L’integrisme es pas simplament l’expression d’un islamisme, es tanben una expression del cristianisme latin (Chile, Argentina, Peró, Mèxic, etc.), o de l’integrisme protestant als Estats-Units d’America del Nòrd. Aquò se mesura al nivèl de respecte de las femnas, se respecta pas las femnas en los amagar.
Los ecclesials fan tanben de masclisme e de repressions contra l’expression feminina, aital totas las religions an una perversion anti-umana, contra lo gènre feminin.
Ecclesiàs = los capelans, los curats, los prèires, los muslins, los rabins, etc., e son organizacions, sovent e sempre masclistas, ambe un estelum de femnas per acreditat la dubertura d’esperit, una ipecrisia masclista e religiosa.
La religion es pas la fe, e la religion es l’expression d’una fe, per mantunes ajuda a trapar un camin de la fe, una version, un biais de pensar ; la religion pausa problèmas per çò que concernís la libertat de las femnas. Me sembla que, ara, cal tornar explicar la significacion de re-li-gion, re = poder, region = espaci de poder, religar (en occitan coma en latin es l’accion de ligar A ambe B, aital se pòt religar Nòva Yòrk ambe Le Havre, o las paginas d’un libre), la religion es l’administracion d’un espaci de poder, administrar es religar en comunautat una populacion, un pòble, una nacion.
Per Occitània avèm jamai agut d’ecclesià per religar la nacion, levat aquesta que aguèt de suportar la primièra inquisicion, papisto-franca.
Quora un ecclesià pren lo poder administratiu dins una region, i a confusion entre la gestion d’un espaci de poder, sa populacion e la fe d’aquesta populacion ; es l’error catolica dins los Estats reials d’abans la revolucion francesa, en França mai que tot ; es tanben l’error de la faiçon musulmana de veire la gestion dels Estats ambe monopòli religion islamic. L’integrisme religion es tanben desvolopat dins d’estats diches protestants ; tot monopòli religion dins un Estat es un problèma de societat, per la democràcia en general.
E vesi pas una sola religion qu’aguèsse donat un ròtle del meteis nivèl que pels òmes, a las femnas.
Cal remarcar simplament que las femnas en sistèma cristian o pòst-cristian, an lo dreit de protestacion, çò que lo sistèma islamic prepausa ges, ben al contrari, e es pas simplament un sistèma iranian qu’es de criticar. Se caldrà recordar que dins la partida la mai violenta de la revolucion francesa, al moment que se debuta la manipulacion nacionalista francesa (en mesclar ciutadnetat e nacionalitat) qu’Olympe de Gouges es estada guilhotinada.
Aqueste bilhet serà in memoriam de la libertat de las femnas, un ideal que pòt èstre un element de la civilizacion occitana, pas sempre respectat çaquelà.
Lo modèl francés republican, sobre aqueste tèma, se podrà recordar qu’a donat lo dreit de vòt, d’eleccion, una partida de la democràcia, a las femnas sonque en 1945…
Es que per una Occitània modèrna devèm seguir lo modèl francés : NON, car es un integrisme pòst-masclista, pòst-religion-d’Estat.
Es estranh que las femnas son tanben aquestas qu’auràn abandonat primièr la lenga en Occitània, per rason de succès supausat pels filhs, devenir foncionari d’Estat per exemple, o militar, o regent, o enarc. L’illusion republicana a manipulat las femnas per bastir una societat que respectava pas la transmission lingüistica, nimai la nocion d’egalitat (avètz remarcat l’imposicion de las listas a paritat, mas tanben aurètz de remarcar las candidaturas quasiment sonque mascles per las senatorialas o las cantonalas de 2011, en Occitània coma en França).
Aital pensi que lo nivèl de respecte dels dreits a l’egalitat passa per l’egalitat entre los gènres, mai tanben d’egalitat d’emplec de las lengas, dins los territòris que son parladas o que son estadas parladas per téner compte de la repression lingüistica republicana. La repression fabrica una egalitat, per l’afichatge politic, una ipocrisia francesa de sempre.
Al moment qu’un sistèma es feble, sovent las femnas refúsan d’i prendre lo poder ; aital, dins l’occitanisme, pauc son estadas las femnas qu’an portat lo messatge, d’i portar una pensada autonòma e feminina. Perqué ? Avètz benlèu la responsa, digatz-me zo. I a agut un president de l’Institut d’Estudis Occitans designada per una femna, o del felibrige ? Jamai. Calandreta, PÒc, PNO, Libertat, l’ancian SOE, jamai una femna es arribada al cap.
Se pausa a son arribada al cap, de quina faiçon diferenta podriá governar ? Es una question universala.
Fasètz lo torn de la vòstra environa, per saber quina son las femnas que govèrnan ambe las votacions masclas… dins l’Estat francés, modelic, sembla que l’integrisme masclista fosquèsse la règla. Occitània despertada podriá aver un esquèma politic diferent ? Se Òc, ne cal la pròba.
Cap comentari:
Publica un comentari a l'entrada