Es un pauc coma la potinga que l’UMP-NC nos baila cada ser dins las televisions privadas o publicas, mai gròssa es melhor dona d’illusion als inocents e las inocentas ; cada ser, l’UMP-NC nos pintra la comunicacion en blanc (puslèu blau Mediterranenc, modèl Estrosi de Niça) per nos far creire que, malgrat 10 annadas a totes los poders, faràn melhor per la seguida, aprèp 2012 !
Es l’illusion del sistèma productivista que pensa encara que la tecnica farà tornar, farà virar lo sistèma climatic coma èra abans… Es l’illusion nucleara, l’illusion de la mecanizacion agricòla, dels TGV que nos fan creire qu’estauviam temps en los préner, que pòrta l’idèa que podrèm aver d’enèrgia electrica sense comptar a causa de las centralas nuclearas, illusion que nos explica que lo chòc de las civilizacions practicadas resodrà los problèmas politicas, violéncias militaristas contra educacion dels pòbles, transmission dels sabers, lo gai saber (tradicion occitana), etc.
Coma l’a indicat Cécile Duflot, sèm a passar a un autre sistèma economic, lo social ne patirà ; serà dificile politicament. Las illusions productivistas s’en aniràn, e nos caldrà pagar lo sòld de las estupiditats qu’aqueste escantilh, pintrar montanhas per aver de nèu, de freg, de l’aiga e donc de produccion agricòla. Sembla talament a la nèu artificiala que se desvolopa dins las montanhas per poder recebre toristas que son l’unica activitat economica d’aquestas valadas montanhosas, luòcs abandonats del sistèma central.
L’òrt del productivista es acabat, nos va cáler pagar d’aver pensar que l’illusion productivista èra la realitat.
Cap comentari:
Publica un comentari a l'entrada