Quora un falord tunisian de l'islam fa atemptat, se fau calar ?

Vos vau comptar l'istòria de l'integrisme musulman, una femna, son ignorança de l'istòria de las religions en fRança, tot aquò fabrica aquel bilhet en fòrma de ràbia, coma aquelas ignorantas que fan petar l'etiqueta racista sus tot çò qu'es antiintegrisme musulman.

Evidentament sa maire es mòrta dins l'atemptat de Niça (es pietadós), e evidentament es pas la fauta de l'Estat tunisian (ni del sistèma tunician d'ensenhament), es la fauta de fRança ; amai es talament violenta a l('antena que se dís patriòta francesa, provenent de Niça ... coma que l'ignorança fabrica de l'integrisme e de patriotisme francés a d'endreit de l'annexion francesa, a Niça ! 

O vau tornar escriure aquela musulmana patriòta e qu'o revendica, es un problèma perqué justament sortís del sistèma d'ensenhament francés, aquò farbrica aquel integrisme religiós, perqué l'istòria de Niça justament aquela gojata auriá d'aver après quicòm a l'escòla ; coma auriá après l'istòria de Niça, las guèrras de religions serián pas encara causa clara per ela, mas li faudriá aver las mapas dels chaples religions en Occitània per melhor entendre, çò qu'avèm suportat de l'Edtat Mejan dinca la fin del XIXen sègle... La cauna de Lorda es descendenta de las inquisicion que farguèron las crotz qu'avèm dins totes los vilatges de l'Estat francés, crotz installadas justament a la fin del sègle XIXen.

Quand l'islam fabrica falord, i a un atemptat a Niça, e lo falord mata tanben musulmans... E vist l'ignorança fosca dels musulmans de fRança, avèm sul pic una recriminacion dels Nissards que son etiquetats coma racistas perqué veson pas que mussulmans tanben son estats matat ; e que la rason de l'atemptat es la religion musulmana (fau indicar als Nissards que la rason es la guèrra de religion dels integrismes islamics, qu'en dins las tèrras ditas arabo-persas son guèrras politicas). Lo mai grèu es benlèu pas aquò ; lo mai grèu arriba sus l'enpont de ARTE TV 38 minutas ièr ; quand en plorar una femna, filha de victima de Niça, nos arriba per demandar que plorèsse ensemble per respectar que venguèsse en tenguda religiosa a l'antena.

Ieu o considèri coma una agression integrista religiosa ; l causa dels problèmas politics franceses dempuèi sègles, e pas sonque ambe los musulmans... E li faudra explicar tanben la diferéncia entre nacionalitat e ciutadanetat ; perqué l'ignorança d'aquela femna es tarribla, mas pas sonque ela ... la produccion de 28 minutes tanben.

Fau evidentament daissar parlar a l'antena d'una television los integristas, mas es que la compassion per aver agut sa maire mòrta basta per argumentar que los Franceses (de Niça, detalh ... son benlèu pas talament Franceses... sonque per annexion politica e armada francesa en 1860) son racistas a Niça e endacòm mai.

Qu'es de mai en mai insuportable de veire l'integrisme musulman a l'antena de las televisions francesas, e sobretot l'ignorança d'aquela populacion de «patriòta franceses» tal coma indicava ; es que fau explicar que lo velh musulman es una causa de l'integrisme arabic, e pas brica aquel dels musulmans magrebins, turcs, o endacòm sus la planèta asiatica musulmana ! Li fau gaitar Argièr abans 1975 ?

Es que fau donar aquò coma una ignorança dels jornalistas qu'an agut de questionar sus ARTE TV 28 minutas ?

Es que fau explicar a las femnas de las compassions cridadas que nosautres en França avèm agut jà de suportar las guèrras de religions, per un Iòta a còps, e donc que portar lo velh es jà cercar una novèla guèrra de religion en fRança.

Amai ma colèra es aumentada per aver gaitat aqueste maitin la novèla en seguida.

L'integrisme musulman s'installa en fRança gràcia a l'ignorança generalizada de las populacions e dels jornalistas franceses especialament ; oblidar l'istòria de las guèrras de religions en fRança, es oblidar milions de mòrts causa de las religions, e de l'integrisme catolic (totas las capèlas), protestant (Calvinistas o Luterians), josiu (rarament aquel), jansenista (rarament aquel) ; ara nos vaquí ambe l'integrisme musulman XXIen sègle (Sunista o Shiïta), Sobretot las femnas de fRança, sovent educadas mas que de l'istòria de las religions en fRanca la sabon pas brica, bravament abans l'annexion de Niça !

Soi pas papista, e çaquelà !

Donc es una persona-Cap d'Estat que pròva que se podrà far quicòm aviat, pas sul periòde de dètz ans; e  alara que los govèrns "democratics" europèus son blocats, mas per quí donc ? Lo Vatican es lo sol Estat europèu sense eleccion; Los electors e las electriças son alara lo problèma ? Plan sembla qu'òc ! ....

 Avèm aquí donc aquela fotografia d'actualitat es coma un problèma europèu grand e grèu.

1 / Dins lo passat, los mercat-Estat-nacions europèus se creson encara en 1920, e van per totes los Estats musulmans intervenir, mas se pensa aquela diplomacia militara coma en 1920 ...

a / Alemanha interven en Turquia, en urgéncia e fabrica una diplomacia europèa per demostrar que l'Union Europèa exista, e Liban e Jordània ?

b / fRança interven al Liban e Jordània, amb una visita d'Estat, lo francés, aquel qu'a un sièti a l'ONU e que servís de res, ça sembla, coma en 1920.

c / l'intervencion en Líbia assegura una pòrta d'ugéncia pel govèrn d'Itàlia, sense n'aver los mejans dinerièr e donc per se servir de las resorga libiana per intervenir.

d / fRança arriba en Argèria, en premièr ministre sense premsa, per poder trapar l'autorizacion de passar dins l'airal aerian per anar guerrejar dins lo grand Senegal dels ans africans de la santa republica francesa, al Senagal grand.

e / fauta pus que l'intervencion alemanda al Marròc per resòudre la similitud ambe las annadas 1905.

Dins las annadas 1920, aquesta mapa, jamai aplicada, èra l'actualitat diplomatic de la cagada europèa, maquilhada per la SDN a Genève.

Una autra mapa es interessanta, la debuta de l'intervencion francesa contra l'impèri otoman.

 2 / Dins l'actualitat, Lo Papa explica a l'«Euròpa catolica» e pel mercat unic (en oblidat las estructuras democraticas per l'U.E., los darrièrs vòts del Parlament Europèu ne fan la pròva), es pas la solucion per aquesta umanitat, per aquela planèta supausadament civilizada. Lo Papa aital determina una novèla barbaritat europèa, mens plan orgnaizada qu'en 1930, mas que concretament es incapable d'aver memòria istorica.

Es la guèrra dels amics de Franco a creat lo flume de refugiats en Occitània, e la santa République française los «camps de concentracion», e lo filh del delegat del «democrata» e generalíssim Franco inaugura una placa ambe la filha d'una «républicain espagnol», consolessa de París, d'esquèrra o supausadament aital !

Es tanben lo Franquisme qu'a trapat ajuda dins las dictaturas europèas ; ara, contra los pòbles europèus i a lo Parlament Europèu, majoritariament de dreita, e al meteis temps afícan una cara populista dedins los territòris dels ancians mercat-Estat-nacion, es la paradòxa de la dreita europèa !

Avèm tanben Angleses, del London Kingdom, que van pauc a pauc trobar enfin la pòrta de sortida, sortida de l'U.E. e se traparàn un mercat ancian, lo Commonwealth. Aquel qu'a pagat d'esfòrç de guèrra per 14/18 e 39/45 en Euròpa, lo continent. 

3 / Lo Papa plaça plan lo problèma, el qu'es pas elegit per ciutadans e ciutadanas del Vatican, explica als «democratas», qu'i a quicòm que truca dins lo sistèma politic europèu ; es que seriá pas la tecnocracia europèa lo problèma, tròp de l'òrra tecnocracia dels mercat-Estat-nacions ancians, sampitèrnes imperialistas, e amb pauc memòria politica e ges sapiença geografia ?

Sabi que de còps, se cal alonhar de l'istòria, mas aquí debuta una cumulacion de granda dimension, non ?

Quí me podrà explicar perqué es impossible de repartir foncionaris europèus dins los camps dels refugiats en Turquia, Liban, Jordània, o quitament Iran, per establir los dorsiers aviats, dorsiers per migrar (car son pas desprovesits los que vòlon migrar! Mas sembla urgent d'ajudar las traficants del mercat de la migrancion) e afretar los avions per los far venir sul continent europèu o endacòm mai ? E aiçò dempuèi 5 ans, s'espèra ! Sense far la guèrra ... 

S’acaba amb succès la nuèch dels musèus

Al moment que los integristas musulmans, mals educats (sovent en occident e particularament en fRança, mas o cal pas dire, ni que son mals educats ni que son mals educats en fRança, senon serètz islamofòbs), son a destrusir las raiças de las civilizacions dins l’Orient-Mejan, e donc forçadament un bèl tròç de la civilizacion miègterranèa que pertòca grandament a Occitània ; Le Devoir publica un dessenh umoristic que me fa pro soscar.

Es un dessenh que data, mas que Le Devoir reviscòla. Es un dessenh que plaça la femna al nivèl que la civilizacion occitana a portat un pauc (a l’ostal), e lo ròtle masclista de l’òme que sembla que l’integrisme musulman volguèsse tornar a l’edat mejan.

Imaginatz aquel paire de familha en regent de la santa republica francesa que prepara los seus dròlles d’anar a l’escòla per destrusir la lenga occitana. E bè, l’Estat francés a condicionat coma los jihadistas, los regents e professors de tres o quatre generacions per destrusir las lengas de França (de França per fòrça del poder expansionista francés, o de refeèndum manipulat al modèl Putin en Crimèa).

La reforma de la novèla majoritat (socialista) coma en 1999, al cambiament de constitucional qu’impausa lo francés dins la constitucion per rassegurar los nacionalista francés contra l’anglés, la novèla majoritat tòrna a jogar ambe lo fuòc de la destruccion lingüistica en fRança.

Es vertat que las lengas en França, per l’UMP-UDI, son estadas consideradas coma partidas pichonas de la constitucion, un musèu juridic viu en l’article 75-1 o confirma.

Ambe totas aquestas avançadas dins la destruccion lingüistica, podèm confirmar que lo gropeton politic PCf-PRG-PSf-UMP-UDI-FN son los jihadistas de las lengas de fRança. E digun al nivèl europèu protesta pro fòrt (al nivèl que se protesta pels monuments de Palmira), per aquela politica de netejament cultural e lingüistic francés, una expression del regionalisme d’expansion parisenca, e lo netejament ambe la lenga del rei en republica.

La visita dels musèus de las lengas mesprezadas de fRança es impossibla, es pas una medalhòta qu’ajudarà a reviscolar un patrimòni que la destruccion es talament fòrta que las revioscolar prendrà mai de 40 ans, coma per exemple l’ebrèu en Israël, mas lo volontariat politic absent, serà pas 40 ans, mas 240 ans que caldrà.

Las lengas mesprezadas en fRança o son dempuèi l’edicte de Villers-Cotterêt, qu’es ara una comuna en mans del FN, un edicte de la fin de l’Edat Mejan ; aquela tradicion de destrusir los concurrents lingüistics per establir lo poder central perdura ara al XXIen sègle dins totes los rengs politics de la societat francesa, e sobretot en çò dels ciutadans sotmetuts e de las ciutadanas sotmetudas, en silenci permetual, ciutadans/anas d’Occitània. La lenga francesa es la «natura de l’Estat» (coma s’èra causa de sempre, venguda de la fin dels temps, de Palmira per exemple), e las autras son devath, mesprezadas, plaçadas en situacion d’apartheid lingüistic, sociologic e politic, constitucionalament inferioras.

Se trapa normal de salvar unas pèiras d’una glèisa pels toristas, mas per una lenga, fabricar una poltiica lingüistica sembla normal pel francés al Quebèc, mas pas per l’occitan en Occitània. Lo nacionalisme francés es etnic, lingüistic e territorializat.

Per reviscolar las pèiras de Palmira, caldrà la patz, e la mòrt dels extremistas, aquò bastrà pas mai de 5 ans. Per revicolar Palmira, se pòt pensar un jorn, per las lengas destrusida, serà mai complicat. E totes los nacionalistas franceses o sábon.

Donc soi pas estat lo sol a pensar parier ….

Palestina, socialista, Franceses e premsa

Palestina – Israël es lo subjecte que calfa dins las redaccions parisencas, los socialistas franceses al poder an ajudat una dòsa de violéncia en interdissent una expression devath la fòrma d’una manifestacion, e per acabar vesèm una premsa parisenca (85 % de çò qu’es difusat en fRANÇA sul subjecte) qu’assaja de manipular coma sempre o sap plan far.

E tot aquò que comença de se veire al nivèl internacional, donc lo biulhet qu’escrivi es plaçat dins lo contèxte, non pas del conflicte entre Israël-Palestina que i vòli pas botare lo dit, mas dins la situacion francesa e la libertat d’expression.

FB dona mantunas manifestacions en Euròpa per la patz, las redaccions parisencas parlan sonque de la pacifica de Londras….

Passèm sul fait, qu’una manifestacion interdita a Nissa, a jamai agut problèma per èstre una manifestacion pacifica, es la setmana passada ; a París, contrariament a Lyon, Marselha, i aguèt incidents.

Jà nos podèm questionar del ròtle de l’interdiccion del govèrn socialista d’aquesta manifestacion parisenca ; es encara un còp una brilhenta gestion socialista per crear violéncias d’Estat contra la libertat d’expression.

Aont en Euròpa, las manifestacions se son debanada en patz, Tolosa ? Bordèu ? Montpelhièr ? sabi pas ; mas ai de ressons per l’Euròpa sancièra : Istanbol,

O fòra Euròpa :

Jà una pagina Internet d’informacion remarca que París dona dins l’excepcion ; París l’Estat centralista, de gestion actuala socialista, un Estat ontologicament plaçat per establir la repression de la libertat d’expression, ambe l’ajuda de quí ? Los mèdias centralistas parisencs :

Ai escotat aquesta estacion, particularament dempuèi doós jornadas, es plan evident que fan dins la manipulacion ideologica sul tèma. Mas Le Monde, Libération, Le Figaro, La Croix, TF1, LCI, iTele, France TV, etc. fan sobre una linha diferenta, mas son pas clars tanpauc. Sonque L’Humanité es dins una linha mai digna, se fasèm abstraccion de l’interès qu’an de portar lo messatge pro-palestinian per o recuperar, o cal pas oblidar : los comunistas an jamai acceptat lo PC d’Argèria abans l’independéncia. I a un recuol pron internacional per RFI… e donc mens parisiano-centrat.

S’i aviá un argument per ajudar l’extrèma-dreita a desvolopar l’argument que «la juiverie gouverne à París» (es pas lo meu punt de vista, o me cal escriure, perqué aprèp serai tractat antisionista), los socialistas al govèrn an plan governat. L’irresponsabilitat socialista es encara del nivèl del ministre François Mitterrand coma ministre de l’interior ambe la situacion en Argèria abans 1962.

Jà l’idèa es veïculada per la premsa internacionala, pro-palestiniana ; avèm l’art socialista de botar lo fuòc ont la patz e lo pacifisme èra una linha que caliá assajar de bastir tal que l’occitan Jean Jaurès o pensava :

Mas se ne cal estonar ? Al meteis moment la bretona e socialista Marylise Lebranchu, aquel que manca totalament la reforma territoriala 2014, es estada portar la provocacion en Corsega :

La provocacion es l’Estat francés, lo nacioanlisme francés, los socialistas al poder son plan dins la linha de 1793, e la dita «reforma territoriala» que semblarà a una recentralizacion, dona tanben dins aquel biais de veire las accions socialistas, dangierosas pels pòbles, e orientada diplomaticament e politicament cap a l’avuglament sobre lo biais de governar de l’Estat d’Israël.

Dempuèi 1793, França es un problèma, non pas simplament per Occitània, es un problèma per son poder centralista, pauc impòrta d’etiqueta e lo partit al govèrn.

-°-

Descendent del Franquisme e de 1793, los socialistas espanhòl de Catalonha. La sampitèrna tresena via federala a jamai foncionat ambe Madrid, pauc impòrta lo regime.

Lo sant Manolito Valse a interdit una manifestacion pel respecte dels pòbles, particularament aquel de Palestina.

Respectar las religions, mas…

Respectar las religions, mas dinca quin punt ?

En Occitània, sabèm lo dangièr de l’integrisme religiós, es estonent qu’aiçò fosquèsse pas ensenhat dedins l’Estat francés, e especialament dins las escòlas dita del modèl République Française.

Es evident que la frasa indicada per Pierre Minnaert es grandament polemica ; los parallelismes qu’ai establit en seguit dona una explicacion, sobre la basa del modèl Pierre Minnaert de twitt, ai establit per las doás autras religions un parallelisme, dos parallelismes que fan l’explicacion e rendon l’escrit de Pierre Minnaert dangierós, dins un contèxte que vòlon (josius e musulmans) importar la guèrra entre Palestina e Israël sul continent europèu.

Mas se la frasa es qualificada d’error politica, per fòrça, per caver sonque castigar la religion josiva aprèp l’afar de la sinagògue de la Roquette a París, me sembla qu’es tanben una error ontologica per contrar una sola religion sense i associar las autras monoteïstas que se fan mai o mens la guèrra a travèrs populisme religioses que devenon sovent integrismes, e a la finala simplismes politics, e aiçò dempuèi sègles e sègles.

Una societat modèrna dèu suportar las illusions que pòdon portar las religions, mas segur que dèu donar lo dreit de refusar l’acceptacion avugla de las letras religiosas de caduna, e las balivernas dels especialistas de cada religion e lor eleccià ensenhat o pas ; es a partir del moment qu’una religion non accepta bric la critica antireligiosa que l’integrisme s’installa dins la societat sancièra. E alara la religion e los adeptes devenon un dangièr per tota la societat.

La lei de 1905 a installat una patz religiosa en França, contra l’integrisme religiós catolic, vaticanesc. Cal pas remplaçar aquel integrisme per un autre, josiu/sionista o musulman/islamista. Per aiçò la lei de 1905 es encara d’actualitat, pertot en Occitània, mai tanben en França.

Quora l’integrisme musulman ajuda los argumentaris FN o la dicha ‘Libre Pensée’

Entendut anuèch a las informacions de France Inter de la boca d'un integrista musulman parisenc : « l'islam de França existís pas», per dire que la sola lei que respectarà es la lei de l'Islam, la seuna que reconeis, los supausats escriches del profeta seu.

Sèm tornat en 1830 (!) ambe un integrisme qu'èra catolic d'aquestes tempses. Lèu serà fabricat lo pelegrinatge a Lorda, e s’exilharà la Bernadeta Sobiron a Nevers en fRANÇA, la bigordana que parlava pas francés.

La lei comuna que fosquèsse francesa o catalana, o occitana, o europèa seriá aital una clau politica contra la lei de l'Islam ; aquesta frasa es la pròba que entre extremistas se pòdon entendre, se pòdon ajudar ; aital lo FN auriá rason ? Lo monde islamic seriá dangierós ? Quin me pòt dire las consequéncias politicas d'aquesta frasòta extremista ? Que contunhèsse aital, veirèm aviat lo vòt FN pujar, sense d'esfòrç politic, e l'expulsion d'una partida de la populacion islamica (encausa d'islamistas extremistas que l'esquèrra lor trapa totas las excusas per destrusir las leis comunas que fosquèssen catalana, occitana, francesa o europenca), l'expulsion se profilarà aviat...

Aprèp 1830, l’integrisme catolic aurà fabricat un fum de contrari, per exemple una lei sobre la laïcitat, engimbrada pel grope protestant de l’Estat francés, per contrar aquel integrisme. E coma per astre, se trapa que lo FN reprend aquel discors sobre la laïcitat… Laîcitat qu’es uèi emplegada coma argument per forçar las escòlas a la normalizacion en lenga francesa,  lenga supausadament cristiniana pels integristas catolics d’extrèma-dreita francesa.

Vesèm aital que los integrismes o extremismes s’ajúdan los unes los autres.

Un espèr damora, s’explica la velha sobre France Cultura que l’integrisme islamic es largament minoritari, mas la majoritat a pas brica lo sense de la pensada filosofica critica, lo sens critic suls seus pròpis dògmes, sus Al Còran.

Sèm tornat a l’ignorança d’abans l’arribada de la pensada dicha dels lumières per l’Estat reiala o republican en fRANÇA.

La question se pausa çaquelà, perqué es mai visible en fRANÇA qu’en Catalonha del Sud ? Lo futur Estat independent de Catalonha se vei bravament mens los integrismes musulmans ?