En 1939, quand l’armada francesa voliá encara combatre l’enemic germanic, Philippe Pétain èra pas aquí, l’idèa es vengut de bastir una usina a podra entre Santa-Liurada e Cassanuèlh ; sus 2000 ha, los païsans son estats expulsats, un proprietari a resistat dinca 1954, sense obténer justícia, la francesa s’es colcada ; un quadre de l’armada francesa es vengut seguit las òbras de l’usina a podra, la podrariá ; la primièra accion es estada de s’installar dins la maison del proprietari que resistava, èra granda. Li es estat degut d’aver una serviciala, lo reng de la casta dedins l’armada dita francesa, la primièra causa que li diguèt es : «aquí se parla pas patois», èrem en temps de guèrra, 1939, la «drôle de guerre», pas tant estranh çaquelà ; l’aristocracia francesa anava perdre la guèrra, e se calmar pendent un sègle.
Un sègle a passat mas l’aristocracia es damorada en plaça, mens vesedoira ; la domesticacion de la nacion occitana demandava una certana diplomacia fàcia al pòble ; pendent las vacanças en província per exemple, en Agenés, Peirigòrd o Bearn o sus la Còsta d’Azul, per exemple.
Un sègle pus tard, la diplomacia es pus l’ora de la casta al poder, dincals socialistas franceses :
Aquel que trapa que los salaris dels pichons son tròp elevats, coma lo MEDEF, aquel es ministre e lo seu ancian salari èra a la banca Rotthchild pron bèl, ont i aviá segur mens d’arrogança…
Qué devèm pensar d’aquela casta parisenca que se trufa de l’educacion que lo sistèma republican a donat al pichon pòble ? En li refusar d’ensenhar la lenga del pichon pòble ?
Ara es Escòcia, los socialistas o laboristas son del costat dels conservators e liberals per frenar l’independéncia d’Escòcia, un acte de democracia per un pòble.
Lo sistèma de dominacion d’una casta sus mantunas autras non se podrà pus amagar. Perqué votar socialista ?
-autra vision-
Cap comentari:
Publica un comentari a l'entrada