Anuèch Sud-Ouest viu ambe la publicitat, tanben aquela de la region autonòma de Nafarroa, en lenga basca, publicitat en lenga francesa dins Sud-Ouest, per la promocion del torisme ; es vertat es una polida region autonòma e qu'amerita una visita de totes los elegits d'Aquitània e Sud-Occitània, per una politica d'engatjament politic per la lenga basca, e pel torisme sancièr. Aquela region acaba de cambiar de cap de govèrn autonòma, un govèrn financiat per un sistèma qu'es estat conservat, fòrs e Costumas tipics de Gasconha, e non pas abandonats ailà, parier que lo 22 de setembre 1792 al «Parlament de Navarra», Bearn, per donar la votz legala a París, aquò se son traïson del borgeses de Bearn ; aquí a Pampluna a la tombada del franquisme an servat, ambe pression poltiica clara, los Fòrs e Costumas, que son estats baptejats privilègis pels poders imperialistas franceses de la santa revolucion parisenca, talament presada per un Mélenchon. Lo Parlament de Navarra-Nafarroa que damora, es un parlament legislatiu e que se finança per l'activitat pròpria de sa region autonòma (un projecte politic que lo Parlament de Navarra gausa quitament pas demandar politicament, e n'es a la question de País de Bearn ambe jà problèmas politics), fiscalitat diferenciada. Aital aquesta magnifica region de visitar, Navarra-Nafarroa, prepausa publicitat dins Sud-Ouest, lo jornal de Bordèu.
Anuèch lo jornal Sud-Ouest informa tanben de la dubertura d'una classa bilingüa, dins un pichonet article ; jà las inscripcions son plenas, la populacion sempre respond a la prepausicion politica per l'occitan e per l'administracion volontària ; la classa bilingüa es lo minímum politic acceptable pel sistèma politic francés en Occitània, mas çaquelà se farà pel moment qu'ambe una FÒRTA VOLONTAT politica ; un oblidança de l'article Sud-Ouest, es lo cònsol de Marmanda qu'es l'encausa primièra del desvolopament d'una reala politica per l'occitan a Marmanda, las aisinas associativaas, ATP Marmanda, i èran, mas lo poder politic a cambiat e en tres ans, jà se vei.
Tres ans aprèp, a Montpelhièr lo candidat regionalista Philippe Saurel, Citoyen du midi, espèra per installat los panèus en occitan a l'entrada de la vila del Bais-Lengadòc ; PhilippeSaurel.fr espèra pas per installat una placa per valorizar l'Abbé Grégoire (!); Marmanda, los panèus son installats dempuèi mai de 30 ans, es un secretari general còrse -CÒRSE- que los a installat, una granda primièra per l'occitanisme qu'o demandava pas al moment de l'installacion.
Aquel sistèma d'ensenhament es un sistèma d'Estat, decentralizat e promòugut per l'associacion OC-BI, es un grand succès pertot ont s'installa ; es de vertat ; mas politica a un grand desavantatge, es lo sistèma educatiu francés qu'amana encara la barca, son grands foncionaris qu'an la man sus la decision directa de dubertura (lo mai complicat de far) o de clavar (lo mai grèu e aisit de far), i a pas encara d'autonomia politica donada als parents o al politic regionalista per menar la barca e assegurar un contunha, annada aprèp annada, quand lo cònsol volontari de Marmanda aurà desaparegut que devendrà l'escòla ? Esperèm encara una lei (fabrica a París, malastrosament, e non pas dins lo «Parlament de Navarra», en Bearn), lei d'OBLIGACION a l'installacion de classa bilingüa pertot en Occitània, que fosquèssen dins las escòlas d'Estat (coma en Corsega, se vòta fòrt pels independentista ailà, i a pas d'astrada politica, i a sonque fren politic francés) o las escòlas autonòmas associativas Calandreta, Diwan o Bressola, o Ikastolak, o ABCD en Alsàcia.
Aital una visita en Nafarroa-Navarra es indispensabla per totes los elegits e las elegidas de Sud-Occitània e Aquitània, PACA o Auvernhe-Lyon.
Cap comentari:
Publica un comentari a l'entrada