Macron, la mediocritat politica jacobina

L'avètz totes vist, es la television dels merçants de mèdias, son unes gropes de mèdias que nos vendon Macron, l'òme de programa voide, l'òme de la banca, d'una casta jacobina .... Devèm plorar de pauretat e de ridicul ? Es pas lo sol a passejar per far companha ambe 5 gardas del còrs, sembla una tradicion republicana, un euritatge d'aver estat ministre, o primièr sinistre, o president de la santa republica jacobina ; aquel fabrica una procession de 5 gardas que s'i creson coma a Washington o dins lo lindal del Trump Tower, o dins lo Parlament Europèu per la candidata del FN. I a pas una mesura de realitat concrèta per la populacion, pas un RSA de programa. 

Tot es faus coma la solidaritat del RSA, o lo RSA, revengut dit universal. Tot es clientelisme e marqueting gràs, François Bayrou aviá trobazt lo marqueting aprèp una mesura de legitimitat, aquí tot es voide coma un iaort biò de Danone. Pas 1 gramme de fe dins un cambiament de societat (un pauc coma Chaban un còp èra) que la politique deuriá servir dins un sistèma politic normal, levat en Jacobiniá ; aital en Jacobiniá se manifesta pas contra la corrupcion, se vòta per aver la corrupcion de la casta al poder financièr. Se nos vendrà l'afar pertot a la television, debat ? Qu'es aquò ? i a pus mestièr, sonque la promocion dels arganhòl que piadejan a la pòrta bastarà coma programa. La mana de la riquessa del mercat-Estat-nacion fRança favoriza miliardari, e coma per Donald (pas aquel dins los filmes de Disney, l'extremista politic de dreita tanben), nos fabrica l'illusion politica, la fe del fogal jacobin que reglarà tot, mas mòstra res, se passeja aquí o ailà per fabricar la massa dels motons que son en cerca del lop que los minjaràn; es la mostracion del cinisme sancièr, lo ridicul de la ciutadanetat francesa, del renonçament absolut e la desaparicion de las sapienças politicas. Mas en Jacobiniá, o fRança, se lor agrada de non pas parlar de politica, los Napoleon son sempre plan venguts, ambe los militars, o dins lo retorn dels 100 jorns de l'Iscla d'Elbe ; qual es aquela casta parisiana que nos vòl vendre aquel arganhòl ? 

La television nos fabrica una cadidat del res, del non-res, e los autres candidats a la candidatura ambe al mens lo mendre contengut, de qué ne fasèm ? Lo contengut pòt agradar o pas, mas al mens son pas los banquièrs que los los an causits ! 

La majoritat dels actes de candidaturas qu'an pauc de chança d'aver lo sosten banquièr de la casta dels jacobins parisencs, e lèu la fauta de signatura de sosten per se presentar per una campanha mediatica oficiala e lo sosten de las redaccion tala fRance CULtura que convida per parlar cultura un candidat que revendica de non pas aver programa ! Se fau demandar perqué ? Vaquí una pichona lista comentada :

Daniel Adam, filosòfe, militant dels Dreits Uman, pòrta-paraula del movement « Le Peuple Président » e membre de l'Institut des Hautes Études sus la justíce, provenent de Moyeuvre-Grande en Lorrena, lo país dels traïdors, Jeanne d'Arac, Jules Ferry. Declara a la seuna assemblèa generala d'aquel institut èstre candidat a la presidenciala. Se presenta coma lo « candidat de dignité morale ». La dignitat en Jacobiniá ... avètz pas enveja de rire ?

Michèle Alliot-Marie, anciana amiga dels dictators de tot escantilh, especialament en Tunísia, anciana ministre de l'interior, deputada europèa de l'UMP (dreita liberala al Parlament Europèu), presidenta del partit creat per ela, Nouvelle France98 ; anoncièt tanben sa candidatura lo 8 decembre de 2016, aprèp la primaire qu'a seleccionat François Fillon lo candidat de la « dreitura en politica jacobina de dreita ». En genièr de 2017, dempuèi Hendaia, d'una familha que fabrica la politica coma d'autres fan de còca, la còlha seuna assegura aver agut pron de signatura per se presentar. Vist que la paraula dels candidats UMP-Les-Républicains sembla èstre paraula d'evangili, car « trop c'est trop » coma explica lo fica de François Fillon aquesta dimenjada.

François Asselineau, president-fondator de l'Union populaire républicaine (UPR), ja candidat a la candidatura en 2012, sense capitar d'aver las signaturas ; assegura aver « solides chances d’être candidat ». Vertat qu'avèm 36.000 comuna en fRança jacobina e donc serà simplàs -malgrat los freina partidocrata- de trobar 800 signaturas, enfin benlèu. I fau creire coma los que van veire « era immaculada concepcion a Lorda » ?

 Hugues Aufray, cantaire, « pensa assajar d'amassar los sostens necites per participar ». Un òme del diversiment fautava, non ? Mas coma l'animacion es pas pron granda, declara que vòl pas èstre candidat, lo jornal Marianne explica en genièr 2017 que lo collectiu « Cercle des gens de peu », un gropuscul d'extrèma-dreita, faus nas del Lys-Noir, partesan d'un còp d'Estat modèl .... Frnaçois Fillon segurament, auriá cercar a manipular lo cantaire. Conclusion la cançon mena a tot, quitament a l'accumulacion d'ignorança sus las trapèlas politicas del nacional-expansionisme jacobin.

Laurent Baffie anóncia lo 30 setembre 2016, dins lo programa La Bande originale de France Inter, presentada per Nagui, qu' a massat las 500 signaturas encitas (ne fau 800 !) per se presentar las eleccions presidenciala francesa de 2017. Encara un que pensa que la partidocracia francesa a mestièr d'aumentar lo nombre de comica dins los seus rengs.

François Bervas, 81 ans, militaire à la retraite, ges comedian, « candidat le plus courageux depuis Bayard » e cap del movement « En avant » ; ai pas escrit « en Avant Marche » ; mas lo paure militar, lo fauta una tropa, un tropèl de moton, Ceuta e Mellila, lo sosten dels regimes amics Nazi e Musolinian, car sèm pas en 1939. E lo « democrata » Franco èra mai jove per durar dinca sa mòrt adobada per totes los regimes occidentals dinca 1974. Mas i a una idèa ... per la jacobiniá ; fau trobar l'enemic per l'enbastilhar dins una iscla, benlèu en fàcia la Toscana ?

Jean-Luc Berruet, membre del Parti socialiste, ancian conseiller municipal e dentiste a Saint-Dié-des-Vosges (amics dels traïdors Ferry e Jeanne d'Arac, e fin finala la pesta jacobina arriba d'aquel parçan), favorable a la baissa demografica, per torna al servici militar (dèu pas conéisser François Bervas), pro-nuclear (per l'autodestruccion dels pòbles donc), a indicat la seuna intecion de presentar sa candidatura sense passar per la primaire de la belle alliance. Enfin un discident jacobin que se lança en politica d'esquèrra, me sembla novèl non ?

Yves Bontaz, òme d'afars e candidat a la candidatura en 2007 e en 2012, s'es de tornarmai declarat ; mas dèu pas far partir del ceucle dels amics a Macron, que el l'a près de cort, en debutar una carrièra al prèp del fuòc jacobin.

Jacques Borie, jà candidat a la candidature en 2012, ancian membre del Parti radical de gauche, candidat a las europèas de 2009 e 2014 ambe Europe Démocratie Espéranto. Un discident a Jean-Michel Baylet, nos fautava non ?

Naea Bourgeois, ancian director de cabinet de Francis Sanford (malastrosament desconegut sul continent de la sapiença jacobina), s'es declarat candidat a Papeete en reaction a-n aquela d'Oscar Temaru. Enfin una candidatura seriosa.

Renaud Camus, escriveire d'extrèma-dreita a l'inici del concepte del grand remplaçament ; es de dire lo remplaçament de la populacion occitana en Occitània, pel pòble expansionista francés ? La clartat del discors es reala, dins aquel monde de l'ignorança francesa ; alara es Souveraineté, identité et libertés (SIEL), lo partit desconegut que n'es membre actiu, e qu'aparten al Rassemblement bleu Marine dinca novembre 2016, discident FN (nos fautava tanben), indica, sense rire, que « sosten la candidatura de Marine Le Pen tot en gaitar ambe benvolença aquela de Renaud Camus ».

 Qu'est-ce qu'on s'amusa en Jacobinie !

Olivier Delafon, ancian òme d'afars e châtelain de Montjalin, es candidat al nom de la Nouvelle France. la novèla es un retorn a l'ancian regime o benlèu mens lèu, lo polit temps del XIXen sègle de la restauracion. Potencialitat, se li copèm lo cap ambe la guillotine farèm una reconstitucion istorica.

Sylvain Durif, autoproclamat « Christ cosmique » e plan conegut del costat de Quilhan (Occitània), entrevista de Bugarach en 2012 a virat sul net per son seriás e sa decomplexion, sobre lo biais de sobreviure a la fin del monde alara anonciat lo 21 de decembre 2012 ; lo candidat se vòl portaire de la  « la paix sur terre et dans le cosmos ».

Yves Gernigon, president del Parti Fédéraliste Européen a tanben anonciat sa candidatura ; coma es pas elegit deputat europèu, a pas de burèu per comunicat fortament alprèp dels mèdias parisencs, plan aucupat a la candidatura de l'amic dels banquièr Macron

Jean-Pierre Gorges, deputat LR d'Eure-et-Loir, cònsol de Chartres ; en genièr 2017, anoncia aver amassat 312 promessas de signaturas ; mas quand las promessas en politicas válon gaire, se questionarà sul seriós de la candidatura. Lo partit Les Républicains - seriós- a suspendut la seuna investitura per las eleccions legislativas ; vertat que los que son condamnat dels elegits Les Républicains an mens de problèma sul tèma. Avèm aquí una discidéncia, non pas PSf, PRG, mas Les républicains ; es pas acabat !

Henri Guaino, deputat LR de las Yvelines, ancian conselhièr seriá del pichon comic Nicolas Sarkozy al palatz de l'Élysée e ancian comissari al Plan (n'i a encara en Jacobiniá o èra un emplec fictiu tanben). Lo parti Les Républicains a suspendut son investitura per las eleccions legislativas. Vist lo seriós de las investituras al partit Les Républicains, François Fillon pista per saber se podrà emplegar un cosin al Sénat.

Stéphane Guyot, ja candidat sense signaturas en 2012, tòrna tanben ; es lo Parti du vote blanc, un partit jacobin utile per saber pas votar o causir entre un jacobin e un autre.

Alexandre Jardin, escriveire e fondator de l'associacion Bleu Blanc Zèbre, se declara candidat lo 3 de decembre de 2016 sus France Info. Sabèm pas lo programa, dèu èstre utile de far saber vist que la redaccion de France Info l'ajuda a se presentar, mas pas son programa, fau pas possar mameta dins las ortigas. 

Carl Lang, ja candidat a la candidatura en 2012, discident FN de sempre donc, es tornamai candidat (a priòri ) es candidat ambe l'etiqueta variable de Parti de la France o Union de la Droite Nationale.

Jean Lassalle, ancian vice-president del MoDem, discident MoDem donc (fautava), deputat dels Pyrénées-Atlantiques e cònsol de Lourdios-Ichère, anónça sa candidature comunala lo 14 de març de 2016 sus France Info. Dona aital un punt final a son torn de fRança a pè, dins lo mitan rural. Dins sa valèia bearnesa la populacion coneis pas Castorama.

Henry de Lesquen es candidat « national-libéral ». Una peticion (qu'amassa 83 000 signaturas en octobre 2016) vòl lançar sa candidatura d'extrèma-casta de l'Oèst de Paris ; conegut per paraula d'extrèma expression del racisme français, de bona soca.

Charlotte Marchandise, candidate designada per LaPrimaire.org (per Internet), que Corine Lepage a sostengut per èstre sosten de Macron ara, la traïson es una tradicion jacobina.  Una candidata sortida de la societat dita civila, mas elegida sus una lista d'una comuna de Bretanha, region administrativa francesa.

Jean-Claude Martinez, jurista fiscalista, ancian deputat europèu e vice-president del FN, discident de sempre del FN, es tanben sampitèrne candidat a la candidatura.

Jean-Pierre Mélia, ancian participant al programa de la TV jacobina francesa, Pékin Express, a anonciat sa candidatura pel partit, assetat ? Le Vrai Rassemblement !

Kamel Messaoudi, candidat al nom de l'Union des démocrates musulmans français (UDMF). S'espèra la cultura musulmana imposat a totes en République française. I a de trabalh ! E la discidéncia serà lèu aquí, dins un Estat integrista catolic.

Alain Mourguy, candidat pel movement qu'es seu, Union des gens de bon sens. Un vrai aplec necite donc. Encara un ! E coma la signaletica politica del "bon sens" es tanben alsaciana, candidat en seguida...

Paul Mumbach, cònsol (regionalista) de Dannemarie (Alsàcia nauta, prèp de Mülhausen), president de l'associacion dels cònsols rurals de Haut-Rhin, cofondator de la Fédération démocratique alsacienne (formacion clarament contre lo « Grand Est » novèla region administrativa francesa) e president-fondator del movement dels « Fédérés », anóncia sa candidatura a la candidatura en febrièr 2016, aprèp aver recebut lo sosten del president del Mouvement Franche-Comté. L'elegit alsacian, qu'aviá al principi sostengut la candidatura de RPS, Christian Troadec, s'es declarat prèste de sortit de la corsa se lo punt politic del candidat RPS se fabrica mai clar.

Sébastien Nadot, professor agrégé d'education fisica e esportiva (ne fau per aquela campanha) e escrivèire. es totparier doctor en sciéncias socialas. Declarat lo 10 de mai 2016, data de remembre istoric. S'explica del movement dit Mouvement des progressistes (MdP) per representar los ciutadans; parla de la vertadièra vida ; a volgut participar a las primaires de l'esquèrra PSf-PRG. Cambadelis a fabricat un discident de mai.

Jacques Nikonoff, economiste altermondialista, ancian dirigent d'ATTAC e  del Mouvement politique d’émancipation populaire (M’PEP), president del Parti de la démondialisation (Pardem) creat lo 20 febrièr 2016, virulent sul net e per corrièl, presenta sa candidatura a la candidatura en junh, ambe lo títol « Rassemblement pour la démondialisation ». Totes los candidats que vòlon lo ressemblement se deurián amassar per far un partit dels AMASSAIRES JACOBINS.

Robert de Prévoisin, delegat de l'Alliance royale, s'es declarat candidat a la presidéncia de la republica al moment de l'universitat d'estiu del partit, lo 3 e 4 setembre 2016. Sembla èstre lo sol candidat reialista d'aquela eleccion. Ai pas legit dins lo programa lo reviscòl de la guillotine.

Olivièr Régis, discident de Les Républicains ; coma es pas deputat europèu, pòt pas emplegar lo servici comunicacion del Parlament Europèu per sa candidatura, ne sabèm gaire ; lo programa pòt èstre autanplan emplenat qu'aquel de Macron, quí sap ? Pas cap mèdia parisenc lo convida, nimai la redaccion de fRance CULture !

William Rouanet, candidat pel movement L'Autre voie de l'écologie ; donc un discident EELV ; mancava non ?

David Saforcada, jà candidat a la candidatura en 2012, vòl representar la France Bonapartiste ; aiçò tanben per l'animacion politica nos fautava.

Rafik Smati, candidat tanben pel moment, Objectif France ;  coma es pas deputat europèu, pòt pas emplegar lo servici comunicacion del Parlament Europèu per sa candidatura, ne sabèm gaire ; lo programa pòt èstre autanplan emplenat qu'aquel de Macron, quí sap ? Pas cap mèdia parisenc lo convida, nimai la redaccion de fRance CULture !

« Super Châtaigne » vos fautava, o pensi, es un personatge amagat resident en Ardècha ( benlèu Cyril Pommier, lista d'esquèrra), actiu localamet dempuèi 2012, e describut coma « ecolò e antiliberal » (coma los autres donc), a anonciat la candidatura en nom de l"associacion « Les affranchis », e en revendicar coma « lo justicièr dels ciutadans » ; me sembla qu'es aquel que vòl reviscolar la guillotine.

Sébastien Taupin, ingeniaire de 22 ans e president del movement ciutadan centrista Le réveil de le France (LRF), anoncièt sa candidatura a la canditura en binòme ambe lo seu fraire besson Nicolas Taupin en març 2016 ;  coma es pas deputat europèu, pòt pas emplegar lo servici comunicacion del Parlament Europèu per sa candidatura, ne sabèm gaire ; lo programa pòt èstre autanplan emplenat qu'aquel de Macron, quí sap ? Pas cap mèdia parisenc lo convida, nimai la redaccion de fRance CULture !

Lo General Didier Tauzin a anonciat mantunes còps que podriá èstre candidat pel momvement Rabâtir la France ; e sembla vóler confirmar ;  coma es pas deputat europèu, pòt pas emplegar lo servici comunicacion del Parlament Europèu per sa candidatura, ne sabèm gaire ; lo programa pòt èstre autanplan emplenat qu'aquel de Macron, quí sap ? Pas cap mèdia parisenc lo convida, nimai la redaccion de fRance CULture !

Oscar Temaru, ancian president de la Polynésie française, condamnat per la justícia francesa  mantunes còps, pensa poder competir vist que las condamnacions judiciàrias frenan pas per èstre candidat de Les Républicains. 

Serge Tinland, sense etiqueta ; es segur per aquò que digun lo contacte ...  coma es pas deputat europèu, pòt pas emplegar lo servici comunicacion del Parlament Europèu per sa candidatura, ne sabèm gaire ; lo programa pòt èstre autanplan emplenat qu'aquel de Macron, quí sap ? Pas cap mèdia parisenc lo convida, nimai la redaccion de fRance CULture !

Emmanuel Toniutti anoncia sa candidatura coma candidat al moment d'una reünion de l'Union des entreprise des Alpes-de-Hautes-Provence lo 5 d'octobre 2016 ;  coma es pas deputat europèu, pòt pas emplegar lo servici comunicacion del Parlament Europèu per sa candidatura, ne sabèm gaire ; lo programa pòt èstre autanplan emplenat qu'aquel de Macron, quí sap ? Pas cap mèdia parisenc lo convida, nimai la redaccion de fRance CULture !

Christian Troadec, cònsol de Carhaix-Plouguer, conselhièr departamental de Finistèra, sostengut per Région et Peuples Solidaire, es candidat al nom dels regionalistas aqueles. Es sostengut per totes los elegits de Corsega al cap de la collectivitat territoriala còrsa. Es lo sol qu'a una idèa clara a prepaus de la situacion juridica de las lengas en fRança.

François Vigne, 46 ans, maridat e paire de 4 dròlles, entreprenèire de La France en marche ;  coma es pas deputat europèu, pòt pas emplegar lo servici comunicacion del Parlament Europèu per sa candidatura, ne sabèm gaire ; lo programa pòt èstre autanplan emplenat qu'aquel de Macron, quí sap ? Pas cap mèdia parisenc lo convida, nimai la redaccion de fRance CULture !

Antoine Waechter, fondator e president del Mouvement Écoliguste Indépendant (MEI), jà candidat en 1988 (3,78 % des voix, ambe l'investudoira de Les Verts), es estat designat candidat pel conselh nacional del MEI los 19 e 20 març 2016, jorn dels sants inocents coma totes o sabèm.

Quí me podrà dire que sonque lo banquièr e ancian ministre Macron es utile de promòure dins los mèdias parisencs ? I a tantes candidats a la canditura de 2017, que me sembla que las redaccions parisencs (totes mèdias mesclat) an pel moment un pichon problèma e pas sonque ambe lo CSA.