Lo nacionalisme francés o parisenc, d’expansion, o devèm veire cada jorn dins la vida del pòble occitan ; mas lo pòble occitan es talament pauc ensenhat per saber coma se presenta, que o vei pus.
Mas de temps en temps, o podèm veire, l’extrèma nacionalisme d’expansion parisenca, e sa collaboracion de dreita en Occitània (o d’esquèrra sense violéncia mas en mestrejar la manipulacion politica), s’afica sovent per sa violéncia, coma se lo pòble occitan aviá pas pro suportat aquela violéncia francesa e franca dins l’istòria.
Mas avèm sovent problèma per despertar una imatge, vist qu’aquel corrent politic es ajudat pel sistèma e de còps per foncionaris installats dins prefecturas, alara per los aver a la vista, se lor cal exportar la faciada ; e coma la societat occitana a après d’èstre pus violenta, dins las autras societats l’extrèma dreita francesa ajuda los qu’an los meteisses modèls politics per sobreviure, la violéncia (recenta expression francesa a Salses per exemple). L’ajuda en estiu 2014 se pòrta alara dins lo camp de Putin, per èstre clarament mediatizat e non pas a l’amagat ; es del camp d’aquel qu’a la debuta de la guèrra en Crimèa, jà los anarquistas de Tolosa fan signar peticions de sosten en fàcia de la mediatèca de Marengo, e d’aquel camp que mantunes sindicalistas, Marine Le Pen e Jean-Luc Mélenchon se son plaçats dins la solidaritat (segur coma la patz que revendicava Jean Jaurès!)…. Es d’aquel camp de la violéncia d’Estat, aquel qu’es expansionista, lo mai fòrt plan segur.
E donc es normal d’aver per FaceBook la fòto aquela.
«Vive la France !» es la frasa qu’entendèm sistematicament quora s’afica la bandièra de La Terreur.
Los nacionalismes d’extrèma-dreita francesa s’afícan clar e ciolents del costat de Putin, dels mercenaris que se sap pas quí paga ? Estonent per mercenaris (sabi compte a Mónego que van trabalhar !). Mas lèu aprenèm per la premsa de Moscòu (la sola e pichona liura) que los sordats son aqueles de la jova requisicion de l’Estat sonat Federacion Russa, es estonent de pensar que Putin o sapiguèsse pas. Escotatz aquò. E veirètz qu’i a pas cap de dobte, es una guèrra dels imperialismes vièlhs europèus per destrusir un Estat novèla e democratic, liure, Ucraïna. La causa es clara, e podrèm pus far illusion en acceptar los Identitaires dins totas las manifestacions en Occitània, o Catalonha, o Bretanha, o Savòia o Alsàcia.
Pels sordats russes «envacanças» de la Federacion de Russia son estats enfin anonciats coma mòrts… e las familhas o sábon jà plan abans l’anóncia mediatizada ! E sábon que la guèrra en Ucraïna n’en volián pas. Las vacanças son matadoiras en Russia pels sordats, Sotchi las platjas son voidas e los sordats son pas mòrts sus aquelas platjas ; la federacion de las illusions democraticas pòst-sovieticas se fabrica manipulacions mediaticas qu’ajúdan los sants inocents nacionalistas franceses a téner una solidaritat ambe lo diable que respecta pas lo dreit internacional. L’illusion de l’impèri rus sul modèl qu’agrada a la glèisa russa.
Lo contrari es pels mercenaris de l’Extrèma nacionalisme francés, son volontaris e pagats per quí ? Quí m’explicarà qu’es sonque l’ideologia extremista que los fa minjar ? Un sindicalista en Occitània ?
Un d’aqueles sordats en fòtos sul document d’illustracion, es un personatge politic plan conegut a Tolosa, per non estimar positivament los Europèus, estudiants en lengas, que son venguts sosténer la manifestacion per la lenga occitana ; aquel Identitaire se revendica d’extrèma-dreita francesa, o o faguèt tanben d’aquel temps. Es talament sulfurós que La Voix Du Midi a daissat sonque 2 oras lo seu CV. L’ai a posite que los que o vòlon e lo podrai completar aprèp tota demanda.
L’extrèma-dreita francesa s’afica al costat de l’expansionisme ortodòxe russe ; es normal non ? Quí i traparà pas no comment ?
Se cal remembrà l’extrèma-dreita sosténer los Sèrbes en 1914 e a la fin del meteis sègle, en companhiá sistematicament dels poders jacobins franceses. Se caldrà remembràs lo sistematic sosten del sistèma imperialista pels comunistas en Argèria, abans 1962, o de sisténer l’ex-URSS dinca la fin o quasiment. Se caldrà plan integrar dins lo vocabulari occitanista, del legitimisme classic republican francés, una violéncia contra Occitània, quitament a l’internacional.
E l’extrèma-dreita vòl destrusir l’Union Europèa, e frenar l’independéncia d’Escòcia, coma totes los partesans del legitimisme jacobin francés.
Conclusion èstre pel Yes Scotland es èstre per la democracia, contra los extremismes dels vièlhs expansionismes europèus (angleses, franceses, russes, alemands, italians, espanhòls, o turques)
L’extrèma-dreita es tanben al poder a Madrid, e donc non vòlon un referèndum per Catalonha ; la logica es la mesma, lo legitimisme al sistèma en plaça, pauc impòrta aquel sistèma. E son solidaris amassa, de l’extrèma-dreita a l’extrèma-esquèrra, dins lo meteis replegament del monilh politic concernit.
Cap comentari:
Publica un comentari a l'entrada