A portat Occitània al cap dels brases pendent trenta annadas quasiment solet dins l'ostal de Picapol, per l'Escòla Occitana d'Estiu. Es estat un fondator de l'Universitat Occitana d'Estiu, la primièra a Vilanuèva d'Òlt, e tanben un co-redactor amagat de la lei deixonne e d'un libre que se titolèt «La France Plurielle», del temps que sos amics socialistas fasián de l'occitan un biais de desvolopar la cultura per totes.
Li damora una òbra grandassa, per la nòva cançon occitana, per la formacion a la lenga occitana del costat de Vilanuèva d'Òlt e per Occitània sancièra, per la creacion teatrala e pel reviscòl de las velhadas contadas en Aquitània. Es estat tanben l'imprimeire en cap de la revista Lo Gai Saber, Los Camins d'Estiu, e fargaires mantunes programas de television e de ràdio.
Reviscolèt l'edicion de la poësia d'un Pau Froment, Gensemin e tanben totes los poètas de l'Agenés. Lo Prèmi Pau Froment autrejat a Pena d'Agenés es una idèa seuna.
Cap comentari:
Publica un comentari a l'entrada