Escriure sobre la Catalonha es dificile, comparèm…

Ai sempre agut un problèma ambe los articles del jornal centralista e bonapartista d’esquèrra Le Monde. Aital encara l’article publicat dempuèi Madrid presenta las eleccions passadas (ai pas trapat d’autres jornals que ne parlávan dins las redaccions regional-expansionistas francesas) en Catalonha, seriá sonque una question per Zapatero (?) ; lo jornal Le Monde pròba al mens son avuglament idealista d’esquèrra, d’esquèrra centralista e antidemocratica, republicanista e jacobina, mélenchionista per tot dire.

Sempre ai donat aquò perqué las redaccions se fasián dempuèi Madrid, la distrocion de la distància, lo climat continental de Madrid oposat al climat miègterranenc de Barcelona, lo TGV qu’es jà arribat a Madrid dempuèi Sevilla, etc., benlèu tot aiçò ? E ben non …. La Libre Belgique pròba que podèm escriure correctament dempuèi Madrid sobre las eleccions catalanas passadas. Per contrapunt podèm aital assegurar que los Catalans e las Catalanas lors dónan botons als Parisencs e las Parisencas, als Franchimands qu’an una torre Eiffel dins lo cuol… e sobretot, sembla, a la casta dels jornalistas franchimands.

Alara aprèp la legida d’aiçò, podètz confirmar ambe l’article de La Libre, del jornalista madrilenc e francofòn que se pòt escriure causas bonas dempuèi Madrid, çaquelà. Es cort e precís.

A Tolosa, que soi, pòdi crompar la premsa belga, mas pas la premsa francofòna d’Occitània o de Confederacion Helvetica, pòdi pas crompar pas Nice-Matin, La Provence, La Marseillaise, L’Hérault-Le-Jour, Centre-Presse, Le-Progrès, Le-Dauphiné, Vaucluse-Matin, La-Montagne, Le-Populaire, L’Échos, Sud-Ouest, La-Dordogne-Libre, La-République-de-Pyrénées, Le-Petit-Bleu, Midi-Libre, o L’Indépendant, nimai Le Temps o La TdG ; alara se los avètz, mandatz-me lo per comparar, tanben lo trabalh jornalistic coma l’ai fait ambe La Libre Belgique. I a pas agut d’articles dins Le Soir.

Sèm lo 1er de decembre es una jornada contra lo SIDA, e dirèm als amics e las amigas jornalistas Torre-Eiffel-dins-lo-cuol que la primièra lei pels coplas omosexuals es estada votada per una majoritat CiU, abans l’arribada del tripartit, la santa esquèrra per Le Monde. Es per dire que la redaccion de la premsa nacionalista francesa me damora sobre suls dets coma unes pès politics qu’ai plan installat aquí sul bilhet per determinar l’actitud de la redaccion de Le Monde (e mai d’autras a París, coma Libération o Le Nouvel Obs per exemple), dessenh qu’ai agut de transformar un pauc…

A prepaus de Nació Digital, qu’es un dels portalhs que prepausa d’informacions sobre l’actualitat de Catalonha, podèm conselhar aqueste maitin, ElSingularDigital.

E coma soi pas dels que díson pas coma se pòt capvirar un dessenh umoristic, vaquí lo dessenh umoristic de Le Monde, sobre l’afar UDC en Confederacion Helvetica, serà per recordar que MarsActu.fr aviá confondut dins un article l’UDC e la CDC… Qué dire de la premsa francofòna qu’a una torre Eiffel dins lo cuol ?