Totas las enquèstas pel jorn de las eleccions del 28 de novembre venent, fan que la majoritat absoluda es de preveire per Artur Mas al govèrn de la Generalitat de Catalonha, aprèp doás vagadas de govèrn tripartit (PSC-PSOE, ERC, eco-socialistas). La linha de campanha se pausa clarament contra la re-installacion del tripartit, la vídeo aquesta ne far una presentacion.
Per donar una descripcion de CiU, es un pauc complicat se fasèm una comparason ambe lo sistèma politic prepausat dins l’estat francés e en Occitània.
Se podriá dire qu’es una associacion d’independentistas catalans, del catalanisme regionalista e del MoDem, Parti Demo-Christian e del Nouveau Centre qu’es uèi integrat a la majoritat UMP del vòstre president-avocat d’afar Niko de Neuilly/Seine, mas bravament mai presentable pel tot, bravament democrata, del tot. Es representat en Occitània, pichona (Val d’Aran), per Convergència Aranesa, al poder a Vielha-Mijaran, la ciutat, actualament.
Ambe aquestas eleccions sembla que lo pujolisme s’acabèsse, mas un ensemble de novèlas caras puja dins l’estima dels ciutadans de Catalonha. Xavier Tria per Barcelona es declarat clarament independentista per un referèndum que se fariá a la ciutat.
Avèm aquí una nòta de premsa que retraça la presentacion per El Mundo de la situacion barcelonina.
El Mundo es un jornal espanhòl qu’es sancierament contra lo nacionalisme catalan, e amic de Libération a París ; se podrà pas dire qu’es una ajuda per la politica catalana independentista.
La campanha de CiU contra lo tripartit es una batalha contra una antena d’un partit espanholista en Catalonha, o al mens un partit que podrà pas agir sense que Madrid i aguèsse son mot de dire. Mas dins la vida anciana de CiU se pòt pas descartar un trabalh politic ambe l’ajuda del Partido Popular, a Vielha coma a Barcelona.
Soi sempre inquiet e sabètz perqué ? Es encausa de la famosa frasa de l’Alain Juppé, «lo PP es un modèl per l’UMP» ; se lo PP parla occitan en Aran, parla catalan a Barcelona, per portar idèas de recentralizacion espanholista, coma fa uèi l’UMP. Es la politica de recentralizacion qu’es inquietanta, ièu que soi pel modèl invers, e la balança dèu donar al maxímum per la dignitat occitana e catalana, al dedins d’una Union Europèa que nos reconesquèssen, en tota dignitat democratica.
Mas coma ai poscut presentar Esquèrra Republicana Occitana, ièr, la presentacion de CiU es tanben per donar una imatge positiva del modèl democratic catalan, pertot dins los païses de lenga catalana lo modèl es desvolopat democraticament, levat ont lo PP es fòrt coma a València.
Per aquestas eleccions tanben podrèm dire qu’i a pas sonque ERC qu’es independentista, Reagrupament e Solidaritat Catalana son dintrats dins lo païsatge politic catalan ; es la resulta de la batalha pacifica dels darrièrs ans, e d’una jornada excepcionala, aquela del 10 de julhet 2010.
Lo modèl democratic catalan es lo modèl democratic per Occitània, modèl de bastir que m’agrada.
Que ne pensa The New-York Times ?
Que ne pensa lo Col.lectiu Emma, en responsa al NYT ?
E per clavar que ne pensa, La Tribuna, El Triangle e/o Vilaweb ?
Cap comentari:
Publica un comentari a l'entrada