Bordèu serà la segonda granda vila d’Occitània per emplegar l’occitan per anonciar causas utilas a la populacion, aquí l’estiu metropolitan del 15 de junh a la fin setembre 2013.
Es una operacion qu’es desvolopada per la CUB ambe l’informacion bailada per l’IEO de Bordèu.
Escotatz l’occitan aquí.
A Tolosa sembla que lo tram a lo meteis problèma qu’a Montpelhièr per non dintrar dins lo tram l’occitan, la lenga istorica. Estranh, mas a Bordèu lo messatge en occitan a pas agut de problèma, i a calgut una estratègia multilingüista.
Lo messatge a poscut passar dedins los ments, perqué la volontat es estada fòrta del costat de l’administracion de la CUB que gerís lo tramvia ; e i a pron de volontat a Tolosa e Montpelhièr, Marselha o Niça (e lo futur tran d’Avinhon) per far dintrar l’occitan dins la nòrma d’emplec ? Sembla que non.
Dementre la volontat politica i aviá aquela de dintrar dins un estreng ligam ambe una associacion locala de traduccion associativa (Lormont), per las comunautats lingüisticas diferentas de la vila, de l’aglomeracion. Aital i a de las lengas de la planèta presentas tanben, ambe una variabilitat de difusion similara a l’occitan, podètz fintar aiçò aquí.
Dins la volontat de presentacion de la diversitat lingüistica, i a tanben la volontat de crear un eveniment lingüistic a Bordèu, CUB. Me sembla que lo messatge es passat e qu’aital l’occitan tornarà trapar a Bordèu la plaça qu’aviá abans l’arribada dels Franceses, 1450, es de dire l’oficialitat en companhiá del latin, BORDÈU es pas una invencion occitanista, es istòria, es sapiença locala, es conneisséncia per melhor arcuelhir totas las populacions del monde.
Lo modèl d’arcuèlh que podèm aver ambe d’associacions catalanas que fan lo meteis trabalh d’integracion en lenga catalana, e tot en respectar las autras lengas praticadas pels ciutadans.
Cap comentari:
Publica un comentari a l'entrada