Lo jornal ‘esportiu’ local pel 1er de genièr de 2011

Es clar que podèm qu’assegurar un grand avenidor als esportius (majoritariament mascles), e que, alara, los estudiants tolzans pòdon abandonar los estudis e abondar a al pòl emplec, vist lo nivèl de formacion dels professors, e sobretot al bais nivèl de coneissença de la vertadièra vida exteriora als bastiments, en defòra de las estadisticas e las matermaticas financièras.

Aital entendi pas que los professors de Toulous’ 1 fosquèssen tant fòrt per parlar anglés per adralhar d’aver 2 tesards d’Havard en corses… sense rire, sense rire se trúfan dels estudiants occitans, quitament se párlan francés. Aquesta universitat s’èra jà fait remarcar per una elegida del conselh municipal de Tolosa qu’a tractat l’occitan de patois. Es encara una universitat que serà prezada pels elitas politicas tolzanas ; tot va plan dins lo melhor del monde, mas… dins lo lor monde redusit.

Donc, i a una confirmacion ambe l’article legit dins la DDM d’aqueste dissabte passat, val melhor anar pas a Toulous’ 1 per aumentar sa sapiença personala e per aver diplòmas. Val melhor anar als estadis (s’as una autò, car pels transpòrts collectius… serà per un autre sègle, veire bilhet següent), mas cal pas desconar dabans los fenestrons çaquelà ; cal sudar, e òc ! Aiçò que l’an benlèu pas entendut a la DDM.

Los esportius ben pagats es una causa que mesurèm pas l’interès pels banquièrs. Es una gestion leugièra dels comptes, sense aver de presentar las eventualas nòtas de las facturas, e aprèp un pialòt de non-risques per desvolopar d’entrepresas que las identitats se limitaràn a mantunes numeroses famoses, 64 per exemple.

Los esportius, las bancas e la creacion d’entrepresas es lo conservatisme assegurat, aiçò qu’agrada als sistèmas, aquí sábon prestar del tot al tot. Per un esportiu es una granda chança, pels estudiants de damorar al país, es mens gloriós. La creativitat dels diplomats es puslèu una causa que risca dins lo ment dels banquièrs, e del sistèma. Un rospetaire es un banquièr que li agrada l’espòrt ; es pas complicat d’entendre e risca res per l’avenidor, mas rospeta dins las colomnas del jornal a prepaus del darrièr partit de rugbí o fótbol.

Donc, lo subjecte serà tractat dins lo jornal ‘esportiu’ tolzan. Tot va plan dins lo melhor del monde conservatista (de dreita o d’esquèrra).

pareis qu’i a un esportiu famós qu’a demandat de sortir l’argent de las bancas per reglar lo problèma ; es una confirmacion que l’abséncia de sapiença sul foncionament de las finanças, abséncia de sejorn a Toulous’1 benlèu ?

Que pensatz de l’idèa : embarrar los esportius tolzans dins Toulous’1 per capitar una revolucion politica a Tolosa ?

1 / règla lo problèma del finançament de l’universitat e del esponsorat entreprenarial e de sa recèrca.

2 / ajudarà las professoras a melhor saber çò qu’es lo pòble, del suportèrs al jogaires, çò qu’es la lenga d’un pòble…sense populisme.

3 / estauvi d’espaci, mens d’estadis, mens de desplaçaments destimborlats a Tolosa lo dissabte pels entrainaments, e mai d’aulas emplenadas dins l’universitat, emplegar los verds pradetons de l’universitat per d’objectes esportius utiles.

4 / installar un burèu de la DDM, mai prèp del centre, prèp de la realitat, e mens a manjar èrbas vèrdas a Pradeta, puèi prendre l’autò per fugir lo mai luènh possible de Tolosa, al ser e en dimenjada.

Que pensatz de l’idèa ?