutar la campanha referendària en Aran ; quin estatut republican per la Val d'Aran lo 2 d'ocotbre ? 

Vaquí los intervenents de la reünion de Les, Aran, Pirenèus occitans en Occitània.

Los interventns faguèron mai de 2 oras de presentacion de la postura politica de cadun, de cada ciutadans d'Aran per rappòrt al referèndum del 1er d'octobre.

E coma cada intervent o faguèt, fau felicitar lo cònsol màger de Les e son conselh municipal per aver debutat una seriá de desvolopament democratic, de debats politics, sobre aquel referèndum ; quin actitud polida aquela de desvolopar la democracia, en Aran, coma endacòm mai en Occitània.

Farai publicitat de mantunas entrevistas enregistrada a Les a la sortida de las parladissas.

Lo public èra presents :

E los intervenents presents sus l'afica èran totes presents.

 Lo tèma deuriá interessar tot democrata, e quitament totes los independentistas occitanistas, e justament ... pas un present ! 

Mas lo public un dissabte de ser èra present e an viscut la parladissa dinca la fin, debuta 19h20 fins a las 21h30. 

Aran TV a aprofièitat de las entrevistas qu'avèm demandat, per enregistrar coma nosautres mantunas visions politicas per la campanha d'Aran venenta.

Las entrevistas, e segur mantunes grands boçins de las parladissas, seràn publicadas sus aquel blòg dins las jornadas venentas, tenètz-vos al fial en vos enregistrar sul costat d'aquel blòg per las aver totas ; avèm enregistrat mai de 2 oras de parladissas e 1 oras d'entrevistas variadas.Serà un fum de trabalh volontari per un Agenés valents, faudrà esperar pels internautas, mas serà ambe plaser que publicarèm tot aiçò aquí. 

Avèm entrevistats : Marçal Girbau, CAOC, Jordi Domingo, Constituïm, Emilio Medan, Cònsol màger, Àles Moga, Assessor de la Generalitat de Catalonha, Mireia Boya, Deputada OCCITANA del Parlament de Catalonha. Los mercejam fòrça, per aver respondut dins la lenga d'Aran, segur per la majoritat.

Totas las enrrevistas seràn dispoiniblas per totes los mèdias d'Aran e de Catalonha, (E de l'Estat francés, Occitània administrativa, Novèla Aquitània, PACA, Valada occitana d'Itàlia, e auvernhe) en remarcar qu'es Democracia per Occitània, site d'opinion politica occitana, que las a produsidas. Mercés.

Bon dimenge a totes/totas.

Referèndum 1er d'octobre, lei sortida ièr en Catalonha

En Catalonha (Principat).

"Todos los pueblos tienen el derecho de libre determinación." Nòrma integrada al dreit espanyol dempuèi  1977: Ligam La frasa es difusada en espanhòls pels Catalans, per recordar una frasa mai fòrta de la santificada constitucion reiala e pòst-franquista.

Fau pas oblidar qu'en 1947, quaznd l'ONU s'installava la frasa èra imposada pels Estats-Units-d'America del Nòrd, un biais de debutar la descolonizacion europèu e a còps la remplaçar. Mas en 1947, totes los poders mondials an bravament oblidar lo dictator e manipulador F.Franco e son regime de repression sobre los pòbles basco, catalan, aragonés, e galician.

L'esquèrrista Ada Calau sembla l'aver oblidat, arribada al poder. I a encara catalanistas per governar ambe ela a Barcelona ?

« Totes los pòbles an lo dreit de liura determinacion » aquela frasa integrada dins los tèxtes espanhòls es largament desconeguda de la collaboracion a l'Espanha centralista de l'esquèrra legitimista, regionalista. Aital podèm comparar las doás ersquèrra en Catalonha :

Quora Ada Calau èra pas encara elegida, la votacion dels Catalans li agradava mas per arribar al poder ; puèi, la causa cámbia, es al poder, illusion del poder capitat car al poder justament ; donc la necessitat li es mens urgenta, de veire votacions ; es la politica tal coma la ciutadanetat europèa vòl pus ausir.

Dins la jornada del 4 de julh, una data importanta coma aquela de la commemoracion de l'independéncia als Estats-Units-d'America del Nòrd, lo govèrn catalan acaba de redigir la lei del referèndum pel 1er d'octobre ; an lo finançament, ara se desvolopa la presentacion a la populacion e la campanha.

Se vei un pauc pertot sus la planèta los ANC demandar als Catalans de s'enregistrar per votar. 

 Mantunes mèdias se fan la redaccion de la melhora compreneson ; es un escrutin grandament democratic.

 

E la campanha debuta per tot l'estiu ; Mas pas sonque per Internet, i a la premsa parièr dels collaboracionistas espanhòls (La Vanguardia, El Periódico, las ediccions localas de El País), i a la premsa dels Catalans (bravament mai democrata). Es parier per la ràdio e la television, levat que per la television, l'espanhòla domina l'audiéncia e dona pauc la paraula als independentistas. 

Bona campanha Catalonha !

Democracia e ciutadanetat per totes, sèm en Corsega

Las eleccions legislativas 2017 auràn vist sortir de Corsega una novèla granda victòria de la representacion nacionalista en Corsega ; i a doás brancas nacionalistas (PNC e Corsica Liberà), mas amassa son una fòrça que representa totes los interèsses politics de Corsega sense l'intermediaritat dels partits jacobins. Es un moment politic supèrbe per totas las ciutadanetats mesprezadas de l'Estat jacobin francés.

E coma s'èra l'unica novèla aprèp lo tsunami LREM [La République en Marche]  : totes los mèdias parisencs ne parlan ; coma un real estonament ! Es mal conéisser lo problèma del jacobinisme en regions sotmetudas que se despertan. Puèi fau apondre una confirmacion politica : lo jacobinisme es pas una santetat politica pels pòbles sotmetuts.

La responsa dels jà elegits es clara, al Conselh Territorial de Corsega : « avèm plan trabalhat » a totes los nivèls ont sèm elegits ; coma per donar un novèl estonament a la pensada jacobina dels mèdias parisencs.

Ara a París, se podrà parlar a reals representants d'una Corsega democratica e que pòrta un vision politica autonòma al mièg de la Mar Miègterranèa.

Abstencion pas encara antijacobina

Primièr fau parlar del nivèl de l'abstencion per las eleccions de junh 2017, e pas sonque de la Vena constitucion parisenca que la favoriza (constitucion contra l'egalitat republicana de las lengas), l'abstencion a las eleccions de junh 2017 es la mai elevada de la Vena republica jacobina parisenca : mai d'un ciutadan de la republica d'expansion parisenca a pas votat dins lo sistèma bonapartista d'eleccions constitucionalas francesas. Fau dire donc que son 24 milions de ciutadans en edat per votar en fRança qu'an abandonat als autres l'esculhida dels representants jacobins per donar una votz als representants de lor parçan per dire lo país d'eleccions ; i fau ajustar los mal-escrivuts e los que se son pas escrivuts ( mai o mens 10 milions del darrièr recençament francés), çò que dona al mens 34 milions de ciutadans que se son pas passionats per se desplaçar un dimenge de las urnas jacobinas , 67 milions d'abitants en fRança. Aquela tendéncia matematica a debutat ambe lo referèndum de Maastricht que l'elita jacobina a causit d'oblidar lo vòt del referèndum per enganar los pòbles de fRança ; es una granda tradicion republicana jacobina e regionalista d'expansion parisenca, enganar los pòbles sotmetuts. ... La pèrda de sobeiranetat occitana a debutat lo 22 de setembre de 1792, quand los Parlaments de Navarra e de Comtat Venaissin a decidat de donar la lei a fabricar fòra, a la santa capitala de 1789, Paris ; puèi lo pòble occitan s'es donc sotmetut a una elita borgesa que pensa que París val melhor qu'Avinhon o Pau per establir la lei (lo fenomèn es similar per Niça en 1860), al tractat de Maastricht lo pòble dels ciutadans de fRança decidís que lo fenomèn politic qu'an imposat als autres, es impossible per els ; arribada de la lei a travèrs del Parlament de Brussels-Estrasborg lor sembla una critica màger contra la democracia, aquela de la supausada democrata republica parisenca ; quand an panat la fabricacion de la lei en Avinhon o Pau, i a mens de cridassièras francesas per o pausar coma sense cap de dobte inadmissible. Lo pòble occitan en perdre la legislacion a perdut un pauc abans l'establiment de la moneda, lo rei dels Francs èra lo grand panaire dins l'afar, e la vila de Cáurs i perdrà fòrça al nivèl economic e financièr. 

XXen sègle, lo non respecte del vòt al moment del referèndum francés contra la constitucion europèa (TCE) a renforçat un sentiment que los Franceses an fait suportat als Occitans pendent sègles, 8 sègles de seguida. Las eleccions presidencialas de 2017, se son debanadas dins aquel sistèma jacobin que pana la democracia per nos far creire qu'es establida a Paris, se parla de representacion republicana que se carga d'enbucar lo pòble sotmetut ambe la « granda » pensada republicana francesa E l'auca sembla contenta, pas sonque la mitat de la populacion en Occitània. 

Es un cas costumièr de fabricacion de l'opinion pels mèdias e gropes financièrs que son isntallats a París, prèp de La Défense ; autre còp èran aqueles de la glèisa catolica -glèisa de l'inquisicion- que donavan la votz mediatica per imposar los reis representants de « Dieu sus Tèrra » ; podèm donc confirmar que de l'ancian regime al novèl regime republican parisenca, res a cambiat en Occitània.

Se l'afar del sègle XXen sègle pòt semblar illegitime, l'afar politic mai vièlh es tanben illegitim per sotmetre lo pòble occitan. Lo dicton popular francés assegura en bon sentit : "Les politiques changent mais la politique reste!" Lo politic cámbia mas la politica damora ! Lo sistèma jacobin atuda pas un estonament, es istòria quand es pas oblidada ; quand l'Union Europèa es l'union dels Estats es simplament una autra manièra d'imposar los Estats imperialistas europèus, son polidetas paraulas politicas de sempre e accion del terrenh contra los pòbles, e Occitània damora dins l'abstencion ; çò que capiti pas d'entendre es que quatre departaments d'Occitània son çaquelà quatre departament qu'an lo mai votat ; son « bons ciutadans » nos explica La Dépêche du Midi ; coma que lo jacobinisme es tanben plan assimilat dins los neurònes dels jornalistas quitament en Occitània. L'union Europèa es lo pantais politic novèl dels Estats vièlhs per nos far creire que faràn pus de guèrra per las estupiditats de las frontièras de las administracions centralistas ; causa que fabrica poténcia politica centralizada, mai tanben inegalitat, pauretat, conflictes e budgecte (quasiment tot ligat a las lengas que los pòbles sotmetuts an degut oblidar de parlar) . Aviat tornarèm a la realitat d'Occitània ?!?!?

Al meteis moment que la ciutadanetat d'Occitània oblidada de votar e signar dins los registres del jacobinisme, per rasons socialas diversas, la populacion de Barcelona (40.000 manifestants) manifestèran contra Madrid que refusa lo vòt (referèndum d'independéncia) que lo govèrn catalan a finançat pel 1er d'octobre 2017. 

Es plan clar lo sistèma catalan es exemplar per la democracia, lo pòble occitan es plan dins sa sotmission al tòrt sistèma jacobin. Espanha sembla talament a fRança !

eleccions francesas e reaccions

Dins las eleccions francesas avèm dos fenomèns de notar : abstencion massiva, e lo fenomèn motonièr del vòt dins un sistèma politic qu'o favoriza.

Fau castigar una abstencion quand lo sistèma mediatic a trabalhat per explicar que tot èra plegat, que lo movement del president recentament elegit ganhava ; alara que pauc de temps abans totes èran per dire que elegir Emmanuel Macron es elegit un òme sense partit.

Totes defòra, es l'eslogan del FN-BM, mas que serà aplicat per LERM ... sobre lo PSf-PRG, LR-UDI, EELV, PCF-FI, e totes los autres. Las vièlha sonçaines del renovelhament contunha alara que lo sistèma politic, constitucional tòrt, es pas previst d'o cambiar, jamai.

Lo darrièr a aver una majoritat a l'Assemblée dita Nationale et al Sénat èra lo president socialista François Hollande, se vegèt qu'es pas estat eficaç per votar, per exemple, la promessa 58 sus las lengas de fRança. Mas al mens, el, a poscut donar un argument que « frondeur » -referent a la fronde de 1649 contra lo regime reial- seguissián las promessas del rei-president ; mas pas aquela de la votacion per las lengas de fRança, çaquelà! Fau dire que sèm en republica, los « frondeurs » aqueles son pas ,devenguts enemic del rei-president, mas del govèrn socialistas, devengut enemics dedins lo PSf, çò que sembla piège, en République française !

I aurà de « frondeurs » dins la gròssa majoritat LREM dins l'Assemblée dita Nationale ? Mas seràn «frondeurs» sus quina basa del programa, lo programa lo sabèm pas brica ! L'idèa de gènium es aquela, aver un programa amagat un pauc coma lo programa amagat del FN-BM ... quand fau descodat las frasas de Jean-Marie Le Pen ; sembla que lo fenomèn motonièr electoral francés li agrada los programas electorals que son pas clars. E vertat que sabèm que l'elector de basa li agrada los debats televisuals mas pas legir los programas car sábon que son de farlabica per inocents del vilatge, coma una emisison de telerealitat çaquelà.

Lo moton nègre francés es aquel que fabrica una majoritat sus la basa d'un programa fosc, sembla èstre una règla politica francesa ; fau castigar lo pòble que refusa de participar a l'establiment d'un programa politic, o lo sistèma que fabrica rei-president ambe lo parallèl obligatòriament uman, del « frondeur » que mesestima lo rei-president. Es que fau un programa al « frondeur » per o devenir ? 

L'oposicion al tsumani dels motons-electors franceses se nomma La République en Marche, LERM. Lo sistèma electoral favoriza tot, levat un sistèma republican de gestion de l'Estat, la democracia en pluralitat de pensada politica. O deuriá saber los vièlhs de la politica e s'estauviar de dire irresponsabilitat, alara que lo sistèma es el que l'a fabricat ambe mantunes amics e amigas. e quand lo sistèma èra monocolor de sa familha -lo mot es clar, o emplegan els Les Républicains- que disiá Alain Juppé ?

Donc avèm un sistèma a l'anglesa que dona una majoritat mas ambe un temps electoral que dura sièis meses! Lo republicanisme francés dura e s'acaba, se semba, en colha, mas degun per cambiar aquel sistèma.

E quitament lo sistèma anglés es tòrt ; car a London i a mas la majoritat LERM, mas i a un bordèl electoral que dona una majoritat a Teresa May qu'es ambe un partit que costeja d'unas extremistas que nos agradariá pas d'aver al cap de l'Estat jacobin francés.

Well well, avèm pas lo FN-BM al poder, ni a l'Assemblée dita Nationale mas avèm ... un aligopòl electoral, LERM, de marqueting electoral per votants vièlhs o avuglats pel sistèma. E fau pas oblidar que lo Sénat es blau, de la dreita francesa dita republicana, gràcia als socialistas franceses e lo govèrn precedent.

Al Reialme desUnit o dins la République jacobina Française las causas son un pauc coma titola lo jornal escossés The National :

La democracia se passeja mòrta, camina, walking dead, ambe los dos sistèmas electorals (XXIen sègle) de las doás grandas poténcias electoralas del continent imperialista europèu (referent al sègle XIXen e debuta XXen).

E tot aiçò es pas la fauta del jihadista, mas de los que vòlon pas reformar de manièra sancièra los dos sistèmas electorals dels impèris republicans e reials de Paris e London.

Mas la realitat en fRança es que (ligam) :

 E fins finala, la realitat se la reforma se basava sus la proporcionala sancièra : 

La politica Les-Républicains en Provença

A l'ivèrn passat (avèm sonque la vídeo disponibla ara), lo conselhièr region Jean-alexandre Mousset faguèt una intervencion per sotalinhar la politica de destruccion de la diversitat occitana (donc de LA lenga de Provença), lenga qu'a coma pertot en Occitània una pluralitat de foncionament lingüistic, coma tota lenga qu'a pas realament de politica lingüistica.

Es que fau parlar d'aquela intervencion ? Pensi que òc, e al meteis temps fau informacions de l'intervencion, sota las condicions que seguísson.

Lo document es disponible per l'escasença de la campanha legislativa del candidat Jean-Alexandre Mousset que se presenta en provença, ambe l'etiqueta FN-BM ; Fau o pas publicar o far saber ?  Fau saber que lo candidat aurà l'escasença de dire tornar, un pauc pertrot dins la campanha sa vision de LA lenga de Mistral, lo Prouvençau o lo Provençau. Sul tèma es un candidat tras qu'onèste.

 

1 / Aquela intervencion FN-BM es unica en Occitània ; L'argumentacion fauta de sapiença istorica e lingüistica, e donc tomba aital un pauc aisit per la majoritat Les Républicains de Provença, e dona una idèa de la facilitat qu'a Estrosi per destrusir l'occitan en Provença, la diversitat lingüistica occitana en Provença.

De mandar aquò, es per títol informatiu, e jamai per rason militanta.

Les Républicains es dividir per regnar PUNT, jamai Frederic Mistral a pensat aital.

Çaquelà dins totes los partits franceses i son militants e sovent elegits qu'an comprès que occitan = pluralitat dins l'unitat, diversitat dins l'unitat lingüistica ; mas son sempre un pauc isolat e l'estructura jacobina del partit ajuda pas gaire.

2 / Lo document amerita d'autres comentaris, e lo bilhet aquel ne farà ; Fau o pas publicar o far saber ?

Es una causa estranha que la subvencion autrejada anirà a los qu'ambe aquela idèa d'uniformitat e unicitat del prouvènçau son a destrusir la diversitat occitana de la lenga de Niça !  E Christian Estrosi qu'en politica i coneis autanplan qu'en lingüistica, se deuriá questionar de donar a una secta prouvençalisto tant de moneda per dintrar la lenga dins un conservatòri, e benlèu aital melhor l'enterrar ; un projecte que dèu èstre efectivament aquel de Les Républicains (?) ; L'escòla francesa destrusís l'occitan dins la manièra que son organizacion fonciona, mas i a volontats dins las regions vesinas que Les Républicains son pas al poder, e cap region ont i a Les Républicains al poder se farà associada a la politica menada per l'Éducation dita Nationale sul tèma; malgrat totas las critica exista. E quitament a Niça s'ensenha ambe la comuna la lenga de Niça, e l'unitat de LA lenga d'Òc es un briconet questionada, e la critica es la democracia, mas s'avança dins aquela pluralitat de vision. Alara perqué a Marselha lo son Estrosi es diferent ?

Dins lo discors d'Agen per inaugurar l'estatua d'en Gensemin, poèta de l'Agenés, peruquièr de sa vida, en Frederic Mistral, lo quite grand en Frederic Mistral, donava a la lenga una unitat reala (veire son diccionari de la lenga), lo discors se faguèt dins sa lenga, sense traduccion, a AGEN (!) qu'es pas coneguda per èstre de Provença. Sus aquel meteis blòg avètz poscut veire l'entrevista del cantaire provençal Guiu Bonet e las question èran dins l'occitan de Tolosa ; Guiu Bonnet respondèt en Provençal ; l'intercomprenson èra sancièra. Dins las escòlas Calandreta de Provença s'ensenha la LENGA DE MISTRAL, pas mai ! Mas pas per grope de pensionats, mas per joves, per l'avenidor de la LENGA DE MISTRAL qu'es tanben la lenga que se parla pertot en Occitània, de Mentan a Lacanau. Dins l'escòla Calandreta d'Agen s'ensenha la lenga de Mistral dins sa variacion d'Agen.

L'ignorança lingüistica pasta la politica de Les Républicains en Provença.

Es complicat de fargar una intervencion fàcia a la maissanta fe de l'ex-president de la region PACA.... sobretot ambe d'informacions que son arribadas al darrièr moment. Lo debat es alara impossible. Les Républicains sábon organizar l'abséncia de debat, los jacobins en general.

Vòli aquí apondre que l'onestetat lingüistica del candidat Jean-Alexandre Mousset es granda, e me limitarai a-n aquel subjecte.

Vòli apondre que la malonestetat de Les Républicains sul tèma es mai de granda quand se passa Ròse [>]  o Var [<].

Fau donar son vòt a gents que son malonestes ?

L'Indépendant de Perpinyà confirma ....

L'Indépendant de Perpinyà confirma Espanha es pas una democracia que las consultacions fosquèssen la basa de la democracia. En francés, lo jornal de Perpinyà, Narbona e Carcassona nos indica que lo procèssus democratic catalan contunha sul camin, long, de la declaracion d'independéncia.

 L'Indépendant, qu'es luènh d'èstre d'esquèrra sapient los filtres politics sul tèma qu'an, illustra la via politica pòst-franquista ambe la fòto del novèl president del PSOE. Mas fau notar que lo PSOE a preferit l'aligança ambe lo PP, e Ciudadanos (ALDE al Parlament Europèu, es de dire En Marche !, afidat de Emmanuel Macron, ambe l'ajuda del MoDem). Aital aquel detalh del govèrn actual de Madrid, es oblidat ; Ciudadanos qu'a sostengut En Marche !, puèi LREM, lo partit d'Emmanuel Macron, es la negacion de la democracia en Catalonha, la democracia es acceptar la consultacion ; l'acceptar pas es èstre del constat de l'antidemocracia, es lo pòst-franquisme. La paradòxa politica francesa es qu'un Michel Rocard auriá comprès aquel fenomèn catalan (coma a entendut los Còrse, los Kanaks, etc.), alara que los afidats a las idèas de Michel Rocard e que son al govèrn d'Emmanuel Macron, o que fan campanha per el -Emmanuel Valls , son contra aquela consultacion de la populacion de Catalonha ; son dins lo camp que Michel Rocard a criticat en Argèria d'abans 1962, quand èra foncionari d'Estat jacobin e expansionista francés.

La question del camin per l'independéncia en Catalonha es acarat a l'integrisme politic espanhòl o francés que refusa totas las consultacions, en aficat un constitucionalisme pòst-franquista que confina al franquisme de l'Old-Time. Es pas gaire estonent ; aquel integrisme politic es ligat a un centralisme de la pensada politica, al centralisme de la logistique d'Espanha (que fabrica un fialat de ralh cap a Madrid, sul modèl parisenc), ligat a un fantasme politic qu'explica que la corrída es de totes e la vòlon quitament imposar en Catalonha (alara que la comuna e lo Parlament de barcelona o refusa), ligat a un modèl francés de La Terreur de 1792. Es una causa que se mesura melhor quand sèm en Occitània, e que devèm suportar un sistèma jacobin, lo modèl pels socialistas dits espanhòls.

Fau tanben notar qu'Artur Mas, ancian president de la Generalitat de Catalonha, per aver ajudat los ciutadans de portar las urnas dins los ostals comuns, e donc a s'exprimir per las urnas, serà condamnat a pagat 32.000 € ! E lo sosten favoriza encara l'independentisme ; de pensar que l'expansionisme espanhòl en Catalonha es clarament estupid....

E la repression espanhòla es pas sonque politica, constitucionala o del tribunal de la constitucion dels madrilencs, es tanben contra entitats essenciala per la vida economica catalana, l'aeropòrt de Barcelona. E l'article tròp cortet dins L'Indépendant non podrà indicar la darrièra informacion, es de dire aquela donada pel jornal ARA a Barcelona, lo document que dona la clartat de la repression espanhòla contra lo desvolopament de barcelona, lo cas de l'aeropòrt de Barcelona-El-Prat es caracteristic d'aiçò.

Tot aiçò es sistematicament oblidat quora se parla de la situacion en Catalonha, sobretot pels mèdias franceseses ; car son considerats coma arguments independentistas e donc orientats ... e « coma son independents » que nos explícan los jornalistas franceses ! Avèm donc clarament un grèu problèma per la descripcion del problèma espanhòl, es un sistèma que LO pòble espanhòl vòta, mas los partits (levats PODEMOS e aligats bascos, valencians e catalans -CUP, l'extremisme d'esquèrra) pensa coma lo franquisme, al centralisme coma París li agrada.

Fau notar que l'unic element que fa qu'i a pas de majoritat d'esquèrra a Madrid, PODEMOS + PSOE es que lo PSOE refusa lo referèndum en Catalonha ; i a pas d'autras rasons ! Cap mèdia francés a l'indicat clarament, e se díson independents.

Lo tèma es donc vièlh, mas vist la manièra que la premsa parisenca tracta lo subjecte, non pòt que donar a L'Indépendant un rebat un pauc especial ; ne parlan !  

Se fau ara questionar de quina manièra los Estats europèus van  reagir ; dins l'editorial d'anuèch Vicent Partal indica de quina manièra es mal vist lo sosten balte per aquel camin d'independéncia pels catalans. 

Autre ligam d'interès en lenga francesa : picatz aquí o ailà. E en Catalan, per çò que concernís l'avuglament espanhòl. Fau notar que l'afar es vièlh, data de las annadas 2005 ! E que lo problèma es espanhòl que refusa de veire lo problèma del centralisme dempuèi bèls brius.

L'Indépendant de Perpinyà a rason de confirmar que lo bordèl espanhòl es pas acabat e que lo referèndum anonciat per setembre doncarà de clartat democratica als vesins del sud d'Occitània (region administrativa francesa). 

L'article es cortet, mas segur que n'i aurà d'autres ; mas fau notar que Albert Ribera, catalan (lo «traïdor» segon los independentistas catalans, e democratas de Catalonha) es deputat europèu e membre del grope ALDE, es de dire costeja lo grope al Parlament Europèu que sosten clarament Emmanuel Macron per la constitucion del govèrn parisenc aprèp las eleccions legislativas de 2017 en fRança. Albert Ribera pròba en refusar lo referèndum de Catalonha qu'es LUÈNH d'Èstre DEMOCRATA ; malgrat aiçò es membre de l'ALDE al Parlament Europèu ... atencion : l'ALDE es pas l'Asociación de Lucha contra la Distonia en España; es lo grope dels Liberals al Parlament Europèu.

  Te daissa pas enganar... explica un document espanhòl sul tèma de Ribera.

Vomir en politica, dedins lo sistèma jacobin

Fau jogar al melhor xenofòb (los que fan virar l'afica per legitimar la xenofobia francesa o autra) o assajar d'entendre que lo jacobinisme es coma lo franquisme, emplega la migracion per destrusir una lenga e un país Provença ?

Lo franquisme a mandat Andaloses en Barcelona, per emplenar las usinas catalanas de trabalhadors que fautavan. Aquela populacion andalosa s'intergrèt ambe las dificultats imperialistas espanhòlas al cap, sovent plan en retard (annada 1980/90/2000) de l'integracion d'autres migrants venguts per rasons economicas e fòra d'Espanha.

Aquela candidatura es autanplan dangierosa que lo sosten de Jean-Luc Mélenchon (míting de Marselha) per son sosten a Palestina, en mesclar dins la meteissa selha l'Estat d'Israël e lo govèrn nacionalista,ebrèu e extremista de Binyamín Netanyahu, per una conferéncia de la patz sense josius ! Lo clientelisme de Jean-Luc Mélenchon, lo migrant marrocan, me fa pietat autanplan...

Anuèch, la politica d'integracion de la Generalitat de Catalonha es exemplara. E fau un occitan per indicar als Franchimands la direccion de Barcelona per anar vistalhar, e importar en Occitània aquela politica ; es una politica ligada seriosament a la politica lingüistica pel catalan e per l'occitan ; es donc una politica exemplara, modelica. E quand se parla d'una politica lingüistica en Occitània (es urgent), dèu pas èstre sonque per la populacion qu'o demanda, los sensibilizats, dèu èstre una politica per totes.

Los veïculs son cramats a Barcelona de temps en temps, mas son pas una catastròfa de lèse-majesté. Lo trafic de l'èrba non taxada, lo trafic de veïculs, etc. economia sosterrana sovent ligada als barris despoplats dels servicis de l'Estat, es una economia qu'exista a Barcelona. Es la voida urbana e alara en plaça s'installa los mossos d'esquadra e la polícia formada prèp de Peirigüers, e sembla mai eficaça que la nacionalista polícia francesa...

Donc i a se sembla un interès grand d'aver una polícia occitana per reglar los problèmas socials que la polícia francesa es incapabla de gerir correctament, a Marselha coma endacòm mai. Lo centralisme politicièr es tanben un problèma del jacobinisme, gendarmes comprès.

La candidatura aquela me perturba pas, mas es involontariament una candidatura que dona arguments politics a una pensada iperjacobina, que jà suportèm en Occitània sense aver agut aquela migracion d'oltra-mar...

Lo jacobinisme me fa vomir, aquela candidatura es pietadosa, es pas sa fauta, mas es la fauta del sistèma jacobin que refusa que los problèmas (totes) se reglèsse non pas a París, mas al País : Occitània de l'Èst, Occitània de l'Oèst, del nòrd, o de Tolosa-Marselha-Niça-Bordèu.

_°_

Fau pas oblidar que la migracion èra bretona, occitana, basca, catalana, e còrsa, amai picarda, alsaciana, savoisiana, puèi goadelopeana, martiniquesa, reunionesa.

Es pietadoses qu'aquela candidata o sapiguèsse pas.

Fas fisença a Nicolas e Édouard te lo rendrà en ...

Es que devèm far fisença a un govèrn que durarà 1 mes per aplicar una politica en respecte de l'ecologia, una urgéncia planetària ? 

Es que devèm far fisença a un govèrn per donar una dignitat a una lenga occitana alara que trente annadas son pas estadas sufisentas per aver una lei d'egalitat lingüistica (en Occitània) (lei d'Estat) e votada per Paris, pel regionalisme jacobin parisenc e « sa représentation provinciale » ?

Es que devèn far fisença a un govèrn que del clientelisme fabrica un comunautarisme de cada parçan de populacion que li dona un interès per aver vòt per els ?

D'unes que creson al sistèma jacobin an encara la fe republicana al cap, díson òc .... a tot çò que Paris trogòssa coma estupiditats politicas.

Mas lo govèrn de Mèstre Hulot durarà pas mai d'un mes !

Ièr a Tolosa, Catherine Lemorton, « la picarda », nos expliquèt que fau una « bretona » per gausar al darrièr moment (al final de 2016), dins aquel fotut bordèl jacobin, installar una lei que capitarà d'èstre enterrada pel Sénat (aquel dels conservatoires de las vièlhas ! 75/1 de la constitution ) ; mas l'occitan en Occitània es jamai en vacanças per èstre castigat a mòrt (coma dins la selha de la corrída qu'agrada a la novèla ministra de la cultura .... francesa), e es la lenga de totes / as qu'es castigada, pas la lenga dels sols locutors o de las solas locutriças, es la lenga tanben dels « immigrats de Picardia » en Occitània e de la ministra de la cultura novèla ! Mas sembla que Catherine Lemorton l'aguèsse pas encara integrat dins las accions urgentas que la « représentation » dita « nationale  » dèu portar a París quora es elegida d'Occitània, Tolosa ; e çaquelà es pro simpatica sul tèma, mas talament encombrada de comissions parlamentàrias, que l'occitan passa al final. E serà parier pels autres représentants qu'auràn segur una manifestacion LGBT mai urgenta en vista.

Es un pauc parier per l'ecologia, i a un mestièr d'un ministèri alara qu'es la causa de totes / as ... e que fan los autres ministèris per adralhar lo respecte de la planèta, sus qué fan una politica que seriá ni ecologica ni solidaris e donc per totes los ciutadans ? Édouard Philippe vos podrà explicar, el lo cònsol LR de Le Havre.

 Donc soi plan d'accòrd ambe Pierre Hurmic, fau esperar ... un mes ? L'esperança dura sonque un mes ? 

Personalament, sabi que lo sistèma jacobin transfòrma tot elegit en afidat del sistèma, en afidat conservator del sistèma tre que puja a Paris, la santa capitala.

Nicolas Hulot es donc parisenc e amic d'EDF, serà benlèu mens transformat qu'un « provincial » que puja d'Occitània ; alara fau creire en la fe République Française, fau creire en la fada jacobina ; mas per quina resulta en una mesada ? La causa podrà far pantaissar mantunes / as ; las illusions jacobinas fan viure en Occitània, e fan tanben votar... candidats pietadoses.

Donc fau una fRança sense govèrn pendent 1 mes, car lo sistèma jacobin e constitucional es mal fotut ? O benlèu qu'en region -Novèla Aquitània, Occitània, Auvernhe, Provença-Niça- ameritèm un sistèma democratic (benlèu plural) que posquèsse gardar tranquille la vida politica mentre que Paris fan çò que lor agrada ? Lo sistèma belgüe a mostrat lo camin, un Estat sense govèrn pendent una annada ; donc tot es possible... en Belgica, car las institucions de poder son vertadierament federalas. Es un modèl que dona la dralha per destrusir l'Estat jacobin, centralista e governat per ÉNArques ; car pel moment avèm en Occitània fotut de totes los pertèrras de flors dedins lo jardin polluat parisenc, es segur pas una bona tecnica per desvolopar la democracia.

 

Quand los viracamins politics son talament ... urgents, que ne podèm pensar del vent ? La viroleta de primtemps es del govèrn d'Emmanuel Macron / Édouard Philippe (l'especialista de las eolianas AREVA a Le Havre). Serà la soleta viroleta aital ? Donc n'avèm al mens tres aquí presents : Bruno Lemaire, Édouard Philippe e Emmanuel Macron.... faràn d'enèrgia renoveladoira segon las règlas que Nicolas Hulot es supausar vóler ?

_°_

Se fau remembrar ....

 Ligam d'interès ciutadan (en lenga francesa)