Soi pas papista, e çaquelà !

Donc es una persona-Cap d'Estat que pròva que se podrà far quicòm aviat, pas sul periòde de dètz ans; e  alara que los govèrns "democratics" europèus son blocats, mas per quí donc ? Lo Vatican es lo sol Estat europèu sense eleccion; Los electors e las electriças son alara lo problèma ? Plan sembla qu'òc ! ....

 Avèm aquí donc aquela fotografia d'actualitat es coma un problèma europèu grand e grèu.

1 / Dins lo passat, los mercat-Estat-nacions europèus se creson encara en 1920, e van per totes los Estats musulmans intervenir, mas se pensa aquela diplomacia militara coma en 1920 ...

a / Alemanha interven en Turquia, en urgéncia e fabrica una diplomacia europèa per demostrar que l'Union Europèa exista, e Liban e Jordània ?

b / fRança interven al Liban e Jordània, amb una visita d'Estat, lo francés, aquel qu'a un sièti a l'ONU e que servís de res, ça sembla, coma en 1920.

c / l'intervencion en Líbia assegura una pòrta d'ugéncia pel govèrn d'Itàlia, sense n'aver los mejans dinerièr e donc per se servir de las resorga libiana per intervenir.

d / fRança arriba en Argèria, en premièr ministre sense premsa, per poder trapar l'autorizacion de passar dins l'airal aerian per anar guerrejar dins lo grand Senegal dels ans africans de la santa republica francesa, al Senagal grand.

e / fauta pus que l'intervencion alemanda al Marròc per resòudre la similitud ambe las annadas 1905.

Dins las annadas 1920, aquesta mapa, jamai aplicada, èra l'actualitat diplomatic de la cagada europèa, maquilhada per la SDN a Genève.

Una autra mapa es interessanta, la debuta de l'intervencion francesa contra l'impèri otoman.

 2 / Dins l'actualitat, Lo Papa explica a l'«Euròpa catolica» e pel mercat unic (en oblidat las estructuras democraticas per l'U.E., los darrièrs vòts del Parlament Europèu ne fan la pròva), es pas la solucion per aquesta umanitat, per aquela planèta supausadament civilizada. Lo Papa aital determina una novèla barbaritat europèa, mens plan orgnaizada qu'en 1930, mas que concretament es incapable d'aver memòria istorica.

Es la guèrra dels amics de Franco a creat lo flume de refugiats en Occitània, e la santa République française los «camps de concentracion», e lo filh del delegat del «democrata» e generalíssim Franco inaugura una placa ambe la filha d'una «républicain espagnol», consolessa de París, d'esquèrra o supausadament aital !

Es tanben lo Franquisme qu'a trapat ajuda dins las dictaturas europèas ; ara, contra los pòbles europèus i a lo Parlament Europèu, majoritariament de dreita, e al meteis temps afícan una cara populista dedins los territòris dels ancians mercat-Estat-nacion, es la paradòxa de la dreita europèa !

Avèm tanben Angleses, del London Kingdom, que van pauc a pauc trobar enfin la pòrta de sortida, sortida de l'U.E. e se traparàn un mercat ancian, lo Commonwealth. Aquel qu'a pagat d'esfòrç de guèrra per 14/18 e 39/45 en Euròpa, lo continent. 

3 / Lo Papa plaça plan lo problèma, el qu'es pas elegit per ciutadans e ciutadanas del Vatican, explica als «democratas», qu'i a quicòm que truca dins lo sistèma politic europèu ; es que seriá pas la tecnocracia europèa lo problèma, tròp de l'òrra tecnocracia dels mercat-Estat-nacions ancians, sampitèrnes imperialistas, e amb pauc memòria politica e ges sapiença geografia ?

Sabi que de còps, se cal alonhar de l'istòria, mas aquí debuta una cumulacion de granda dimension, non ?

Quí me podrà explicar perqué es impossible de repartir foncionaris europèus dins los camps dels refugiats en Turquia, Liban, Jordània, o quitament Iran, per establir los dorsiers aviats, dorsiers per migrar (car son pas desprovesits los que vòlon migrar! Mas sembla urgent d'ajudar las traficants del mercat de la migrancion) e afretar los avions per los far venir sul continent europèu o endacòm mai ? E aiçò dempuèi 5 ans, s'espèra ! Sense far la guèrra ... 

Lo mal de l'internacionalisme es la diplomacia

Coma la democracia es lo mendre mal de regime republican o reial, o plutocratic o federal, la diplomacia es lo mendre mal per las relacions internacionalas e per evitar las «relacions»* armadas (* eufemisme per guèrras entre nacions, 1815, 1830, 1856, 1870, 1875/78, 1914/18, 1939/45, etc...) ; çaquelà la diplomacia dempuèi sègles a portat problèmas als pòbles, sense cap excepcion de sègles, e a matat pòbles ; e sense cap excepcion de diplomacia d'un continent o d'un autre, d'una administracion o d'una autra. E coma la Societat de las Nacions (Genève), l'Organizacion de las Nacions Unidas (Washington) a pas cap trobat bona solucion quand tot se fabrica ambe los Estats, mais o mens programat per èstre pensat sus un regionalisme expansionista.

Una fòto se passeja sul net per criticar la politica actuala de la diplomacia europèa, diplomacia que se vòl administracion d'una federacion coma una administracion jacobina se vòl la bona politica per l'impèri republican francés.

La diplomacia francesa èra dessenhada per l'umor anglés, e mas la diplomacia anglesa val pas melhor, çaquelà.

La diplomacia alemanda, e assimilats, o russe, veire estanisiana (familha Bush) an totas provat que la diplomacia es un dangièr pels pòbles ; e malgrat lo cambiament de paradigme (etnista) al paradigme de la multi-etinicitat dels Estats, res a cambiat dins lo ròtle dels diplomats, lo mendre mal, es la la solucion de patz pels pòbles ; la diplomacia trabalha pel cort-termi gaire mai.

Dins una conferéncia Henry Laurens, cadièra "Histoire contemporaine du monde arabe", explica plan lo problèma rus, turc, anglés, alemand, e francés dins lo problèma qu'avèm de suportar en Iraq, Síria, Palestina e Liban d'ara, al XXIen sègle.

La mapa d'un autre site, istòria de l'impèri Otoman, explica fòrça causas sus la complexitat dels concepte de nacion, e sus l'uniformaizacion de las nacions, aquí lo problèma Curde basat sus l'etnisme, e l'uniformitat de l'identitat d'una nacion antropologica.

La mapa de la diversitat del pòble Curde explica tanben la diversitat dels movements politics d'anuèch (e la mapa arab explica d'autres fenomèns), la mapa de l'impèri Otoman en 1878 explica lo problèma del tractat de San Stefano, establit devant la pression armada russa a la pòrta de Costantinòpol. Lo sistèma politic Otoman explica d'estabilitat obtenguda dinca l'arriba dels Europèus dins la region, estabilitat dedins totes los pòbles e nacions, mas tanben entre totes las religions. E lo sistèma Sèrbi, sul modèl francés, explica d'autres problèmas dins las tèrras liberadas del regime ototman.

Son aquelas guèrras dins l'impèri Otoman que fabrícan una Turquia modèrna qu'es una partida del problèma europèu d'anuèch e qu'argumenta per un integracion politica de l'Orient Mejan dins lo continent europèu. Mas l'integracion turca a la diplomacia europèu vòl pas dire al regime economic de l'Union Europèa ; aital soi per la règa del London Kingdom (AELE) contra l'Union Europèa (modèl alemanic e francés).

Son çaquelà las incompeténcias dels regimes russes, alemands, angleses e franceses (modèl turc e République impérialiste française) que son a la basa dels problèmas dels chaples europèus del XIXen, XXen e XXIen sègles. E lo problèma es jamai estat, an-aqueles sègles, la fauta del Vatican, coma en Occitània pels sègles XIIen e XIIIen.

Se cal recordar tanben que ambe Bizança avèm la data similara per Occitània, la data de la catastròfa es l'arribada dels Francs en Aquitània, e dels Turcs en Anatòlia (Cosntantinòpol, Bizança e puèi Istanbul), la data es 1453.

E cada paret europèa recòrda lo tractat dels Pirinèus, signat a Baiona, aquí las diplomacias castilhana e franca an discutit d'una solucion, solucion diplomatica que fabricava un mite istoric francés, e devengut geografic, los Pirinèus son «une frontière naturelle».

Vòts parlamentaris franceses per Palestina

Quand o faràn pels pòbles de França, benlèu que serà mai utile per tota la populacion concernida per la sotmission al regime bonapartista francés.

Los pòbles còrse, basco, occitan, catalan, martiniqués, guadelopean, de l'Isla Borbon, Kanaks, polinesians, breton, savosian, alsacian, flamenc vos salúdan.

O podèm tanben ajustar per França, qu’esperèm vòt simbolic per las lengas de França, ara, pas dins un sègle !

Perqué lo lingüicidi francés amerita pas una clara votacion per anar dins lo sens de l’UNESCO ?

Quina pietat aqueles elegits jacobins e bonapartistas franceses !

-°-

Palestina o Israël, o problèmas religioses.

La parets comparadas podràn èstre un instrument d’explicacion d’una repression politica, o simplament del fait que lo problèma es grandament mai grèu ; quin es lo problèma ?

Es que podèm causir entre Israël e Palestina ? O vòli pas far, e pausa la reflexion sus un autre terrenh, mai dangierós. La religion es lo problèma, las religions e los ecclesiàs, sense cap d’excepcion.

E aqueste maitin, recebi sus la meuna paret FB, una aisina de comparason palestiniana ; mas son segurs en Palestina que l’interpretacion serà la lora ? Es de dire qu’Israël imposa una mena de dictatura sul pòble palestinian ? Es segur que la paret fabrica un sistèma a tres o quatre nivèl social. Sus la jornada de www.24hjerusalem.tv se faguèt parlar los actors de l’acarament, dedins Jerusalèm ; la jornada es segurament pas estada sufisenta per parlar dels fluxes financièrs que son botat en plaça per bastir aquel acarament, nimai per explicar de quina manièra lo politica es instrumentalizat per las religions. Nos faguèron una fotografia qu’es basada sus la causida (sovent pauc arbitària) d’individús, sempre interessant, dedins un collectiu o pas, volontariament o pas, mas sempre lo sistèma en plaça es jamai estat criticat d’un biais collectiu.

La comparason explica, segur, lo real problèma desin unas imposicions religiosas sus la vida politica, que fosquèsse josiva (se podrà comprendre ambe l'istòria instrumentalizada o pas, e i pòdi apondre los problèmas europèus passats, o recent del sègle XXen), musulmana (se podrà comprendre,; ambe una istòria instrumentalizada o pas) o cristiana (totas las variantas sense excepcion, e se podrà comprendre ambe los fantasmes religioses fabricats en Euròpa) ; totas aquestas religions son un grand problèma per l'umanitat, per la vida dels pòbles, pels comviure, la convivialitat e per causa de las instrumentalizacions politicas, donc clarament contra la vida umana sus la planeta. Quí gausarà o dire clarament dins las institucions internacionalas ?

En Occitània, avèm viscut una inquisicion, unas repressions religiosas, unas guèrras d’envasion, de conquèstas qu’an emplegat las religions per aiçò melhor far ; e sembla que ni los Occitans, ni los poders repressius franceses e vaticanesques aguèssen près consciéncia policitacament d’aiçò, realament ; dins l’Estat republican francés, es sonque aprèp 1905 ; i a agut la lei de la laïcitat qu’a portat la patz religiosa dedins l’Estat francés. I a pas d’autres mejans politics, e la guèrra religiosa èra viva dempuèi la conquèsta d’Occitània per las tropas de Simon de Montfòrt en Occitània ambe l’ajuda dels integristas papistas ; en Occitània, avèm inventat d’autras religions, e res a poscut apatzimar aquel poder vaticanesc, ni donar la patz al reialme de França, ni a l’estrustura juridica e politica qu’arriba aprèp 1792.

Sonque la lei de 1905 a portat la patz politica en França, e donc en Occitània vençuda. Mas en Occitània, abans l’arribada de l’integrisme catolic francés, la convivialitat religiosa existava… Totas las religions an çaquelà al fial dels sègles, cambiat, pauc a pauc, mas ges al nivèl del respecte de l’umanitat que lor semblava pas.

I a benlèu un Dieu, mas explicatz a un religiós (bodista, cristian, musulman, josiu, etc.) que lo Dieu unic, o plural, es un instrument que podrà ajudar l’èime a títol personal, o podrà èstre instrumentalizacion per un ecclesià, e èstre de malvenguda pels pòbles … e segur traparètz un enemic ! Anatz explicar aiçò en Israël, e o podètz far, contrariament als sistèmas politics de raiças musulmanas actualas, e serètz l’enemic d’Israël e en dangièr de mòrt… coma dins los Estats arabs ; la sola diferéncia serà lo temps que podrètz viure. Explicatz aiçò en Iran, tanben …. o dins l’Estat de la federacion indiana. explicatz que Dieu es lo problèma collectiu per l’umanitat, e veirètz per trapar lèu la pòrta del crematorium o del cementèri.

Ambe l’inqusicion catolica en Occitània, aver un libre, La Bíblia en occitan e non pus en latin, en man, èra jà sufisent per èstre matat, e trobar la pòrta del cementèri.

La religion es l’estupiditat umana instrumentalizada, d’unes n’an mestièr ; es una causa que comprèni pas mas que respecti, se jòga pas contra la pensada e la vida sus la planeta.

-°-

La ripòsta alternativa a la dita « setmana santa » sembla una similitud a la masclitud dels religoses de totas las capèlas. De quina manièra non pas copiar las errors dels masclistas ?

Negar las lengas e similituds extremistas

Podèm veire las similituds ambe los 'identitaires' de Tolosa que vòlon pas veire los panèus occitans de Tolosa, o los beurs integristas del Miralh que vòlon pas veire lo panèu TOULOUSE... a la Cepièra.

E alara non podèm oblidar :

La lenga occitana estent practica per al mens 10 % de la populacion de la vila, e estent lenga istorica (coma pròba un panèu oficial de la vila de Tolosa, d’anuèch), lo nacionalisme francés practica donc un negacionaisme similar del costat estremisme de dreita o d’esquèrra francesa que s’exprimíscan a Tolosa pendent las eleccions, o pendent la vida classica de cada jorn suls panèus oficials de la vila. Aquel negacionaisme francés partís del principi que la lenga occitana es enterrada a Tolosa, e qu’es una lenga vièlha que cal acabar de morir ; mas concretament acabi de parlar d’ela ambe una tolzana, ges occitanista, dins l’òrt Godolin, e sembla qu’ela, aguent un pauc de letras classicas, tròba encara normal la promocion d’aquesta lenga per Tolosa, e bravament pas sufisenta per relevar lo nivèl cultural e lingüistic de la ciutat.

Aquí avem donc los que vòlon negar l’existéncia de l’occitan. Mas avèm tanben los que vòlon refusar l’existéncia del francés a l’entrada del barri de Lo Miralh, Belafont, o la Reinariá… Las banlègas son aquelas socialament tractadas pel mercat-Estat-nacion francés…

Aqueste panèu se trapa al sud d’un riu assecat que se dís negapossas …

Podèm far mantunas ipotèsis de saber quí a poscut far aiçò, de pintrar aquel panèu qu’indica sul periferic de Tolosa que tornam dintrar dins la vila tolzana. Car sul costat en seguissèm la regalonga podèm confirmar mantunas causas :

1 / la nòrma dèu èstre aiçò :

Dins lo barri Sant Simon, benlèu qu’es per aiçò que res a bolegat dins aquel barri, dempuèi que l’esquèrra es arribada al poder (quitament las pistas ciclablas sobre la regalonga existís pas), se trapa aquel panèu quasiment nòus !!

2 / la sortida es sonque en francés, sobre la regalonga, a l’esquèrra, la sortida es en francés, sonque !

Abans de criticar Israël, e sos estremismes (militaristas o autres), me sembla que cal balegar en çò nòstre, d’extremistas n’avèm, al poder local tanben….

Una causa segura, lo sionisme es un sistèma politic mai camina dins l’istòria mai sembla al sistèma francés.

Pichon viatge en Israël, un Estat democratic e agressiu.

La signaletica d’una autorota :

Se podrà remarcar que la signaletica es en tres grafias e tres lengas. L’Estat es pas mai pichon que dos departaments coma la Gironda e las Lanas, ajuntats. L’Estat francés es incapable de plaçar una signaletica trilingüa sobre la rota entre Euskadi e Bordèu, sense oblidar l’anglés aquò fariá benlèu quatre lengas, entre Estrasborg e Lyon-Marselha, o trilingüa encara entre París, Lille e Gent.

Volètz mai de signaletica, picatz aquí.

Los toristas cristians i pòdon anar sense se perdre, car las mapas d’Israël son disponiblas a la venda, coma las mapas en lenga occitana zo podrián èstre.

Lo partit politic arabo-israëlian es representat a la Knesset ; la Knesset es una assemblèa dicha nationala, ambe un fum de nacionalitat e una sol representativitat israëliana, una ciutadanetat plurinacionala ; donc, picatz aquí per una informacion sobre la Knesset.

Sul site de l’Assemblèa dicha Nacionala israëliana, se podrà constatar qu’es revirat en ebrèu, arabe, anglés… e rus (degut a la fòrta migracion russa dempuèi una detzena d’annadas, mas es pas la sola immigracion uèi i a tanben l’Africa nègra !)
http://www.knesset.gov.il/ Podèm tanben remarcar que la migracion nègra es tanben existenta en fRANÇA dempuèi mai de trenta annadas.

Israël es un Estat plurinacional, de facto. Es un Estat organizat aital, dempuèi la debuta de sa creacion. La resulta politica de las eleccions son benlèu pas çò de melhor per resoldre los problèmas de las nacions d’Israël. La causida de la proporcionala integrala dona de resulta que fan que las aliganças electoralas donan problèmas de gestion de l’Estat.

Sonque al nivèl lingüistic, Israël es un modèl per l’Estat francés.

Es l’Estat lo mai militar de la Mar Nòstra, es un Estat violent coma seriá l’Estat francés se los militants occitans èran estats violents. La violéncia basca, o còrsa, a pas gaire agut de consequéncias sul continent o a París.

Aprèp Israël coma tot autre Estat, mas benlèu uèi ambe mai de problèmas urbans, es un Estat qu’a mestièr d’aumentar lo nombre de lotjaments ; Israël es tocat per l’abséncia de politica urbanistica coma Tolosa que n’a jamai agut.

Aquel subjecte lingüistic en Israël es jamai objecte d’informacion dins cap mèdia francés, sempre orientat sul subjecte.