Visita de "Toulouse l'occitane"

Dins lo pichon libret de l'ofici de torisme de Tolosa ai descobèrt una convidacion agradiva, aquò farà mai de dètz ans que l'esperavi ; l'engatjament de l'Ofici municipal del torisme d'integrar l'occitan dins la presentacion de la vila mondina ; es un pauc una susprèsa del primtemps 2017. Ambe totes los candidats a la licéncia d'occitan èra estonent de non pas aver aquí d'especialista (perqué es pas una coneisséncia generalizada e normala a Tolosa al XXIen sègle ; lo netejament cultural contunha en fRança).

Evidentament fau positivar, es una avançada, mas quina avançada ; una pichoneta piada dins la coneisséncia granda que fauta dins lo monde tot de l'ensnehament a Tolosa (de las escòlas dinca l'universitat) ; es una visita qu'es conselhada als Occitanistas per assegurar la perseguida ... Sembla una visita de comunautarisme lingüistic occitan ; perqué los Occitanistas i deurián anar ; per ne saber mai que los ciutadans a quí lo sistèma educatiu jacobin generaliza pas l'ensenhament dels sabers occitans sus la vila de Tolosa ? E los sabers occitans son pas simplament lingüistics, i a tanben de totas las sicéncias umanistas, religiosas e bravament mai.

Fau pôsitivar, e esperar que din las visitas normala, s'informarà los toristas rus (que li agradar l'annexion de Crimèa coma Niça es estada annexada per Napoleon III), lo torista espanhòl que refusa lo referèndum a Catalonha (e donc una certana vision franquista de la "democracia"), lo torista escocés que regreda de non pus poder damorar dins l'Union Europèa que fabrica AIRBUS a Tolosa, lo torista chinés (mandarin o cantonés) que refusa lo dreit a l'autonomia pel Tibet o la minoritat mongòla al nòrd de la famosa paret "que se vei d ela luna", o del torista indonesian que refusa de considerar las minoritats dins lo seu Estat pluri-etnic, etc.... car aquela vision occitana de Tolosa es politicament incorrecta per una certana manièra de fabricar una visita de torista mondializat ; perqué ? Es clar que lo torista li agrada pas d'èstre bolegat dins las seunas certituds politicas.

"Toulouse, l'occitane" es aquí una certitud, la lenga francesa es la lenga constitucionala, en linha 2 de la constitucion, lo tèxte santa e republican, e l'administracion de l'Estat jacobin francés a mestièr d'una lei per emplegar l'occitan ; son legitimistas coma la casta nobilièra de l'abans 1789.

Sabi qu'es previst per 2018, una annada per promòure l'occitan a Tolosa ; veire l'entrevista de Jean-Michel Lattes sus aquel meteis blòg. Lo pichonet premièr elegit de la vila fabrica çò que pòt, mas en fàcia i a un sistèma politic jacobin e son administracion que trabalha mai sovent la neteja istorica e lingüistica per assegurar una « France de pure souche gauloise à Toulouse », e los mejans son bravament mai bèls, pus grands per imposar l'imperialisme de la pensada francesa que non pas préner l'istòria politica occitana per la portar a l'universal. 

Aqueles cambiaments de pluralitat dins la pensada a Tolosa, se faràn pas sense un terratremol politic. fau esperar que los toristas concernits per la visita, sauràn pausar questions que faràn evoluar o capvirar lo mamot jacobin. Mas los toristas son devenguts tanben diplomats ... alara ?!?! veirèm.

Es que fau èstre dins la convivéncia e lo paratge ambe los qu'an lo poder de la neteja de la sapiença occitana ? Fau esperar encara longtemps per aver aquela sapiença universala e occitana difusada per totes los ciutadans, sense cap d'excepcion, migrants o/e toristas comprèses ?