Un festenal occitan se debana en Occitània, la dimenjada passada (la nòstra fèsta nacionala coma ai poscut l’escriure sobre un bilhet recent), e coma es pas oficial, republican, e tot e tot, e tanben plan entretengut dins la linha republicana e nacionalista francesa, es castigat ambe l’ajuda dels Identitaires (per l’informacion a la prefectura), e los elegits locals, legitimistas. Lo nacionalisme francés es d’expansion, e la tela es plan installada.
Es clar donc que l’informacion bailada pels Identitaires es dobtosa (coma cada còp, zo cal signalar a l’administracion francesa), podèm afortir que fauta clarament de sapiença sul tèma, mas segur qu’an una proximitat ambe la prefectorala, los telefònes an degut foncionar grandament. La prefectorala mobilizarà la caserna sancièra de gendarmes. Es que cal mobilizar tantas monedas contra un movement pacific e nacional occitan ? Soi pas segur que valguèsse la pena, nimai lo còst.
La prefectorala es l’argent de la ciutadanetat, e al moment que cal veire l’utilitat dels gendarmes dins mantunes endreits elonhats del monde rural, es clar que la caserna mobilizada donava de gran de molzer a las directivas del ministèri de l’interior, ministèri de la repression ; es que lo préfet a plan mesurat la causa, a budgecte tant grand per aiçò mesurar, al moment que cal far d’estauvi. L’argument ETA en Occitània es plan paure, al mens valoriza que la prefectura es mal informada e aiçò malgrat Internet. L’intoxicacion ETA ajuda per aver arguments de mal pesar.
De mai, la presa d’identitat de cada festejaire, es un reglament francés, mas perqué far ? Senon un ficatge dels militants occitans, un novèl fiquièr. Es per aiçò que lo bilhet aquel es una protestacion contra la repression francesa en Occitània, e lo ficatge (fòra las règlas de faciada enonciadas dins los mèdias oficials e republicans). L’estat francés a pas simplament páur d’unas lengas dichas regionalas, a tanben páur dels militants de mai en mai nombroses sul tèma, de mai en mai divèrses tanben.
Mas se lo ridicul matava, la prefectorala de Carcin Naut, Òlt –o 46 pels republicanistas al modèl Pierre Izard-, seriá mòrta.
Per solidaritat ambe lo movement politic Libertat, vos conselhi de picar sul site Internet per ne saber mai, e per donar una lutz novèla a la republica francesa, republica repressiva. Picatz sul ligam e la fòto d’illustracion.
Lo còp que ven, segur que la fèsta serà mai bèla e que lo ficatge serà mai grand, la novèla caminarà e l’occitanisme –diverses e pacific- se mobilizarà contra la repression francesa en Occitània.
-°-
Donar un autre exemple de repression francesa, Niça es reprimida dempuèi l’anexion.
E a Niça zo sábon far saber, mas es pas encara pron clar dins l’Euròpa de uèi.
-°-
Puèi qu’a pas grand causa de veire ensemble, mentre que nos podèm pausar questions sobre l’article de La Dépêche du Midi, un pauc leugièr çaquelà sobre la descripcion del ròtle de las autoritats francesas a Montcuc, la prefectorala e lo ficatge gandarmesc ( e pauc impòrta la color politica en plaça, mercés de non pas far d’aiçò una batalha de la dreita contra l’esquèrra – es fRANÇA, lo son privilegiat nacionalisme d’expansion, lo son monde rural que creva e son torisme esplandit e monetarizat sobre l’esquina occitana, donc fRANÇA contra un nacionalisme de resisténcia occitan, Libertat que se vòlon d’esquèrra, mas seriá estat parier ambe d’autras colors de l’occitanisme s’èra independent). Aquel afar dintra en perfèita linha de l’afar Guéant contra Mediapart, e son abandon que se mediatiza ara ?
Se cal pausar la question de la lentor de la resisténcia occitana per far saber aiçò … en defòra del departament francés de l’Òlt. En fRANÇA, la resisténcia contra la dreita francesa liberticidària es mai rapida… Nos caldrà prendre grana per nos defendre.
Cap comentari:
Publica un comentari a l'entrada