Una Euroregion per la Padania questiona

“Existí un projecte europèu, per bastir una euroregion altorn dels Alps e de la Padania. Amassa jà 4 regions italianas e las regions d’autres Estats en Eslovènia, en Carentia, en Suïssa o en França. Es lo projecte que vòli veire devenir realitat mas a partir de las regions italianas,” Explica lo president novèl de la region Lombardia, a un jornalista d’Euronews a Lyon, gaitatz aquí.

La question es pausada en Provènça e tanben per totas las traversadas dels Alps, pauc impòrta los mejans contraris als pòbles qu’i vívon.

Nos podèm alara questionar quora vesèm gaire comunicat de premsa per se felicitar dels vòts pel Movement 5 Estela (M5S), qu’es realament ganhant dins las valadas que se devon traversar per las novèlas linhas TGV. Lo movement de Beppe Grillo a ganhat aquí contra los projectes europeïstas (PSf-PRG, UMP, UDI), e tanben de la Lenga del Nòrd. Nos podèm tanben questionar de quina manièra lo FN e los ecologistas se pòdon desseparar (dins los lors escrits o comunicats) de l’imposicion d’aquesta linha contra la volontat de las populacions, de las nacions dels Alps.

Avèm aquí encara un conflicte latent, unas ideologias contra la realitat del terrenh montanhòl.

Del meteis biais, podèm questionar aquela idèa de fabricar un Estat novèl, tot en s’ajudar dels vesins que els son gaire dins l’idèa de fabricacion de l’Estat padanian. Se pausa la question clara de las evolucions territorialas de las administracions per s’adaptar a las necessitats de las ideologias o las simplas vidas de las populacions. L’Estat padan questiona l’idèa d’una Provènça, perdon prouvènço, pantaissada, isolada per un flumi o dos mas de mai en mai elonhada de las realitats parisencas. La question de la volontat padana pausa la question d’un estructura clara per l’identitat provençala (englobant per fòrça la Gavotina), non pas isolada, mas integrada a una estructura occitana, que se podrà sonar federala, mas qu’es simplament Occitània, un biais de servar los ligams ambe la Ligúria, e Roma, mai tanben Corsega e Sardenha.

Del caire de Savòia e Niça, la causa es diferenta, l’entitat padana non pòt èstre d’un alen novèl politic, vist los centralismes franceses qu’an installat una prepoténcia a Marselha e Lyon, contra las volontats de Niça e Savòia.

Aquesta volontat presentada pel novèl president de la Lombardia pausa un problèma a una certana vision occitana de l’Euròpa.

L’amarum europèu per las estelas italianas

S’acaba d’aver eleccions en Itàlia, e totas las castas al poder en Euròpa an una páur que se debuta : imaginatz se los pòbles europèus (lo pòble occitan comprès) se preniá lo poder de decidar en plaça de las castas e de las tecnocracias administrativas, que se debanariá mens bien ? La páur que lo sistèma establit dempuèi decadas en Euròpa, sistèma per enganar los pòbles, la páur aquesta puja ; Itàlia mostra lo camin per Occitània.

Lo programa aquel es en lenga francesa e italiana ; es de granda qualitat. O podètz fintar, segur que donarà idèa a mantunes per far pujar en França un movement que fosquèsse pas ionstrumentalizat per las tecnocracias, las partidocracias e las ideologias d’autres sègles.

Se demanda un novèl sistèma electoral ; n’avèm mestièr tanben a l’Estat francés… e sobretot la proporcionala sancièra.

Se demanda que los elegits tornèsse al pòble los salaris, o quitament que los fasquèsse non pas coma una renda, mas coma una despensa per la foncion que lor es autrejat per la votacion.

Se demanda una autra pensada sobre las enèrgias que son rpepausada als pòbles, se demanda sobretot que lo pòble fosquèsse associat a las causida energetica, e non pas las multinacionalas, que fosquèsse francesa, chinesa, japonesa, nòrd-americana o anglesa, o alemanda…

Se demanda que la votacion fosquèsse possible a mai granda dimension per totas las populacions e particularament lo entre 16 e 18 ans.

Se demanda un referèndum per saber de l’Èuro, € es la moneda que pausa vertadierament question a l’ora d’ara, e sobretot la politica de la BCE.

Tot aiçò es un programa politic que podèm aver mestièr per Occitània, mas non pas per manipular politica o ideologicament lo programa aquesta. avèm realament mestièr d’un partit de ciutadans, en Occitània tanben. Majoritariament Occitània de l’Èst a votat per aquel programa, mai tanben Ligúria.

Dins lo reportatge de EuroNews aprenèm una causa plan utila per al ciutadanetat occitana ; Beppe Grillo explica que veiriái plan que la ciutadanetat prepausèsse leis, o accòrds internacionals, per tal que los Parlaments los votèssen, e donc, non pas lo contrari coma es de costuma fins ara, e que malgrat los referèndum las votacions dels pòbles fosquèssen pas respectats per l’Union Europèa.

_°_