problèma de competéncias, mas ont ?

Quand legissi aquò publicat per Midi Libre, me pausi la question : qui es incompetent ? Lo jornalista o la responsable del torisme ? O benlèu fau veire una autra causa mai perversa ...
Es una jova elegida, li fauta las donadas per coneisséer Occitània ? Benlèu que la premsa internacionala se sap mai que tot lo personal politic del Conselh Regional amassat ? o que lo jornalisme en region Occitania !
Mas aquela question amerita un complement, perqué Midi Libre es incapable de pausar un complement ? Perqué benlèu que tanpauc lo o la jornalista ne sap pas mai sus Occitània ; la premsa internacionala se sap mai !

S'espèra una primièra pagina dins Courrier International per situar Novèla Aquitània, se fabrica una marca comerciala per situar Auvernhe dins la novèla region nordenc francesa ; per Occitània, la promocion se fabrica soleta ! I dèu aver rasons ...

Alara per informar lo personal politic del Conselh Regional Occitania, e lo jornalisme dins la region, Occitània es conegut pertot sus la planèta (comptatz justament al mens lo nombre d'universitats sus aquesta planèta que fan corses d'occitan), e benlèu melhor que dins la pròpria region, es benlèu aital que se podrà mesurar lo malfasent jacobinisme, dins la manièra de cultivar l'ignorança sus Occitània.

Ai oblidat una causa, benlèu que fau justificar un ròtle politic e donar coma ignorants los estrangièrs ... de qu'es aquela actitud ? Per futurs clients, los préner per ignorants ? Es mal partit pensar aital... per vendre !

Fau demandar sa demission ?

Ieu seriái lo PRG fariái pas la promocion d'aquò ...  zo fan per twitter, per un puilet que sembla un assassinat politic per incompeténcia.

La SNCF fa pichoneton progrès sul tèma occitan

L'estacion de Matabuòu es renovelada, e donc podèm veire aquel panèu e pro plan plaçat :

La causa es clara, pels chaminaires de servici d'Estat francés. Çò que pròva al mens que sabon que l'occitan exista, mas per una signaletica de qualitat fauta un poder politic que ne volguèsse ... e la partidocracia francesa pensa occitan per donar subvencion e crear una clientèla...

Per l'anglés e l'espanhòl, a res de besonh de demandar a la SNCF, sábon parlar espanhòl quitament pels clients de Barcelona !

Faudrà tanben un jorn explicar als fabricants de dictionnaires de respectar un pauc l'origina occitana e sa grafia per "Qu'es aquò" .... mas lo respecte lingüistic es pas encara arribat dinca Paris, vist que l'administracion de la decentralizacion es formatada per l'amagar, quitament dins las demandas alprèp de la SNCF.

Se vei çaquelà ambe una clartat evidenta, qu'Occitània a pas mestièr de doblar los noms dels luòcs, es simplament una question ortografica, l'ortografia occitana existava 400 ans abans la francesa ; quora la respectaràn, los que fan la gestion decentralizada d'Occitània, "Occitanie" e l'entorn ?