Contra la violéncia dels Estats, per la patz entre los pòbles

Acabi de legir l’article de Sud-Ouest a prepaus de la patz de las armas d’ETA ; sembla que la patz passiona mai a Bordèu qu’a Tolosa, la DDM prepausa èla la guèrra lingüistica dins sas colomnas… Vos espantarà quora lo legitimisme fabrica Tolosa ? Legitimisme per un Estat violent e militarista francés.

Es que cal damorar mut ? Es que cal pas sempre demandar la patz entre los pòbles ? Es que cal dire que los Estats fabrícan tanben la violéncia, zo vesèm ambe una certana partidocràcia estanisiana, aont los conservadors fabrícan la violéncia, mas pas sonque ailà.

Dins l’article de la DDM sobre los panèls de Vilanòva de Magalona ai sortit una volontat de creat afrontament lingüistic ; perqué parlar de «guèrra» dins lo títol ? quí vòl far jogar a las manifestacion un combat identitari alara que justament los diches nacionalistas provincialistas maurrasians identitaris i èran pas … Quí jòga ambe lo fuòc ? Quí vòl instrumentalizar o guidar un occitanisme cap a la violéncia ?

E la responsa de País Nòstre me sembla de plan multiplicar per far saber ont es lo costat patz dins las volontats de desvolopar los emplecs de las lengas. Sul comunicat, jamai publicat per la DDM, podrèm veire la question de l’origina de la «guèrra» o de la fabricacion de la guèrra, e de la vision de patz dels occitanismes, coma se, per la redaccion de la DDM, imposar lo francés unic èra una dimension de patz pel territòri del Midi… una vision chevènementista de las causas, segur.

Puèi arriba l’article de Sud-Ouest sobre la «patz de las armas» d’ETA, lo mot permanent es aital plaçat perqué ETA faguèt aiçò mantunes còps ; la «patz de las armas» es estat lo títol dels jornals e sites Internet catalan.

Al Sud-Oèst de París l’afar farà pas de bruch dins las redaccions parisencas, al Sud-Oèst de París, al Sud de Bordèu o Vitòria, al Sud de Tolosa o a Pampluna, se pensa que una minoritat pensa per la majoritat, agís per la majoritat (fabricada pel nacionalisme d’expansion parisenca o del pòst-franquisme per Espanha madrilenca e reiala), tal CACAO33 sobre los comentaris de Sud-Ouest, lo jornal del quai de Queyries, que las placas en occitan s’i espèran… coma abans 1450, abans l’arribada dels Francs en tèrra democratica d’Aquitània, per i installar lo sistèma francs e antidemocratic, potentat de las armas militaras asetat dins lo centralisme administratiu e armat. Car a Bordèu lo dreit comunal, los jurats e lor parlament (aquel que gerís lo sòld o budgecte personal del Duc e del compte del Ducat d’Aquitània, separats e clars que son faits per la patz e la guèrra), existís bravament abans Tolosa (1109). E serà pas la sola ciutat occitana que podrà mostrar a París la via democratica, tal l’a poscut escriure –en francés per s’adreiçar a la bona populacion concernida per l’aver pas en mans- Montaigne, Montesquieu o La Boétie, mai tanben Pierre Bayle.

@ l'atencion dels CACAO33
«L'évocation de la "grande majorité" ou de l'"immense majorité" suffirait alors à donner corps à l'affirmation des droits du nombre face à la volonté clairement particulière de régimes despotiques ou aristocratiques.» pagina 10
«Légitimité démocratique / impartialité, réflexivité, proximité» Pierre Rosanvallon, editat en 2008.
La democracia tal que la republica francesa la vòl es la dictatura de la majoritat, orquestrada per una parditocràcia parisenca o madrilenca (qu'es un reialme). Se cal pausar la territorialitat de las definicions d'un sondatge e tanben de l'espaci sobre que se fabrica una democracia, lo costat votacion, senon avèm una majoritat qu'impausa a la majoritat, dins la resulta electorala coma dins la resulta del sondatge.
Quora se parla basco o occitan, i a pas de democracia francesa, se escotam un Jean-Pierre Chevènement sobre France Culture aqueste maitin, perqué ? Per la "grandeur de la France" ... Quora entendi aquò, soi donc pas francés.
E alara pòdi entendre ETA.
Mas al endreit qu'entendi pas ETA, es que la via pacifica es estada presa pels Catalans dempuèi 1973, e vesèm que l'independentisme a un autre resson, una autra possibilitat d'aver un Estat novèl dins l'Euròpa occidentala ; aquò vòl pas dire que zo seràn del jorn a l'endeman... car èstre independent se fabrica pus per la violéncia, mas per l'argumentacion cap al pòble concernit, cap a la nacion concernida.

Aquí n’ai acabat ambe la dictatura planvesenta, tal que la pensa Alexandre Adler sobrer France Culture, la dictatura planvesenta francesa e republicana, laïca e gratuïta que pensa que la francizacion èra per una alfabetizacion. Son amic Jean-Pierre Chevènement podrà pas dire o escriure lo contrari… Lo bonapartisme es encara lo problèma europèu, en Espanha e en França.

Mas vos vòli informar tanben de la violéncia dels partits, los que son al poder de temps en temps, e que clarament vòlon pas que los pòbles lors faguèssen mancar per las eleccions venentas. Aquesta violéncia s’es tradusit per un eveniment recent al E.U.A.N. :

Car la violéncia dels Estats es jamai questionada pels Tribunaux Administratifs franchimands, a Montpelhièr o endacòm mai. E lo pès politic dels partits de govèrn dels Estats centralistas ne fa usança tanben, los militants ne son sovent lo braç armat sense zo saber, e alara las eleccions un pantonim de papièrs perduts.

Dins aquel contèxte lo libre qu’acaba de sortir L’Harmattan es esssencial per desvolopar una sapiença sobre las elitas parisencas e los afidats en Occitània, vòli parlar del libre d’Alem Surre-Garcia, «La Théocratie républicaine», atanplan de conselhar que lo libre de Pierre Rosanvallon.

Podèm tanben descriure la violéncia d’Estat (sul teatre occitan, suls individús al vielhum per poder o pas morir dignament,  o dins las familhas per poder pas causir la lenga dins l’escòla, per exemples) de faiçon umoristica, ambe una istòria còrsa (sortida del setmanièr Enbata, indispensable setmanari) :

Sahel tèrra de violéncia, mas per quí ?

L'actualitat a çaquelà ajustat un paragrafe suplementari al bilhet de uèi.

Al-Qaïda al Maghreb, es un novèl nom del GSPC, qu'èra el-tanben lo novèl nom del GIA. Quí manipula quí ; los servicis secrets franceses serián ges informats o malinformats, zo cal creire ! Los servicis secrets argerians serián ges informats, o ges informats per França … ne dobti.

Tot çò que fait AQMI (Al-Qaïda al Maghreb Islamic) es per consequéncia estranjament benlèu manipulat per l'Estat francés; alara, es bon de se questionar sobre la mesa en scèna de grand spectacle de terrorisme al Sahel que deuriá aprofieichar a Sarkozy e al sistèma violent l’«État français», es talament simpla d’ajudar al militarisme en França e a l’expression de son nacional-expansionisme republican o autre.

Se cal pausar questions tanben de las colors de la balas qu'an matat totes los victimes, ciutadans franceses o sordats sul terrenh ; caldrà una enquèsta independenta, zo cal pas demandar ni als deputats, ni als mèdias parisencs. Quí zo pausa ? Quí gausa dobtar del senariò prepausar dins los mèdias planvesents, coma la dictatura de l'Alexandre Adler, que deuriá pas tardar a cronicar per assegurar son sosten a l'armada francesa als politicians franceses que ne fan lo sosten uèlhs-clucs.

Una de las tòcas es de crear «l’union sacrée», per la «grandeur de la France», tal per totas las guèrras imperialistas, sobre las frontièras dichas naturalas per son administracion bonaparstista: tots plegats darrièr lo Sarko del jorn ? De la dreita a l'esquèrra, la solidaritat nacionalista es clara. Jean-Pierre Chevènement l'afirmava aqueste maitin. E i aurà mantunas redaccions tolzanas per acompanhar ? Òc.

Una autra tòca es benlèu de justificar una guèrra de mercat de l'Estat francés, lo colonialisme èra bastit per ajudar las entrepresas de las elitas francesas de panar las resorgas en Africa, tot mejan èra bon, tot aiçò seriá per assumir lo son ròtle de mercat-Estat-nacion pel compte d'AREVA e aital sortir la China del mercat african, e jogar un ròtle que los E.U.A.N. Pòdon pas jogar pertot, aital pensa los libertaris franceses : aquí. Mas aquí tanben, vist que cap tèxte dels parisencs es estat legit per donar un eventual comunicat d’AREVA a prepaus del tèma… Dobti qu’i aguèsse pas de ligam.

L'espectacle de terrorisme de l’AQMI aprofièicha, per dobte generalizat, donc a l'imperialisme francés, Sarkozy uèi ; perqué l'esquèrra francesa que se vòl nacional-ciutadana jòga amb aiçò ? Per agradar al sistèma militarista francés ? A la violéncia de l'Estat... ontologica.

Çaquelà cal donar d'exemple d'Estats que fan pas de la violéncia una esséncia per la sobrevida de l'Estat, vesèm la republica federala alemanda, tant criticada per Jean-Pierre Chevènement (un Estat militarista podrà desvolopar una ideologia que serà forçadament contra lo sistèma de patz bastit pels Alemands), o lo reialme neerlandés.