Encara un exemple concret d’estupiditat educativa fabricada per l’Éducation nationale !
Es un exemple qu’ameritarà jamai un comunicat ni de OC-BI, ni de la FELCO, ni del Partit Occitan, perqué se cal damorar daissat capbaissat fàcia al poder Éducation Nationale, es un budgecte per region autanplan, veire mai, gròs que lo budgecte del Conselh Regional …. La causa es valadoira pertot e per cadun del espaci regional de decentralizacion.
Marcilhac-Vallon,
l’engana del sistèma d’Estat.
Totes los pedagògues europèus serioses sábon que cal ensenhar las lengas al pus lèu, tre que possible, l’occitan se dèu ensenhar dins una filiara contunha de l’occitan. Avèm ambe l’Éducation Nationale, res de tot aquò, e als fials dels ans, avèm simplament problèma d’aqueste escantilh (quora kla classa es pas suprimida coma a Lo Vigan sense n’avizar los parents e trapar un sistèma de remplaçament coma per exemple lo sistèma seriós qu’es Calandreta), problèma que caractarizarai per mantunes qualificatius aprèp lo bilhet presentat aquí.
Dins l’article vesèm la frasa : «Les élèves de Grande Section maternelle ont également dit au revoir à leur maîtresse d'occitan, Herminie Delpérié, qui sera en poste à l'école Georges Brassens de Baraqueville, où elle apprendra le français à des CP, et l'occitan à des CE1 et CE2.», lo localièr de La Dépêche fa son trabalh mas i entend res al sistèma de l’ensenhament de las lengas, de l’occitan en particular. Alara aquesta frasa es simplament la faciada de l’administracion Éducation Nationale per assegurar lo silenci sul problèma. E los parents, entretengut dins l’ignorança sampitèrna, non pòdon reagir pron d’ora.
L’ensenhament de las lengas, e en particular l’occitan coma lenga amemaçada, es de privilegiar, se dèu far al pus prèp d’una generacion e prinicipalament debutar al pus joves possible, abans l’edat de 7 annadas.
Lo cambiament anóncia la desaparicion de l’occitan dins aquesta escòla…. E l’impossibilitat d’i botar una filiara sancièra en bilingüa, seriosa. l’afar es pas novèla, es sancierament lo meteis problèma dins totas las escòlas dicha publicas en Occitània, son escòla de l’Estat que nos escana pauc a pauc quitament assójan de frena lo despertar de l’occitan coma pòdon ; lo sistèma bureucratic É.N. ajuda plan, lo mamot ajuda.
La fauta a quí ? La fauta de professors formats (quantitat pron pron sufisenta), es la fauta del sistèma politic occitan qu’a refusat la regionaliszacion dels pòstes d’ensenhament de l’occitan, e donc una adpatacion melhora que l’administracion de l’Estat sap pas far. Mantunas escòlas aital son en descapacitat –ontologic al sistèma Éducation Nationale- d’aver l’occitan en version discriminacion positiva. La causa es valabla tanben per la desaparicion dels pòstes de professors d’italian, d’alemand, d’espanhòl, de neerlandés (sabi pas se n’i a d’aquel), que son sovent associats a l’occitan un pauc pertot en Occitània.
Mas alara perqué se lor prepausa pas de crear una calandreta en luòc de perdre son temps ambe lo sistèma aquel ? Totes i ganharà : los escolans, los professors, los parents (en aguer tres lengas ensenhadas abans lo collègi, e aquò es SEGUR), lo sistèma politic de la decentralizacion, la riquessa economica d’un país (perqué d’escolans quadrilingües es melhor que la resulta merdica que dona l’Éducation Nationale. Nos podèm encara un còp esmaravilhar que L’Escòla Aranesa –un vertadièr servici al pòble occitan d’Aran- aguèsse poscut practicar aiçò sense cap problèma, e sense cap visitas (quasiment) d’inspectors de l’Éducation Nationale…
Un còp mai, Calandreta es un servici associatiu, al servici del pòble occitan e tanben als servicis dels elegits de la decentralizacion que vòlon de faiçon seriosa practicar una politica per l’occitan.
S’i a una reforma de l’Éducation Nationale que cal far, es la regionalizacion de tot lo sistèma. Vist los sindicalismes e los conservatismes qu’i son dedins, es pas doma la velha que serà fait : e la FELCO farà aunor al sistèma aquel, coma OC-BI e lo Partit Occitan, es pietat.
Cap comentari:
Publica un comentari a l'entrada