Jean-Pierre Chevènement, ambe l’assassinat d’un avocat còrse, es tornat dins los mèdias, pus discret es lo Melenchoneton…. Aital es Jean-Luc Talamoni (movement politic CORSICA LIBERA, e conselhièr territorial de Corsega) qu’infòrma de las intervencions al Sénat de Jean-Luc Mélenchon.
Podètz picar sul document o seguir legissent lo document aprèp ; la question tradusida en occitan dona : «M.Jean-Luc Mélenchon vira l’atencion del Ministre dels Afaras estrangièras sus la participacion de representants del govèrn francés a un seminari organizat del 25 al 30 d’agost de 1998 a Mariehman (Filàndia) pel centre europèu per las minoritats (ECMI), e titolat “Regions insularas e integracion europèa : la comparason entre Corsega e las Isclas Åland”. aquesta iniciativa s’es debanada coma una reünion para-diplomatica de l’Almanha e del Danemarc per favorizar un dialògue entre França e los autonomistas còrses a la talvera del seminari. Lo primièr president de la Cour des Comptes i èra present. Questionat sobre aquel punt pel Journal du Dimanche, afirmèt èstre anat en vacanças privadas a Mariehamn. I Èra çaquelà acompanhat de l’estacat de l’ambaissada de França a Helsinki. La tenguda d’aquesta reünion en Finlàndia a ajudat mantunas personalitats recercadas en rason de lasloras implicacion supausada dins actes de terrorisme de s’i júnher. Voldriái conéisser lo mandat exacte de l’estacat de l’ambaissada de França a Helsinki per la seuna participacion a un tal seminari».
Es plan la confirmacion que Jean-Luc Mélenchon es un dangièr per la recuperacion de las lengas dichas regionalas, per los que ne dobtavan, contra per una dignitat politica (segur) e contra per la patz en Euròpa (encara mai), puèi es un actor màger contra la patz politic que s’exprimís a travers las votacions dels autonomistas, dins lo camp de los que refúsan un referèndum en Catalonha.
Aquí, non podèm que pensar que mantunes professors montpelhierencs en causir lo Front de Gauche de Jean-Luc Mélenchon son un cas excepcional de dangièr per l’occitanisme, e per la dignitat occitana, pel seu futur al XXIen sègle. Atacar un pòble vesin per la seuna expression autonomista granda, es jà atacar l’expression de totas las autras visions de l’Estat francés. Quora sabèm qu’aquestes professors (benlèu tanben militant de FO) son los grands manipuladors de la FELCO, non podèm que regretar que la FELCO aguèsse lo sièti al pè dels burèu d’aquestas activitats nacionalistas franceses, que s’amágan dins lo vestit de professors d’occitan, e grands manigancièrs per obténer quicòm de magre dels govèrns centralistas franceses, e far lusir lo supausat angelisme republican de l’Estat francés.
Per votar Front de Gauche, cal èstre pagar senon cal puslèu èstre pec ?
Dins la meteissa categoria, dins lo meteis camp bonapartista e centralizador, avèm lo sindicat FO, sindicat qu’es lo mai grand dins lo personal de la decentralizacion, es pas dins lo primièr de las paradòxas, acaba de mandar a la premsa endoctrinaira (Le Monde) un comunicat per refusar l’aprigondissament de la decentralizacion.
Lo jornal de la comuna a indicat aiçò a prepaus de l’afar per aprigondir la decentralizacion.
Non podèm que regretar qu’aqueste personal de la societat civila francesa se trapèsse uèi dinc lo camp de los que refúsan un referèndum per Catalonha, es de dire lo camp dels Falangistas a Madrid, en companhiá del PSOE-PSC e PP (PPE). Seràn benlèu lèu dins lo amp de los que van criminalizar un actor democrata de Catalonha, Artur Mas.
Listèm dels amics de Mélenchon, Wert, Santamaria, Rajoy, Rubalcaba.
De l’article de Le monde, Se cal pausar tanben questions sobre aquel sistèma economic que de las regions, ne vei que províncias (luòc vencut, luòc de consomacion, sense poder regular las loras pròpria industrias o agricultura), províncias del reial mercat-Estat-nacion fRANÇA. Tot lo sistèma francés es grandament malfasent, benlèu que l’aprigondissament de la decentralizacion farà que los budgectes seràn melhor en bon balanç que pels budgectes de l’Estat centralista francés : vist qu’es estat interdich de fabricar moneda budgetària ambe los budgectes dels Conselhs Regionals…
S’espèra del Sénat que fasquèsse enfin lo relai de l’aprigondiment de la decentralizacion, per la melhora tenguda de la moneda comuna e per una melhora vida en regions occitanas, bretona, basca, alsaciana, savosiana, catalana, flamanda e picarda, martinica, goadelopa, réunionesa, kanaka, polinesiana, o maorí.
Lo Partit Occitan, que fa partit de l’ALE coma la N-VA (partit considerat coma extremista per las redaccions parisencas del mèdias als òrdres del centralisme), o la CDC d’Artur Mas, o lo EAJ d’Ibarretxe, o lo Partit de la Nacion Còrsa, prepausa d’aprigondir la decentralizacion, revolucion, non ? E dins lo comunicat a prepaus de Catalonha estauvi l’emplec del mot INDEPENDÉNCIA per non pas refredir la premsa locala (benlèu), o per páur del mot (sai-qué), es segurament pas talament movement revolucionari, autanplan revolucionari que Libertat (movement esquerrista e altermondialista) qu’oblida de presentar Catalonha e la manifestacion darrièra del pòble lo 11 de setembre darrièr.
Un Internauta lector en Corsega m’a mandat un vièlh dessenh de U Ribombu, la revista mensuala plan coneguda. La coneissiái pas abans d’escriure lo bilhet.
Cap comentari:
Publica un comentari a l'entrada