La ràdio privada la mai escotada de Corsega a degut suportar l’ostracisme editorial, e mediatic, de la part de l’equipa d’organizacion del “Tour de fRANCE” e dels mèdias parisencs, esponsòrts oficials del torn, comercialament designat coma “Tour de fRANCE”. Es plan evident alara que los programas de France Culture, un divendres de ser, “sur la route”, per provar que «son independents» per tractar «l’actualitat del ‘Tour de fRANCE”», sona mal a las aurelhas, ara.
Podèm imaginar un sistèma mediatic parisenc, de tal biais, francament colonialista ? S’i podiá aver un argument mai bèl, non podèm aver qu’aqueste afar per lo provar.
Alta Frequenza es l’estacion privada la mai escotada de Corsega, en concurréncia directa ambe France Bleu RCFM, la legitimista. Se trapa èstre un element primordial de l’informacion en Corsega, e principalament en lenga còrsa, per la musica e per l’actualitat.
Dins un sistèma mediatic que se dís de libre pensar, aquel afar pròva que NON ! Senon perqué interdire als jornalistas de Alta Frequenza d’èstre acreditat ; quina son las rasons nacionalistas francesas per non acceptar un jornalisme INDEPENDENT e de vertat ?
De quina manièra lo CSA castigarà Radio France, France Télévision, e l’organizacion del torn, lo jornal Le Parisien, per aqueste ostracisme jornalistic francés, contra lo jornalisme còrse ?
Aquel afar pròva de mai que lo nacionalisme francés es la basa de la redaccion de tot mèdia qu’a dreit d’entrar dins lo ‘Tour de fRANCE’ ; se cal pus pausar la question, perqué France Télévision a sempre refusat d’emplegar lo bilingüisme per designar las etapas, grafismes sus l’ecran. E de la lenga còrsa se faguèt coma de costuma, un aisina de dificultats pels animador (que sampiternalament se díson INDEPENDENT e qu’o son pas brica), per la saber plan prononciar, e non pas una aisina de melhora coneissença del multilingüisme e una riquessa per desvolopar un sistèma de pensar diferent, e de viure diferent.
Cal mandar a Alta Frequenza, un messatge de solidaritat, e esperar qu’aqueste afar posquèsse pujar mai naut, per èstre jutjada al nivèl que cal, e perqué pas al nivèl europèu a la cort de justícia de Luxemborg.
Cap comentari:
Publica un comentari a l'entrada