Quand lo pòble es unic, la pensada tanben

Pòble unic, mercat unic, lenga unica, capitala unica, representacion unica, casta unica, aprofièicha sonque a la familha jacobina, lo mercat unic es l'Estat-nacion francés ambe sa santa capitala, Paris.

I a la glèisa catolica que los parla « del pòble de Dieu », vist que lo pòble e Dieu es unic, tot es logic. Lo verbiatge aquel es lo verbiatge de la santa republica francés, coma del regime anterior (l'ancian regime d'abans 1789, que lo Dieu èra unic, l'ecclesia tanben, lsa lenga èra latina, e lo rei lo representant de Dieu sus tèrra aviá tanben sa lenga unica). Dins los regimes bonapartistas modèl francés, o republican modèl IIIena republica, la representacion del cap-d'Estat donava al cap d'Estat lo ròtle del rei per la representativitat de dieu sus tèrra, d'aquí se donava la pensada francofòna del rei coma sacrada, traduccion, la sola realament valabla per la pensada umana, la pensada politica sus tèrra, dinca l'arribada de las frontièras (modèl Vauban). tot cadidat a la pensada diferenta, anava en preson.

Pauc a pauc aquela pensada, nos a fabricat guèrras interioras avalizadas per Roma pel plaser del rei-dieu sus tèrra, puèi guèrras per l'extansion del reiala santa, o de la santa republica ; l'unicitat fabrica guèrras, en Euròpa dempuèi sègles. 

Aquò s'afica en Provença, la region d'Occitània conquesida sul sant Impèri germanic. Es en tèrra de migracion recenta parisenca que lo FN-BM vòl imposar a fRança un dictator modèl antiga Roma. Tot serà legal coma l'arribada d'Hitler al poder a Berlin.

Es evident que malgrat l'abséncia de proporcionala, l'Union Europèa aurà de patir de l'arribada a París del prochen president de la santa republica jacobina. Es aquela qu'accepta l'arribada d'una constitucion anti-democratica (modèl francés) en Turquia ; es aquela qu'accepta míting de l'AKP, partit extremista musulman ! Partit que sembla talament al partit e la pensada d'un François Fi(ll)on sense èstre la meteissa religion.

_°_

Quand lo parti de Jean-Luc Mélenchon imita lo FN : 

E oblida la diversitat dels pòbles dins la primièra partida de la revolucion francesa abans La Terreur.

Mètro bus, se nos fabrica lo transpòrt collectiu

Mètro o bus se nos fabrica l'avenidor de la ciutat, dinca pensar un certan tipe d'urbanisme collectiu (e quora s'oblida l'occitan, es pietadosament los regimes de la guèrra als patois que contunha, un vièlh monde) ; e se sembla que Tolosa es sempre en darrièr de las novèlas innovacions en matièra de transpòrts ; mas perqué ? Un article de Le Monde de la dimenjada explica que Veolia (entrepresa de Tolosa tanben) es en avança en Païsses Baisses, alara qu'a Tolosa las novèlas linhas son ... encara al gaz, donc pas brica renoveladièr.

 

Se trapa que Tolosa es contenta d'èstre autosufisenta en produccion d'electricitat ; mas perqué la produccion d'electricitat renoveladoira a Tolosa es justament pas mai granda per poder alimentar grandament los busses electricas que los Neerlandeses -els- sábon emplegar, dins una enèrgia electrica que produsís pas Golfèch, ni EDF ? 

Fau imaginar que Tolosa abandone sistematicament la produccion de veïcul modèrne de desplaçament a l'industria del nòrd d'Euròpa ? Encara ?!?!

Fau creire que lo sistèma politic en Occitània abandone lo seu ròtle davancièr en matièra d'ajuda a l'industria de l'urbanitat ? Aquel sistèma politic francés en Occitània abandonariá encara al nòrd europèu totas las iniciativas ?

Bon d'accòrd, passarèm de Labèja al Portet en teleferic, mas aquò es pas novèl. E lo vent d'autan ajudarà segurament a melhorarà lo sistèma.

Se parla d'un tren de granda vitessa entre la mar Miègterranèa e Tolosa, mas jamai Tolosa coma etapa entre Marselha e Bordèu, lo ligam logistic que donariá a Tolosa son real ròtle de capitalitat dions l'ensemble latin al nòrd de la Miègterranèa. 

A Tolosa se dona d'argent per la LGV, mas ajudarà lo torista parisenc a davalar, mas pas a Tolosa d'èstre capitala europèa ! La LGV es quitament un sistèma de desplaçament pas causit per Tchangaï per desplaçar de l'aeropòrt al centre ciutat ; e podèm pensar qu'un jorn un MAGLEV (grope SIEMEN) ligarà los aeropòrts de Merinhac e Blanhac, puèi Marselha e lo hups de Niça directament per poder èstre realament sus la mapa de la planèta aeronautica mondiala del sègle XXIen ?

Pensar l'avenidor logistica de Tolosa, es oblidar los pantaisses parisencs sul tèma, car París es un trauc logistic e politic, e un concurrent al nivèl mondial, concurrent de totas las vilas d'Occitània e Catalonha.

Quand l'aficatge me fa rire

La setmana passada, coma totas las setmanas dinca las eleccions, i aurà tele-escopatge dels aficatges a Tolosa.

Vaquí un que me faguèt rire : 

E aprofièichi del document que demanda pauc de comentari, de donar un comentari suls presents republicans que fan castas elonhadas dels pòbles dels electors, e donc d'Occitània. Vaquí mon messatge :

Aquò farà mantunas annadas que sentissi una reticéncia al lectorat (del blòg), vos vòli rassegurar ; accepti tot present e tota dimension dinerièra ; perqué ? Perqué aurètz la garantia de vos farà pas maissanta publicitat, ai decidat (vaquí 7 ans) de pus tocar al sistèma politic francés en Occitània. Es una assegurança segura per tota persona que me podrà donar tot tipe de present (nivèl dinerièr sense cap limit), e d'èstre pus tard portat a la justícia aital annulada previament... donc me podètz donar presents, sense cap problèma. Es assegurar qu'i aurà pas corrupcion republicana francesa.

Descobèrta de premsa parisenca

La premsa parisenca fa descobèrtas cada jorn, recèrca sul terrenh jamai : 

1 / El Barça pòt ganhar contra lo PSG, 6 vs 1 ... alara que lo partit d'abans lo PSG aviá ganhat e donc la victòria èra segura pel partit segur de retorn. Anuèch sabèm que los quatre buts de l'anar son pas estats sufisents (* gaitar las illustracions en seguida). E çaquelà la premsa francesa, TV, Ràdio, Jornals papièr o Internet nos an assegurat ièr -tota la jornada- que lo PSG l'auriá aisida.

2 / l'Éducation dita Nationale es un ostal de censura, la causa serà mai complicada per la fa pèrdre ; la censura se fabrica en bonas letras republicanas segur, es administrativa, ierarquista, concènsuala del sistèma jacobin, mas es clar de las censuras d'opinions politicas, coma pel regime d'Assad en Síria (sense l'armada a costat), car quitament per criticar de l'interior sa politica (ontologica, intèrna), per exemple sa politica contra las lengas en fRança, quitament un sindicat maison s'i pegarà pas jamai, en realitat, seriosament. Anuèch Twitter publica, en primièra pagina, una mícro-nòta de FranceInfo :

Quand l'Éducation dita Nationale dona estadisticas al personal politic per nos enfumar sul tèma de l'ensenhament de las lengas en fRança a l'Assemblée dita Nationale ( a tot elegit o elegida, de l'AN, o del Sénat, damòri al servici per explicar coma) ; e lo/la ministre/a serà lo pòrta-votz d'una sistèma qu'engana coma dels tempses leninistas e stalinistas en Rússia sovietica ; las estadisticas son pron plan causidas e jamai verificadas, coma s'èra paraula d'evangèli ; mas l'evangèli legida per un draconàs o un mamot, aparéncia pel diable, donc pas sense que la Maissanta Novèla, aquela que lo nacionalisme d'expansion parisenca, nacionalisme academic, mata las lengas e la diversitat ontologica de las lengas dins la santa republica. Se parla plan del latin e del grec, mas de l'occitan (dins totas las versions, provençalas, de Niça, o de Gavotina tanben), del breton, del santongés-peitavin, de gallò, del catalan, de l'alsacian, del savosian, de las lengas dels DOM-TOM, jamai. JAMAI un mèdia francés ne parlarà.

Quand l'Éducation dita Nationale es laïca, es pas al sens etimologic del grec, laïcos çò del pòble, mas al sens que laïc es fRança, lo netejament lingüistic constitucional (dempuèi 1992), modèl FN-BM de la pensada politica ; o fau tornar escriure en clar laïcos en grec es çò qu'es del pòble ; l'Éducation dita Nationale es programada dempuèi Jules Ferry per ensenhar la lenga del rei, edicte de Villers-Cotterêt, mas non pas l'alfabetizacion dins las lengas localas, la lenga del pòble, e l'ensenhament -tanben- dins la lenga de la santa lei republicana, centralista e jacobina. E l'UNESCO i podrà res contra, coma podètz res fa tanpauc contra la politica francesa que valoriza la grande cuisine contra la cosina populara que l'UNESCO pensa valorizar dins una politica per servar practica populara de cosinar.

Per melhor comprendre l'intervencion de Julia Scergo me sembla de bona pasta per debutar una melhora compreneson que lo sistèma es pas reformable ; o fau fugir !

Per protestar contra la supression dels corses d'occitan en Provença, Gavotina e Comtea de Niça, mantunes an agut l'idèa de manifestar dabans lo collègi o licèu, pauc aprèp « l'Académie » manda una nòta per explicar que las barraduras regularas des corses d'occitan devon damorar silenciosas, es de dire : « ne fau pas parlar a la premsa » dixit lo director d'un collègi e segon « L'Académie ». La censura es clara dedins aquela sistèma, senon te faràn fòra, e acabat l'estatut, la reputacion (fosca) se dèu pas platussar en public, dabans la premsa escrita locala.

Tres meses aprèp lo sistèma esquerrista de l'É. dita N. nos fabrica una convencion dins las regions socialistas (aquelas que damòran en plaça politica), bona causa mas talament repetitiva e sense efèit segur, e alara qu'amaga l'essencial : l'Éducation dita Nationale es la pus maissanta aisina per salvar las lengas istoricas, las lengas dels pòbles mesprezats ( es un subjecte qu'ameritèt dos bilhet aquí, jà ).

Dins un sistèma que la formacion es orientada a esquèrra, principalament en letras, per exemple Montpelhièr e Tolosa-Jean-Jaurès, l'obtencion dels diplòmas d'universitat se fan sus la regularitat del plega-esquina a esquèrra (i a una comission de regularitat per aiçò assegurar) e l'assegurança que l'administracion d'esquèrra serà jamai criticada, fau far paur als futurs professors, joves e inocents. Lo miralh es donc gaire polit quand se lo gaita de tot costat...e de mai prèp que se pensa ; e puèi per l'occitan es encara mai grèu, car lo CAPES es bivalent ; a la debuta èra per ajudar l'administracion per regular los corses dedins un collègi o licèu, ara es per suprimir mai aisidament l'occitan sense suprimir lo pòste de foncionari d'Estat jacobin : « soit content tu reste dans le mammouth avec la sécurité d'emploi ».

Lo jacobinisme administratiu mata l'occitan.

_°_

Seguritat de ganhar, es pas ambe lo projecte politi o fotbalistic parisenc.

Quand vesi El Barça ganhar, pensi a la sotmission dels occitans pel sistèma francés, e trapi que lo projecte catalan de republica m'agrada per Occitània.

la jacobiniá es ontologica a l'estructura

Anuèch recebi un bona entencion de la SNCF Marketing ; me plegui sul pic a injoncion jacobina, vau crear mon alèrta en Jacobiniá intensiva, coma i a una agricultura FNSEA intensiva.

La jacobiniá a mestièr de la LGV e del TGV per sobreviure, far sobreviure l'amotlonament parisenc, e sa logistica mortala, anti-umanista. E me fa dòl de veire qu'emplegan un animal amenaçat per se valorizar. Car ambe la logistica aquela, avèm una potinga que lo jacobinisme imposa als CR de Bordèu e Tolosa, e qu'assegura a París de regnar ; de quina manièra ?

1 / l'administracion francesa podrà aital viatjar mai aviat, e la santa representacion senatoriala e deputacionala ne podrà aprofieichar, las estacadas parlamentàrias (ben pagadas) tanben...

2 / los quadres de las entrepresas en regions podràn venir aviat a La Défense pensar parisenc e per imposar los òrdres en regions, mai aviat, lo lendoman maitin.

3 / lo torista parisenc (afèrta de bon mercat majoritariament de París / enlà ) podrà fugir de las particulas parisencas tot en trabalhar de temps en temps entre diluns 14 e divendres 15h pel centralisme logistic.

4 / lo torista parisenc o internacional serà content de veire a l'estacion terminala i son TERs que lo finançament es pas de l'Estat, ni de Veolia, ni del centralisme jacobin. La SNCF es grandament incapable de ne fa la gestion normala, sobretot quora son pensats a Paris. Mas los elegits jacobins en regions occitanas son incapables de crear las entrepresas de servicis publics (tipe TISSEO a Tolosa) per ne garantir la sobrevida.

E tot aquò, de la logistica en estela, sempre lo paga la fiscalitat dels ciutadans en regions sotmetudas, e la vergonha arriba quand la decentralizacion de Bordèu o Tolosa pensa que li serà favorabla, e que paga tanben. Quitament las taxas sus la gasolina autrejada a pichona dòsi, es orientada per lei, dins los projectes logistic parisenc (la moneda aquela ajudarà una entrepresa centralista parisenca, installada sul mercat-Estat-nacion per paponejar coma multinacionala, dempuèi La Défense, Veolia). E aiçò es estat votat per la partidocracia jacobina, partidocracia jacobina que refusa la concurréncia dins las campanhas electoralas (800 signaturas impossiblas d'obténer).

La linha LGV es finançada per un montatge ambe Veolia, car l'Estat es incapable d'aver pron de finançament pròpri vist qu'es incapable de se reformar, al centre parisenc e prefectoral (sembla que lo nombre de prefectes es subrechifrat ?!?!? pel Guit Encadenat), e non pas dins la decentralizacion coma l'indica la partidocracia de la casta que nos presenta candidats (presidencialas 2017) de totas las colors MLP, FF, EM, JLM .... 

L'alèrta s'acaba aquí, es corta, e ai aital resolgut lo problèma de la SNCF que nos demanda de crear alèrtas.

E mon punt final serà :

 

Femna, Paris Mèdias Oficials, Jacobinisme

Aqueste maitin France Inter convidava una femna per parlar d'una femna al poder ; l'entrevista a probat que las femnas son autanplan jacobinas que los òmes ... Lo jorn de las femnas es estat sempre un argument del sovietisme ; es estat una granda manièra de manipular una proporcion de la populacion per imposar lo meanstream de la pensada politica, lo jacobinisme. Vos avèm plaçat aquí, alara fau far coma los òmes dintrar dins lo reng... penser dans un monde mauvais, legir Geoffroy de Lagasnerie (bilhet recent).

Entrevista fRance Inter de tòcamanòta jornalistica, ... tot va plan ambe la Ràdio e la Television que nos pana la moneda devath la fòrma de redevança e que se trufa de las regions, de la cultura, de las lengas, cançons dins las lengas ditas regionalas, e de l'actualitat en region de la jacobiniá trionfanta.

E l'ai directament indicat a fRance Inter : 

Fau oblidar que malgrat los magres mejans, fRance 3 assaja en region de portar un messatge a París, mas París li facilita pas lo trabalh ; e soi pas un fan de l'organizacion administrativa del dit « service public ».

Fau notar que France Bleu es utile per fRance Culture, per aver estúdios en regions, mas pensar a una fRance Culture en regions (e pas simplament decentralizar la redaccion que pensa lo parisenc, lo patois parisenc), quí dins lo « service public » ?

Quí dins lo « service public » pensa a fargar redaccions independentas en region, redaccion que pòdon aver question mens voidas de contengut que fRance Inter aqueste maitin ?

Fau copar lo cap dels Parisencs dins los mèdias ? Benlèu que lor fau interdire de difusar en regions !

fRance Inter jacobina sus twitter.

Confirmacion jacobina, las valors republicanas francesas son poirridas

Lo comitat director de Les Républicains a decidat de sosténer lo paure castelan e candidat ultra-catolic François Fillon, amb unanimitat. AMB UNANIMITAT.

E a la conferéncia de premsa, lo pòrta-paraula explica que servirà a sosténer las « valors republicanas » de Les Républicans. Se fau pausar la question de valors republicanas n'an en çò dels Les républicains ?

Dins las valors republicanas fau notar la capacitat dels elegits d'aver emprunts bancaris dins l'immobilièr a un taus que cap banca prepausa al mendre ciutadans que paga la talha ; es una valor, vertat... 0% ! Aquò fabrica un proprietari immobilièr coma dins l'ancian regime... per la familha, los descendents, i aurà aital eiritatge republican ajudat per un sistèma de « valors republicanas ».

La darrièra lei que se son votadas es per annular tota procedura de justícia per d'acte mai vièlh de 12 ans ; justament los actes del sant candidat de Sablé / Sarthe. La valor dels Les Républicains e l'esquèrra èra absenta dins l'emicicle.

Dins las valors republicanas i a la capacitat dels elegits e de las elegidas Les Républicains de far trabalhar los ciutadans dinca crevar (pasar de 35 oras a 40 oras dins lo espital es un biais de far crevar los emplegar a dolcina), alara que els son potencialament aimadors de pausas al The Fouquet's ! (mai o mens 50 € per repais) Sèm dins las valors de Les Républicains.

Dins las valors republicanas de la dreita i a la familha, la santa familha es la familha que pòrta lo quita nom que los faguèt elegir, mas aquela que se marida a la glèisa catolica, un pauc coma l'ancian regime que los actes de familha devián passar per la man d'un curat. Mas la familha dels elegits serà alara valorizar (5000 € / mes per l'estacada parlamentària de sa familha, sa femna) positivament e pas un i veirà problèma quitament a l'esquèrra que refusa de ne parlar.

Soi pas per valorizar lo « mariage pour tous », mas me sembla que lo dessenh que seguís mesura plan l'arrogança dels legits Les Républicains ; un s'en va a Monsegur per pregar pels mòrts occitan, alara que l'autre s'en va a la manifestacion de Manif per tous.

 Se fau questionar se los militants de Les Républicains an neurònes per pensar ? O se Calimero èra tot simplament una fola sancièra al Trocadéro !

Vos vau donar tanben una bilhet politic d'escotar aqueste maitin, que dona un comentari plan pensat sus l'entrevista del François Hollande publicat anuèit dins la premsa europèa. Aquel bilhet plaça lo camp dels plega-esquinas elegits dels socialistas dins lo meteis camp que Les Républicains, contra los pòbles de fRança.

L'occitan e l'economia de trabalh en societat de consomacion francesa

Ièr Calimero èra al Trocadero, mas fau parlar d'autra causa.

Donc coma l'a explicat lo candidat dels truands de Les Républicains, fau abordar las questions de fonds ; o fau far car la dreita nacionalista al poder nos explica que son incapables de cambiar lo sistèma jacobin, mas de projecte novèl, n'en donan pus cap de credibles ; son los meteisses, François Fillon al cap, e ancian premier ministre del Nicolas Sarkozy, nos venon explicar ara que van tot far petar, en companhiá dels integristas catolics franceses ; podèm regretar, plorar coma Calimero, mas soi segur qu'es impossible. Lo capitalisme republican francés a financiat una granda partida del sistèma politic de la dreita francesa, la mai extremista o integrista republicana. I a una autra solucion politica ara ; Emmanuel Macron, ancian ministre de François Hollande, pòrta lo projecte similar ; Jean-Luc Mélenchon nos explica que lo sistèma bonapartista d'esquèrra es l'assegurança de mai de libertat ... e d'una seissena republica que serà encara jacobina ; es lo jacobinisme que fan matar, non ? E Marine Le Pen pòrta un projecte per agreujar lo centralisme e donc nos ajudar a encara pagar sense poder gaitar las turpituds jacobinas devengudas alara novèlas (se la victòria es al cap de la linha de campanha electorala dinca junh 2017).

La vièlh escòla jacobina s'acaba (de totas las escòlas) e la refòrma sembla possibla (dobti), i a de trabalh encara, mas lo FN-BM fa paur al sistèma que sobreviuriá, fins ara, sus l'esquina occitana, amb un pòble plan convençut que la sotmission a París es la sola solucion politica que li damòra. Mas se preniam lo subjecte d'un autre biais ? Se pagam una fiscalitat per amusar la representacion republicana a París o a Brussels, se pagiam ara per aver un « revenu universel » per tot ciutadan d'Occitània, la fisclaitat per totes/as ? Un economista de Lyon, Baptiste Mylondo, nos explica la filosofia del subjecte economic.

Mas primièr fau préner l'istoric de la nocion de trabalh e donc del contracte de trabalh.

A partir de l'insercion economica sul tèma : L’evolucion de la conception del trabalh

Dins l’Antiquitat, lo trabalh intellectual es valorizat car aprosmat de la nocion de creacion, coma çò qie faguèt Dieu en 7 jorns segon la Bíblia ; d'un autre latz, lo labor (l'òbra) es un trabalh al encòp de pena, penible e necite, donat principalement pels esclaus. Lo meprètz aristocratic pels trabalhadors manuals (quitament liures) es general. Acestes « artesans qu'an sens cap aver nimai crèdit que los braçes » (Salluste, Jugurtha, 73) e que nos podèm demandar « s'aquò ameritan d'èstre ciutadans»  (Aristote, Politique, III, III, 2). Exista en seguida, a Roma, una tradicion de l'otium arsitocratic, es de dire la nobla inactivitat.

A l'Edat-Mejan, lo sens òbra deven « maire de totes los vicis », pecats per totes mas las tascas ingratas e laboriosas damòran mesprezadas. Devath lo principi de la religion cristiana, lo fait l'amotlonar las riquessas e d'aspirar al mai que necite es pecat. [NDLT Fau oblidar los dires catars sul tèma ?] Lo trabalh es valorizat dins sa dimension espirituala  (l’ascèsa e l'esfòrç capvira de la tentacions del monde, fòrabandissent lo sense òbra). Lo clergat e la noblessa participaràn pas a las foncions productivas [NDLT dins lo sistèma francés], aquelas obraràn lo terç-estat, car tot aquò èra jutjat degradent.

Es sonque al XIXen sègle que lo trabalh carregarà un sens positiu. Es alara vist coma un acte de creacion e d'expression d el'intelligéncia umana, sorga de l'espandiment de la sapiença individuala e umana. Hegel i participa d'aquel principi, aquela vision del trabalh en defendre que lo trabalh es un patiment mas aquel assegura una plaça nauta mai brilhenta que l'animal. Marx, en seguida, escriurà que lo trabalh es pròpri a l'Òme, çò que lo destria de l'animal.

Lo XXIè sègle acabarà, ambe lo desvolopament de la societat de consomacion, a una concepcion de « sobrevalorizacion del trabalh ». Trabalh que condiciona a l'accès als bens e als servicis - que van còp sec determinar l'estatut dins l'organizacion de l’individú — e alara es al centre de l'organizacion de la societat e de las interaccions socialas.

Associacion aprèp associacions se bastiguèt la promocion de la lenga mesprezada, la lenga occitana ; lo revengut de cadun es estat sovent de remuneracion annexa mas sovent interdita d'èstre publica, donc amagada, ges politica ( « per l'occitan fau pas far de politica », tròp sovent entenduda). Sovent foguèron professors de l'institucion francesa en Occitània qu'an degut trabalhar per la defensa de la lenga, per l'avenir manténer per una lenga interdita de concènsus social jacobin e parisenc ; dins l'orari en sobrecarga que fau grandament denonciar, mas que faguèron sense la remuneracion collectiva que se necessita per una òbra que sense que la fe fasiá sobreviure.

Dins un sistèma politic coma lo jacobinisme, la defensa d'una lenga es donc considerada coma fòra d'aquelas intereccions socialas, fòra del sistèma de repartiment associat al contracte de trabalh. Donc dempuèi que la societat de consomacion se devolopa en Occitània, l'occitanisme qu'assaja de sortir del trauc de l'ignorança francesa ( Éducation Nationale ), a degut trabalhar sense remuneracion, sense contracte de trabalh dedins lo sistèma de las intereccions socialas, en defòra de tota institucion publica e republicana franchimanda. 

L'idèa politica fòrta de Benoît Hamon, lo « revenu universel » es una solucion per totas las associacions occitanas qu'an de mal de poder sobreviure, mas lor fau pas crear en sobre un secretariat associatiu de mai (coma o faguèron dins las annadas 1982/83), mas pensar en desvolopar l'accion de l'associacion sul terrenh public. Fau sortir de cocon, rendre politic una luta lingüistica que fRança nega una bona existéncia constitucionala, donc republicana.

Benoît Hamon, pas melhor que los autres candidats, pòrta una solucion legala per la politica lingüistica, mas benlèu que terrenh del revengut universal nos dubrís una pòrta economica que ajudarà las associacions a realament desvolopar las accions nacionalas.

De mai, dins un sistèma que dona la libertat al ciutadan de bastir un sistèma administratiu que lo respecta, a el sol, o a el dins lo collectiu que l'agrada, aital oblidarà las estructuras administrativas pensadas a París e que, en aficar que nos vòlon salvar per aver l'egalitat, nos nega dins l'aiga clara d'una pichona laca sul modèl peirigordin.

Donc lo programa de fRance Culture aqueste maitin de diluns es clar, simple de comprendre e devendrà utile a tot l'occitanisme pel sègle XXIen.O tanben lo dorsier ecrit de Alternatives Économiques, lo mensual independent e francofòne per tractar e parlar d'economia.

Comparason radiofonica Radio Star e Радио Шансон

Aqueste maitin ai poscut comparar dos programa matinal e de dimenge, Radio Star a Marselha e Радио Шансонa de Kyiv.

La ràdio estela de provença o puslèu de PACA es la ràdio de la cançon anglesa, 8/10, e ai pas entendut una sola difusion de cançon (en francés o occitan de Provença) fabricada ailà. Mas lo pièhe èra pas aquò ; lo piège èra los sonals de promocion de l'estacion de Marselha :

Ieu vesi un grand mistèri quand entendi los de Marselha dire que son del Sud, mas al sud de qué ? Lion ? Paris ? Quand 8 / 10 de las cançons son anglesas es al Sud de London, o benlèu de Nòva York, lo ligam mafiós de la distribucion de la podra blanca entre l'Orient Mejan e las carrièras de NY, LA o Chicago passava per Marselha pendent tot lo XIXen sègle, per la musica e la cançon dins los programas de Radio Star sembla parier.

Radio Star es una ràdio del sistèma dels INDEP, las radios comercialas de fRança ; es indicat sul site Internet ; es una estacion que respond -ambe lo programa- a la sollicitacion del public de PACA ; donc sembla que lo public de PACA es aculturat pel sistèma jacobin d'ensenhament de la musica. 

Una autra ràdio viu de la publicitat es Радио Шансонa de Kyiv (illustracion una), Radio Shanson punt UA (qu'es pas de confondre ambe Радио Шансонa de Москва, Radio Chanson punt RU, illustracion 2), aquela estacion tanben viu de la publicitat, mas las difusions de cançons son 8/10 de cançons en lenga del país, de kyiv, Ucraïna, e de temps en temps en lengas dels Estats independents vesins (Armènia, Geòrgia, etc.).

La difusion de Moscó es puslèu de cançons russas unicament.

La granda diferéncia es tanben la qualitat de la difusion numerica, es de granda factura a Marselha, mens bona a Kyiv, una causa que serà reglada al fial del desvolopament del sègle novèl ; mas i a tanben la factura de las cançons ; las cançons en ucraïnian dónan l'enveja de cantar, las cançons de Radio Star dona l'enveja de ...dormir o de préner de còca mas pas per dejunar.

Radio Star a un problèma de geografia, sembla una causa costumièra a Marselha. Aital vaquí la mapa, lo plein sud es lo tèma del FN-BM, lo sud tot cort es Radio Star :

La geografia dona una arrogança* identitària a Radio Star ; me sembla, se vòlon determinar par rapòrt a París, la santa capitala que preferís la musica nòrd-americana -o las cançons tècno sense paraula- que non pas una creacion dins las lengas de fRança, occitan de Provença comprès. Los « meilleurs » son del sud, mas coneisson pas la geografia que plaça Marselha sus la mapa, e la còpia parisenca es talament aisida que « meilleurs » es melhorament sobrevalorizat. Quand los Melhors concèrts son del meteis escantilh que la programacion, sembla qu'i a tanben un problèma de pedagogia que lo CSA i pensa quicòm ? E la lei sus la difusion d'òbras francesas sus Radio Star ?

Per las ràdios d'Ucraïna e Rússia, es l'ortografia en grafia romana que son diferentas (!), Shanson a Kyiv e Chanson a Moscó .... coma qué tot se sap pas plan quand se traversa los Alps e s'en va al delai.

Se las ràdios èran en Occitània, la causa seriá cançons, ràdio cançons, Imne / Cant / Cançon, cançon estent un diminutiu de cant, e imne una valorizacion politica del cant ... vesètz l'evolucion semantica en lenga occitana, e l'istoric d'aquela semantica devèm clara.

Lo concepte de Cançon, Chanson en francés, es de raiça occitana, nos arriba directament dels trobadors. aquela cultura a pastat lo continent europèu, e la santa capitala al nòrd de Marselha e que Radio Star vòl copiar, çaquelà se refusa de ne parlar quitament dins los libres de literatura, e alara devèm saber qu'es la primièra creacion cançonièra laïca (fòra religion) en Euròpa cristiana occidentala.

Podèm escriure que la deculturacion Radio Star vira l'esquina a la tradicion trobadoresca de Provença ? Es pas la granda fauta de l'estacion de Marselha, mas puslèu de la populacion qu'es pas avisada sens que d'ignorança culturala, de « sapiença » Éducation Nationale, e de sapiença lingüistica que mata lo biais de viure de Marselha, platafòrma de la podra blanca o de la musica de las màjors americanas de songs.

François Fillon, lo titanic politic de la dreita nacionalista

La dreita nacionalista francesa, Les Républicains and compagnie, (los que damòran dins lo Titanic politic jacobin francés), doman se passejaràn al Trovadero, dins la santa capitala Paris del jacobinisme. Es patetic o a plegar de rire. Aquí dins aquel bilhet podrètz trobar rasons per ne rire un pauc.

Vesèm los militants elegits qu'an popat a la sopa del jacobinisme s'inquietar, mas de qué ? Benlèu que son tròp professionals de la politica partidocrata jacobina e veson arribar la sortida ? Aital l'UDI ... que de Paris pensa per l'UDI en region, e l'UDI en region pensa aver un pès politic a Paris, paures elegits occitans de l'UDI ! Els qu'an pas encara comprès que Paris, lo Paris d'un François Fi(ll)on (fau respectar la prononciacion de la Santa Sarthe, del patois de Sablé) se trufa d'els ! e dels pòbles de fRança ... donc d'Occitània.

Aital sabi pus coma illustrar l'afar puèi una exposicion a Canal Sud m'ajuda :

Sèm dimenge al Trocadero, son arribats per ; per far qué justament ? .... Lo mai integrista dels candidats a la candidatura me confirma lo parallèl, Jèsus Crist es lo novèl François Fi(ll)on :

E quand legissèm lo bilhet FB del militant d'Auvernhe e qu'ajuda los jacobins de melhorar lo centralisme, sèm plan en accòrd, L'Estrosi de la Comtea annexada de Niça, sap plan enterrar lo sant candidat de la novèla inquisicion jacobina, François Fi(ll)on, lo castelan de la Sarthe, e plegar l'esquina fàcia al poder parisenc, al jacobinisme que sembla al poder de Putin quand annexa la Crimèa, e nega l'existéncia d'Ucraïna.

L'integrisme catolic aviá un candidat segur, l'inquisicion ultra-catolica èra a punt de tornar nàisser gràcia al candidat François Fi(ll)on, e « Los RepubliCans » que semblan pas unes gropetons de cans/gos/chens quand lo mandran tòrna dins la bòrda. Mas la dreita francesa a oblidat que las idèas son pus limitadas al contra-ròtle jacobin e republican francés, donc en Occitània se pensa, e l'ultra-caolicisme es pas la pensada d'Occitània, quand se sap un briconet l'istòria d'Occitània, mas dins la Sarthe aquela istòria es simplament enterrada tanben.

Vos ai prometut de rire, mas Felipe Poton, de Blancahòrt (Occitània de l'Oèst) nos dona lo tristum ; desolat podrai pas far melhor pel moment, mas fau esperar lo tròç comic qu'aurèm en vrespada al Trocadero. Fau explicar que Poton es un baisé en francés ? Felipe Poton dona lo poton al defuntat de la dreita nacionalista francesa, la paradòxa es que zo dona sus la cadena la mai plega-esquina del panoramà TNT de fRança. Es la fin del regime ?

Gràcia als campions politics Marine Le Pen e François Fi(ll)on sèm a la fin del jacobinisme, non, a la fin de la Vena republica, benlèu, mas res es segur ; las resorgas de messorgas politicas son grandas a París. 

Es la fin de la caissa a Jacob ? E lo FN la vòl gardar, EDR !

-°-

Especial per Cristian Estrosi, lo plega-esquina de la Comtea de Niça, aprèp l'annexion de Napoleon III que sembla fòrça a l'annexion de Putin en Crimèa.

 Lo ligam es aquí.

Eleccions en Irlanda del nòrd e democracia

S'acaba d'aver la resulta de las eleccions en Irlanda (Belfast) - Ulster costat Reialme-Unit ; la granda susprèsa es arribada d'un movement ciutadan, un crocodil verd, e de la quasi-victòria o pujada del Sinn Féin. Los partits unionistas sempre valorizats pels mèdias de London, an perdut o ges ganhat en sièti ; es la primièra resulta del BREXIT votat a London pels Angleses.

 

 Lo Sinn Féin es l'equivalent del Parti de Gauche mas bravament mens jacobin, bravament !

Aquela resulta frena la creacion d'una administracion ambe una governança politica clara ; çò de segur los unionistas an perdut siètis. Son aqueles que refusavan l'ensenhament del gaelic dins totas las escòlas de l'Irlanda del nòrd, coma totes los partits jacobins e franceses en Occitània.

Per aquesta rason d'abséncia de majoritat clara, jà lo FT (Financial Times) explica que London risca de tornar préner las mans del poder (un pauc devath l'occupacion militara d'un còp èra, del temps fosc d'una liberala modèl Trump, Margaret). Quand lo pòble (d'Irlanda a Belfast) vòta mal, lo colonialista tòrna, e tòrna amb la sampiternela idèa : son mai nombroses e donc an rason de s'imposar dins las colonias d'oltra-mar d'Irlanda ; Nicolas Sarkozy nos aviá explicat que caliá tornar fargar un tractat europèu quand per un referèndum, lo pòble dels electors aviá votat NON alara que las elitas jacobinas parisencas explicavan que caliá votar ÒC.

Sèm donc en Irlanda, sense accòrd de governança, dins la meteissa situacion.E l'Irlanda i jòga son unitat contra las visions colonialistas de London, e dels collaboradors al sistèma imperial dedins l'Irlanda del nòrd.

En Espanha, es lo poder central que frena a la dubertura d'un referèndum per saber l'independéncia dels Catalans ; aquò lenteja que lentejarà.

Tres Estats pòst-colonials, mas las manièras colonialistas damòran contra la democracia, aqueles tres son Reialme-unit, Espanha e fRança.

 Ambe la corsa a la lenga gaelica en Irlanda, i a pus de frontièra d'Estat.

_°_

Vist d'Escòcia ...

lo colonialisme anglés es grand e dins totes los camps politics londonians.

Nostrum, minjar a la catalana arriba a Tolosa

Dins ACTU-TOULOUSE (Actualitat a Tolosa) ai vist una "article" sus aquela arribada ; me sembla important en se, mas de qué s'i minja ?

Lo platèu a miègjorn (aula plena) me costèt 11€50, vin comprès ; al prèp del capitòli de Tolosa, es lo menú lo mai balançat e lo mens car. Ai près una sopa (magnifica, car raríssim dins la restauracion a Tolosa), un fideua (especialitat catalana plan famosa), un iaort modèl catalan e... un vin de Torres (lo productor mondializat de Lhèida, de bona qualitat pel prètz). Per minjar tot aquò es un pauc complicat e l'espaci fauta, i son clients que dintran e que son un pauc perturbats, perqué i son clients que sortiscan sul meteis luòc (la faciada per la botiga ajuda pas a organizar d'un autre biais), de mai per pagar fau tanben passar ont van los que pagan e s'en van, donc lo va-e-ven fabrica una dificultat per minjar tranquil ; puèi aprèp quand sès a taula cap problèma, tot es tranquil e podètz charrar ambe los clients.

I podrà en francés trobar las originas de la tortilla espanhòla ! Fauta una signaletica occitana (que sembla talament a la catalana ! perqué o faguèron pas ? La question la pausi aquí e la podètz transmetre). Extra : i a una estudianta d'espanhòl que visiblament èra aquí perqué èra Espanha ... Se vei aital que l'ensenhament de lk'esqpanhòl en fRança se fabrica coma del temps de Franco ! La pancarda que signala la tortilla espanhòla, explica çaquelà la guèrra carlista en Euskadi e aquela pascada trobada per far minjar las tropas que fan la guèrra. Aquela guèrra carlista que faguèt venir la corrida en Occitània, e trobar un mercat suplementari als païsans que fasián las vacas per las corsas landesas e camarguesas. L'arribada dels Bascos, o dels Catalans (e Aragoneses) a agut sempre una consequéncia positiva (en economia) per la vida en Occitània, mas sempre los Occitans an pas jamai sabut valorizar aiçò cotria ambe la lenga occitana, la lenga clau ambe aquelas populacions.

Mas tornèm a la botiga, Nostrum carrièra Remusat a Tolosa ; una polida carrièra de comèrci tolzan.

L'organizacion de la botiga, restaurant ràpid, s'organiza per poder emportar lo tot, mas i ai minjat a la taula comuna ; una « inovacion » (vièlha e oblidada) qu'ai trobat sonque a Victor Hugo en çò de Louchebem. A Tolosa, los restaurants fan una prepausicion de taula coma d'encontre d'afar dins las grandas fièras de comèrci (ex:VINEXPO o Millesim Bio), alara que la convivialitat occitana (e catalana donc) crida per aquel tipe de prepausicion, la taula comuna per parlar, platussar e bastir amassa (e pas sonque dins los partits politics franceses, aqueles qu'avèm en carrièra).Totes los plats se pòdon importar al burèu, coma per exemple dins los burèus de la comuna tota a proximitat de Nostrum. Lo personal de la comuna podrà aital saber mai sus la cultura catalana e aital evitar dins l'avenidor, d'estupiditats coma « Les Ramblas » que s'afícan a l'entrada de las alaèis Jean Jaurès (veire bilhet precedent).

La botiga es prèp del capitòli dins la carrièra que per s'i installar es la mai cara de la vila mondina ; donc la rendabilitat de la botiga Nostrum serà de gaitar e segurament fragila ; veirèm aquò dins quatre annadas ; mas abans totes los Occitans son convidat a i passar per trobar benlèu l'afar pauc adaptat, mas d'una inovacion vièlha que faudrà tornar trobar. Nostrum es tanben lo forn micrò-onda, d'unes li agrada pas, son ecologistas. Mas basta, anatz-i e veirètz s'aquò pòt donar idèas d'occitanizacion tolzana !

Aprèp la botiga Vicens carrièra del Taure, lo restaurant ràpid Nostrum es en vila ; la catalanitat de la vila de Tolosa s'afirma encara un còp gràcia a la catalanitat del trading dels Catalans de Lhèida, l'espaci politic que se trapa a mantunes km de l'occitana Val d'Aran ; per Nostrum coma per Vicens es essencial èstre a Tolosa, car es tanben la capitala per la Val d'Aran.

Se fau pausar la question : aquela qualitat catalana, perqué los Occitans de Tolosa la presentan pas en matièra de pensada sul comèrci modèrne ?

Lagasnerie : dins un monde maissant

Geoffroy de Lagasnerie aurà agut la meteissa escasença qu'en Cornelius Castoriadis, me despertar al mièg de la nuèit ambe las causas qu'explicava a l'antena d'una estacion d'Estat, programa de radio parisenca. E ne soi estat grandament satisfait.

farai un bilhet per un libre en francés ! Vesètz que l'enbarrament es plan la societat francesa ; avètz jà vist un bilhet de literatura per una causa editada en occitan dins un programa de TV de lenga francesa ?

Quand se fabrica publica la cultura se farga un acte politic, assegura lo jove sociològue e filosòfe parisenc ; aquel regionalisme de la pensada parisenca m'agrada. Vertat que la pensada parisenca es sistematicament regionalista, perqué ? De diversitat ne veson sense qu'al pè de la vièlha paret de la santa capitala (a la sortida de periferic), dins la dita banlèga, lo regropament de populacions de totas las migracions pòst-colonialas republicanas francesas.

 

E quand lo monde exterior farga una praxis, una sapiença collectiva e escolastica, d'enbarrament sus se, que aital frena la circulacion d'una pensada diferenciada, la causa de la collectivitat dèu èstre desfugida per bastir una autonomia de la pensada - confirma lo jove filosòfe-sociològue francés. Encara una causa que l'occitanisme farga cada jorn sense res demandar a Paris (dempuèi las annadas 1950), e que Paris, en li refusar la preséncia fòrta e digna de la lenga dins las universitats o dins la vida viventa de la societat sancièra, assegura per la pensada occitana l'obligacion d'èstre autonòma dins una societat òrra (sempre nacionalista francesa) per poder normalament pensar coma Occitan, e non pas sotmetut a la pensada republicana e d'universitats, o de l'edicion academica francesa.

Es una responsa clara a totes los universitaris de l'escòlas francesas que fan d'ensenhament de l'occitan e qu'assegúran que fau pas far de politica ! Me sembla qu'es donc una legida obligatòria per totes los estudiants per l'ensenhament de l'occitan.

Mai o mens traparètz lo bilhet oral disponible sul site de Ràdio Lenga d'Òc de Montpelhièr. 

exposicion a Canal Sud

La pinacotheca expausa a Canal Sud. Ne sois sortit susprès per la prepausicion, benlèu qu'agradarà pas a totes nimai a totas, mas es una prepausicion que bolega l'esperit. 

Ai retengut tres prepausicions :
1 / la credença

 2 / lo minjar de la carn sistemica dins la societat tolzana, sovent d'importacion dins los restaurants

 3 / de quina cara donèm a veire als autres, vida en societat e manipulacion de l'imatge de la cara.

Es una exposicion que questiona sus l'èstre, sus las credenças e la filosofia de la consomacion de massa.

L'exposicion es dins l'entrada d'aquela ràdio associativa tolzana (Canal Sud), prèp del palatz de justícia de Tolosa, dins una carrièra quasiment perpendiculara a las alèias Jules Guesde. 

Mentre se debana aiçò (creacion modèrna a canal Sud), las òbras ancianas de Tolosa son enterradas per la municipalitat Les Républicains de Tolosa.  E la polemica frenarà la còlha dels tureferaris de la coneisséncia occitana e tolzana ?

Radio Planèta Occitània tòrna mai viva

Ràdio Planèta Occitània es una volontat d'un militant qu'a accumulat disques vièlhs d'Occitània, e que los a numerizats per los difusir. Aital es nascut Radio Planèta Occitània. Es un trabalh fòl ! Es un trabalh çaquelà que la musica de l'Òlt-e-Garona -ACPA al cap- refusa de pensar coma interessant. E çaquelà amerita un sosten militant, associatiu, e podèm pantaissar politic...

Cadunas de las ràdios occitanas per Internet an una especialitat, volontariament o pas ; Ràdio Planèta Occitània es la difusion de la discografia de las annadas 1970/80/90 mas i a pas cap interdiccion de difusion dels disques novèls ; aital i a confrontacion al fial de la difusion de las creacions ancianas e las creacions novèlas ; se veire aital una evolucion o una granda perseguida del combat discografic occitan ; dels gropes musicals que fan la vision occitana de la musica sus aquela planèta.

L'existéncia d'aquelas ràdios per Internet dona aital al clar l'abséncia d'un programa tipe RF per las creacions occitana ; Ràdio Planèta Occitània difusa çò que Radio France Bleu dins las regions occitana refusa de far.

Car basta pas de saber çò que son las meravilhas de l'oltra-mar o d'Africa, alara que l'abséncia de difusion radiofonica de las creacions occitanas (sul continent europèu) es la règla que las ditas radios d'Estat (francés, publica o privada) se refúsan de far dempuèi mai de 50 ans. Ara sabèm aital que los gropes occitans fan musicas e cançons d'exportacion sense passar per la santa capitala.