Primièra partida de las entrevistas de Les, Aran Occitània

Avèm donc entrevistat aprèp la reünion de Les (Aran, Occitània), reünion qu'aviá per tòca de debutar lo debat public en Aran per çò que concernís lo referèndum del 1er d'octobre 2017.

Elimio Medan, cònsol màger de Les, convidava en nom del Conselh Munipal, dins l'aula de actes de la vila ; per el, es causa normala que lo referèndum posquèsse portar a discutir en Aran. Aital la prepausicion d'organizar la reünion primièra a Les, a questionat lo Conselh Municipal, que l'a acceptat, e los organizadors Cercle d'Ahrairament Occitanò-Ccatalan e Construïm (associacions ciutadanas de Catalonha e Aran), an poscut convidar a la charradissa politica.

« Aran dèu participar a la campanha », es estat lo tèma principal de l'aplec politic, e ciutadan ; Aran coma a pòble dèu portar pèira a la novèla republica qu'es de nàisser aprèp lo 1er d'octobre, se lo Sí/Òc ganha lo referèndum ; mas la campanha serà per portar idèas pel novèl projecte legal pel Principat de Catalonha.

Àlex Moga, coma assessor de govèrn del principat de Catalonha, portava la votz aranesa del president Puigdemont, e tanben una votz aranesa per valorizar la campanha e lo dialògue pendent la campanha que debuta.

Mirèia Boya, coma deputada e ciutadana de Les (Aran, Occitània), portava la votz del Parlament de Catalonha, e de sa majoritat ; ela coma deputada del grope independent, mas sobretot coma deputada que representa Aran al Parlament de Catalonha.

Las tres entrevistas son estadas enregistradas tanben per Aran TV, mas la difusion sancièra serà sonque per Democracia per Occitània e You Tube.

Totas las entrevistas an demandat temps de fabricacion, lo volontariat es una mena de solidaritat ambe l'Occitània pichona (Aran) per desvolopar una democracia ciutadana bèla en Aran, volontat dels occitanistas de l'autre bòrd dels Estats madrilenc e parisenc. 

Mercés de notar totas las referéncias d'origina dels documents audiòs se los volètz emplegar. Ben coralament, JD e JPCdC. 

D'autras vídeos son a trabalhar aprèp aquela reünion de Les (Aran, Occitània), seràn tanben publicadas per participar plenament a la campanha del referèndum del 1er d'octobre en Catalonha e Aran, Principat de Catalonha.