Soi Republican, & toi pauv'français ?

Un lòbi republican francés vòl manifestar contra l'etiqueta #LesRépublicains d'aqueles "charmants", gentes pòst-gaullistas de l'UDR-RPR-UMP. Se pareis que son républicains mai que los autres, mai que tu, pòble còrse (per exemple !), mai que tu pòble breton, mai que tu pòble d'Alsàcia, mai que tu pòble occitan de Gasconha e de Provença.... Mai que vos, ciutadanas dels Pirinèus que votèran plan abans 1947 (!) mas pus jamai aprèp l'arribada dels Franceses dins los Pirinèus !

E òc lo pòble còrse es mai republican que los .... descendants de La Terreur, la primièra vida dels Jacobins es estada la terror politica.

La Republica del Paoli donarà plan causas per explicar als Parisencs al moment de la dita Révolution française. E la casta parisenca al poder aprèp La Terreur a pas trapat melhor qu'un dictator o militarista per matar a pichon fuòc lo federalisme (presat anuèch per un Alan Rousset sus la television parlamentària francesa) que se desvolopèt abant 1792. Mas sabètz que ....

1 / Mantunes avocats de Bordèu faguèron la traduccion de la Carta dels Dreits de l'Òme en lenga oficiala del Ducat d'aquitània, anuèch dita occitan d'aquitània e qu'espèra una oficializacion, èra una reponsa donada al sistèma de ierarquisacion de las castas de l'ancian regime, mas qu'des pas vengut del non-res d'Occitània. Dempuèi la deshèita de Castillon, 1453, e los chaples que seguiguèron dinca a 1470, los avocats de Bordèu (Bordeaux aprèp la conquèsta dels mercenaris franceses, jà mercenaris coma en Donbàss, Vordel en lenga bretona) avián pas perdut lo biais de fabricar del juridic de tipe latin ! Anuèch, l'escòla novèla del XXIen sègle vòl suprimir lo latin de l'ensenhament.

2 / Quand al XXIen sègle lo budgecte de l'Elicèu es sempre pas votat pel Parlement français en 2015, abans ma traïson d'un Enric III de  Navarra, lo budgecte del Rei de Navarra èra votat en Biarn.

Quand al XXIen sègle lo budgecte de l'Elisèu es smpre pas votat pel Parlement français en 2015, abans la batalha de Castilhon, una deshèita de la democracia d'Aquitània, lo budgecte du Duc d'Aquitània èra votat pel Parlament de Bordèu. E la lenga del debat èra pas lo francés !

3 / Quand lo sistèma reial francés portava una "paix" patz franca, modèl parisenc, Nostradamus s'en anava del barri josiu d'Agen, e aviat, s'albergava en patz dins l'Estat independent d'Avinhon en Comtat Venaissin, a Sant Remesi.

Lo 22 de setembre de 1791, los borgeses de Navarra e d'Avinhon, lo mesme jorn, an vendut lo dreit escrit occitan als Parisencs  ; sempre avèm viscut ambe las traïsons borgesas -una casata dememtre d'autras- per èstre sotmetut al novèl mercat-Estat-nacion parisenc; aprèp aquela data ki dreit escrit foguèt mal votat pels Parisencs e los supausats "représentants" (auto-seleccionats pel sistèma partidocrata francés), de las troisième, quatrième o cinquième République. E mantunes vòlon una seisena republica ! Mais pourquoi faire, nous tromper encore une fois ?

Es pas bon mentidèr lo que ten çò de prometut - provèrbi gascon a prepaus dels Franceses.

Aprèp la famosa terror, lo dictator francés d'origina còrsa, d'origina de la traïson republicana còrsa, serà lo melhor agent de la terror europenca, militara que destrusiguèt per ideals que podián bastir una ciutadanetat europèa coma Fichte o pensava.... aprèp l'idealizada revolucion que serà nommada francesa a la fin del XIXen sègle.

Franco l'aviá plan comprès, i a pas melhor que los Andaloses per destrusir la lenga catalana en temps de dictatura, foguèron importats a Barcelona per catalanizar la vila, e an castigat longtemps... quitament aprèp 1974 !

Donc, vaquí la campanha #JeSuisRépublicain : encara una campanha que los mèdias franceses nos serviràn benlèu, mas sempre sense lo sens critic que Montanha, La Boécia e Montesquieu lor an çaquelà demandar d'aver, dins la lenga de la dominacion novèla en Aquitània.

#SoiRepublican

E alara coma se dís, en Alsacian, Basco, Breton, Catalan, Goadelopean, Martiniqués, dins totas las lengas d'oltra-mar, es Arpitan (abans l'annexion francesa de 1860), en Neerlandés, e dins tota la diversitat lingüistica dels patois des Langues d'Oïl ? Explicatz-me dins los comentaris.

E assajatz de matar aital l'utilitat de l'Académie française sul tèma.

#SòRepublicane

E ara, #JeSuisRépublicains nos demandan sempre d'oblidar l'istòria nòstra dempuèi sègle, normal, segur ? Non ? L'ignorança es la basa de l'imposicion antidemocratica francesa.

Recuperacion e netejament d’opinions

Dins un bilhet recent, pron difusat sus FB, un militant occitanista a determinat la recuperacion Bleu Marine, Chastèurainard (vila tocada per un sistèma agricòl tocat per las causidas politicas parisencas e de la PAC de l’UE), recuperacion de l’occitan per bastir una politica per la lenga occitana aquí (ailà) en Provènça, e al contrari un occitanisme blós d’aver un site Internet en lenga occitana, a Lairac en Òlt-e-Garona o Agenés (aglomeracion d’Agen, pichona banlèga tocada per la famosa linha LGV de Tolosa a París). E perqué comparar sonque aquelas listas, sonque.

De qu’es una recuperacion politica ?

M’en vau donc legir la definicion del sol diccionari occitan que la baila :

vaquí : « accion de recuperar », Recuperar : « recobrar (tornar intrar en possession de quicòm)»

E l’occitan aparten a los que ne fan la promocion, o que –me sembla- ne son capable d’o far coma «se dèu», o proprietat d’un business associatiu o coorporatista ?

Es l’objectiu d’aquesta associativisme d’espandir l’idèa que l’occitan es de totes o pas ? Soi benlèu inocentàs ?

De qu’es lo mai recuperatiu ?

A prepaus de "recuperacion" ; a Niça, las inauguracions se fan ambe tres bandièras (segur que dèu èstre de recuperacion, car la de Niça es primièra, e per la lenga associat natural de la bandièra, avèm una pichoneta politica qu’ajuda sonque lo sistèma francés ligat al nissardisme), e a Tolosa ? Las reünions politicas de Jean-Luc Moudenc, UMP-UDI-MoDem, se fan ambe doás bandièras de cada costat sus fons blau mediterranean, de la meteissa significacion, recuperacion lengadociana (e la lista Jean-luc Moudenc vòl crear un centre cultural «pour l’Occitanie» ? De que ne dís l'occitanisme ortodòxe ? Digas-me ?

Digas-me de que son aquelas recuperacions ?

Considerar l’occitan coma un joguet cultural ? E sonque ? De qu’es aquesta faiçon de recuperar l’occitan ? A miníma … O aquela qu’emplega l’occitan coma se deuriá per amagar que son una lista d’oposicion al cònsol ancian e qu’es una lista de ciutadans qu’es majoritariament de la meteissa color que lo cònsol ancian.

Benlèu que ara, comprèni melhor que cap partit politic occitan an sostengut los «bonnets rouges» en Bretanha. N’i a que vòlon d’autras manifestacions per la lenga occitana, mas perqué far ? ajudar l’ostracisme politic aquel ?

Perqué destriar l’occitan de las opinions politicas (bona e maissantas destriadas) ? Per aver sonque opinions qu’agrádan a l’occitanisme d’esquèrra ? O als professors d’universitat autoseleccionats.

E que pensar de los que se vòlon ni a dreita o ni de l’esquèrra del rei francés ? L’origina del concepte dreita-esquèrra es a l’Assemblée des peuples de 1789 …. Seriá pas tanpauc dedins l’occitanisme quora se fan expression politica aquesta ?

Es que la paraula en lenga occitana dèu èstre sistematicament d’esquèrra ? D’esquèrra per èstre patrocinada bona d’entendre, bona de manifestar, bona de dire, bona per l’umanitat, per non pas èstre de «recuperacion» modèl occitanista ortodòxe ? Per èstre professors d’universitat ajuda segur, per las letras principalament… es vertat. Mas per astre lo sistèma professoral non fabrica una societat sanciera.

Es benlèu aiçò que fabrica las oposicions en Bearn, enb Provènça o en Auvernhe, los separatismes se fabrícan sul non respecte de l’opinion politica de TOTES LOS OCCITANS e de TOTAS LAS OCCITANS quitament se sèm pas d’accòrd ambe las loras opinions politicas, justament se sèm pas d’accòrd.

Voltaire e l’afar Calàs devon pas èstre pron coneguts de l’occitanisme modèrne.

Me sembla un bilhet subre-realista ; perqué ? Sèm normalament dins un país que se dís Occitània, e que lo paratge es estat destrusit pels extremismes franceses –politic e religiós-, e que l’intoxicacion francesa fosquèsse arribat a integrar los ostracismes politics dedins l’occitanisme m’espanta. O alara, tot simplament, l’occitanisme fabrica una ipocrisia modèl francés ? Un nacionalisme modèl francés, de netejament de las opinions politicas ontologicas a l’umanitat ?

Diversitat electoralista e comunautarista

Dins las informacions d’anuèch avèm la susprèsa de veire que la cargada de mission de la Vila de Bordèu per las relacions internacionalas es autanplan presenta qu’un Kader Arif per las relacions internacionalas (europèas per exemple) dins la comuna de Tolosa.

Avèm aital l’informacion de Bordèu sobre l’elegida sobrecargada de voida dins lo seu agènda de Bordèu ; e sabèm que lo Kader Arif de Tolosa, lo seu agènda èra pas conegut del secretariat qu’aviá a la comuna de Tolosa, per trabalhar normalament per la comuna e las relacions europèas – resulta zèro, es lo Conselh Regional qu’a fait lo trabalh. Jà de l’utilitat de Kader Arif nos èrem questionat aquí.

Lo jornal Sud-Ouest anuèch se questiona sus una elegida de Bordèu ; s’esperava la meteissa causa per la DDM ; podèm esperar !

Ne podèm tirar doás assersions : – lo personal politic es susvelhat per la premsa a Bordèu, lo personal politic es ajudat per la premsa a Tolosa ; – de qué servís la “diversitat”, senon per far calar los militants per non aver dreit de verificar la capacitat del candidat d’èstre a la nautor de sa preséncia comunala per trabalhar los subjectes que li son bailats.

La République française es campiona per destrusir concepte politic utila a la ciutadanetat. E lo personal politic partidocrata ajuda a destrusir pauc a pauc, los conceptes que fan la glòria dels artesans per los botar sul lindal de la escòlas, mas que son simplament una ipocrisia de mai de las institucions francesas. Son sistematicament dins la perversion politica.

Per contra, per conservar lo sistèma, lo comunautarisme es un element de la diversitat, es grandament emplegar per servar lo tot republican francés, l’engana oficiala e parisenca !

L’Humanité prepausa un viatge indignat e conservador, Bellaciao acompanhariá.

Viatges d'esquèrra : donc dins la santa capitala, quora lo poder de dreita tusta ! Aquò rassegura... Cal dire que per L'Humanité d'anuèch, es un pauc coma pel PC-Algerian, es l'omertà sul tèma catalan e l'independentisme.

Pel moment, ai jamai vist un article, sobre çò que se debana en Euskadi (que l’esquèrra a ganhat la mitat dels vòts lo 20 d’octobre 2012, benlèu perqué es veïculat pels RG qu’es ligat a ETA coma indica Valls dins lo jornal conservador El País, conservador d’esquèrra e del meteis grope de premsa que Le Monde a Madrid), ni un article sobre lo pòble catalan qu’a manifestat lo 11 de setembre darrièr en massa (2 milions de manifestants interessa pas la massa dels redactors de L’Humanité, dins lo jornal que revendica d’èstre la paraula de la massa, mas quina massa senon lo nacionalisme al poder centralista e bonapartista, aquel qu’agradava per n’èstre lo modèl de Stalin ?).

Anuèch me questioni sobre las capacitats dels redactors d’esquèrra francesa per comprendre los nacionalistas de proteccion que son renegats per Bellaciao o L’Humanité. En règla generala aquesta esquèrra capita pas de veire que son tanben nacionalista e de l’esquèrra, mas expansionistas ; Cornelius Castoriadis o sabiá demostrar tanben dins las annadas 1950/60/70/80 ; aquesta esquèrra cambiarà jamai ; e son los metyeisses que demándan solidaritat pels salariats, per èstre amassa per defendre los dreits dels salariats, per manifesar amassa (aquí es pas BILDU, es pas en basco)… amassa Franceses plan segur, los Occitans, Catalans, Bascos, Còrses, Alsacians, Sovosians, Kanaks, Polinesians, Martiniqueses, Goadelopeans, Guianeses, Bretons, Flamands, Lorrens, s’en trúfan ; perqué ? Perqué an la vision d’Ernest Renan e Maurici Barrès de la ciutadanetat (coma la dreita, quitament a l’extrèma-dreita que s’aplegarà lèu a Aurenja en Occitània), es de dire l’uniformizacion identitària francesa, en resumit parisenca-franciliana e faita de las immigracions que podián pus viure en regions per fauta de politica indiustriala (e quora una politica industriala se dessenha, son sempre contra l’initiativa, coma los capolièrs del PNO çaquelà) ; mas tanben es tecnicament, una error d’esquèrra de dividir per préner lo poder al cap, val melhor aver un sol cap per préner lo poder  ; encara un còp lo pòst-stalinisme es encara vigent a l’esquèrra francesa, e lo bonapartisme ajuda coma una referéncié unica e politica qu’auriá ela capitat d’arribar al poder, Es pas un azard se FO es contra l’aprigondissament de la decentralizacion, els qu’an lo maxímum de sòcis dels foncionaris de la decentralizacion (e la CGT pensa parier, coma pel nuclear)… La paradòxa de l’esquèrra francesa o espanhòla es que vòlon plan que «lo» pòble parlèsse, se manifestèsse (mas sovent lo vòlon far en lor nom), mas lor cal un sol cap pel pòble unic (espanhòl o francés, o comunista argerian, o italian, o polonés, o portugués, o iogoslave, o grèc, o turc, o russe, o suedés, etc. ), un pòble unifòme sul modèl juridico-antropologic dels Ernest Renan e Maurici Barrès, o simplament mauracian d’esquèrra.

Aquesta vision d’un sol cap, estalinian, un sol capolièr per arribar al poder o per ganhar la guèrra contra lo ‘grand capital’ (oblidar que de capital tanben n’a mestièr l’Estat), aquesta vision politica d’esquèrra aurà sa version etnista, una sola lenga per aver un Estat, per meritar una nacionalisme que fabricarà comunicats de sosten. Coma se un pòble de Francha-Comtat auriá pas dreit als seus separatistas coma Kossòva o Montenegrò, o Mónegue, Luxemborg e Liechtenstein !

En Argèria, an fabricat un Estat sus aquel modèl ; vesèm la resulta anuèch e aprèp 40 annadas d’independéncia. Es alara aiçò que Catalonha aurà de desfugir. Sembla que fosquèsse plan partit aprèp la resolucion votada en Aran, a l’unanimitat, e qu’aguèt un resson fòrt positiu dins los rengs independentistas catalans (veire lo bilhet següent).

La massa seriá la solucion politica de sempre, pels imperialistas de sempre. Garibaldi a cresegut tanben aiçò en ajudar militarament a crear Itàlia, e la donar a un rei (un potencial dictador), en oblidar que Niça, sa patria, ameritava d’èstre protegida dels Franceses (serà anexada per un referèndum militarista en 1830). Bonaparte, el, a negat la Republica de Corsega, per s’abatardir ambe lo directoire e portar la guèrra pertot en Euròpa, en nom d’aquesta massa francesa que portava la consciéncia politica aquesta a Euròpa (al XXien sègle ne sèm pas luènh ambe lo personal politic francés de la comission). La question de la massa es la question de la guèrra, vóler la patz es oblidar la massa e que la massa preferís la guèrra a la discutida democratica, la massa discutís qu’ambe intermediaris (la representacion serà a còps pacifica o violenta, militarista), pensa pas mai que tanben la minoritat ontologica o exteriora a mestièr d’èstre escotada.

(document de setembre 2012)

Quin es lo projecte de LOS INDIGNADOS ambe los Catalans e los Bascos ? O saurèm pas ni dins Bellaciao ni dins L’Humanité.

-°-

Ligar l’Estat (o sa revendicacion potenciala) a la lenga unica es un acte politic conservador.

(mensual de novembre)

La NOS difusa una declaracion de guèrra al pòble catalan

La NOS es una television publica de l’Estat neerlandés, pendent un viatge de rodatge d’un reportatge per mostrar la situacion politica de Catalonha a presentat dins un magnific reportatge una declaracion dins un burèu d’una associacion d’ancian militar espanhòl, una declaracion per montar una guèrra en Catalonha.

Evidentament aquela declaracion va despertar lo nacional-independentisme catalan; mai tanben las indignacions politicas.

Soi segur que lo reportatge a plan fait de prendre en man aquesta entrevista, aital mostra a tota Euròpa a quin nivèl de consciéncia politica son los espanhòls, lo nivèl es magre e bais. Ai plan escrich los Espanhòls, pas los locutors en lenga espanhòla del Principat de Catalonha.

Tot lo reportatge es estat fait en lenga espanhòla per lo/a jornalista de la NOS. E donc se pròba aital que la supausada pensada politica ligada al catalan, la pensada politica independentista ligada a la lenga catalana es una faucetat ; de mai la nocion de crisi es relativizada a mantunes moments del reportatge.

Per totas aquestas rasons es un reportatge de grand interès istoric, politica, economic e lingüistic ; i a tot dins aquel reportatge ; l’ai pas a posite, aquí, per aver la traduccion en occitan ; mas o fabricarai per la pausar sul bilhet; l’espèri al pus lèu.

La fòto d’illustracion indica lo moment que l’ancian militar explica que «España es una nación», e donc indivisibla. Es lo tèma favorit del franquisme, «España una y indivisible» ; sabi pas ç’aquò es estat dich dins lo comentari en neerlandés, sabi pas pron la lenga per la traduccion.

Aquel reportatge donc es plan un document que tot Euròpa deuriá gaitar per avertir Espanha de tot acte politic de maissanta fe e contrari a l’etica politica europèa, per exemple interdire un referèndum. Es un reportatge natre, ni Alemand, ni francés, ni espanhòl, ni anglés ; e donc natre dins la situacion dels independentismes, encara que se li podriá reprochar d’èstre neerlandés, e donc d’èstre estat un jorn las Províncias Unidas que se son independentizar de Castilha.

Mas cal escriure sobre lo concepte de nacion per Espanha, una nacion qu’es donc expansionista, que fabrica subjectes al rei (que paga lo seu sòlde, e a totes los militars espanhòls), e que totes los subjectes son sotmetuts al poder politic d’una sola vision politica aquela que sonque parla espanhòl e que pensa en Madrid, en sa lenga e la seuna indivisibilitat ; es de l’etnisme d’expansion, es de netejament politic per los que párlan catalan a València o galician, o asturian, o Basco en Nafarroa, o aragonés en Aragon, o Andalós en Andalosia.

Es tanben la confusion entre l’espandiment del poder borbonic –pòst-franquista- sobre las populacions de nacionalitat (antropologia) diferenta, e  lo juridic (las leis que per Espanha son votada dins mantunes Parlaments, mas ambe la supremacia mdrilenca del Congrès – nos podèm çaquelà questionar sobre l’utilitat del Senat).

Es la meteissa confusion que vesèm quora s’escriu un article sul colonialisme interior en Occitània. Aquel concepte de colonialisme interior indica alara que Occitània èra l’interior de l’Estat-nacion França, del mercat-Estat-nacion, del centralisme, del bonapartisme ; es donc avalizar lo fagocitatge d’una nacion occitana per una autra, la francesa, la nacion qu’es prèp del poder central e qu’impausa sa lenga pròpria e la francofonia ! De la nacion catalana per la castilhana.

Es la confusion que tornam legir sobre aqueste bilhet de ÒC PARIS, la pagina dels productors de ràdio de Radio Pays.

Alara coma cada còp, vos conselhi de legir Cornelius Castoriadis, «de la cité et des lois», que dona clarament l’error conceptuala aquesta e ne dona las rasigas e esclarís l’afar. Me sembla un libre essencial de legir, per fòrabandir las estupiditats francesas sul tèma IIIen republica. Es un libre aisit de legir, contrariament a d’autres libres de Castoriadis.

Los militars espanhòls, los militants del PSOE-PSC, los militants de tot escantilh, e totes los universitaris de letras o deurián legir en urgéncia, per non pas s’enganar ; e amai ajudarà a comprendre que ni Lafont, ni Fontan, ni Castan, son la bona dralha per pensar un occitanisme politic. E donarà aital una responsa clara sobre l’occitanisme politic, e donc la potencialitat de mobilizar la nacion, de l’incapacitat de l’occitanisme politic d’o far.

Mas semblan pas isolts los ancians soldats de l’armada espanhòla que vòlon la guèrra en Euròpa, i a tanben un endoctrinament escolar en Castilha (document ante) e una allusion politica del cronicaire lo mai dreitan francés Éric Zemmour :

Dins la dreita linha de la declaracion de Marine Le Pen sus France Culture, recentament tractat dins un bilhet que podrètz legir en seguida.