Dins un bilhet recent me planheguèri de las incapacitats dels contractants de Minsk, França, Alemanha, e Rússia, de donar leiçons per aver una decentralizacion en Ucraïna, un Estat jove. Aiçò a la seguida d'un bilhet publicat dins ARA, dimarç passat.
Anuèch soi encara mai optimista per la democracia en Ucraïna, es l'extrèma dreita d'Ucraïna que me dona aquel optimisme, an manifestat contra la lei de decentralizacion que lo Parlament d'Ucraïna votava.
Se vei aital qu'Ucraïna es un Estat democratic coma fRança, mas a la diferéncia de fRança es que las idèas antidecentralizacion, pel minímum jacobin potencial, o per una autonomia de las regions per la nòrma politica europèa, s'exprimís pas a l'extrèma-dreita solament, mas dins tot l'escàs politic ; es la pròva que l'«anti-régionalisme» francés es pas luènh de las idèas d'extrèma-dreita, sul continent europèu.
Vertat es que l'extrèma-dreita d'Ucraïna i vei clarament un dangièr aprosmat, lo regime expansionista vesin e an benlèu rasons, vist que son autanplan expansionistas que los Jacobins franceses. Qual es lo dangièr expansionista còrse ? breton ? alsacian ? occitan ? catalan ? basco ? O benlèu que cal protegir l'expansionisme francés qu'envasís totas aquelas pauras pichonetas regions sotmetudas a la violéncia d'Estat centralista francés, e qu'aiçò, ambe la propaganda francesa, assegurariá una vida melhora a las populacions sotmetudas.
La securitat sociala francesa -CPAM- es una assegurança de vida melhora, de sentat melhora, la gestion la fabrica París, e sul terrenh (l'ai viscut en patient mistèri a Tolosa, bilhet recent) : las consequéncias son : aumentacions regularas de las cargas o cotisas salarialas, demesidas regularas dels remborsaments. La Sécurité Sociale de Mossela-Alsàcia es gerida per Estrasborg, lei de Bismark del moment de l'Alsacia-Mosella germanica, consequéncia : demesidas de las cargas e cotisas salarialas, aumentacions dels remborsaments. Quin partit jacobin prepausa de decentralizar la securitat sociala, es de dire la sortir de la gestion parisenca ? Quí a prepausat sonque en 1945, una securitat sociala e perqué l'aver causit centralizada ?
Perqué los partits jacobins e expansionistas parisencs lor agrada un poder centralizat, perqué elonhat de las populacions, la rason : aqií podrà far çò que lor agrada ambe los budgectes, sense cap de dobte contra los avantatges que ne pòt aver tota la populacion, l'occitana comprèsa.
Cap comentari:
Publica un comentari a l'entrada