Jean-Luc Moudenc = lòbi immobilièr

Lo minjar e las tèrras agricòlas interessan pas los elegits @lesRepublicains , la LGV es projecte perfait, un país d'immeubles per #Occitania e #Tolosa ; e se fau questionar cal es lo lòbi per urbanizar la val de Garona ?
Qua damora pus que los Pirenèus per alenar un pauc ?  Per las dimenjada ? Per ajudar als transpòrts rotièrs e la pollucion amb particulas dels diesels, o l'encombrament automobil e l'aumentacion dels desplaçaments per crear rotas e ajudar amics politics que son caps-d'entrepresa dins lo maine rotièr !

Se fau remembrar las parcelas ortalièras vendudas per amics de la comuna a BòrdaRoja (estacion de mètro) o per establir l'estacion de Ramonvila (qu'es aital elonhat de la vila de Ramonvila e instrument de la polemica ambe lo SICOVAL).

Se fau recordar los dictats comunals per frenar tot projecte qu'es pas dins la linha de la comuna sus Puèg David ; fau parlar de pression fosca, per èstre leugièr ?

Lo capolièr de Tolosa es lo perfait chef jacobin del lòbi de l'industria immobilièra francesa. La LGV e l'industria privada que monopoliza tota la construccion de la linha, assegura aital tanben un finançament pels amics de Les Républicains en campanha electorala.

L'estacion de Matabuòu serà religada al mètro, donc sembla plan pensat de desvolopar l'urbanitat aquí, mas aquela linha serà pas religada directament a l'aeropòrt, çò qu'es una estupiditat politica granda, es pas lo pichonet "RER" que cambiarà pas la casa [bilhets recents, ligam 1, ligam 2] ; la linha TramVia T2 es mal plaçada car virada cap a Las Arènas (nogal logistic de Tisseo), aital es devenguda una endrona per perdre temps (quand lo temps es l'afar que far causir l'avion pels transpòrts aerians) ; tot client de l'aeropòrt sap que val melhor prendre la linha anciana de bus per tornar al centre de Tolosa que passar per Las Arènas ! E a Las Arènas los projectes immobilièrs son quasiment nuls.

Dins aquel ròtle especial per agradar a l'immobilièr dinerièr, Jean Luc Moudenc es lo grand mamamochin de l'Istanbul occitan ; Jean Luc Moudenc sembla plan a Erdogan dins la Bizança musulmana. Cap question sus la destruccion del sistèma agricòla al torn de Tolosa, e donc per consequéncia cap assegurança d'aver de minjar costanièr de l'urbanisme que minjar tèrra, amai la politica intèrna a la vila dona pas pron de facultat als arquitèxte per montar de tres nivèls los immeubles vièlhs (politica timideta sul tèma).