Òm es democrata, reglar un problèma fabrica una votacion

Quand òm es democrata, e en Confederacion Helvetica, la votacion règla los problèmas de las institucions ; es una leiçon que Madrid deuriá aver après, o al cap ; sabi que la democracia en Confederacion Helvetica es mai vièlhassa qu'Espanha, mas çaquelà ; en 40 ans s'esperava una Espanha qu'aguèsse comprès la demanda de referèndum dels Catalans; aquel dimenge, a Moustier en Confederacion Helvetica se votava per restacar o pas a la republica del Júra. Resulta : 

Totas las cadenas de television e ràdios helveticas èran en directe per aquel eveniment que concernís tota la confederacion ; lo nombre d'electors èra de pas mai de 3000, aqueles de la comuna de Moustier. Las cadenas de Madrid soi a boicotar lo referèndum catalan, o a donar sonque la paraula als espanholistas unionistas, pòst-franquistas...

Son pas los ciutadans de Genève o Zürich qu'an votat, mas los de Moustier... tornèm en Espanha, per l'independéncia de Catalonha, Principat, son plan los del Principat qu'an de votar.

Vesèm aital que l'Union Europèa que refusa de far pression sus Espanha, per reglar los problèmas similars a Catalonha, per un referèndum o votacions, aquela Union Europèa es luènh d'èstre un èime clar de la democracia. La Confederacion Helvetica es una democracia, clara. E fau res esperar del vièlh MariNO Rajoy o del jove Emmanuel Macron sul tèma ; son l'expression d'un centralisme tipe renda del capital per una elita del centre de l'Estat, bonapartisme militarista.

Aquela votacion helvetica es exemplara per tot pòble que se vòl democrata sul continent europèu o endacòm.

Moustier es ara devengut una comuna suplementària a la ... Republica del Júra, .... Júra helvetic, pas lo francés ! ....

Tèxte de la reforma es aquí. car es plan una simplassa refòrma, pas un crèva-còr de crear un Estat o de cambiar de republica sul continent europèu.

 

Votacion en Confederacion Helvetica e Union Europèa

Lo 28 de febrièr 2016 serà un grand jorn de votacion per la Confederacion Helvetica ; aquela confederacion es neutra sul continent europèu dempuèi que las tropas de Napoleon Ier an assajat d'i dintrar coma Napoleon Ier -lo traïdor republican còrse- arriba a sacsejar lo continent europèu. La CH es un Estat federal, vertadierament ; donc la votacion del 28 de febièr de 2016, se farà sus tot l'Estat europèu aquel, mas serà tanben una votacion especiala per cada canton. Se nòta çaquelà que la campanha electorala se debana sus las parets de cada estacion de la SBB-CFF-FFS (companhiá dels camins ferrats helvetics) :

Son aquel tipe devotacion qu'Occitània auriá mestièr ; es tanben un Estat federal que lo multilingüyisme (qu'oblida çaquelà lo retoromansch) es la règla, e s'ajuda de l'anglés tanben ; un modèl per TISSEO a Tolosa, e totas las entrepresas de transpòrts collectius en Occitània.

 

De qu'es aquela votacion e coma es complicada : 1 / NEIN al tunèl ralh-rota es NEIN als escambis europèus, lo transpòrt entre los luòcs del productivisme europèu, los KMs que cal per aver un produït final, la pollucion fabricada per la consomacion e lo biais de fabricar un jòc dels còsts salarials dedins l'Union Europèa ; aquò se debana sus l'esquina dels poders federals helvetics e dels pòbles helvets. 2 / YA al tunèl es la perseguida de la politica per traversar la Confederacion Helvetica, mas traversada en bimodal, pas una traversada autorotièra. Es donc dubrir un tunèl nivèl (causa que podrà sembla una bona resulta ecologica e economica), mas que facilita los escambis sense cap d'utilitats, levats las concurréncias dels salariats europèus.

Donc es una votacion associada ambe d'autras, votacion qu'es plan complicada pels ciutadans helvets, que fosqèssen de lengas alemanda o francesa, retoromanscha o italiana, car totes son respectadas. Seriá complicada d'entendre pels ciutadans dels pòbles europèus ?

Aquela votacion aurà consequéncias sus lo biais de l'Union Europèa de transportar dins una union d'Estats que respecta mens las populacions en non reglamentar los transpòrts entre unitat del productivisme europèu.

Aquela pollucion dels transpòrts es mestrejada en Confederacion Helvetica pels pòbles d'Helvecia (votacion), la pollucion dels transpòrts de l'Union dels Estats, dit U.E., es fabricada pel liberalisme (PPE) que lo modèl es aquel de la sortida de l'Anglatèrra de l'Union Europèa, es de dire lo problèma europèu. La votacion priva a la partidocracia lo lobiisme d'entrepresas europèas que matan la sentat dels pòbles europèus. Cal veire a Romont (CH), lo sièti de Nescafé, per melhor entendre qu'una autra solucion logistica es possible per produsir e estauviar las tèrras europèas d'aquelas pollucions.

Aquela votacion helvetica deuriá èstre montada per tota l'Union Europèa, un meteis jorn, al meteis moment, car la partidocracia europèa (del Parlament Europèu o pas) fabrica facilitats pels lòbis e non pas democracia !

An votat contra l’immigracion massiva, e ?

La Confederacion Helvetica es sovent presa en comparason pels independentistas catalans, coma un exemple d’Estat europèu a la dimension del Principat de Catalonha, e fòra de l’Union Europèa ; es pas lo cas d’Occitània, ni pels poders que demanda, ni per la politica lingüistica qu’es bravament mens clara. De mai, donc, podèm confirmar que lo Principat de Catalonha es al revèrs de la Confederacion Helvetica, bravament mens a dreita …

Lo «pòble» a votat, dedins la confederacion helvetica, contra l’immigracion massiva ; los 50.3 % dels electors exprimits an votat en seguit l’iniciativa del partit de dreita nacionalista helvetica, dins un referèndum costumièr dins la Confederacion Helveta. es interessant de veire que passat los 50 % una iniciativa es considerada coma acceptada per èstre una règla pel govèrn de Bern ; escrivi aiçò perqué Madrid demanda sovent mai de 50 de cent per un referèndum (que de tot biais refusa) referèndum qu’acabariá ambe mai de 50 de cent per l’independéncia, de facto.

Ai un pauc seguit l’afar e del resson dins los mèdias mondials, per èstre sempre un eveniment dels gròsses pel «pòble» d’Helvecia. Ai remarcat lo fòrum de la RTS La Première, a partir de 17h00 lo dimenge, per donar la paraula a totes los partits e quitament per telefòne, al president del govèrn confederal ; e aiçò, malgrat d’aver germanofònes, tot se passava en francés, per la cadena radiofonica francofòna.

Cal notar que la Confederacion Helvetica es estada fargada mai o mens vaquí 700 ans, e que los cantons an un poder grand en matièra de legislacion, de volontat politica, e de designacion del poder confederal, pel govèrn de Bern. L’UDC non es dedins aquel govèrn confederal ; donc lo govèrn d’autras colors politicas auràn de negociar ambe l’Union Europèa en foncion d’aquesta iniciativa qu’es contrari als interèsses (o considerats aital) de migracion dels ciutadans de l’Union cap a la Confederacion Helvetica. Çò que pausarà problèma als pòbles de França (Savosians, Franc-comteses, Alsacians) que van trabalhar ailà.

D’un autre bòrt, es plan una iniciativa que sembla fòrça a la règla al Canadà, un federacion de províncias. Es tanben de facto, una règla aplicada per l’Union Europèa, quora refusa l’entrada dedins lo Reialme-Unit als migrants que son a Dunkirk, o Calais…

Mas es pas sobre aquel terrenh que l’afar aurà consequéncia, e amerita aquel bilhet ; tot semblava anar coma cal dedins lo sistèma confederal bernés, per çò de las lengas. E vaquí una nòta informativa que daissarà plan de caire la patz qu’es supausada èstre la Confederacion Helvetica, encara que quatre lengas fosquèssen oficialas, e reguladas, ambe politicas lingüisticas claras.

Aquel incident pausa realament lo problèma de l’ensenhament de las lengas minorizadas dedins la Confederacion Helvetica, e tanben la règla majoritària. Sembla que per èstre jornalista dins la Confederacion Helvetica, la lenga francesa fosquèsse pas necita… Dins l’escòla de jornalisme tolzan, es l’occitan qu’es absent TOTALAMENT.

Aquí se trapa èstre la lenga francesa qu’es mai o mens pantaissada coma lenga de la diplomacia. Ginèbre es pas per res dins l’afar, sa causida e la continuïtat istorica del seu emplec. Cal notar que frena pas l’acceptacion de l’anglés a Ginèbre, vist que las ràdios mondialas se pòdon escotar a Ginèbre sus la banda FM dinc’en Savòia.

Mas es plan la votacion de dimenge qu’a donat un baus important per aquela patz lingüistica ; es la zòna francofòna bravament mai desvolopada, ara, qu’a donat un NON a l’iniciativa de l’UDC. (veire la mapa junta e lo ligam que se podrà picar sobre per ne saber mai, coma es de costuma, perqué fau un ligam a cada article per ajudar los internauta a seguir lo prepaus)

L’UDC es çaquelà un partit nascut en zòna germanica, lenga germanica en vert sobre la mapa del document junt. La lenga germanica parlada dins la Confederacion Helvetica es una lenga germanica del Sud del Sud-Oèst de l’espaci lingüistic concernit, e a una tendença a la diferenciacion, de faiçon escrita e orala.

Lo crit «cal respectar la minoritat», me sembla un crit salutari per una democracia quora se podrà exprimir.

Aquel crit es una règla en democracia : l’eleccion es pas un element per donar sonque la paraula a la majoritat, es un biais de donar lo poder a un grope politic per agir en foncion de la majoritat, en pensar sempre a las minoritats. Senon es la dictatura de la majoritat o la dictaura d’una casta partidocrata, una oligarquia partesana al poder.

Imaginatz un elegit tolzan, pas forçadament occitanista, qu’auriá l’estranha (ara al XXIen sègle) costuma de parlar en occitan dins la conferéncia de premsa, e que Tolosa fosquèsse lo sièti de la politica forana de l’Estat jacobin (irreal segur) e qu’un jornalista parisenc, per exemple de Le Monde, o L’Humanité o les Échos, o de Libération o de Le Figaro, (se supausa que los jornals provincialista aguèsse jornalistas occitanfònes, irreal pel moment), li fariá la meteissa remarca … Vesètz la fòto ! Dins un contèxte francés que pensa : una lenga = un Estat …. Es de l’etnisme aplicat al modèl francés.

Puèi l’article explica : « Didier Burkhalter a ensuite continué de répondre, dans les deux langues, aux questions » (informacion transmetuda per un jornal francofòne de Ginèbre) ; lo bilingüisme es causa obligatària per las institucions helveticas, veire lo trilingüisme ; es una nòrma que malgrat la dimension qu’auriá degut èstre Occitània, e la seuna populacion actuala, plaça l’occitan coma segonda lenga amb potencialitat reala d’èstre Òc-oficial dedins l’Estat francés. Donc l’administracion auriá de parlar las doás lengas coma minímum, francés e occitan. Es la situacion catalana per l’Estat espanhòl ; per l’efèit del centralisme e l’accion politica centralista espanhòla, lo catalan es mai ensenhat en Alemanha federala qu’en Espanha, reialme pòst-franquista. E bè, pel moment la situacion es tala en Occitània, que l’occitan es mai e melhor ensenhat dins las universitats de la planeta que non pas dins las universitats franceses d’Occitània ! Donc, la situacion politica e lingüistica al modèl de la Confederacion Helvetica es pas encara presta de nàisser … E escriure jà tot aquò, es considerat coma un extremisme dedins lo cap dels professors seleccionats dins aquestas universitats francesas ; es una causa estranha que los meteisses professors universitaris de letras occitanas fosquèssen los primièrs a desvalorizar una Òc-oficialitat de l’occitan en Occitània.

Imaginatz …. aprèp aquò : «Une Suisse romande qui est en outre la région la plus dynamique du pays», ça diguèt. Lo mot «pays», aquí explica Estat federal (es un real problèma aquel mot de país, dins totas las lengas latinas). Es efectivament quasiment improbable per Occitània que lo nivèl economic fosquèsse mai dinamic que la region parisenca que monopoliza los siètis de multinacionalas francofònas. Mas s’imagina que pel locutor diplomata de Bern es lo pès economic que farga l’usança que se dèu d’una lenga ; es alara un discors en desfassament ambe l’idèa de minoritat, o alara una minoritat per aver rason lingüistica se dèu desvolopar mai que l’autra majoritària ? benlèu que la causa risca fòrt de desvalorizar mantunas politicas lingüisticas, per exemple aquela del francés en Belgica, o del francés en Lotarengia.

La ciutat tolzana es la mai dinamica actualament al nivèl de l’Estat francés…. mas l’occitan i es mesprezat politicament e escolasticament.

-°-

And with the french language, english speaker are’nt not soo easy !

E segur que podrètz confirmar que los monoteïstas lingüistics an sempre problèmas ambe la diversitat lingüistica.

Ajudar los Franceses a melhor saber de Catalonha-Catalunya-Catalogne

Vist lo nombre d’estupiditats en lenga francesa, patois et manipulation parisiens principalament, los dos sites que me farai lo rendut-compte son essencials.

Dins la lista avèm los escriches de l’AFP, Le Monde, Libération, La Croix, Le Figaro, Dépêche du Midi, Midi Libre, La Provence, o de la radiofonia, avèm France Culture-Culture Monde, France Inter, Europe 1, RTL. E soi pas segur d’aver tota la lista…

Lo primièr es aquel d’un site de jornalistas catalans (es que serián pas independents per parlar catalan ? Lo racisme lingüistic es tipicament espanhòl ; e francés ?) ; en cooperativa editoriala (e un fialat d’internautas solidaris), aqueles jornalistas fan las responsas, lingüisticament adaptats, que cal als mèdias mondials, donc principalament als Franceses ; son bravament poliglòtas, çò que pròba al mens que las escòlas de jornalistas franceses son bravament diferentas de las catalanas ! De creire qu’i a una exception française al nivèl de las mediocritats lingüisticas espanhòlas e francesas !

Lo segond es pel grand public de lenga francesa, los famoses Francofònes ; se cal remembrar que lo PH ajuda l’elefant a èstre pesuc en francés, senon que seriá l’elefant sense PH, coma l’expliquèt un ‘grand’ animator literari de la vièlha television francesa de sevici public, un còp èra. E lo blòg aquel pròba que tota la nacion catalana vòl mostrar que las messorgas la faràn pas plegar, la vòlon l’independéncia. Se trapa que de messorgas sonque los ancians franquistas ne fan mai que los famoses francofònes de patois parisien.

Donc, un grand mercés per aquestes dos blòg per ajudar los FAMOSES FRANCOFÒNES del patois parisien de mehorar las loras conseissença del vesin del sud, aquel vesin que vòlon grandament ignorar, coma una excepcion francesa.

Pascual Maragall voliá dntrar lo Principat de Catalonha dins l’associacion colonialista francesa de la FRANCOPHONIE. Los Catalans fan la pròba que lo colonialisme frnacés es viu encara en Catalonha (non Principat), e que ne sábon emplegar los atorns colonials per mostar que son encara pron viu, e que vòlon sobreviure en tota independéncia, per l’independéncia d’una nacion, un novèl Estat d’Euròpa !