Dins l’Estat francés la causa es reglada, i a una gròssa omertà sobre las informacions dels eveniments en Catalonha ; o encara mai, i a un teissut jornalistic parisenc que, a docina, assaja de far passar l’idèa de l’extremisme de la demanda ; la causa es revelada per un auditor regular de las estacions de ràdios francesa, dedins bilhets del seu blòg occitan dau Lemosin a Orlhens, France Inter e France Culture, lo cal mercejar.
Nos podèm estonar de la faiçon qu’es estat presentat la preparacion de la manifestacion del 11 de setembre, res ; nos podèm estonar que sonque L’Indépendant faguèt quicòm sobre aquesta manifestacion, en mandar un jornalista (e l’AFP faguèt son trabalh nacionalista en manipular l’informacion), nos podèm estonar qu’aprèp la manifestacion sonque los jornals anglosaxons, germanics e Sud-Oest mandèran jornalistas especials, puèi L’Indépendant ; nos podèm estonar del perqué ? Al moment de la dubertura de l’Euròpa de l’Èst, ancianament sovietica, los jornals franceses faguèran un trabalh extra-ordinari, per probar que lo sistèma sovietic èra tòrt, es segurament vertat, mas coma per Catalonha fan pas parier, es la question ! Se cal alara pausar la question del potencial de manipulacion de la premsa parisenca (ràdio, tv, site Internet o jornal). Totas aquestas premsas espèran segurament la publicitat de Tourisme Catalunya per poder tractar lo subjecte de faiçon perverta, car quitament tractat lo subjecte es sistematicament tractat de faiçon perverta ; totas aquestas premsas espèran benlèu una intervencion militara ? Benlèu per ajudar la dicha o supausada République française a reviscolar lo camp de Ribasaltes ?
E çaquelà, i a causas de dire ; la manifestacion del 11 de setembre de 2012 es un long procèssus democratic –DEMOCRATIC- ; es un long procèssus que la crisi a ajudat, mas pas creat per la crisi financièra espanhòla, de l’Estat central e de las seunas causidas economicas e budgectàrias (PSOE-PSC e PP); de qué tractar dins Le Monde Diplo de manièra similara que Chávez e las eleccions del Veneçuèla ! E encara aquel mensual tractarà la causa de faiçon perverta tanben : perqué ? perqué la CiU es de dreita. Cal de premsa engatjada, mas es estonant de veire que de la dreita (extrèma-dreita tanben) a l’esquèrra (estrèma-esquèrra totparier) redaccionala francesa, lo tractament es lo meteis per Catalonha, per las decision democratica de la nacion catalana.
Lo procèssus catalan (Principat) es binari, 1 / Assemblea Nacional de Catalunya, associacion creada aprèp lo 10 de julhet de 2010 contra l’annulacion d’una partida de l’Estatut d’Autonomia per las autoritats juridica madrilenca (lo juridic madrilenc es estat aital plaçar en opausicion del dreit de pensar e votar per referèndum del pòble de Catalonha) ; b / la votacion dels ajuntaments (comunas) per l’indepdendéncia a l’imatge d’Areny de Mar, un fenomèn partit d’una pichona comuna, coma un vilatge d’Asterix.
Dins aquel procèssus i a pas cap partit politic, mas sonque militants, ciutadans ; i a res de dire sul subjecte pels jornalistas d’esquèrra en fRANÇA ? Non se resumís a legò d’Artur Mas ? Lo bonpartisme es encara dins los ments de las redaccions frnacesas ! (es pas la fauta d’en Artur Mas)
Puèi la manifestacion del 11 de setembre 2012 a mobilizat mai de 2 milions de ciutadans de tot edat (fasèm al delai de las chifras, e comparèm), e an manifestat PACIFICAMENT, dins la clartat e la jòia, per un NOU EST D’EUROPA ; i a res de dire aquí sobre ?
I a manièra tanben de descriure un Principat de Catalonha e se pausar la question de las autras tombadas de lenga catalana ; pareis que la lnga catalana ensenhada per immersion lingüistica (coma al Quebèc per francés) es generatriça d’independentistas ; seriá plan de mandar cercaire o jornalista sul subjecte, non ? Una creacion catalana amagada seriáde revelar a la planèta umana, es important non ?
Segur se podrà tanben parlar de feficit fiscal (pacte fiscal refuzat), e benlèu comparar ambe la volontat d’aver uin finançament estraitament ligat a l’activitat politica dels Conselh Regional ; es pas un subjecte interessant pels jornalisats centralisats franceses ?
Una redaccion normala –indepdententa- e seriosa auriá tanben confirmat aiçò del trabalh de solidaritat de l’Estat central ; e benlèu veire de quina manièra se podrà aver doás interpretacions.
De mai, cal parlar dels mèdias tot parier, d’Espanha, de las autonomias fòra Madrid), e dels jornals en lenga catalana (veire s’i a una correlacion entre publicar en catalan e independentisme, per exemple).
Quora se parla d’Escòcia –per confirmar que l’independéncia es pauc rassonable- benlèu que cal comparar amb Catalonha, e veire la consequéncia sul ment catalan de l’eventuala votacion negativa per un referèndum d’independéncia en Escòcia, veire la consequéncia al Principat de Catalonha.
Se amb tot aquò, avèm pas un dorsier especial dions totes los jornals franceses, es de se demandar se val la pena d’aver jornal en fRANÇA !
Dins los subjectes de tractar, ne fauta gaire ! Cal aver enveja de tractar lo subjecte de faiçon independenta dels estereotips.
Donc soi solidari ambe Catalonha, per l’omertà qu’an de suportar. Volètz organizar de serada d’informacion ? Contactatz-me.
Las vièlhas nacions (qualificatiu plural que farà rire en Catalonha ! Vist que Catalonha existís bravament abans fRANÇA), las nacion imperialistas (per resumir la realitat) sábon descriure lo fenomèn sense qu’al nivèl de l’egoïsme, de la fauta de solidaritat de Catalonha ambe Espanha, se plaçant aital en solidaritat entre imperialismes, los opressors son sempre solidaris ?
Rapèl istoric pels cronicaires de France Culture sul tèma, COMTATS CATALANS es notat sus la dreita de la mapa, e per generositat l’istoriador catalan parla de Reialme de França coma s’èra estat una unitat al moment donat (rire) :
Es çaquelà bizarre que los dires actuals de mantunes elegits del PP semblan fòrça al bonapartisme d’un còp èra !
L’interès general, en Espanha o França, es pas l’interès dels Occitans e dels Catalans.
La solucion o explica lo Financial Times :
E l portada d’Ara es çaquelà clara, e quitament las redaccions parisencas ne parlan pas qu’en associar los supausats egoïsmes dels nacionalistas, coma se Londras o Madrid fabricava pas de nacionalisme d’expansion:
-°-
Tot comptar uèi es extra-ordinari, France Télévision exprimís las seunas inquietuds. La fòto es catalana, mas lo subjecte es darrièr…. enfin es optiminista per l’independentisme catalan, sense comentari, neutral (es tot un estonament personal!).
e pichon RFI se desperta tanben ! Le Figaro autanplan ….
Cap comentari:
Publica un comentari a l'entrada