Endeutament de Montpelhièr serà pagat per Tolosa, bis repetita

La sola e unica rason de la reforma territoriala per Occitània es aquí dins los deutes de Peitieu [Poitiers-Charente] e Lengadòc-Rosselhon [Languedoc-Roussillon]. Un deute es una mala gestion, es un problèma sancièr dels Conselhs Regionals qu'an agut una actitud irresponsable ambe l'argent public, moneda de totes/as ; car la gestion es diferenta e sense deute, dins las regions vesinas, aquò pròva qu'èra possible ambe una autra gestion.

Sarah Vidal explica que l'actitud d'Alain Rousset sul tèma es pauc genta ; mas concretament, son las populacions las mai seriosas politicament, dins la gestion de l'argent comun qu'auràn de pagar pels autres, pauc impòrta la color politica en plaça ; lo jacobinisme fonciona aital, coma una passa de rugbí, son d'una meteissa equipa ambe quessòt de colors diferentas, mas s'en fóton se lo pòble paga e pagarà las incompeténcias de totas las colors jacobinas, decentralizadas o pas.

Lo mai grèu es quora los lobïstas en regions fan la sorda aurelha ; aital Jean-Lois Blenet afirma de manièra solemne e dabans tres personas a l'inauguracion del Collègi Calandreta : « - i a pas de deute a Montpelhiè, es faus ! »Mila dieu, quina afirmacion sense fondament ... me soi dit. Ara lo bilhet es per respondre aital a las conversacions politicas d'inauguracion...

Aguent afirmat lo contrari, lo comentari del Jean-Loís Blenet èra per me, e confirma que soi legit...

Donc acabi d'aver en man un document oficial, Agence de décomptes publics, document de l'Estat francés reprodusit per Le Point en genièr de 2016, genièr de 2016 !

La mapa aquela explica que l'endeutament de Languedoc-Roussillon baissarà e que Miègdia-Pirinèus augmentarà .... me sembla clar ; se Tolosa aumenta lo seu deute es que matematicament èra leugièr, e a Montpelhièr èra grèu.

Las regions en roge i perdràn; las regions en verds i ganharàn ... Mas lo sol ganhant serà lo budgecte de l'Estat francés, e lo govèrn que regla aital un problèma. O tòrni escriure, malgrat los arguments peremptòris d'un Jean-Loís Blenet. E quand se demanda de finançar la politica per l'occitan al meteis nivèl que Montpelhièr (demanda dels militants de Montpelhièr), es per assumir aquel deute de Montpelhièr, la mala gestion socialista de la federacion socialista de Montpelhièr... o fau pas oblidar! Mas consequéncia, se la via es pas presa aital, de qué se passarà se l'argument es «quora la politica per l'occitan de Montpelhièr èra fòrta, èra un element de l'endeutament de Montpelhièr», quí ne farà politica la consequéncia grèva per l'occitan ?

Ai escrit que la reforma territoriala del regropament de las regions es per simplificar lo problèma dels jacobins, es per aiçò que Les Républicains faràn pas marcha enrèir. L'UMP n'aguèt pas l'idèa geniala, los socialistas-PRG, si (mas cal pas criticar çò que govèrn socialista vòl... autocracia). Mas la reforma es pas socialista, es per evitar a l'Estat de mostrar que lo sistèma politic jacobin autocratic a París o en region, decentralizacion de 1982, es pas capable de gerir correctament los vièlhs Conselhs Regionals de Peitavin-Charenta e de Langedòc-Rosselhon, al poder socialista o centre-dreita nacionalista francesa.

E sabi jà qu'es pas gente de tornar dire qu'Alain Rousset a rason de questionar l'Estat sul tèma e de protegir los ciutadans e las ciutadanas qu'an sabut causir un personal politic o/e militants associatius que los endeutava pas en comun las gents del país nòstre.

Remembram una polemica portada per Alain Rousset : 

Lo verinós Estat jacobin francés, la pròva

L'eco-sistèma d'un país, d'un parçan, d'una tombada, es proprietat de cap partit politic jacobin o pas, e donc tre que s'i toca, i a problèma ambe lo sistèma politic qu'es supausat ne fargar una gestion sana, dita duradièra, o puslèu precís ecologica. E l'ecologia d'un parçan es cap partit politic, tocat lo parçan es la vida umana que serà matada a boçina e la vida animala, l'eco-sistèma junt que ne patiràn.

Sus aquel blòg, dempuèi 10 ans, vos indiqui que lo mercat-Estat-nacion francés es una dangièr per l'umanitat ; soi un paure militant, aital, sense gaire de poder politic, e sobretot que lo sistèma politic jacobin estima en jòia desvalorizar. Quand es ieu que pòrti la paraula es pauc de causas politicas, donc.

Mas aqueste maitin, sus fRance CULture es una jacobina e anciana elegida que pòrta una descripcion de l'Estat francés, descripcion qu'avèm totes e totas de pagar (dins un libre publicat recentament en lenga francesa), e que mantunes an de mal de veire, vist que son a votar sempre pels partits que fan leis que son clarament contra los pòbles de fRança, e contra la democracia, e que la polícia e justícia servíscan la casta al poder per èstre un instrument repressiu contra las populacions ; soi per una justícia occitana e sa polícia e un poder diferent per la politica en Occitània, soi pas per l'anarquia.

Françoise Verchère, presidenta del comitat dels eelgits contra lo projecte de l'aeropòrt de Notre-Dame-des-Landes, autora de "Notre-Dame des Landes, un mensonge d'État" (quí es en lenga francesa), la genta dama anciana elegida e jacobina explica lo fenomèn tecnocratic francés, la seuna oligarquia malfasenta e sempre interessada per amassar projectes inutiles e moneda, e lo jacobinisme d'Estat. Dins lo programa se declara jacobina, e donc son punt de vista es largament utile per afortir qu'avèm rason de non pas èstre jacobin e vóler la destruccion del drac jacobin francés. 

Cal veire al delai de NDDL, per exemple la LGV, o la gara TGV de Montpelhièr (!), la malfasença de la SNCF, la politica nucleara matadoira, la malfasença de EDF-AREVA, la prefectorala destructriça de la democracia,  l'inutilitat del Sénat e la nocivitat del Parlament sancièr, etc.

Explica qu'una lei es estada mal redigida e que pensa qu'es question de lòbi per l'aver aital escrivuda, donc ne podèm conclòure que totas las leis parisencas son aital. Perqué aquela, mens que las autras?

L'utopia del messatge 'Un aéroport a NDDL jamais' contra una accion politica dels jacobins, reberta la clartat del messatge de l'oligarquia jacobina, ambe la tecnologia politica e la tecnologia tot cort, destrusirèm per ajudar las entrepresas del mercat-Estat-nacion, pauc impòrta lo còst environamental.

Per saber melhor la nocivitat de l'Estat, mercat-Estat-nacion, e del sistèma politic jacobin, fau pas mancar d'escotar lo programa, al mens las 20 primièras minutas. Quand declari nociu l'Estat francés, es pas per una question de destruccion del tot sul modèl anarquista, mas es per bastir en region occitana, un poder que sapiguèsse far lei e una fiscalitat que lo tot se virèsse en favor del desvolopament armoniós del pòble occitan e non pas per potar projecte inutile modèl jacobin, parisenc.

Aquela elegida es la pròva viventa que los elegits e las elegidas del sistèma jacobin se fan enganar per las leis que son votadas pel Parlament francés. A còps, ne son contents : «mais qu'en pense le préfet» es la frasa favorida del sotmetut elegit.

Evidentament lo sistèma jacobin se sap protegir, e constitucionalament sap emplegar las leis, es lo meteis discors qu'entendèm a Barcelona contra lo pòble que vòl l'independéncia.

Quí m'explica ara, quand es la collaboracion dins lo sistèma jacobin ? Los tòcamanetas qu'an sonque las eleccions per èstre dins la vida sociala, e que lo plega-esquina es l'espòrt favorit, en pseudò-democracia republicana francesa coma en dictatura. Es pas una question de saber se son a la dreita o a l'esquèrra del rei-president, es question de saber se particípan al sistèma oligarquic e que ne son contents per fa melhor engolir lo polit peis o verinós sèrp a totes los electors o las electriças.

Je ne suis pas français, mas emplegarai totes los mejans juridics per me batre contra lo sistèma jacobin francés, e vos pòdi confirmar que la constitucion es un instrument per matar la democracia, matar l'expression dels pòbles de fRança.

Es que François Verchère aurà una medalha de la democrata europèa, en Occitània o endacòm ? Es que parlarà a la television de la manipulacion jacobina ? Es que son discors serà pro espandit e ne sortirà la confirmacion qu'escrivi dempuèi 10 ans : l'Estat francés es dangierós per la planèta sancièra e donc tanben pel pòble occitan.

France Télévision = censura permanenta

A la fin del mes de mai, la premsa mondiala èra a l'inauguracion de la ciutat del vin a BORDÈU (jà escrit dins un bilhet recent ambe lo jornal The Independent en seguida sus aquela pagina de blòg), tot lo monde del vin èra present, e quitament lo mai grand beneficiari de las resorgas fiscalas del vin, l'Estat francés (e que retorna a Bordèu pauc d'aquela moneda) ; qui representa l'Estat francés ? Lo seu president e la representacion politica que l'ensemble dels ciutadans occitans, malgrat d'èstre pas respectats, son representants per els. La representacion accepta que lo monde de la quimia posquèsse matar a pichon fuòc la populacion encausa d'emplec dels pesticids en viticultura.

La connivéncia de las autoritats politicas francesas s'en va cotria ambe lo mitan del vin de Bordèu (afidat del poder en plaça, sistematicament), mitan qu'ajuda grandament al desvolopament de la mòrt per pesticid dins los vinhals de Bordèu ; e la mòrt mata tanben los païsan viticultor, o los emplegats dels grands châteaux.

Donc avèm sabut que la CGT manifestava a l'inauguracion, que Juppé (lo cònsol landés de Bordèu) e lo president elegit de Corrèsa escambiava un gòt de ... Champagne en país de Bordèu (!) ; aquò -res qu'aquò- es de lèger majestat ducala d'Aquitània, e pòble d'Occitània. Car ambe lo Champagne, avèm en Occitània, un grèu problèma, un grèu deficit politic istoric, dempuèi lo primièr finançament de las tropas d'inquisicion dinca la concurréncia liura e non-destornada dels cremants occitans, blanqueta o clareta.

E segur dins lo gropeton de manifestants dabant l'ostal del vin a BORDÈU, i a monde qu'an pagat la redevança de television, imposada per l'Estat jacobin coma una aisina de manipulacion d'informacion obligatòria e que de tot biais respectarà jamai la carta audiovisuala imposada pels politics per assegurar los ciutadans que seguisson la moneda publica e lo seu sanitós emplec, per illusion manténer.

Mas per èstre ben informat es plan aquela cadena publica, d'Estat, qu'es supausat donar tota l'informacion, e donc fau benlèu gaitar de mai prèp, e Internet es alara utile; per la television privada (!), çaquelà, se comprendrà melhor que fosquèsse muda, vist qu'es pagada per la publicitat. Tornarai escriure que malgrat l'abséncia de publicitat del vin a l'antena de las televisions, l'informacion sus la manifestacion contra los pesticids en viticultura, es pas estada mençonada. Lo subjecte es tabó, e dons la television d'Estat a integrat l'afar, per non pas èstre interdita de tot seguiment de las manifestacions ligada al vin de Bordèu... autocensura d'Estat per fRance Télévision, donc.

Lo mitan del vin de Bordèu a pro de poténcia politica per èstre acceptat coma primièra pollucion al pè de las escòlas d'Aquitània ; subjecte dolorós quand se tòca a las escòlas, mas concretament la perturbacion medicala dels pesticids aurà pas cap limit e s'atidarà pas a las escòlas dels subjectes dels reis-representants republicans franceses. Lo programa de france 2 television suls pesticids es estat lèu oblidat, e la sotmission als potents lèu assimilat per las redaccions de tot escantilh ; lo fenomèn amianta lèu oblidat tanben.

Per la dròga dels fotbalistas, del monde del tennis, del rugbí, o del ciclisme, lor caldrà far fisença tanpauc/tanben ?

Mes amis, il faut bien vivre selon l'article 2 de la sainte constitution parisienne, quitament se al cap de la vida aquesta i a la mòrt orquestrada per la produccion sense gaitar res de las consequéncias per l'umanitat.

Egalitat republicana entre òme e femna, la solucion

Vòli pas dintrar dins los corredors judiciaris e complicats (mal financiat) de la santa republica francesa, mas i a urgéncia de reforma.

Dedins lo sistèma republican francés, sembla complicat d'aver l'egalitat entre los sèxes per aver elegit de cada sèxe, elegidas de cada sèxe. Ai trobat la solucion, en 5 etapas seguras (ai pas gausat far coma Dieu ne trobar 7).

Coma l'Estat francés a la costuma de l'inegalitat republciana per las lengas e sobretot la constitucionalitat de l'inegalitat lingüistica aquelas etapas seràn aisidas de plaçar : 

La prepausicion es estada mandada a la feminista del POC, Martina Boudet, per una discutida urgenta e per prepausar aquò a la campanha electorala de 2016.

1/ supression del Sénat e remplaçar per un assemblèa de femnas.

2/ eleccions per las femnas (amb velh o pas) e eleccions per òmes (amb cintas de castracion obligatòria o pas).

3/ lo parlament jacobin que mesclarà las doás assemblèas serà filmat coma la TV realitat. Lo public decidarà qui ganharà lo poder jacobin en votar per intellectual-net... sus un telefòne pagant per finançar los deficits.

4/ obligacion constitucionala e finala, creacion d'un govèrn dels deputats (sense possibilitat de reemplçament dedins l'emicicle, dobla foncion sense pagament suplementari) e a paritat, obligatòri.

5/ supression de l'eleccion presidenciala. Remplaçat per un directòri ... de nombre par... mas que lo cap cambia cada mes, amb una alternança femna/òme e lo president de la còlha republicana aurà dos vòts en cas de blocatge. La designacion del directòri se farà pels elegits al Congrès.

Excusas ai fait al pus simplàs en oblidar los transgènes, bisexuals, gais e lesbianas, e tanben los cargats de compte al Panamà.

Tot constitucionalista podrà verificar, es una inovacion que quitament los regimes iranian, indonesian, afgan, iemenita, arabic, an pas gausat installar per separar los òmes e las femnas dins lo mètro o dins lo Parlament, ni los «democratas» dels regimes ISIS.

Una granda partida de las idèas republicanas francesas son estadas panadas en Occitània, donc me sembla normal de fabricar aquela prepausicion egalitària e que se pòt verificar aisidament. Ai tanben una idèa pel nom de l'Assemblèa de femnas, Olimpa de Goja (una occitana en memòria dels seus escrits e proclams republcians), e pels òmes, Napoleone Buonaparte (en memòria còrsa de la republica de Paoli que ne faguèt jamai referéncia).

Me sembla tanben que tot aquò es plan rasonable, sense cap dobte un estauvi per un enebir lo reviscòl d'afar Beaupin pel XXIen sègle.

Mercés a la santa republica laïca francesa pensada en Occitània, podrèm mandar representants en tota securitat democratica. Es lo socialista Manolito Valse que ne deuriá èstre content.

Causa clara siá : "-je ne suis pas français", perqué ?

Quand un Francis Cabrel explica que demanda, fa una crida publica, una difusion de las cançons francesas sul mèdias (parisencs en majoritat), me sentissi pas concernit ; « - je ne suis pas français», perqué ? Alara soi occitan !

 1 / la confusion entretenguda entre nacionalitat (antropologia) e ciutadanetat (lo dreit, lo juridic, lo ocnstitucional) es una causa dels jacobins, es una manipulacion de La Terreur, plan integrat dins tota la populacion, occitana comprèsa. La REPUBLICA santa francesa es enganhadoira.

2 / aquò vòl pas dire qu'emplegarai pas totes los mejans juridics per capitar de donar dins l'egalitat republicana francesa per aver una egalitat de tractament per la lenga occitana e francesa. Donc sabi que podrai votar sense èstre francés, mas occitan.

La dificultat arriba quand la populacion manipulada coneis pas la diferenciacion, e la populacion dels cantaires es pas melhora que las autras.

Donc en Occitània son ciutadans franceses qu'an coma règla de suportar la diferenciacion lingüistica jacobina que classifica las lengas, coma en Africa del Sud se classificava l'origina etnica. Es clar ara ?

Los cònsols e l'Estat jacobin francés

Sus la ràdio d'Estat fRance CULture, lo cònsol de Carròs (Comtea de Niça, partida gavotina de la region administrativa fRancesa PACA) explica qu'en mai de boicotar la visita de François Hollande, president socialista de fRança, al congrès dels cònsols de fRança (convidat), e, en apondon, es favorable de l'excludir de la République, carton roge (arriba la metafòra amb l'Euro2016). Lo cònsol es classificat a esquèrra.

Sul tèma, politic, cal escotar tanben aqueste maitin lo bilhet politic de fRance CULture, lo bilhet que questiona, ont es passat la dreita, los conservators nacionalistas franceses (que ne fauta pas a Niça e endacòm en reial-republica de fRança) : ligam aquí.

Lo cònsol explica quicòm que me sembla pro clar, l'Estat es jacobin ! Mas la consequéncia sus la pensada politica s'espèra. I a pas que la candidatura de Christian Troadec per 2017 que portarà lo messatge de cambiament real sul tèma, mas cal comptar ambe las grandas dificultats politicas que lo jacobinisme a installat. Aital espèri las criticas del Congrès dels Cònsol de fRança, e espèri benlèu melhor dels cònsols d'Occitània.

Se l'Estat decidís de redusir de 30% la talha dels establiments immobilièrs publics (HLM), present en comuna de Carròs e donc aital la comuna de Carròs perdrà mai de 50.000 € per an de budgecte, es que lo poder en plaça decidís (jacobinisme, centralisme de la fiscalitat e de l'establiment de las leis) e que zo farà en foncion de sa vision politica ; mas la fauta es dels elegits locals qu'an lo 22 de setembre de 1792 (e lo periòde al entorn) an decidat sens que París podiá decidir de tot, lo tot politic, e notadament de la fiscalitat. Los elegits locals aqueles de la decentralizacion, son sonque un element de ... joguina politica jacobina.

La politica de reforma actuala de l'Estat, per la Loi Travail capita de decentralizar dins l'entrepresa (amb un metòde tòrt), mas pas un mot sus las possibilitats de cada region de gerir la Loi Travail, pas un elegit del Parlament l'a en cap, pas un l'a dins lo programa politic nimai dins lo biais de pensar la reforma.

E lo Partit Occitan comunica per èstre contra (per se plaçar dins lo camp de la contra-reforma) mas dona pas un pista per la reforma.

Es parier per la fiscalitat, la sindròma lengadociana del castèl de Castries es encara en cap, en tèsta politica. Quand lo Languedoc, sense parlament (interdit pel rei dels Francs), èra simplament una zòna fiscala, zòna que foncionava aital (e que la dreita conservatriça jacobina nos vòl donar coma nom de region !) : lo rei nommava un amic en cap de la zòna, lo seu ròtle èra de crubar la talha, los impòsts, e de ne tornar quand lo rei ne necessitava, senon sovent podiá aver un risc, perdre lo cap, es pas una metafòra; 1789, a donat al rei-republican lo sol ròtle de crubar la talha, e donc de la centralizar sonque en favor dels Parisencs, aital se podràn finançar jòcs de tot escantilh, fótbol o olimpics.

S'espèra los grands jorns tolzans que la pèira tombava suls ....

Lo cònsol de Carròs vòl boicotar lo president en visita, mas benlèu que li cal pensar de boicotar la santa republica qu'escana la Comtea de Niça dempuèi 1860. E benlèu que l'idèa traversariá tot l'ensemble d'Occitània que -aquí- me sembla una bona idèa...

Se pantaissa Niça coma un Mónego d'Occitània ! Se pantaissa una presa de consciéncia de Niça que se fan enganar per la santa République française.

Dins lo bilhet de fRance CULture, se questiona sus la dreita, la dreita de Niça tot parier, e lo programa de la dreita jacobina ; e ben val pas melhor que lo programa Front National sul tèma. car los OCCITANS -de Niça a Bordèu- seràn sempre LES DINDONS DE LA FARCE tant que seràn pas conscients que París lor pana la libertat democratica en lor refusar una fiscalitat pròpria e una gestion politica prèp de las necessitats dins l'organizacion del trabalh, luènh de las lunas sindicalas, o de las pensadas politicas dels militants dels partits conservators qu'avèm en plaça (atencion lo conservatisme es ligat al jacobinisme).

Lo progressisme en fRança es la destruccion del jacobinisme, lo demorat es un conservatismec de totas las colors.

 Es que fau córrer dins los cementèris de las errors politicas jacobinas ? Òc ! Fau fugir al pus rapid. Nos van negar per incapacitats (lo sistèma jacobin en entièr) dins lo mesclum mondialista qu'an sempre favorizat tre la debuta de la conquèsta d'Occitània, en passat pel colonialisme republican, mas en matar una granda partida de la populacion occitana dins guèrras sempre en favor d'una plutocracia politica republicana francesa.

 

_°_

E coma fRança CULture ne parlarà pas :  

Le Monde e resulta del nacionalisme francés

Dins la seuna edicion d'anuèch Le Monde publica una informacion sus un programa de television que fa parlar un recrutaire de sordats per la guèrra religiosa en Orient Mejan (Síria, Iraq, Jordània e Liban). E lo jornal Le Monde publica una frasa pro simbolica de la pensada extremista religiosa, una pensada universala, pro francesa mas pas sonque ! 

Per educar las populacions occitanas, l'inquisicion cremava los perfaits sus plaça publica, deviá servir d'exemple, dreiçar la populacion a las manipulacion del papisme e del regime expansionista franc ; lo maissant exemple èra d'aver gausat legir directament la Bíblia, dins la lenga del pòble l'occitan ; l'inquisicion catolica a pas encara trobat una fin en Occitània, debutèt al XIen sègle.

Lo Djihadisme es estat creat a la basa de la pensada francesa, e pas sonque perqué i a una falhida del regimùe francés, fau pas s'enganar ; lo regime francés d'abans 1789 o d'aprèp, fabrica extremismes religioses, o politics.

La Comtea de Niça es fRança amb un referèndum manipulat en 1860, en realitat cap a 1870... Mas vesètz que lo regime francés es eficaç per exportar los extremismes.

The Independent, quand la premsa parla de BORDÈU

Bordeaux pòrta lo nom de Bordèu plan abans l'arribada dels Francs, abans 1470 (batalha de Castilhon en 1453, es una desfaita pels poders economics e poltiics de Bordèu).

Lo musèu de Blancahòrt presenta ara la mapa en OCCITAN (dit GASCON a l'epòca, explicarai pas aquí la precision que cal sul tèma) de la vila comerçanta, qu'a l'epòca èra bravament mai granda que Hamborg (l'ensemble Hanseatic), Rotterdam o Londres. Lo sol equivalent a Bordèu èra Liverpool.

The Independent es supausat èstre independent amb una redaccion que pensa per ela-meteissa ; mas concretament per un subjecte de concènsus es puslèu legitimista. Exemple la dubertura de la «Cité du Vin» a Bordèu. Paris imposa sa lenga : indignitat de Bordèu de non pas presentar l'occitan coma aisina d'exportacion del vin occitan de Bordèu.

Vertat que Bordèu es una ciutat de vin e pas sonque de fRança .... Car Bordèu èra un ligam mondial bravament abans l'arribada dels castradors comercials francs, 1453.

La confusion entre l'universalisme viticòl de Bordèu e lo fait francés, es una engana nacionalista francesa.

Dins un programa d'ARTE TV que vos conselhi de gaitar, ARTE + 7, un vinhairon occitan de carcin oblida pas de dire que lo vinhal de Carcin, Cáurs (Cahors), es un vinhal mai vièlh que Bordèu ! Perqué? Tot simplament, es explicat dins lo programa, lo terrador, la sòla èra favorabla al vit de Merlòt, e donc la produccion de vin favorizat per un sistèma politic e economic ideal a Cáurs (Ciutat), lo vin s'exportava via l'Òlt, o Dordonha... cap a Bordèu.

Se Bordèu a desvolopat lo comèrci dels vins o dèu a la produccion de Bordèu importanta, mai tanben a una environa occitana importanta, en matièra viticòla, e d'ais de transpòrts o logistica granda (Dordonha, Òlt e Tarn) ; l'arribada dels Franceses en 1453 a pas ajudat aquel comèrci, al contrari.

Non i a Bordèu, lo comèrci e lo vin, sense reire-país, coma i a pas Hamborg sense reire-país, etc. E se Bordèu es occitana coma Montaigne l'a explicat en son temps, o fau pas oblidar, anuèch. Dins los vinhals de Bordèu se passeja de temps en temps la bandièra de la vila e aquela de Guiana (Guyenne), de temps en temps quand dignitat i a !

Donc la ciutat del vin a Bordèu es internacionala perqué primièr es la ciutat universala que Bordèu pòrta;, e o pòrta perqué es OCCITANA.

Pensi que lo jornalista de The Independent a pas jamai visitat Bordèu en lenga occitana, es çaquelà exista dempuèi quatre annadas ; pensi que lo fait pels comerçants de la vila de se dire occitan es un problèma perqué la pression politica jacobina es fòrta, mas en privat, fau demandar ....

 Se lo vin es un element occitan, es pas simplament per la produccion, es tanben per una civilizacion occitana qu'a donat al vin un emplec de dignitat cosinièra que los sègles an bastit. 

RVPFM pas luènh de ... Era Andòrta

Ai cercat sul net anuèch la conurbacion de "Landorthe" e ai trobat aiçò (veire document junt), e farai çò que cal per i arribar anuèch sense m'enganar malgrat aver agut un plan, mapa, en lenga occitana ; e aiçò me fa plaser. M'agradariá d'aver lo nom de la conurbacion en lenga occitana quand soi sus la rota en realitat de cada jorn, mas lo personal politic frena, encara e encara.

Google Map nos explica que l'occitan podrà o podriá èstre emplegat oficialament sense pausar un problèma d'orientacion quitament per l'immigracion parisenca, o la sotmission lingüistica francesa. Google Map nos explica que lo personal politic jacobin de Varossa, Comenge e Corserans es un real problèma per la dignitat de l'identitat occitana del parçan, per una signaletica normala en país de Sant Gaudenç.

Justament un autre element d'aquela region de Varossa, Comenge, Èst-Bigòrra e Corserans m'agrada, es la proximitat amb Aran ; aital / atau #Pirineos #Pyrénées #Pirinèus a trobat la #ràdio que li fautava, sa programacion musicala pirinenca es ideala! E las informacions son localas per ne saber mai sus la vida associativa o economica, o las publicitats de l'airial.

 La podètz escotar sul net sense cap problèma.

Aquela region d'Occitània que son los parçans de Bigòrra, Varossa, Comenge e Corserans pòdon èstre dintrat dins los parçans o recantons de discriminacion lingüistica oficiala, degut grandament al personal politic jacobin de l'airial, al personal politic francés, personal de conquèsta politica parisenca.

Lo ligam es aquí.

Cabrel e la difusion de cançons en lenga francesa -2/2-

Dins una entrevista politica sus la premsa de la collaboracion en Occitània, Francis Cabrel a volgut establir una crida per la difusion de la cançon en lenga francesa, lenga imperialista. Quand se coneis la produccion del Francis Cabrel aquò sona mal.

Alara vaquí lo corrièr qu'un occitan de l'Agenés a mandat a la premsa locala per ... benlèu assajar de despistar los ciutadans franceses d'Occitània.

Coma i a pas pro de difusaire de ràdio en cançons de lenga occitana, es la cançon francesa e ara anglesa qu'espotís lo mercat francés en Occitània.

Aquò pausa un fum de questions :

- 1 - es que la difusion en cançon occitana es reala sus Radio France ? responsa : NON 

- 2 - consequéncia, perqué demandar a un mercat de far melhor que lo dit «servici public» qu'es jà un problèma per la difusion de cançon en breton, basco, occitan, catalan, polinesians, lengas kanaca, còrs, goadelopean, martiniqués, lengas de Guianas dita francesa, flamand, alsacian o savosian ?

- 3 - quand los cantaires en Occitània se pausarà questions politicas, coma diferéncia entre ciutadanetat e nacionalitat, benlèu que la cultura de la cançon despassarà lo ceucle de l'Aver cultural per passar a la creacion de l'Èstre cultural.

- 4 - quand i aurà pus de frontièra per la cançons, benlèu que los animators de Radio France and companhiá (RFI, France Télévision, France 24, etc.) sauràn quicòm sul plurilingüisme e la reala problematica, coma se sap per las ràdios d'Estat en Confederacion Helvetica...

- 5 - la francofonia vist pels Franceses es un imperialisme, per la destruccion de las autras lengas per territorialament prendre lo luòc e imposar a las populacion la lenga d'un poder centralista.

Car lo problèma de la difusion passa bravament per una realitat politica, sense lei, non i auràn reviscòl dels emplecs lingüistics minorizats, e lo francés arribarà lèu sul camin de las lengas mesprezadas coma l'occitan ....

En junh de 1992, SONQUE, la constitucion francesa es devenguda etnica, per un vòt unamin del Parlament, l'article lingüiscidari francés a fait passar aquel tèxte constitucional del concènsus flac, a un imperialisme lingüistic emplegat unicament contra lo breton e l'occitan, pel moment.

Donc ara, una politica per l'occitan es sap una melhora compreneson dels malfasents que fan la dita culture française universelle, mas qu'es una cultura d'imperialisme e de destruccion lingüistica.

Vos mandi las salutacions del país de Sèrras, del país d'en Pau Froment que Francis Cabrel a pas encara pensat botar en cançon ....

Cabrel canta en occitan, e pensa a la difusion en francés 1/2

Francis Cabrel escriguèt dins la  premsa d'Occitània una pregària sus la difusion de cançon en lenga

francesa... Bilhet següent la reaccion d'un occitan de l'Agenés. 

Donc es estonent que Francis Cabrel fasquèsse dins la premsa de la collaboracion o assimilacion francesa ? 

A 17h00 serà publicat la meuna reaccion.

remembra-te la santa République française

#‎fRance‬ o la cagada de republica francesa, made in fRance (!), o republica de mèrda. Lo "merde in fRance" es una especialitat de la casta militarista al poder.

 

Lo messatge me sembla pas pro fòrt, me sembla que l'emplegat perdrà son trabalh, quora Paris e lo seu militarisme jacobin seràn destrusits ? DESTRUSITS ? CREVARÀN ? Crevaràn coma los milièrs de mòrts republicans qu'ela la santa republica parisenca a creat.

L'Estivada 2016 l'Aver contra l'Èstre acarats

De la Conferéncia oficiala e per la premsa de L'Estivada 2016. Èra plan notat que sonque la premsa èra convidada, per evitar los problèmas associatius, segurament. Mas las convidacions èran çaquelà espandidas, e la premsa locala presenta. La venda dels articles fonciona pendent L'Estivada, malgrat que fosquèssen jamai en occitan. L'Estivada es devengut un objecte polemic en Roergue, quand lo politic o vòl AVER ....

I soi estat per popar l'aire de Rodés, mai sanitós que lo tolzan, lo solelh s'èra desplaçat, la linha de tren absenta ; ai pas encara comprès perqué. 

A la dintrada una simbolica : 

Avètz pas plan remarcat ? Lo lògo de la vila en bais ! Donc lo cònsol present se carga d'explicar que la regia minucipala es lo retorn a las primièras datas, una vièlha iniciativa, mas sembla que per l'occitan, las causas an cambiat de periòde, non ? O cal sistematicament a cada cambiar de còlha politica tornar al depart per assegurar ... un conservatisme ? Es la gròssa impression qu'ai agut en escotar un discor que la lenga occitana èra absenta. Se parlèt puèi fòrça dem Musèu -non Musée Soulages, mas pas brica qu'aquel musèu posquèsse tanben èstre en lenga occitana ! E que sa practica lingüistica museuala fosquèsse ambe la lenga del país, per exprimir la compassion practica...

Pel contengut ontologic d'un festenal de factura musicala (aumentada per assegurar l'espectacle), i a un grand trabalh de Sarah Vidal, es incontestable. La cultura de l'AVER es asida de metre en plaça, cal un pauc saber del subjecte e reviscolar los vièlhs instruments del passat, ambe las adreiças ... car sembla que lo personal administratiu de la vila de Rodés aguèsse pas jamai listat las adreiças del sistèma L'Estivada, benlèu una mesura administrativa de l'interès per L'Estivada.

Assegurar l'espectacle de la «culture» de l'aver, aver una subvencion. Se vei que lo personal politic a pas comprès la diferéncia entre l'Aver e l'Èstre en matièra de lenga e de cultura. An sempre plan entendut que son en compassion pas contra l'occitan, mas dins la mesura que los militants fasquèssen pas cagar.

Sembla donc que l'ancian president, ara conselhièr en carga de l'occitan, e president del CIRDOC, los an fait cargar ... « a la comuna » dixit lo cònsol e al « Conselh General » ; alar perqué i tòrnan a L'Estivada, e es plan indicat, dona de CA a Rodés per l'estiu, es donc vòlon pas èstre donat coma los que l'an enterrat.

L'associacion L'Estivada pagina de sosten prevei un futur fosc :

 Basicament pel contengut artistica e del festenal ... la causa me sembla plan vista.

Per çò qu'es del contengut en ligason amb la vila, sembla ... que al mens un comerçant es pas prevengut que lo designat «Grand Balèti» (passarai sus la prononciacion, la prononciacion dona una idèa de l'implicacion dels locutors), balèti que se farà a la plaça de la ciutat tòrna quadrar lo festenal a las causas de las annadas 70, Claude Sicre ne podrà far l'antropològue.

Mas lo botiguièr de la plaça d'armas son pas prevenguts que lo centre de la fèsta L'Estivada serà al centre ciutat.... Lo patron d'un restaurant de la plaça d'arma m'indica : « s'es aital farai un 'menu aveyronnais'», jà una bona iniciativa locala, mas encara un còp la pedagogia de L'Estivada es mal compresa, e pas sonque la fauta de la regia municipala. Jà èra un problèma ambe l'autra organizacion associativa, es benlèu aquò que los Conselh Territorial a pas comprès tanpauc.

Car L'Estivada èra per desvolopar una politica d'emplec de l'occitan, pel mejan de la fèsta, non pas la fèsta per la fèsta estiuenca ; car ara per la novèla region i a Total Festum que se podrà espandir, non? Ieu ai participat a totes los endreits, foncion (premsa, volontari e consomator), de L'Estivada e ambe totas las configuracions d'organizacion, es un endreit qu'i anavi pas volontariament amb plaser, i apreniái res d'especial ; e sembla que la populacion de Rodés tanpauc i a res après. E i a un biais de far passsar lo messatge ? Ai debutat « en attendant L'Estivada», dins los luòcs socials de la vila, aquò «a foncionar» ai poscut entendre... pas concretament foncionarà melhor que la vila serà EN OCCITAN tot l'an ! 

Sarah Vidal aurà çaquelà fabricat en 3 meses un festenal que capita de téner la rota per tres jorns. Mas coma l'indica lo document en francés (coma lo document distribuat a la premsa), junt, per dos ans, tres o quatre... ai plan pauc que foncionèsse pas gaire que sus las vièlhas socas. Una bona animacion de la vila de Rodés, a mens de 400.000 € : es bravament mens car que lo Musée Soulage ; s'aquel musèu se sonava en OCCITAN, al mens i auriá quicòm de comprès de L'Estivada a Rodés, l'occitan es lenga de comunicacion quitament en nègre de Soulages, mas tanben es pas una langue régionale ... coma la compassion politica l'installa. Cal notar que la finança pels espectacle a pujat de 20.000 €, en passar en un global de 100.000 €.

Cal notar que « L'Estivada entre dans la ville» mas lo plan es pas mestièr car lo dorsier de premsa es destinat a la premsa locala ; gaire es pensable convidar France Culture per L'Estivada, alara que France Culture se precipita pel Musée Soulage ! E malgrat que l'occitan es l'esséncia de la cultura de Rodés (dit per mantunes!) es pas present dins la vila... en permanença, es la cultura de l'Aver, pas la cultura de l'Èstre. Rodés vòl AVER L'ESTIVADA, Rodés vòl pas ÈSTRA OCCITANA. Es benlèu aiçò que far tornar lo Conselh Territorial, la dematerializacion de l'identitat occitana, en mena de subvencions departamentalas ; s'espèra çaquelà las autras entitats politicas. Lo Conselh Regional de Carole Delga èra inquiet per la desaparicion de L'Estivada, un inquitetud portada pels elegits, en resson dels botiguièrs de la vila qu'i an CA segur.

La cultura de l'AVER, es una cultura de rapòrta, aquela de l'ÈSTRE, mens... e pel long tèrmi quora i a compreneson d'aquela cultura, e non pas rompadura de camin al fial dels besonhs politics.

Se l'objectiu del cònsol es de crear un festenal per ajudar las vila de tornar a las annadas 70 ambe la compassion lingüistica en mai, sembla que val pas la pena de contunhar. Se al contrari s'explica als politicians de Rodés, Conselh Departamental, comprès qu'una politica lingüistica es possible, benlèu que L'Estivada tornarà ameritar las subvencions de totes los CR d'Occitània granda.

Bon anè, tot aquò es pas grèu, Gari Grèu coma indica lo programa de L'Estivada, mas se sap pas coma s'escriu dins la premsa locala, lo localisme fabrica pas un Festenal Occitan ... es causa segura.

lo dreit republican francés aplicat ?

Cada vagada que se parla de la lenga occitana e d'una politica per aquesta lenga en dangièr, la lei de la santa republica es cridada... E quand los amics an besonh de manièra urgenta de desvolopar un projecte ligat als espòrts, la santa lei republicana es pas respectada coma tot ciutadan de Tolosa auriá de respectar.

Aital, lo president del Conselh Territorial de Garona Nauta explica dimarç passat que cal esperar la benediccion de l'Estat per subvencionar un Collègi Calandreta. Dins la quita aula de l'inauguracion, donc audible, lo co-president de Calandreta explica que Calandreta a mestièr d'ajuda dinerièra principalament abans aquela acreditacion...oficiala francesa. «Es la lei» republicana, explica lo president del Conselh Territorial de Garona Nauta.

Sabi pas grand causa sus l'afar Jean-Pierre Rives, que dèu èstre un grand amic politic dels politicians en plaça, car el, a obtengut -contra la lei republicana en plaça- una possibilitat de desvolopar un sistèma economic ligat a l'Euro2016 de fótbol.

Ah se Calandreta èra un club de fótbol, benlèu que ... la causa aniriá mai aviat.

Ah se Calandreta èra una riba de Garona, benlèu que ... la causa aniriá melhor ?

Ah se Calandreta èra un ... mas es sonque un biais de pensar liurament, benlèu aiçò lo problèma pel sistèma politic jacobin en plaça ?

Ah se las escòlas de Tolosa, escòlas de l'Estat, èran respectuosa de l'ensenhament de l'occitan, sus Riba de Garona o dins la plana d'Èrs e de Garona, l'occitan seriá pas ensenhat a mai de 7 % de la populacion.

Mas aquí ont i a mestièr d'una accion politica reala, sembla que lo politic tolzan es absent, o pas pro volontari, quand se tracta dels amics, la causa es diferenta... 

(detalh, èra parier ambe la color politica diferenta).

Ai entendut dire que los sobeiranistas de dreita, la companhiá tolzana e politica del Dupont d'Aignan, an dificultats de comprendre l'interès de l'occitan; sembla per la guingeta o palhòla tolzana d'en Jean-Pierre Rives, l'argument es mai aisit d'entendre, e an plan comprès l'urgéncia de l'accion politica sense respectar la lei republicana que sábon d'un autre latz aplicar per Calandreta, o per l'occitan en general...

Quand l'interès politic es grand, se sábon engatjar per non pas respectar las leis santas e republicanas.

Ambe aquelas somas que podrián far coma politica sociala ?

Lo fótbol es una cauna de finança publica, fons perduts (sempre!), per una granda minoritat de fostalistas, e una casta fosca de truands en èrba, e lo sistèma politic francés li agrada de pagar per aiçò, perqué ? La responsa es simpla, un forbalista e son administracion aquò pensa pas ; pan e jòc, lo principi roman es classic e sampitèrne.

Un site de Bordèu dona la soma, al jorn lo jorn, del còst del passatge de l'Euroe2016 a Bordèu ; podèm pensar que la soma serà similara per Tolosa, Niça, Montpelhièr, Marselha.... e donc se adicionèm tot en Occitània podiam aver una reala politica lingüistica per l'occitan, per una politica sociala, per una vida reala dins los clubs associatius (paure en finança publica), etc. Lo ligam.

Personalament, e coma l'ai sempre far, aquelas espròvas mediaticas annadièras o bi-annadièras, me fan cagar, e soi sempre a boicotar, per protestar coma un sistèma politic que se vòl representatiu e que desgalha l'argent public, en pensar a una casta de riscs que jòga a la peloteta.

«Sèm en guèrra», «sèm endeutats», «sèma en crisi», «tota la societat a dificultats», lo «sindicalisme nos fa cagar», donc.... l'Estat e lo sistèma nacionalista del fótbol francés desgalha l'argent public ambe la granda complicitat del personal politic jacobin. E aiçò seriá normal sense protestacion, sense manifestacion, per la dignitat del pòble manténer ?

De mai a Tolosa, avèm una mena d'institucionalizacion de las amistats, que fan pauc de cas de la lei republicana :

Detalh tecnic, aquel jornal La Dépêche du Midi, que sempre es critic ambe lo sistèma politic d'en Jean-Luc Moudenc, publica aquel article aprèp aver legit Le Canard Enchaîné...
Es evident que l'espòrt fótbol es un instrument per aver client tanben per els, la DDM ... e donc cal pas tròp tocar al tresaur manipulat per las federacions nacionalistas francesas dels espòrts. Es plan conegut l'espòrt es una activitat sanitosa ... coma l'a segurament dit un jorn Jean-Pierre Rives !