Perqué ÒC per l'independéncia de Catalonha (Principat)

Las rasons son talament nombrosas que l'ANC edita regularament responsas sul net o sus papièr coma per exemple las 7 responsas que son estadas distribuadas lo 11 de setembre, en doás lengas. Mas aquí vòli apondre doás rasons discretament ligadas a Occitània, region administrativa francesa al nòrd del Principat de Catalonha.

1 / son las rasons economicas e que seràn presentadas sancièra al cinèma de Girona a la nuèit.

Lo ligam vos indicarà ont fau anar per veire aquel documentari dels grands economistas europèus que fan la cadena de solidaritat per castigar la bordilhar dinerièra qu'es Espanha.

L'interès d'Estat es pas l'interès de l'argent de totes, de la fiscalitat de totes...

Dins las #assisesmobilite s'explica que 70 % de las linhas TGV son deficitàrias ; l'AVE es similar... que ne fau pensar quand los elegits centralistas ne vòlon mai e mai encara ? Quand se minja la fiscalitat occitana e catalana per bastir elefant blanc qu'un psèudo desvolopament qu'afavoriza sempre una casta que se calfa a las subvencions d'Estat.

La corrupcion es de quí ? benlèu aquel que desgalha l'argent de totes, la fiscalitat de totes, e en Espanha aquel que nega als catalans lo dreit de se desliurar del sistèma centralista madrilenc.

Dins la vídeo de promocion s'i parla de la renta del centralisme qu'afavoriza lo centralisme madrilenc, en logistica primièr, puèi infra-estructuras logistica, puèi mèdias TV e ràdio, puèi suls mercats de l'Estat.

Se dona tanben un encontre al cinèma de Girona per l'aver sancièr al cap, e en imatge.

2 / es la rason lingüistica, e l'illustracion la dona lo Govèrn d'Andòrra dins un piulet d'inauguracion en Occitània, ligat a la recèrca de la pollucion dins la region Occitania, amai dins los Pirenèus.

Gaitatz aquel document, o piulet del « Govern de Andorra », Govèrn d'Andòrra (en occitan), la lenga oficial e unica es lo catalan ; e fonciona ! 

E l'informacion arriba d'Occitània, per una inauguracion que l'administracion de la decentralizacion francesa acaba de redigir SONQUE en lenga o patois parisenc. Ostracisme lingüistic costumièr ; l'occitan e lo catalan estent considerat coma lenga del clientelisme, de l'associativisme, de la subvencion que fau donar abans las eleccions per assegurar un vòt.

E l'administracion francesa en Occitània sap jogar de las seunas ignoràncias lingüisticas per destrusir la diversitat lingüistica, entre clientelisme e egò de mantunes actors interiors al sistèma e supausat occitanofòn o quitament supausats occitanistas.

Ignorança francesa, lo comèrci e Andòrra

Un efèit de l’ignorança francesa pòt portar prejudici al comèrci andorran ; es aiçò qu’Andorra a pas encara comprès.

Una bandièra «L’Estalada» es la causa d’aiçò ; aquela bandièra es estada de cap manièra lo supòrt d’idèa nazi, sonque de la volontat d’un pòble de votar (mai de 75 % de la populacion catalana o demandar, e lo tsumani del 9N arriba, donc la nacion catalana se desperta e son clients). Mas la presentacion espanhòla de l’Estalada, dins un òtel d’Andorra a una francesa, l’ignranta directora d’establiment, aurà portat la franchimanda de castigar lo grope o la familha catalana que l’an penjat a la finèstra, e non pas la reaccion espanhòla (!).

Dins un article pron precís, El Singular dona aquesta frasa : « Arrel d’aquest fet, el director dels apartaments assegura que han decidit “que l’exposició de senyeres als balcons és l’expressió de l’opinió dels clients que han d’ésser respectades pels altres clients que tenen el mateix dret”. I afegeix, disculpant-se: “Si les formes de la nostra directora no han sigut les adequades i han pogut ofendre algú, us en demanem excuses. De nacionalitat francesa, la directora no havia integrat la sensibilitat de la questió catalana”.»

La nacionalitat francesa es un problèma andorran pel comèrci

Cada vagada qu’un element de l’identitat politica de la nacion catalana es tocada, l’informacion circula, aviat. Es una question de dignitat e de solidaritat. efectivament, l’informacion a circulat mai aviat que la famosa directora francesa pensava … E cal esperar que li costarà lo pòste.

Donc, lo prejudici andorran es grand …. al novèl de la notorietat. Cal notar que sonque lo catalan es lenga oficiala en Andorra, e que los Espanhòls i van en vacanças sense cap problèma lingüistic. Cal notar tanben qu’Andorra èra fins a pauc lo luòc privilegiat per l’immigracion portuguesa… Donc es un endreit tolerant, dubert e pacific, benlèu que la ciutadanetat francesa o a pas encara comprès !

Traduccion en occitan, El Singular : «Ligat a-n aqueste fait, lo director dels apartaments assegura que an decidit “que l’exposicion de bandièras als balcons es l’expression de l’opinion dels clients qu’an d’èstre respectadas pels autres clients que tenon lo mesme dreit”. E afortís una disculpa : “Se las formas de las nòstra directora an pas sigut pron adeqüatas e an poscut ofensar qualqu’un, nos volèm desencusar. De NACIONALITAT FRANCESA, la directora a pas pogut tocar la sensibilitat a la question catalana”.»

La nacionalitat francesa coma l’espanhòla es contra l’expression pacifica e politica dels pòbles mesprezats.

En clar, lo personal francés que parla espanhòl e francés a Andorra, es pas adaptat al mercat andorran. Perqué ? perqué l’ignorança es la primièra excepcion francesa.

En clar, se a Andorra lor agrada de personal de la ciutadanetat francesa, lor cal emplegar occitanofònes, bascofònes, corsofònes, alsacianofònes, britofònes, etc. La causida es granda.

Per informar los estupids e ignorants Franceses que se fan manipular pels espanhòls (e ne fauta pas ! sobretot dins totas las redaccions parisencas):