Qui se remembre de l'usatge primièr-ministerial del falcòn (grope Dassault) per anar de la santa capitala en vacanças al Marraquesh, o per anar en dimenjada dins la Sarthe o en províncias sotmetudas, de l'oèst o del sud, de l'èst o del nòrd de la santa capitala jacobina.
Donc desgalhar la fiscalitat dels ciutadans de fRança es legal, coma es legal, podèm contunhar a castigar los pichons revenguts car son pron estupidits per votar per nosautres e per pagar los impòsts sense res dire de la despensa del jacobinisme, còst del centralisme français.
Los elegits e las elegidas del jacobinisme son lo som del conservatisme, coma los nòbles un còp èra abans 1792, totas las colors politicas amassadas ; alara de quina manièra cambiar aquel sistèma politic qu'engana quand emplega la fiscalitat que pagèm ?
A Bucarest, se manifesta per un decret qu'institucionalizava la corrupcion a dolcina, la corrupcion legalizada. Mas coma los ciutadans de Romania an tastat jà a la dictatura, ara se sábon manifestar.
Lo govèrn de Bucarest a abandonat lo decret governamental per protegit la casta novelament elegida ; en fRança avèm las excusas d'un candidat pietadós de la Sarthe. E la còlha Les Républicains que comença de veire que lo radèu de la medusa s'enfonsa... donc li daissa contunhar car « an pas d'autras solucions jacobinas e partidocratas a posite » ; pietadoses.
Las excusas valon caríssim en manièra mediatica e pels militants inocentasses, coma los tres dets qu'avèm aquí :
Mas fau pas oblidar que cada vagada qu'i a una finèstra que se dubrís sus las turpitudas, poirrituds del jacobinisme, avèm sempre las meteissas resultas, levat la destruccion del sistèma politic jacobin, e lo retorn o arribada -enfin- de la democracia en fRança.
Cap comentari:
Publica un comentari a l'entrada