La causa es arribada mièg novembre distribuada a la man, pels emplegats comunals. E sul pic a levat tota la populacion contra. Fins ara, la DDM ne parlèt pauc.
La tecnocracia que fosquèsse francesa o de la decentralizacion comunala (grand Tolosa aquí) pausa sistematicament unes problèmas a la populacion. Se cal questionar del perqué ? Benlèu. O vau assajar d’o far ambe aqueste bilhet.
Vaquí lo lançament de la campanha tecnocratica de Toulouse Métropole (perqué o cal portar en occitan alara qu’o refúsan !) :
Contrariament a çò d’indicat, es pas brica la comuna de Tolosa que lança l’afar, cal respondre al Grand Tolosa… Qu’es aquò lo grand Tolosa ? Es un agropament politic que farà de tal biais que lo tecnocratic fosquèsse elonhat de la decision politica, aital avèm aquesta campanha. Lo ‘Grand Toulouse’ amai d’èstre una maquina per donar revenguts suplementaris als elegits sense consultacion de las populacions, es un instrument qu’alonha la decision politica de terrenh de las realitats.
Aital vesèm aquel efèit politic d’aquesta document. L’idèa sembla generosa : i a pas pron de plaça de parcatge, alara los cal far pagar e aital n’aurèm mens de problèma. E tecnicament la causa es simpla de far, un peatge. aquel peatge donarà pas çaquelà la garantia d’aver un parcatge. Es un peatge, òc, mas puslèu lo retorn de l’autreg en vila, dinca aver un autreg a l’entrada de la vila, i a pas gaire. E lo tecnocratic s’amaga darrièr un politic qu’a elonhat son pòste de la decision tecnica qu’es la votacion de la populacion. La causa es clara, los qu’an un ostal e garatge dins lo barri se podràn estauviar de pagar, e los autres auràn de pagar pauc impòrta lo revengut. Òr, lo barri dels ostals sense garatge es un biais judiciós d’aver una mescla de populacion, lo peatge farà que lo barri devendrà mai borgés, e donc mai elitari ; la consequéncia serà tanben pels prioprietaris privats que deuràn tornar fargar una partida de las T1 per s’adaptar a las demandas borgesas ; es una politica que la tecnocracia farà prendre en carga per d’elegits d’esquèrra. Vesèm la perversion !
La dreita l’a pas fait, l’esquèrra o farà !?!
Es una politica qu’ajudarà a l’exilh ecologic, lo desbalanç del barri al nivèl social ; e aquò tota la populacion l’a plan vist ; comptèm que lo peatge es pas brica una garantia d’estacionar tranquille.
Alara uèi, i a una protestacion Internet que s’es botar en plaça.
Ai mandat al ‘Grand Toulouse’ la meuna protestacion, vist qu’ai pas d’automòbil, soi pas segur d’èstre tocat tanben per l’afar … amai s’ai un jorn la necessitat de ne crompar una, voldrai pas pagar per aiçò.
Ieu, me questioni, que son aquestes ecologistas qu’an agreat a la decision aquesta ? Pensan al social ? Lor cal bailar la legion d’aunor de desbalanç social !
Cap comentari:
Publica un comentari a l'entrada