Cap ligason mètro per l'aeropòrt de Blanhac

Dins lo projecte de modernitat per l'agmoeracion de Lyon, los imperatiu logistica son estats, ligason TGV/LGV directe e li gason ambe l'aeropòrt de Sant Exupèry directa ! Se parla d'una metropòla de dimension mondiala, Lyon, çò qu'es la dimension que Tolosa dèu aver en amira, non ? Se parla d'una metropòla de Lyon que garda una ligason directe tren ambe Barcelona,e la valoriza. 

Nosautres -la representacion qu'avèm a Tolosa- sèm a pensar coma Parisencs ! Quitament dins la semantica, dins lo biais de veire las causas novèlas de Tolosa, un còp Paris, un còp Nòva York ; e quand pensarà en Tolzans, en Occitans de TOLOSA ? Fau referéncia al « canard du midi » que parla plan coma las institucions sotmetudas a la pensada parisenca : Ligam. 

Es lo còst de 150 M€ que frena que l'aeropòrt fosquèsse ligat a la novèla L3 del mètro, vist lo còst sancièr de la linha, i a segur quicòm mai, vist la fauta de linha dreita per aquela linha ...  es un pauc coma la L2, los virolets son pas encara explicats. La L1 èra al mens dreita ... benlèu mens de lòbis d'aqueles tempses vièlhs ? Quantes còstan al projecte los lòbis ? Benlèu mai que 150 M€ ... qui paga, totes ! E aprèp nos diràn qu'installar l'occitan a un còst impossible de pensar.

Quand Siemens fabrica lo Maglev entre l'aeropòrt de Shangaï e lo centre ciutat se parla de 7 minutas per far 37 km : per Tolosa-Blanhac faudrà encara cambiar de sistèma de transpòrts per arribar al centre, e donc pèrdre de temps, çò que favoriza lo lòbi dels taxistas ! e la fabricacion de taps que dona aital un argument per fabricar rotas suplementàrias, e agradar als amics del BTP, la grava paga! L'urgent es pas d'estauviar 150 M €, es d'aver la logistica la mai modèrna potenciala per una vila europèa, Tolosa.

L'urgéncia es çaquelà pas aquela de Blanhac > Tolosa centre, mas puslèu de quina manièra Blanhac serà religat a Merinhac en Maglev ! O Montpelhièr-Marselha en Maglev ... Sobretot se Siemens s'installa en vila tolzana, lo projecte serà urgent pel desvolopament de l'entrrepresa aquela e per l'exportacion de la fabrica tolzana sus la planèta nòstra.

Sempre avèm un personal politic que veson pichonet per Tolosa, la « capitala de l'aeronautica mondiala », que ne fan imauguracion per nos o probar, mas concretament : VESON PICHONET ; ieu m'agrada de saber de quina manièra Seattle a de pensar la vila, ambe lo sièti de Boeing, lo concurrent directe de Tolosa.

M'agrada de saber de quina manièra Blanhac aeropòrt serà religat a Barcelona el Prat, en mens de 3 oras ; m'agrada de saber de quina manièra lo Hubs de Niça serà religat a Tolosa, per estauviar lo saut d'avion e la pollucion que fabrica.... sense arrèst logistica pels clients. M'agrada de saber de quina manièra Bilbo serà religat a Tolosa, tot parier per Sarragossa.

Se pensam coma Parisencs, alara l'occitan es grandament complicat d'explicar per l'installar normalament. 

L'Espital novèl de Purpan es un exemple de pensada parisenca, sèm a dos pas de l'internacional AIRBUS (e es pas la sola entrepresa internacionala) e la signaletica es SONQUE en francés a l'Espital de Purpan ! 

Quand s'abandonarà la pensada parisenca per bastir Tolosa, aquela del futur ?

Tolosa, las grandas aigas de Véolia, e la gestion politica republicana

Tolosa, las grandas aigas son de Véolia.

A còps, e al primtemps, Garona portava aigats a Garoneta, e mai al delai ; ara son las collectivitats que pagan las digas, mas Garona es paura en aiga, quitament a la sortida de l'ivèrn e de las nheus pirinencas.

Ara avèm la gestion decentralizada, modèl jacobin e comunalista, gestion dels jacobins, dels partits jacobins en Occitània ; fan la logistica matinala dels 100.000 tolzans al sud de Tolosa dempuèi mai d'una setmana, es l'aiga VÉOLIA (entrepresa mondialista del mercat-Estat-nacion francés) dins l'estacion de Sant Anha (Saint Agne) ; avèm donc aquí la resulta d'una causida politica d'externalizacion de las accions comunalas de Tolosa ; politica aplicada a totes los sectors de l'activitat comunala a Tolosa, transpòrts collectius comprès, mai tanben dins las relacions entre la comuna (los capitolièrs) e los botiguièrs tot parier.

Bon pareis que TISSEO portarà un planh contra VÉOLIA e la fauta d'investiment ; mas quí a causís VÉOLIA coma actor del servici de l'aiga a Tolosa ; los meteisses elegits que son en governacion de TISSEO ; aquò s'acabarà en colha ... e negociacions que lo còst tornarà als sampitèrnes fioncalizats.

Alara qui explica que verificar que los investissaments necites faits per la salvagarda dels servicis publics comunals, e donc l'emplec de la fiscalitat locala ? Sembla que los elegits fan representacion sovent (lo cònsol a Paris sovent, e gaire sul terrenh, levat per se passejar pels vòts dins los barris per marcar l'illusion politica), mas salvagardan gaire la vida logistica dels Tolzans, lo bon emplec de l'argent public e dels investiments publics coërents... an per la dreita un cumul de mandat d'assumir, e per l'esquèrra avián un partit de salvar.

Car dins aquel afar de l'aiga a Sant Anha, fau pas desvirar que l'esquèrra, Pierre Cohen, es tanben en fauta. Fau pas oblidar que la majoritat de Pierre Cohen, malgrat l'inscripcion dins los programas de la municipalizacion de l'aiga, l'afar es pas estat pactat coma a Grenòble. VÉOLIA sembla aver d'entradas politicas fòrtas a l'UMP-UDI (ancian nom dels Les Républicains) e al Psf-PRG … Aquò se sona lobbying en francés academic, mas es simplament la maissanta gestion de la fiscalitat publica qu'es aquí dins l'actualitat de 2017. Maissanta gestion, un pauc coma per l'ancian regime... del delegat del rei-dictator en Comtat de Tolosa (veire bilhet de ièr).

Coma ai poscut l'escriure ièr dins un bilhet sus l'Òtel de Tolosa, la fiscalitat es causa de totes los subjectes del rei-dictator franc, o ciutadans/anas de la santa République française.

L'aigat Véolia de Tolosa es la resulta d'una maissanta gestion dels capitolièrs, e qui pagarà al final, las destruccions de las aigas e la maissanta logistica dels Tolzans al maitin, lo meteis ciutadan fioncalizat. Car sempre lo politic decidís, s'aumenta lo revengut sovent en representacion a París, mas sovent laissa liurament pagar lo bais pòble, pagar per las errors de gestion que fan al fial dels sègles ; sembla èstre una granda tradicion tolzana (lo bilhet es pels Tolzans, segur que podèm listar d'autres endreits aital).

I a un guit-estudiant de la Toulouse Business School per ne fargar un memòri de doctorat sul tèma de la fiscalitat locala e lo sistèma jacobin, o d'ancian regime ? Non pas, pas un per saber de quina manièra las fiscalitats tolzanas son mal emplegadas al fial dels sègles ! Ah si per aver prèmi "Nobel" de la banca de Suèda son mai fòrts.

Pel moment, avèm una memòria-exposicion sus Pierre Baudís al capitòli ; segur que se fau remembrar l'istòria, mas dins aquel afar es pas aquela d'una persona, mas d'un fenomèn tipicament tolzan, estranha fiscalitat e son emplec, lo fioncalizat tolzan a brava esquina pels politicians installats pel sistèma bonapartista francés, installats al cap de Tolosa devath las aigas, e per las eleccions dins lo darrièr regime republican francés.

Finança, mètro tolzan e occitan

Un document aquel vrespe daissa esceptic la ciutadanetat ; la competéncia en matièra de finança publica fauta dins l'entrepresa publica TISSEO-SMTC ?

 

Aquel twit pel vrespe, assegura donc que lo montatge financièr per pagar la linha novèla de mètro entre Labèja e Colomièrs es un montatge mal preparat per l'administracion TISSEO, puèi acceptat aital pel personal politic en carga de la gestion. Es evident qu'aquel personal politic, dins aquela fauta de seriós, aurà encara de mal a installar l'occitan sus la linha novèla, acceptar a una administracion TISSEO qu'es pas seriosa tanpauc.

L'administracion es pas seriosa e amai es contra l'occitan dins lo mètro sobretot quand lo personal politic es pauc seriós tanpauc, e amb pauc d'arguments sul tèma.

 

Es un montatge qu'amerita çaquelà l'ajuda europèa, çò que pròva que l'Union Europèa sap pas tanpauc gaitar los compte abans de donar l'argent public europèu. E ne faguèron talament de rambalh, qu'ai agut un dobte sul finançament de tot lo dorsier. Soi «rassegurat», aviái encara rason, las finanças de la vila de Tolosa son talament claras que fan al mens d'especialistas de la City de London o de la BCE per n'entendre quicòm. La cort francesa dels comptes publics, partisana coma es sovent, podrà de tot biais i veire pas grand'causa, coma sempre pels projectes d'avenidors.

La conferéncia de premsa de diluns passat, èra simplament per far un corrièr a la segonda vila de l'aglomeracion de Tolosa (mai de 110000 habitants que semblan pas important per l'aglomeracion UDI-Les-Républcains de Tolosa vist que vòtan a l'esquèrra), aital faràn sense passar per l'assemblèa de la Metropòla ... un jòc de pòker mentidèr que costarà car als ciutadans de la vila o de la granda metropòla ?

 

Nos podèm questionar sul pichon jòc mediòcre que fan dedins lo sistèma jacobin binari tolzan per èstre amassa a las governas de TISSEO-SMTC totes e per non pas s'informar !

Marengo, un Tolzan s'exprimèt

Vau escriure sul mètro, aquel de Tolosa, me sembla que lo public que legís aquel blòg li agrada quand escrivi sul tèma. La setmana passada ai agut de préner lo mètro, linha A, linha B, e tanben de legir un tèxte sus la futura ... linha 3, en francés plan segur, tot aquò !

Primièr una campanha de civilitat (es un grand succès, o mal dimensionat, donc i a pauc de plaça a las oras de puntas, entre 8h30 e 9h30 e lo vrespe entre 17h30 e 19h30) es causa urgenta e de mendra còst vist l'impossibilitat financièra d'aumentar la dimension de las ramas del mètro, donc avèm una campanha civilitat de TISSEO. E dins aquela campanha quatre pichons noms son estats emplegats, sense cap problèma o comentaris dels clients TISSEO, levat a Marengo :

Entendèm plan, que sus las pòrtas de las estacions cal ensenhar la civilitat (que se dèu pas ensenhar dins las santas escòlas republicanas francesas de Tolosa, segur), mas a quí ? La question trapa una responsa aquí :

Aquel « + Youssef » me questiona, l'ai pas vist al Miralh, ni Polida Font, ni Balmars-Gramont, ni Mermoz, ni Bagatèla, ni La Vaca, ni Bòrda Roja, ni Ranguèlh, ni La Roseda, ni Als Tres Cocuts, etc. E coma lo son [u] es grafiat a la francesa, es plan un francofòne que l'a escrit, aquel Youssef...

Un francofòne que voliá far passar quin messatge ? La causida serà vòstra : 1 / que Youssef a una propension a pas seguir las consignas de TISSEO ? 2 / que Youssef es un nom corrent de Tolosa e oblidat pel servici de comunicacion de TISSEO, 3 / que lo servici comunicacion de TISSEO voliá estigmatizar los clients français(es) de souche perqué son els o èlas lo problèma per la civilitat dins lo mètro ? (e... cala-te, vas èstre tractat d'islamofòb) 4 / la comunicacion de TISSEO sap pas que lo pichon nom lo mai emplegat dempuèi dètz ans dins los espitals de Tolosa, s'ausís mai a la television que non pas dins la transmission patrimoniala dels Tolzans, e donc mai Kevin que non pas Youssef o Walid, o Karim o Ibrahim ? 5 / coma TISSEO a pas la costuma de pensar l'occitan coma aisina de comunicacion, a oblidat que los prenoms occitans son tanben potencialament utiles per comunicar melhor dins aquela situacion politicament complicada ? (bon clar cal oblidar Simon, aquel a laissat maissanta novèla istorica a Tolosa).

D'unas maissantas lengas diràn qu'ai Paul e Martin, e lor respondrai que Paul s'escriu PAU en occitan e que MARTIN los franceses nos l'an fait ortografia malament Marty ! D'aquí l'interès d'una campanha per ortografiar l'occitan dins lo mètro de Tolosa... L'ortografia occitana, la mai anciana de las lengas d'origina latina, es un instrument pedagogic per explicar qu'es pas una langue régionale, mas una clau lingüistica latina, e donc objecte internacional, INTERNACIONAL. L'ortografia e la nòrma basica occitana son deguda a un acte politic dels Ducs d'Aquitània, puèi es devenguda lenga dels Trobadors, de sciéncias e de dreit, e de caça tanben ; es que los descendents politics tolzans, qu'an plan de sensibilitat per l'ancian regime francés, sauràn trobar las raiças politicas tolzanas que cal, que fau, per aver la dignitat lingüistica e politica que cal a Tolosa, capitala d'Occitània (region administrativa francesa) ?

Justament a prepaus de comunicacion e de dignitat, la linha 3 arriba, e l'occitan es encara oblidat, indignitat (!). Ne vòli la pròba aquela mapa en francés, e la portada del document de promocion :

Dins lo cap dels elegits e de las elegidas tolzanas, l'occitan es la lenga d'una clientèla, aquela que demanda subvencions, moneda publica, alara subvencionat l'associaicon, la lenga occitana an pus en carga collectiva, publica, e çaquelà la díson del patrimòni tolzan ; es encara paraula nostalgica d'una passat pantaissat, es pas lo futur per una lenga qu'es estada la basa de la coneisséncia europèa, trè lo sègle X. O cal plan dire, seriá estat costós de notar aquela mapa de manièra diferenta ? En oblidar pas l'occitan, per exemple ? Ai sempre indicat qu'una politica per l'occitan dèu èstre pensada abans que tot projecte debutèsse per non costar al final, al final en subvencion après las sampitèrnas protestacions occitanistas (e faitas amb rasons, vist l'incompeténcia politica sul tèma).

Donc, malgrat una enquèsta lingüistica del Conselh Regional que la populacion a demandat l'occitan pertot, lo sistèma politic jacobin actual del país de Tolosa, region Occitània, pensa l'occitan encara coma una lenga d'una comunautat, lenga-comunautat que podrà ajudar coma clientèla electorala, e non pas coma pertot sus aquela planèta, coma una lenga utila per totes los ciutadans e totas las ciutadanas. 

E Cloe, Bernadeta, Lea, Kevin, José, Jordi, Maria, Martin, Pau, Walid, Jakez, Alan, E Youssef apròban aquel messatge, coma díson los candidats a las eleccions nòrd-americanas. Mas lo sistèma politic jacobin francés de Tolosa es coma tot lo personal politic de l'exagoniá, o jacobiniá universala, una e indivisibla, de l'article 2 (en data de 1992), es perturbat per non aver l'autonomia de la pensada politica, la populacion tolzana, non. Los elegits de l'aglomeracion vòtan ancian regime francés d'abans 1792, Languedoc, mas l'occitan s'en trúfan levat a las eleccions...

Una politica lingüistica per l'occitan a Tolosa, seriós quand ?

O sabèm totes e totas, a Tolosa, lo mètro en occitan ; es pas sufisent, alara vaquí lo peis lançat, vaquí la pesca lançada dels retorns de comentaris positius, per avançar, donc vaquí un bilhet lançat per ....

Totes avèm plan vist que la pichoneta aparicion de l'occitan dins lo mètro èra limitada per la valentia politica de l'esquèrra coma de la dreita, o de l'umanisme bèl d'un president actual, o ancian ; e anuèch a las 23h00, lo president Jean-Michel Lattes explica pel cap-d'an reial e sudista que : 

Lo comunicat frena lo bon dormir pels elegits, ça sembla ; lo comunicat sembla totun plan a un .... peis d'abrial, pescam (?) e çaquelà rebèrta una plan bona coneisséncia de la limitacion de l'occitan dins lo mètro e dins los transpòrts collectius (per la lenga istorica e collectiva dels Occitans de Sud-Occitània). La limitacion es çaquelà plan aisida de despassar, cal avançar e es possible se...

Car una politica lingüistica passa plan per una comunicacion pedagogica en l'abséncia d'una politica d'oficialitat que sonque un poder jacobin podrà votar (e sabèm que pòdon perdre tempses a d'autras reformas descadentas per l'umanitat politica), podèm pantaissar una lei parisenca, longtemps...

Ai pas trapat melhor pel moment per illustrar una politica lingüistica per l'occitan :

E çaquelà lo fialat d'internauta tolzan per l'occitan e lector del bilhet de Jean-Michel Lattes explica en francés : polit peis, en majoritat. Mas de qu'esperèm per aver una reala politica per l'occitan a Tisseo ? i a concènsus, e o sabèm dempuèi que lo Conselh Regional a enterrat una enquèsta lingüistica faita en Miègdia-Pirinèus e Aquitània, tròp favorable a l'occitan ; ara, çò que fauta es un director de comunicacion de Tisseo que sap emplegar l'occitan, dins TOTES LOS ENDREITS POTENCIALS DE TOLOSA (sense que còst res de mai que lo budgecte actual) e per totes los projectes de futur (sense que còste mai dins los projectes prepausats).

Donc al final cal ajudar lo president a aumentar l'occitan dins lo mètro, e Tisseo en general, e ajudar lo CR de Tolosa de plaça l'occitan dins als estacion SNCF coma se faguèt en Languedoc-Roussillon d'un còp èra, esperèm pertot en Sud-occitània catalonha, la preséncia digna de l'occitan, cada elegit o elegida dèu èstre exemplara dins aquel e mplec, es possible d'o far coma en Bretanha !

Lo bilhet aquel participa al ....buzzz [prononciar böëzzz] coma díson e escrívon en patois parisenc.