La democracia sembla a Saturne

Acabi de dubrir lo darrièr numèro Fòra Seria de Sciéncia e Vida ! L'ai dubèrt car ai pensat trobar novèlas bonas de la democracia, car aprèp Jupiter avèm Saturne, lo magazine explica : « los mitèris de Saturne », lo mistèri de la democracia son grands tanben. 

Nos fau situar Saturne dedins l'univèrs, nòstra pichoneta galactica, dempuèi un punt elonhat que sabèm qu'es redonda plan abans Galilèu Galilei ; quand la tèrra es plana seriá tanben una manipulacion mediatica de la santa glèisa de Roma, per servar la sapiença dedins lo Vatican, e l'escrit dels libres en lenga latina ? L'informacion ingeniva es estada donada ièr dins un programa radiofonic e scientific francés ; soi a recercar lo qual.

Avèz remarcat coma Saturne es multiple per las colors en fonciona dels instruments que ne fan la fotografia e la distança que fau per portar lo signal fotografic ? La democracia es parier ; aital que lo neuròne pensa ambe las colors del sovietisme Veneçuèla es democratic. La democracia es parier ; aital que lo neuròna del CSA que son invita a gaitar la TV d'una «democracia» russa (veire bilhet següent). La democracia es parier ; aital lo magazine The Economist dona una mapa dels Estats musulmans dits arabs e lo primtemps dit àrab.

 

Avètz remarcat que Saturne es un monde elonhat del bilhet que soi a escriure e grand coma una dimension qu'avèm la paur d'imaginar ? La democracia es parier, avèm talament de version de la democracia que mai es elonhat mai avèm problèmas per èstre segur qu'es democracia, e quitament prèp de nosautres, sèm dins lo dobte ; mai pichona e aprosmada es l'entitat que vòl la democracia o lo pòble, mai sèm rassegurats, mai segur sèm que l'auràn lo mai aviat que la pensan.

Avètz remarcat que Saturne a satellits e cadun a son biais de viure ambe l'astre que seguís Jupiter dins l'alinhament de las planètas que coneissèm. La democracria sembla çaquelà mai viva quora l'entitat politica es pichona, mai granda es l'estructura politica, mai s'imposa un dictament central per sobreviure coma etiqueta politica, dita democracia : çaquelà en realitat es democracia forana dels pòbles, car sovent son sotmetuts, e amai son tocats per la sindròma d'Estòcholm.

Bon ara vau acabar la lectura del numèro especial de Sciences Et Vie, los mitèris seràn encara sancièrs.

 

Ligam

Dins lo sistèma solar sembla que lo pichon a mai granda escasença per i vuire, o sobreviure, coma dins l'umanitat, lo sistèma democratic tanben. E mai pichon es, mai aviat se podrà destrusir... alara se pensa ecologia, sentat dels pòbles, de l'umanitat.

Avètz remarcat que lo poder lo mai elonhat a lo mai besonh d'aisinas dictatorialas per s'imposar quitament s'es estat elegit en votacion perissologica ?

quand lo lòbi es dedins lo sistèma jacobin, agro-alimentaire français

La recèrca francesa s'amaga darrièr un nacionalisme, un legitimisme, que la lenga anglesa n'es la paret (bilhet següent), l'amagador virtual es lingüistic, aital lo « bon pòble » o los « ignorants d'en bas » (e que zo devon damorar) son classats coma incapables d'entendre çò que fan, e la lenga es alara tras qu'utila, primordiala ; lo latin aviá lo meteis ròtle dins la glèisa catolica, coma dins la ierarquia de las sciéncias d'un còp èra. Fau tornar escotar los teatres medicals de Molière ? ...

Lo collòque del detzen aniversari d'EcoLab ne fasiá la pròba (veire lo bilhet següent), mas la segonda pròba l'ai trobada en francés dins la revista coorporatista AGROMag n°45, aquel numèro es lo resumit de la comunicacion vist pels tecno-omicians de la sciéncia subvencionada o de las entrepresas que plana en coorporacion autocentrada e sovent pron contenta del jacobinisme, mas non pas la sciéncia per l'utilitat collectiva, donc l'utilitat en Occitània, e per la planèta ; car lo retorn de presentacion o comunicacion que lor agrada pas, es viscuda coma una agression coorporatista que fau desfugir ; coma se « comunicar » èra una accion a sens unic, dels sapients o saberuts vident en universitats o ostal de recèrcas dincal bon pòble, e coma se lo « bon pòble » aviá res de comentar en retorn, alara qu'es el que paga la sciéncia, ambe sa fiscalitat o las crompas que fa al supermercat dedins lo mercat-Estat-nacion que los escanas de taxas de tot escantilh.

L'arrogança del personal -fau averl de la « sciéncia » o de la recèrca d'Estat o privada- se transfòrma en ira de moment que lo « bon pòble » s'i interessa per criticar lo modèl de desvolopament que prepausan, intuïtivament las vias prepausadas per la recèrca se fan contra la via umana dels pòbles.

Es aital que lo dorsier « Communiquer... pour qui ? Sur qui ? » es d'una utilitat antropologica per determinar quin tipe de personal pagèm per cèrcar dedins l'Estat francés ; la mentalitat nobiliara es pas acabada dins aquel mitan. En resumit. La sang blava s'es transformada en sang scientifica, mas lo regime es lo meteis ; lo « bon pòble » dèu èstre inocent e se calar car els sábon çò qu'an recèrcat ambe los dinièrs nòstres, e sábon l'imposar al « bon pòble » que i coneis res per esséncia.

Dins la revista se dona aital la paraula, pagina 24/25, a « culture viande . fr » qu'es la votz del lòbi de la carn en fRança ; e per contrar o pensar, fan una scientificacion sanctificatriça ; me sembla qu'i a d'autras visions potencialas qu'aquela del lòbi ! Se farga la guèrra dels lòbis dedins l'Union Europèa, per contra la PAC de la FDSEA, mas concretament lo lòbi aquel es installat en fRança de manièra qu' interdit tota autra paraula discordenta, ambe l'argent public qu'i an dreit tot parier. Lo jacobinisme es bona manipulatriça, quitament dins las redaccions de revistas que se vòlon scientifica. Agro Mag fonciona coma un vièlh mèdia del sistèma sovietic, la pravda, fau saber legir entre las linhas dels « comunicants » dels lòbis e dedins lo dorsier especial « communiquer comment ». la revista es en francés, mas soi segur que l'anglés lor agrada per comunicar... foscosament.

La comunicacion de la revista se resumís a de quina manièra las coorporacions, sempre donadas coma santas, devon donar al public la santa paraula ; de pertinença redaccionala n'i a una, mas es pas aquela de los que pagan lo minjar dins lo supermercat, o que pagan la fiscalitat de l'Estat, es de dire lo « bon pòble dels ignorants » bona pasta ciutadana que se devon calar e far fisença a un sistèma que los engana a dolçina.

Agro mag es distrudiat segur a gratís dins los endreits de la coorporacion ; segur que zo fan pas la « bon pòble » perqué senon criticariá pron aviat... la distribucion intèrna es un biais de comunicar entre els, es pas question de discutir democraticament... ambe lo « pòble d'en bas », lo « grand public » ; es question d'entretenir lo fialat de la coorporacion, dins la filosofia del sistèma d'engana del mercat-Estat-nacion jacobin francés.

E los gap de comunicacion de las universitats francesas participa d'aquel coorporatisme contra lo « bon pòble » que paga en silenci. Coma se las resultas del lòbis nuclear èra pas encara entendut, o coma se la nonescaduda del debat public sus las nanotecnologias èra pas acabat en cambiament radical del sistèma scientific francés.

La sciéncia e los coorporatismes francés a pas res comprès als cambiaments del XXIen sègle, sègle que la sapiença a mestièr de saber se presentar al « bon pòble » e n'acceptar la critica per avançar mai aviat ensems.

La revista èra distribuada dedins un endreit scientific francés, l'ENSAT, plan en vista. La contra-vision aquela es pas ensenhada dins las revistas distribuadas a l'entrada de l'ENSAT...