Fillon vòl que s'aprenguèsse l'istòria de França melhor, bancò !

François Fillon es plan simpatic  mas gaire istorians de fRança.

Mas fins ara l'istòria ensenhada pel regime republican francés es jà una gròssa manipulacion politica dedins una escòla que se dís «Éducation» e qu'educa pas brica (vist las estupiditats qu'avèm ambe lo feminisme e la «libertat» del burkini del Conseil d'État), que se dís «Nationale» dins un contèxte istoric qu'es jà una manipulacion de la definicion de nacion, dempuèi 1792, La Terreur. Jà avèm unes professors d'Istòria dita de fRança que son jà d'actors (majoritariament ara actriças) de la manipulacion republicana francesa de l'istòria, e un ministèri jutja alara de sa bona aplicacion, sul modèl que lo sovietisme a volgut aplicar dins l'anciana Euròpa de l'Èst e dins l'URSS.

 - Charles Martel a repoussé les Arabes à Poitier en 732. Oui ils ont règnes sur une parti du territoire français actuel, 25 ans avant et 25 après cette date. 

FAUX Es a la demanda del Duc d'Aquitània que la maison dels Francs a intervengut del costat de Peitièu. La demanda èra similara per la Borgonha, per las invasions dita de «Al Andalós» que debutavan dempuèi a la Septimania, dins lo bais-Lengadòc-Catalonha-Nòrd actual ; es oblidat que lo Duc d'Aquitània (ambe tropas pagadas pel Parlament d'Aquitània) a arrestat la progression de «Al Andalós» a las pòrtas de Tolosa. Las tropas d'Aquitània èran blocada a Tolosa e donc podián pus intervenir a Baiona, Bordèu (destrusida per la ratsià novèla), e donc l'intervencion franca èra cridada pel poder d'Aquitània (Parlament e Duc).

- Jeanne d’Arc a mis les Anglais dehors ! Ils ont pris le temps de la brûler et de rester 1 siècle de plus pour le méchoui. 

 

FAUX la notion d'anglés existava pas. Es çaquelà la LEI de Normandia qu'a arrestat la pichonèta isterica Joana d'Arc. Es la lei d'un Parlament de Normandia contra la dictatura franca a Paris, un pichonet reialmèt que podèm situar entre Seine e Edge.

 

- Charlemagne était empereur des français, ça tombe bien pas des Bretons. Les marches de Bretagne ont été construite pour monter en Bretagne. 

 

FAUX es imperaire dels Francs, pas dels Franceses que la notion data pas de l'an 800 mas de 1792 !

 

 

- Les gaulois sont nos ancêtres. Si les Antillais vous regardent bizarrement, étrangement pas les Basques ni les Bretons. 

 

FAUX Gaulois, mas qu'es aquò realament ? En Occitània, sul continent europèu, podèm listar d'autres pòbles, Vascons, Ibèrs, Liguras, Grècs, Romans, etc. e la lista dels pòbles non cèltes es longa, mas quitament Celtes de qué vòl dire ambe las mesuras politicas actualas quand escrivèm l'istòria d'anuèch que parla del passat.

 

 

- La France est d’origine chrétienne, bien sûr Panoramix c’est dans Obélix. 

 

VERTAT L'integrisme catolic es plan conegut en Occitània, sempre emplegat per Paris per l'expansion del regionalisme parisenc, donc avèm agut mantunes chaples (massacres) contra los "catars" o bons cristians, protestants e jansenistas, e las dragonadas, lo chaples de Vendèa (contra catolics !), etc....

- Le français est directement dérivé du latin. Ma soeur aussi. 

 

FAUX es una elucubracion de la cort dels Francs al moment que 40 % parlava lo gascon (varianta de l'occitan modèrne de la maison d'albret), vertat que lo gascon (occitan d'anuèch) es d'origina latina, del latin vulgar. Mas fau legir Fillon, professor nacionalista François Fillon : «Parler croquant», Claude Duneton. Car ensenhar l'istòria tal que lo regionalisme de Sarthe o pensa es jà un engatjament politic estreit.

 

- La Gaule est devenue la France, c’est dommage pour les Belges… 

 

FAUX notar que la Neutria, la Belgica an agut mestièr de fondar un quasi-Estat e donc de formacion que se faguèron totas en Aquitània a Lemòtges ! fRança existava pas. La nocion de «fRance» es puslèu una causa que data d'aprèp 1792... abans se parlava de tèrra de conquèstas (veire mapa). Fau indicar a François Fillon que Argièr (Alger), 1830, èra francesa abans Niça (Nice), 1860 ?

 

Nos podèm donc questionar sus las incapacitats del personal politic en fRança, vist que François Fillon dubrís pòrta que mantunes politicians franceses an en cap ! Son estats quitament pro curioses per se questionar sul contengut tòrt dels corses d'«Histoire de fRance» de las santa «Éducation Nationale» e de las universitats autonòmas de sciéncias politicas o pas.

Sistèma politic espanhòl, Union Europèa, e facturas

Sus aquel blòg nos interessam a Espanha, ambe una vision politica precisa per Catalonha, Principat de Catalonha, pas simplament per èstre al Sud de Sud-Occitània, mas tanben per la democracia catalana que passarà per l'independéncia (punt). 

L'interès portat es important per la melhora gestion de l'Union Europèa e de la politica al nivèl europèu, lo contrari es ... lo sistèma actual que suportèm ambe la Comission Junker, un truand politic de Luxemborg, lo je-m'en-foutisme-politique-français e alemand, e donc la consequéncia es l'oportinisme politic dels extremismes al poder dedins l'Union Europèa a l'Èst ; la politica francesa, çaquelà, se limita de saber quin interès se podrà aver de l'Union Europèa (a despart d'aumentar las facturas d'electricitat per absencionisme politic), e de non pas coma coma bastir una politica ciutadana per l'Union Europèa, la democracia ; e aprèp se castigarà Polònia, Païses Baisses, Danemarc o Anglatèrra de pensar una Union Europèa d'aquela manièra francesa de pensar, o quitament Turquia que vòlon dintrar ; lo PP a Madrid l'emplega de la meteissa manièra, es l'egoïsme politic similar pertot (a còps machisme politica) e la manipulacion europèa, lo som es estat l'eleccion del deputat e ministre Arias Cañeta, ancian d'una companhiá de petròli, al cap de la comission en carga de l'ecologia, la politica europèa per l'environament ; los lòbis petrolièrs an ganhat, doblament car es enpaquetat coma una comission venguda del sistèma electoral europèu e mantunas comissions europèas...

La corrupcion del PP (avèm mapas impressionantas e jamai publicadas en fRança, nimai endacòm en Euròpa), lo corrompament a pas cap limit madrilenc, levat qu'interessa ges los sistèmas politics que lo costejan al Parlament Europèu, dins una linha politica qu'agrada a la diplomacia de l'ONU, l'intengibilitat de las frontièras se transforma en glaxís dels escambis d'informacions sus las turpituds dels òmes politics e del sistèma partidocrata jacobin que los a plaçat al poder dins las capitalas dels Estats europèus, e totes los mejans son disponibles per i arribar, lo corrompament comprès.

E lo PP es l'aligat politica de Les-Républicains que nos explícan que son clars per una novèla gestion de fRança. E m'agradariá d'aver sonque un Jérôme Cahuzac qu'a problèmas fiscals ambe París, mas qu'a bon resson d'eficacetat a Vilanuèva d'Òlt, sonque pel Parti Socialiste.

Cal notar lo mai aviat possible que la causa comença d'èstre coneguda, mens reconeguda pel public ; es encara possible de fintar un documentari d'ARTE sul tèma de las enèrgias renoveladoiras en Euròpa (facturas de la vòstra electricitat), en comparar las d'Espanha als autres Estats ... la factura d'electricitat explica fòrça del corrompament del sistèma.
Lo govèrn PP aguèt longtemps un ministre de la comunicacion que foguèt ministre del «democrata» e generalíssim Franco. La factura lo govèrn PP l'a jamai pagada, al contrari s'es servit del sistèma per destrusir la democracia.

La diga dels oligarcs franceses en Provença

Cada vagada qu'un «putanh de ciutadan» vòl fargar una installacion un pauc especiala en terrenh de conservacion del patrimòni (ostal, garatge, finèstra, etc. o pòrt en pichona mar interiora), cada vagada l'administracion francesa es contra, de còps amb rasons, d'autres mens. 

En Provença tot sempre èstre dins la construccion, resulta avèm catastròfa dita climatica... e los parcatges sosterrans semblan a cementèris, o son tombèus d'aire liure que l'aïga es pauc clara, e segur pas blava. I a una peticion sul net que demandar que cadun protestèsse per aquela politica francesa del tot beton.

Anuèch, vos paralarai d'un article que cal completar, de quina manièra cal completar un article umoristic qu'es estat escrit en seguir la premsa locala de Provença, per exemple aquel de France 3 Provence. L'article de France 3 Provence Alpes (un jorn sauràn emplegar tanben lo provençal) me faguèt pas rire, aquel del parisenc Le Canard Enchaîné si que me faguèt rire, mas èra pas vertadièrament pensat en Provença, nimai sus las tèrra d'Occitània.

La causa pòt semblar complicada mas quora l'occitan ajuda a l'umor, los guits se deuriá des-encadenar mai sovent !

Aital lo 21 d'octobre, lo guit parisenc nos infòrma fòra de PACA (localizacion de l'informacion, es lo trabalh de totes los mèdias parisencs en «province»), sus la destruccion del patrimòni natural provençal, destruccion orquestrada per las meteissas familhas politicas qu'an abandonat en Provença, l'establiment de leis en Provença, lo 22 de setembre de 1792.

Per l'umor universal tot i es : «principautat de Monte-Carla», lo «préfet pro-digue», «belle la jetée?» ... (per Niça se podriá escriure d'autres bilhets aital) e tot l'article es risolièr, o tristàs se l'informacion èra pas coneguda.

Per l'umor universal i cal çaquelà apondre las raiças de la toponimia de Provença, aquela de l'occitan (de Provença), senon es pas un umor universal, mas ecologista, o parisenc que se trufa de Provença (la bastidoira, aquela de la creissença dita economica) ; mas la redaccion parisenca, nimai la de France 3 Provence Alpes non ne sábon de la lenga del país ! E lo país se sona Occitània, aquela de l'Èst es aquí Provença.

Quand la discotèca de la còsta de la Mar Granda en Gasconha es lo «traouc», e lo pòrt de la familha oligarca en Provença es «lo traouquet», es pas mestièr d'indicar qu'es la mesma lenga ! Tot occitan normal sap çò qu'es un trauc, tot occitan normal de mai de 18 ans, sap tanben çò qu'es una discotèca que se dís trauc, e un trauquet quí non o sap en Provença o Lemosin de qu'es ? Totas las manièras de veire lo sèxe sábon çò qu'es un trauqueton ....

Donc lo futur pòrt blau de la familha Carla Bruni-Sarkozy es un trauquet ! O dís d'un autre biais, lo trauquet, que farà la destruccion del pargue de Provença, es lo trauquet de Carlita pels batèu de l'amic Bolloré ...e la SCI qu'a fait la demanda se sona SCI Bastide (amé un E coma «sèm en fRança», aquel espaci politic de l'oligarquia republicana que destrusís lo patrimòni dels Provençals !), l'occitan de provença i es pas oficial, mas la grafia francesa per la toponimia, si.

Podrèm confirmar alara que lo prefecte es utile per las bastidas jacobinas (ExpoBât basta !) dins los trauquets d'Occitània ; pro-plan non ?

De que la famosa Kulturé franco-italica ne pòt saber de la cultura toponimica locala, aquela dels trobadors ... e benlèu que dins aquel trauquet d'aïga de mar nòstra, lo pòrt ancian, subjecte de dorsier acceptat per l'administracion e lo prefecte, es estat destrusit justament perqué la mar es mai fòrta que lo trauquet, o la còsta que díson d'azul.

Bon alara avèm donc una familha d'immigrats ongaro-italica que bastís un trauquet, pòrt en baissa aïga de Miègterranèa, e que l'administracion ajuda a destrusir Occitània ; de qué ne cal pensar ? Occitània es una colonia vertadièra de las oligarquias europèas, plan ajudadas pels sistèma administratiu bonapartista e francés, non ?

L'editorial catalan que crida a la demission de Nicolas Sarkozy

Aqueste maitin lo jornal catalan ARA publica un editorial ; aquel dona l'enveja de demandar la demission de Nicolas Sarkozy ; perqué ?

1 / Nicolas Sarkozy es estat sosténguer un «amic» Mariano Rajoy, membre governament madrilenc qu'a causit coma candidat García Albiol per las eleccions del 27S. Los vesèm en fòto lo tres amassa dins lo jornal espanhòla ABC : 

Lo candidat Albiol (en fòto sobre la portada de l'ABC, a l'esquèrra) a perdut las eleccions de Barcelona ; lo seu anti-independentisme es pas en fasa ambe los movements ciutadans e independentistas actuals de Catalonha, majoritòris.

Mas es pas tot, dins la campanha lo candidat Albiol a revelat lo seu racisme ontologic fàcia a l'immigracion en «España» de «raza», benlèu blanca car catolica (?).

2 / E legissèm amassa l'editorial de ARA : 

Aquel editorialista, qu'a seguit totes los eveniments en Catalonha dempuèi mai de dètz annadas e qu'escriu dins un jornal lo mai respectat d'Espanha, assegura que l'elegit PP Albiol confond democracia e dictatura ... Nicolas Sarkozy tanben ?

Aqueles parallelismes son jamai estats una rason d'un sol bilhet quitament dins la premsa d'esquèrra francesa, ni la de dreita o del FN (!), o quitament la libertària francesa, nimai dins aquela de la collaboracion jacobina en Occitània.

Donc vaquí un bilhet de demanda de demission de l'ancian president francés Nicolas Sarkozy, de la nautor pichoneta d'un ciutadan occitan que vòta en França e que respecta la democracia, en Occitània e en Catalonha.

L'umor catalan m'agrada, brilhents que son

Sabi pas perqué son bonas en campanha electorala, las vinhetas d'umor catalan.

Es evident que l'umor catalan s'ataca als discorses e la manièra de los portar especialament contra Catalonha. E quitament sense gaire parlar, Rajoy dona de sa persona, plan per l'umor catalan.

Enfin tot aquò es la campanha electorala espanhòla collaborativa madrilenca en Catalonha, contra la lista #JuntsPelSi . Senon pareis que las eleccions seràn pas plebicitàrias !

Ont son los deputats europèus franceses del "Sud-Ouest" ?

Podèm pas esperar res dels deputats europèus de la zòna d'eleccions del dit Sud-Ouest, son totes absents sancierament per la revendicacion occitana ; TOTES !

Mas un José Bové qu'explicava, un còp èra en campanha electorala, que la revendicacion occitana èra pas pro virulenta, ont es ara ? 5 jorns aprèp la debuta de la cauma de David Groclaude, ont es ?

Ara, vòli aquí felicitar los deputats europèus qu'an signat la demanda adreiçada al poder francés, e dempuèi lo Parlament Europèu.

E ara, podèm esperar qué dels Franceses sul sicut de reforma de l'Estat quora una critica justificada es pas sostenguda, quora la reforma es per matar la dignitat occitana ; e criticar l'Estat es criticar son administracion es donc criticar fRança.

Ara n'i aurà d'Occitans (o franceses que s'amagan dins mèdias occitans, ancian de la complicitat jacobina, o dins las institucions de la decentralizacion) que traparàn encara quicòm per non pas castigar fRança ! 

Non francament  ...

Que fabrica Éric Andrieu ? Ont es l'ancian president del CIRDOC ? Que fabrica lo deputat europèu del MoDem, sistematicament absent de totas las revendicacions occitanas alara que l'Union Europèa es la sola institucion public que considera amb dignitat la lenga occitana ? Ont es aquel de Bordèu ? Ont es lo deputat talament presat per la professora engatjada de Montpelhièr, ont es Jean-Luc Mélenchon ? E ont es la basquesa plan coneguda per èstre l'amiga dels dictators tunisians, aquela dels #LesRépublicains ? Amiga d'un Sarkozy que castiga tant que pòt las «langues régionales» dins los seus twitts.

Aprèp nos vendràn veire perqué si votam pas, lo FN arribarà al poder ! Mas quina diferéncia fabrica un deputat FN ambe un deputat europèu socialista ?

La patoisie : lo nom novèl de l’Aragon ?…

La conjoncion de la tecnocracia, del pòst-franquisme (que çaquelà pòt pas discriminar clarament dedins l'Union Europèa, sense aver un retorn financièr a la cors de Luxemborg), e de las tecnicas francesas de destruccion dels noms de las lengas (per las escòlas e la societat civila es essencial), tot i es en Aragon !

Gaitam la mapa d’aquesta tecnocracia.

Avèm aital una territorializacion de las lengas, per poder aver leis diferenciadas, coma se lo catalan, perdon lo LAPAO, podriá pas interessar los locutors territorializat dins la zòna del LAPOLLA o espanhòl. Mas de qu’es lo LAPAPYP ? E bè es l’aragonés.

Cal notar çaquelà que la territorializacion d’una lenga es una especialitat dels nacionalistas franceses, nacional-expansionistas : quora díson «langue régionale» non i a res de mai qu’aquesta territorializacion que vòl explicar simplament «l’universalitat e lo genial» de la lenga que vòlon imposar.

Tot aiçò pòt fabricar una politica ; la coneissèm bravament dedins l’Estat francés, mas sembla qu’es mai intelligenta ; sabèm donc e dempuèi l’Estat francés, que «de patois à langue régionale, ou patrimoine linguistique» avèm comprès qu’enlevar lo nom d’una lenga es una teoria politica (modèl Mélenchonista o Lepenista, e mantunes autres), politica de destruccion de la lenga concernida, e aiçò directament dins lo cap o ment dels subjectes o ciutadans de la zòna concernida. Remarca, per socializar lo mot patois, los franceses an çaquelà causit un mot que se podiá prononciar en lenga latina, per matar «la mai granda latina concurrenta», l’occitan. E al revèrs, la dificultar d’explicar que lo nom unic –occitan- per la lenga concernida es tanben una pluralitat d’expression fonica e ontologica, es donc rendut complicat per la forana causida semantica de patois.

Per astre, la patoisie es pas lo nom de l’Aragon. Lo PP a pas encara decidat democraticament, segur. Se cal recordar çaquelà que PP Aragon vòl dire tanben PSOE Aragon, e UMP, o FN amassats, mas PPE al Parlament Europèu. Una deputada europèa a Tolosa  qu’a votat contra lo plurilingüisme europèu, es candidata UDI a la comuna de Tolosa, e anciana sòcia de l’UMP, segur que li agradarà de veire de quina manièra la pluralitat lingüistica d’Aragon a capitat d’èstre tecnocracizada pels amics del PP.

-°-

Manifestacion contra la LAPAO a Saragossa.

E de l’estupiditat espanhòla ne podèm rire grandament !

E seriosament s’acaba de publicar dempuèi la Franja que s’i parla catalan, l’avejaire dels subjectes del rei castilhan que son locutors e locutriças de catalan de la Franja.

Mas es tanben l’estupiditat de la francofonia ….

Ambe PP es aiçò la democracia

Ièr al moment que totes los tele-espectadors an degut suportar las oblidanças e ipocrisia del PP, de la Camacho en chef PP de Cataluña, dins lo debat sobre la votacion per la sobeiranetat de Catalonha ; abans la fin son partits, els per non entendre la votacion del Parlament que ne fan partit.

Dins la vídeo de la lectura de la declaracion, aviái remarcat que lo grope PP èra absent. Esperavi veire la fòto d’aiçò, lo depart del Parlament de Catalonha, del grope nacionalista espanhòl ; son pas totes partits, çaquelà, sonque lo PP.

Se cal questionar, els an lo dreit de dire estupiditats a la cantonada e en mai en lo dreit de partit de non entendre la resulta finala.

De qu’es aquel grope antoidemocrata ? Es que l’Euròpa podrà longtemps considerat que lo PP espanhòl es encara membre de la democracia europèa, e membre del grope PPE al Parlament EZuropèu ! I a unes membres europèus que o diràn naut que lo PP es un problèma per la demcoracia europèa ?

Lo PP es encara l’amic politic dels conservadors alemands, dels conservadors angleses, nerrlandeses, portugueses, de lUMP, del grope de Berluscoini, etc. ?

Atencion, mai diplomatas los socialistas ortodòxas son pas melhor ; la pròba lo socialisme catalan es acabat en division aprèp l’imposicion d ela votacion en companhiá del … PP.

La question se pausa, quí esplicarà un pauc l’estatègia melhora a la CUP per els tanben se tramar dins lo camp del PP, PSOE, C’S e PSC-PSOE tot en estar … independentistas ! Lo PPCC es un argument que non val, sénher Hernandez, senon l’independéncia d’Andòrra non existariá tanpauc, l’etnisme lingüistic es un sistèma que non fonciona en democracia, pas mai que l’estalinisme politic (referéncia a Navarro).

Es urgent d’anar votar :

La prepausicion una.

Vidal Quadras vice president del Parlament Europèu es antidemocrata

L’intervencion de deputat europèu Vidal Quadras dins los mèdias espanhòls pòrta cap de dobte : demanda al govern madrilenc d’intervenir militarament en Catalonha.

Gaitatz l’article en lenga espanhòla aquí.

Vaquí la seuna fica al Parlament Europèu :

Dins lo Parlament de Suèda, jà un deputat a demandat de qué farà lo seu govèrn de suèda per ligar relacions amb Catalonha, per ajudar a bastir la democracia.

Lo soixante-huitard Dany Cohn Bendit se trapa, en estent contra la democracia en Catalonha, se trapa èstre dins lo camp de los que pensan que lo modèl franquista èra lo melhor per Espanha, e que «Catalonha se cala». Corsega : Se compren alara melhor perqué Libera es pas membre del PNC e dons de l’ALE dins lo Parlament Europèu…

Per totes los «grands» democratas de l’Estat francés : quina son las loras intencions a prepaus d’aiçò, la democracia en Catalonha ? Que faràn ? Que ne pensan ? Los mèdias lor fan l’amertà informativa pel moment, benlèu que los ‘grands’ democrata republican franceses espèran l’intervencion militara per aver un punt de vista. Mas que las questions fosquèssen claras :

- que faràn al nivèl del Parlament Europèu contra la presa de paraula militarista de Vidal Quadras, vice-president del Parlament europèu, quí lo questionarà sobre aquesta presa de paraula autidemocratica ?

- que faràn los deputats dels ‘grand sud’ per questionar lo govern francés sul tèma de la democracia en Catalonha ?

Se cal recordar que l’UMP a deputats al Parlament Europèu que son suls meteisses bancs que lo PP, o simplament qu’an votat per l’installar al cap de la vice-presidéncia del Parlament Europèu; pensan qu’es democratic de demandar una intervencion militara per contrar la democracia ? Un referèndum seriá interdich dins l’Euròpa occidentala per una constitucion qu’es dicha democratica o supausadament pòst-franquista ?

Que farà lo grope EELV-ALE per questionar l’intervencion dins La Vanguardia del Daniel Cohn Bendit per aver negar als Catalans d’aver un punt de viste dinamic sobre l’independéncia a Barcelona, contra donc la dignitat catalana, contra la dignitat politica e la democracia catalana ? Que faràn al Partit Occitan o al Partit de la Nacion Corsega, Région Savoie o a l’UDB, o a EA, EAJ-PNB o a CDC-Catalunya-Nord per directament questionar Daniel Cohn Bendit ?

Espèri que los elegits de l'Estat francés se faràn sòci de la demanda parlamentària aquesta... gaitarèm. Pensi a EELV-ALE, PSf-PRG, Front de Gauche, Centristas franchimands, e totes los democratas europèus, contra un retorn de las barbariás e barbaritats franquistas.