Racisme dels imperialistas tòrna mai fòrt

L'imperialisme es una causa dels britanics e franceses, majoritariament sus aquesta planèta ; donc la primièra mondializacion parlava francés e anglés (de London!), espanhòl e portugués ; mas l'expandiment istoric e geografic lo mai important son estat francés e anglés. Estranh, o pas, lo racisme contra los nègres (que vòl dire black en occitan, noir en occitan, e qu'es pas un insulta) es ontologicament ligat an aquel mondialisme espanhòl, portugués, francés e anglés ; fabrica un racisme especial... Se fau demandar perqué colonizadors neerlandeses o daneses lo supòrtan pas ; se fau pas demandar pels Alemands, vist que son estat vacionat per la defaita del racisme d'Estat nazi ; se fau demandar perqué lo racisme italian perdura a pichona domension.

Vos conselhi de gaitar sul net la vídeo de Brut a prepaus d'una deputada anglesa qu'acaba de far una crida al Parlament Anglés sus aquel tèma, las insultas racistas qu'arriban per Internet.

"Negresse. Négresse encore et encore". Insultes, menaces de mort, de viol...Cette députée britannique n'en peut plus des attaques racistes. http://pic.twitter.com/QCqIIhlryN 

La vídeo presenta aquí es tradusida de l'anglés, en lenga francesa, ai servat lo tèxte junt per l'acompanhar e en lenga francesa.

Lo #Brexit sembla aver despertar lo drac del racisme anglés, mas sembla, segon la deputada anglesa, que lo fenomèn es ligat simplament a Internet, e las facilitats que Internet dona per poder comentar e respondre, o mandar messatges als elegits, o a tot interlocutor sense esperar una responsa.

Autres còps, faliá escriure una letra, pagar un timbre, e sobretot saber escriure dins la lenga imperialista de l'insulta. Fau tanben pensar que las populacion qu'escrivon per Internet fautan un pauc de politessa, e benlèu fòrça mai d'autras causas ligadas als neurònas de la sapiença, dels sabers collectius ?

E l'impeiralisme francés s'es pas arrestat ambe la dita Révolution Parisienne o Française o La Terreur, plan al contrari... fau oblidat l'actitud d'un Napoleon Ier contra los ciutadans revolucionaris de Haïti ? Fau oblidar la frasa racista d'un Jules Ferry en julhet 1886, per nos explicar que lo « pòble superior a d'ensenhar lo pòble inferior » ? E anuèch Jules Ferry es lo nom d'escòlas de la santa republcia francesa ... res a cambiat en fRança republicana, res.

Es que los imperialistas an pas integrat que l'expansionisme imperial fabrica migracion cap a la capitala imperiala, que fosquèsse reiala o republicana ? E donc que ara, lor fau assumir istòria e migracions ! Sembla que l'ideologia racista fosquèsse pauc convenienta de las causas istoricas e de l'antropologia, o dels sabers sus las populacions umanas, nimai aguèssen pas legit res sus la biologia umana e los ADN, e las similituds de las las colors de pèl !

Fau corses especials coma pels jihadistas pels racistas de totes las contradas ? Vist l'ineficacetat dels corses pels jihadistas integristas que sabèm al XXIen sègle, podèm assegurar qu'es pas eficaç, que serà eficaç, plan eficaç alara ? 

Fau oblidar que sense l'armada d'Africa, l'Estat jacobin francés existariá pus, aprèp 1945 ; benlèu qu'en tant d'Occitans, o fau regretar ?!?!

Soi Republican, & toi pauv'français ?

Un lòbi republican francés vòl manifestar contra l'etiqueta #LesRépublicains d'aqueles "charmants", gentes pòst-gaullistas de l'UDR-RPR-UMP. Se pareis que son républicains mai que los autres, mai que tu, pòble còrse (per exemple !), mai que tu pòble breton, mai que tu pòble d'Alsàcia, mai que tu pòble occitan de Gasconha e de Provença.... Mai que vos, ciutadanas dels Pirinèus que votèran plan abans 1947 (!) mas pus jamai aprèp l'arribada dels Franceses dins los Pirinèus !

E òc lo pòble còrse es mai republican que los .... descendants de La Terreur, la primièra vida dels Jacobins es estada la terror politica.

La Republica del Paoli donarà plan causas per explicar als Parisencs al moment de la dita Révolution française. E la casta parisenca al poder aprèp La Terreur a pas trapat melhor qu'un dictator o militarista per matar a pichon fuòc lo federalisme (presat anuèch per un Alan Rousset sus la television parlamentària francesa) que se desvolopèt abant 1792. Mas sabètz que ....

1 / Mantunes avocats de Bordèu faguèron la traduccion de la Carta dels Dreits de l'Òme en lenga oficiala del Ducat d'aquitània, anuèch dita occitan d'aquitània e qu'espèra una oficializacion, èra una reponsa donada al sistèma de ierarquisacion de las castas de l'ancian regime, mas qu'des pas vengut del non-res d'Occitània. Dempuèi la deshèita de Castillon, 1453, e los chaples que seguiguèron dinca a 1470, los avocats de Bordèu (Bordeaux aprèp la conquèsta dels mercenaris franceses, jà mercenaris coma en Donbàss, Vordel en lenga bretona) avián pas perdut lo biais de fabricar del juridic de tipe latin ! Anuèch, l'escòla novèla del XXIen sègle vòl suprimir lo latin de l'ensenhament.

2 / Quand al XXIen sègle lo budgecte de l'Elicèu es sempre pas votat pel Parlement français en 2015, abans ma traïson d'un Enric III de  Navarra, lo budgecte del Rei de Navarra èra votat en Biarn.

Quand al XXIen sègle lo budgecte de l'Elisèu es smpre pas votat pel Parlement français en 2015, abans la batalha de Castilhon, una deshèita de la democracia d'Aquitània, lo budgecte du Duc d'Aquitània èra votat pel Parlament de Bordèu. E la lenga del debat èra pas lo francés !

3 / Quand lo sistèma reial francés portava una "paix" patz franca, modèl parisenc, Nostradamus s'en anava del barri josiu d'Agen, e aviat, s'albergava en patz dins l'Estat independent d'Avinhon en Comtat Venaissin, a Sant Remesi.

Lo 22 de setembre de 1791, los borgeses de Navarra e d'Avinhon, lo mesme jorn, an vendut lo dreit escrit occitan als Parisencs  ; sempre avèm viscut ambe las traïsons borgesas -una casata dememtre d'autras- per èstre sotmetut al novèl mercat-Estat-nacion parisenc; aprèp aquela data ki dreit escrit foguèt mal votat pels Parisencs e los supausats "représentants" (auto-seleccionats pel sistèma partidocrata francés), de las troisième, quatrième o cinquième République. E mantunes vòlon una seisena republica ! Mais pourquoi faire, nous tromper encore une fois ?

Es pas bon mentidèr lo que ten çò de prometut - provèrbi gascon a prepaus dels Franceses.

Aprèp la famosa terror, lo dictator francés d'origina còrsa, d'origina de la traïson republicana còrsa, serà lo melhor agent de la terror europenca, militara que destrusiguèt per ideals que podián bastir una ciutadanetat europèa coma Fichte o pensava.... aprèp l'idealizada revolucion que serà nommada francesa a la fin del XIXen sègle.

Franco l'aviá plan comprès, i a pas melhor que los Andaloses per destrusir la lenga catalana en temps de dictatura, foguèron importats a Barcelona per catalanizar la vila, e an castigat longtemps... quitament aprèp 1974 !

Donc, vaquí la campanha #JeSuisRépublicain : encara una campanha que los mèdias franceses nos serviràn benlèu, mas sempre sense lo sens critic que Montanha, La Boécia e Montesquieu lor an çaquelà demandar d'aver, dins la lenga de la dominacion novèla en Aquitània.

#SoiRepublican

E alara coma se dís, en Alsacian, Basco, Breton, Catalan, Goadelopean, Martiniqués, dins totas las lengas d'oltra-mar, es Arpitan (abans l'annexion francesa de 1860), en Neerlandés, e dins tota la diversitat lingüistica dels patois des Langues d'Oïl ? Explicatz-me dins los comentaris.

E assajatz de matar aital l'utilitat de l'Académie française sul tèma.

#SòRepublicane

E ara, #JeSuisRépublicains nos demandan sempre d'oblidar l'istòria nòstra dempuèi sègle, normal, segur ? Non ? L'ignorança es la basa de l'imposicion antidemocratica francesa.

Racisme lingüistic francés vist del Quebèc

Sus RTL aqueste maitin, una bilhetista es estada inspirada :  nos explica que dedins l’ensemble dels locutors e de las locutriças de la «belle langue», los Parisencs, o Franceses, practícan lo «racisme lingüistic» de l’accent del Quebèc, mas tanben sus la semantica. lo site Internet de RTL la prepausa en linha directament. D’aquí la meuna crida, mas a 9h30 lo bilhet èra en linha, picatz sus las fòtos per aver los ligams e escotar :

Twitter es alara practica, RTL a recebut directament lo messatge, o pensi.

Ara lo bilhet aquel serà per descriure de l’interior e de l’exterior de la lenga de L’article 2, «le français est la langue de la République» francesa, votat ambe la majoritat socialista en 1992 (sonque) article que volguèron jamai completa, e l’an un pauc «melhorat» per un article 75-1 que clarifica o/e ierarquiza las lengas e los patrimònis lingüistics, la ierarquizacion sembla fòrça al biais del foncionament de l’apartheid lingüistic conceptualizat per unes lingüistas occitans,  podèm alara clarament descriure de quina manièra lo racisme lingüistic francés s’exprima dins lo s mèdias, mas pas sonque.

Cal una bilhetista del Quebèc per installar a l’antena de RTL, primièra ràdio de l’Estat francés, una causa qu’es viva dempuèi …. sègles !

- quí a jamai entendut parlar de l’accent dels mosquetaris, mercenaris gascons del rei franc a París ?

- quí a jamai entendut parlar de la guèrra a l’accent dins los emponts del teatre oficial francés ?

- quí a jamai entendut parlar de las leiçons de redreiçament dins la «bona manièra» per comunicar, dins los estudis dels mèdias, mai tanben dins los estatgis de formacion de comèrci ?

- quí a jamai vist los DRH de Radio France seleccionar l’accent francés, bon envidentament, accent dels animators de las localas de Radio France ?

E aiçò, es la guèrra que los locutors occitans qu’an la parladoira o patois francés en imposicion lingüistica constitucionala, lo mercat-Estat-nacion se fabrica tanben en far la guèrra als accents.

Cal pas oblidar que l’accent d’Occitània, es una traça de la lenga occitana dins lo francés, sense occitan, l’accent «du midi» (formula colonialista vièlha), l’accent es aviat mòrt.

Cal pas oblidar que l’accent del Quebèc es ontologic a la lenga francesa e sas varietats negadas dedins l’Estat europèu francés, mai tanben an daissat tranquille los «Franceses» del Quebèc e del Canadà, e donc l’an poscut gardar. es benlèu la solucion per Occitània, que París nos daissèsse en patz, viure la lenga occitana e son accent «du midi» en francés ; car cal pas creire que lo francés l’abandonarèm, seriá una estupiditat economica, al mens que París debutèsse de parlar anglés, çò qu’es un potencial clar, pel futur…

Nosautres avèm suportat l’imposicion e netejament lingüistic parisenc, 7 sègles, imposicion de la bona parladoira academica, la sola institucion qu’a permetut la transmission de las estupiditats lingüisticas del reialme o dictatura franca.

Quí a oblidat la frasa :

«Es interdit de parlar patois e d’escupir per tèrra» dixit l’escòla modèl del sant republican e nacionalista Jules Ferry

Quí a oblidat e quí pensa qu’aiçò a cambiat ? La FELCO benlèu, mas quina estupiditat … quora se vei lo modèl de transmission que se fabrica pels professors d’occitan, res a cambiat.

Quí l’a oblidada ? Èra la guèrra contra las lengas de l’Estat, del mercat-Estat-nacion qu’aviá mestièr d’aver foncionaris que parlèsse sonque un francés clar e oficial, sense accent, e tanben de preparar lo mercat-Estat-nacion, ajudar las entrepresas a vendre als locutors e las locutriças francesas.

Quí oblida que la definicion de patois a pas cambiada de 1954 a 2014, dins lo sant diccionari Le Robert ? Es un biais de foncionar qu’a jamai cambiat dedins l’Estat francés, los Quebequeses o deurián saber ! O al mens estudiat, en sortir de París, per saber çò qu’es en realitat la destruccion lingüistica santa e republicana francesa.

Un espèr çaquelà damora, e encara un còp nos arriba de Bretanha :

Lo tèxte de la publicitat – publicitat – explica : « es practic en Bretanha fan la traduccion en francés ! Vengas en Bretanha » ; es lo primièr còp qu’umor e bilingüisme son difusats per las televisions francesas, TNT-TDT, en publicitat. Çò que m’estona, es qu’aiçò circula gaire dedins los rets militants dels promotors de las lengas dedins l’Estat imperialista lingüistic francés.

Un modèl de publicitat qu’auriá poscut existar en Occitània, se los nòstres elegits occitans avián agut una reala politica per l’occitan, mas n’an jamai agut los colhons ! Vist las responsas qu’avèm agut per la campanha dita «départementale 2015», lo calvari occitan es pas acabat, sufís pas d’aver una crotz occitana coma simbòl de campanha per assegurar una promocion de l’occitan !

-°-

Me soi sempre questionat, ont podián anar los Argerians abans 1962 ? Los Catalans en una Espanha que los respecta pas ? Los Bascos en una Espanha que los respecta pas ? Occitans ara ?

Franceses sense vergonha

Al moment que d’unes Franceses van portar un plan per discriminacion e racisme, dins lo supausat sant e republican mercat-Estat-nacion , fRANÇA, contra una mesura qu’es de mai en mai necita segon lo politic elegit en plaça :

Nos podèm questionar çaquelà sobre la manièra que lo dreit francés es emplegat per assegurar una dominacion coloniala per la supausada republica francesa, e escupir aital sul sistèma politic de la decentralizacion qu’el a installat.

Lo 21 de setembre 1792, Avinhon e Bearn, an abonadonat lo dreit de fargar leis, e donc ara los Occitans son subordonats a la dominacion francesa per aver leis que lor agrada. Mas per escupir suls Bascos, suls Bretons, suls Catalans, suls Polinesians, suls Martiniqueses, …. e suls occitans (l’accent, etc.), etc. Son aquí los primièrs d’emplegar lo mercat-Estat-nacion per assegurar la dominacion politica, merçandizacion e socializacion de la dominacion, de la discriminacion dels pòbles sotmetuts, amai d’una racisme ontologic a tot çò qu’es pas de lenga francesa, e ara de lenga anglesa (de moment qu’els la parlan).

Gaitatz aquò, doás fòtos dins las carrièras d’una vila basca :

e encara piège, sexisme acompanhat :

Quí a pensat fabricar d’eissuga-pè ? La quita universitat de Montpelhièr, tanpauc. Podriá semblar a-n aiçò :

Pel moment, ai pas vist cap occitanista repotegar per actes similars, son autanplan nombroses en Occitània qu’en Iparralde ; benlèu que ‘lindignitat occitana fabricariá un agradament segur per las entrepresas qu’o farián. Son gentes aquestes occitans.

Lo racisme ontologic francés

Una recenta vision de la premsa francesa a fabricat un tipe de valorizacion racista ; se tracha de la frasa de Victorin Lurel suls qualificatius donat a Hugo Chávez.

Aquel document en seguida se vòl balançat, d’En Hugo Chávez cal reténer mai que tot l’accion per las populacions páuras. Alara las criticas contra Chávez son classificatriças, son aquela d’una elita borgesa (per emplegar lo verbiatge marxista), dins las redaccions parisencas lo problèma es particularament grèu dins Le Monde. Ai çaquelà entendut particularament la redaccion d’Europe1, un dissabte del ser, sul tèma ; mai tanben France Infos, France Inter e France Culture sul meteis biais, mas bravament mai prevèrs, per non gaire entendre aquel racisme anticaraïbean.

Donc lo tèxte de Claude Ribbe amerita una traduccion en lenga occitana, per dubrir al monde latin, e poder sortir de l’enclau de la pensada francesa, bravament nacionalista e borgesa.

---------------------------------------------------------------------------------------------------------------------------------------------

Digun serà susprès, l’espèri, que baili lo sancièr sosten als prepaus tenguts per Victorin Lurel a prepaus de Hugo Chávez (NDLR : ai tornat l’accent que los francofònes o sábon pas emplegar, perqué lo clavièr sembla èstre una particularitat, una excepcion culturala). Son bravament justas paraulas. Dins lo contengut autanplan que dins la fòrma.

Lo ministre d’Oltra-mar, un dels rares intellectuals del govèrn Ayrault, es un òme que sap pesar los seus mots.

Ren de sobrepès dedins çò d’entendut.

Vist de Londras, qu’i soi en escrivent aquestas linhas, la comprenason del «Comandante» ambe lo De Gaule de 1940 a pas vertadierament fabricat un chòc.

E las susmautas petainistas que chórran anuèch contra Lurel, que s’acában de levar la pata sul tombèu de Chávez, auriá de vertat japat de la meteissa manièra contra lo De Gaule de 1940.

Òc, Chàvez èra un òme politic estimat pel seu pòble. auriá marcat l’istòria del Veneçuèla e de l’America latina (NDLR America dicha latina per melhor respectar los qu’an descoberta los blancs europèus en 1492).

Non, lo dictador es pas del costat de Chàvez. es del costat dels mèdias franceses, d’aquesta ponhada de plumitius racistas e negrofònes que saurián pas situar lo Veneçuèla sus una mapa muda, mas glorificarián dempuèi momentàs dins las colomnas dels jornals de proprietat limitada d’òmes per laquals la manipulacions de l’opinion es un afar coma los autres.

Una certana França estima pas Chàvez. E estima pas evidentament Lurel. Aurián pas ni mai estimat Blum que, del seu vivent, èra, el tanben, de vertat tractat de metèca.

Que digun s’enganèsse : al meteis biais que lo mesprètz aficat contra Chàvez es ligat a las seunas originas indianas e afro-veneçuelana, la violéncia dels mots tenguts contra Lurel s’explica per la color de la pèl.

L’idèa qu’un ministre nègre (NDLR: aquel mot devengut pejoratiu e francés, es clarament lo mot per dire la color noire en occitan, la ‘color nègra’ en occitan es de bon occitan de Bordèu) representèsse França al absècs d’un autre nègre, cap d’Estat peitadosament mesprezat pels conservadors, lor bailava la cagèra. Mas que prenguèsse coratge ambe responsabilitats e rendèsse compte ambe la justessa de l’opinion unanima dels Venecuelians al luòc d’exprimir çò que los reaccionaris franceses voldrián entendre, lor sembla insuportable.

Per los que a l’esquèrra, que los primièr reflèxe seriá de se desolidarizar del ministre d’Oltra-mar, deurián melhor pensar abans.

L’oltra-mar e los Franceses d’origina africana ferián blòc darrièr Victorin Lurel. E sense els, l’Esquèrra seriá pas al poder.

---------------------------------------------------------------------------------------------------Claude Ribbe----------------------

Vos conselhi tanben d’escotar la diferéncia ambe la BBC sul meteis Hugo Chàvez.

Lo nacionalisme francés a pas encara encontrat que la tèrra èra pus plana, mas pauc a pauc veiràn … E Claude Ribbe o explica plan. Qu’estimariái aver una pensada occitana autanplan clara e seriosa !

Aquel tipe d’estonament occitanista, ne fau un manifèste, e oblidi de signar, o puslèu considèri qu’o cal pas signar, per èstre gaira seriosa manifestacion politica.