"Noste Pan" una operacion bearnesa, e a Tolosa ?

Quand ai vist l'operacion "Noste Pan" de Bearn, l'ai sul pic mandat a mon panissièr local, es bigordan mas de l'avenguda de la Glòria a Tolosa, e ont lo pan es pensat per èstre promòugut segon la tradicion occitana, en ligason ambe l'idèa de transmission del saber-far tolzan.

Sembla qu'una operacion "Noste Pan" l'interessa, el e son sindicat o coorporacion de panissièrs tolzans.  Sembla normal ; l'operacion de Bearn es estada montada ambe la cambra d'agricultura de Bearn...

E coma se dèu, la coorporacion dels panissièrs tolzans an pensat que la novèla municipalitat que deviá èstre melhora que la precedenta sul tèma del comèrci local, deviá donc èstre encontrat.

Calguèt plan de temps per aver un encontre ... sembla qu'es un sistèma politic, far esperar los qu'an quicòm de prepausar ambe la novèla majoritat de Tolosa (l'anciana èra pas melhor).

Donc lo cargat del comèrci Jean-Jacques Bolzan, enfin lo cargat de promocion de las animacions parisencas en província e donc a Tolosa, es estat contactat. Lo meu panissièr èra de l'encontre ; me diguèt a prepaus de l'encontre : «-bof» çò que vòli tradusir per  «son pas melhors que los precedents, i a res d'esperar coma ajuda».

Lo cargat del comèrci de la comuna a per tòca, qué ? Copar los rubans d'inauguracion de manifestacions parisencas a Tolosa, o desvolopar lo comèrci local ? Ara sembla que desvolopar lo copa-ruban rapòrta, es devengut conselhièr regional e president de l'UDI... lo copa-ruban rapòrta melhor que lo real trabalh municipal pels botiguièrs de la vila. Lo cumul dels mandat es una malautiá que trapar parallèl dins la fauta d'eficacetat de l'elegit, mas quand èra sonque conselhièr municipal, sembla qu'èra pas mai eficaç, levat per copar rubans tricolorats.

Nos podèm ara questionar sus la politica de l'UDI per desvolopar una politica economica locala tolzana (e lo comentari es pas sonque de me, l'ai comprovat ambe d'autres militants de l'UDI). Amb un president UDI d'aquel escantilh, de qué esperar ?

Dins los escambis tolzans de Jean-Michel Lattes (UDI tanben) vesèm tanben la basa politica de l'UDI :

 

Pauc a pauc, l'esquèrra se pausa la question perqué se vòta al centre-dreit, enluòc d'els que « son talament republicans, pragmatics, eficaçes e magnifics».

Pauc a pauc, lo centra-dreit se pausa la question perqué se vòta a l'extrèma-dreita, enluòc d'els que «son talament republicans, tolzans, umanistas e magnifics».

Pauc a pauc, pauques se pensan que l'abstencion trapa una reala sorga aquí ; dins la malautiá del tòca-maneta o copa-ruban dels politicians installats pel sistèma jacobin, "noste pan" d'incompetents quotidians.

eURO2016 es dins lo camp dels terroristas

Aprenèm anuèch que l'eURO2016, UEFA e FIFA, faràn pas omenatge als mòrts d'Orlando. l'eURO2016 es la tresena manifestacion la mai gaitada al monde (dreit televisual enòrme), es per aiçò qu'èstre mecèna d'aquel eveniment ajuda lo mercat mondial a se desvolopar sus l'esquina de la fiscalitat de l'Estat qu'organiza, aquí l'Estat centralista francés.

Donc o podèm escriure, l'UEFA se trapa aital dins lo camp dels terroristas musulmans de l'Estat autoproclamat musulman integrista. 

Fautava pus qu'aquò per èstre contra aquela manifestacion, una manifestacion pre-fascista, una manifestacion grandament sostenguda pels partits jacobins (PSf-PRG a París), Les-Républicains-PPE en Occitània...

E o cal apondre tanben es una organizacion privada qu'endeutarà mantunas municipalitats en Occitània, e qu'endeutarà l'Estat francés, per aver votat l'immunitat fiscala de l'organizador, UEFA dedins l'Estat francés per aquela organizacion privada de junh-julhet 2016. La votacion es obtenguda per una majoritat de nacionalistas franceses, que pensa donc que l'argent a un màfia del fótbol basta melhor que l'argent comun de l'Estat (quitament jacobin).

Donc aquela organizacion Euro2016 - UEFA es tanben dins lo camp de omofobia europèa, e plan una calamitat per la democracia.

En responsa : 

A Les Républicains lor agrada enfangar Occitània

Las vilas de Bordèu, Tolosa, Marselha e Niça an coma privilègi d'èstre manejada pels politicians Les Républicains. A Niça i a Estrosi, lo motorista de la politica ; Niça = una mòrta per aver l'avenguda per anar a l'estadi famós per son finançament especial. Les Républicains es l'ancian nom de l'UMP (aquò per los qu'an pas tot seguit de la man-òbra sarkozista), mas la linha politica es sempre la meteissa.

I a pas una vila -per l'#eURO2016- qu'a pas agut lo seu problèma ambe aquela organizacion mafiosa.

Les Républicains lor agrada l'espòrt, sobretot quora ne fan una granda manipulacion politica. La FFF e l'UEFA lor agrada d'aver politicians talament estupids, e que pòdon pagar. Faràn intervenir la polícia d'Estat per restablir l'òrdre, es una question d'imatge de la vila, coma o demanda cada borgesiá locala.

Son los meteisses républicains qu'an pas paur d'aver una populacion intoxicada pels pesticids, nimai pels veïcul diesel de l'€URO2016 ; aquí tanben los elegits Les Républicains son campions del Sénat !

Conclusion : Les Républicains lor agrada d'importar problèmas en Occitània e se trúfan dels indigènes locals, pòdon crevar e votar bien e republican : la quimia industriala conserva Les Républicains. Dèu èstre una question de cultura coma l'explica Nicolas Sarkozy II en campanha pagada pel partit Les Républicains.

eURO2016 a Tolosa, tempses de las expulsions politicas

Sus la plaça del capitòli en temps normal, se debana un fum de manifestacions de tot escantilh ; mas epr l'elita tolzana, cal far plaça neta, devèm donar una bona imatge de la vila, es l'eURO2016. Lo poder socialista expulsa las idèas politicas dels estadis ambe la complicitat de la FFF, lo prosident -el- parla politica quand va a l'estadi ; lo dictator president es lo sol curat per poder parlar politica, coma en temps de dictatura. Conclusion l'espòrt es dictatura. L'eURO2016, ambe la complicitat de la FIFA e de l'UEFA, es una aisina per far calar lo pòble.

A Tolosa, la plaça es neta : doás manifestacions son estadas desplaçadas del capitòli ; la manifestacion pel sense-ostal e las manifestacion pels presonièrs del regime d'Assad que sembla tot lo monde a oblidat.

Sus la pancarda alèa François Mitterrand, lo luòc de pichon desplaçament, fan una melhora promocion del problèma : lo problèma es l'ostalatge dels paures en vila que se vòl capitala, la politica de desfiscalizacion de l'Estat francés a creat mantunes T3, T4, o quitament T2 que son pas accessibles als revenguts paures, e sovent de totas las raças de la planèta, quitament dels occitans ! La politica de la comuna de Tolosa sul tèma es nulla, e sobretot devolguda als caprici desfiscalizant de l'Estat centralista francés, Estat qu'acaba de sortir una resorga fiscala a als comunas, taxa sul HLM divigida per dos.

La segonda manifestacion es sus la plaça del monument al chaples dels Armenians pels Joves Turcs, e que lo regime d'Erdogan assumís (es per aquesta rason que la vídeo sus Erdogan, la famosa cançon es sus aquel blòg) ; lo luòc simbolic èra pas conegut dels manifestants.

La manifestacion de "Syrie Solidarité" presentava fòtos dels presonièrs desapareguts ambe lo regime Assad, sabètz ambe lo qual los integristas catolics Les Républicains vòlon far visitas de temps en temps, lo famós sobeianista Jacques Myard -deputat antodiversitat lingüistica- en capolièr del viatge diplomatic de plega-esquinas amics dels Sirians, regime d'Assad, lo geenralíssim Franco del Orient Mejan.

Aqueles presonièrs son d'un regime qu'es sostengut per l'Iran e los fondamentalistas musulmans libaneses ; es lo regime d'una minoritat etnica siriana. Los manifestants èran puslèu jovas e femnas que parlavan. An pauc de mejan per se fan entendre e amerita donc tota la vòstra atencion.

Aqueles dos eveniments tolzans son donc estats expulsats de la plaça del capitòli, car -coma l'explica la FFF- cal fa plaça neta a la politica, es eURO2016 ; FFF associacion de pre-dictators franceses ? L'UEFA pre-dictaura europèa ? UEFA los amics d'Erdogan, de l'Estat jacobin, dels poders en plaça, contra sempre totas las populacions.

URO2016 a Tolosa

Quí me podrà dire quand còsta de botar "Planvenguts a Tolosa"  dins una vídeo per Internet ? Los sobeiranistas franceses son al poder al capitòli per netejar l'occitan e imposar l'anglés, vive la francophonie. E o faràn sense vergonha, e ambe l'ajuda de Jean-Luc Moudenc, la pròva :

Lo "Welcome to Toulouse" me sembla brament clar, l'anglés es lenga oficiala a Tolosa ... E l'occitan podrà anar a la lordèra, mas serèm gente ambe las associacions, es una bona clientèla ... electorala. La serp sobeiranista es encara pro viva a Tolosa.

 

Es un Welcome de cap a Toulouse ... sèm donc pas In per l'Euro2016 ! la simbolica es granda donc.

 

E jà l'argument es qu'aquò se debanarà sonque per un mes, puèi se tòrna los afar costumièr ; mas l'anglicizacion politicament assumida, es pas brica la meteissa per l'occitan a Tolosa, pas brica, al contrari, es puslèu de je m'en foutre vous êtes bien con, alors amusez-vous avec quelques subventions. E sobretot calatz-vos, la critica es pas acceptada e sobretot l'argument serà jamai entendut.

Una majoritat d'esquèrra aurà la meteissa manièra de procedir. Los jacobins, los netejaires lingüistics, los sobeiranistas, son sempre plaçats dins los endreits estratègics per non pas aver una visibilitat gratuïta de la lenga de Tolosa. Un pòste d'elegit amb pus naut nivèl basta pas per aver una politica de visibilitat per l'occitan, a Tolosa.

Positivèm la màfia UEFA e l'Euro

Se fau positivar l'EURO2016, faudrà pensar URO2016. Quitament l'urina pòt aver una utilitat medicala....

Los que son prèp dels Estadis de l'Euro2016 [please split-it in english sounds] auràn segur vist los trains de sénateurs [please split-it with bankers sounds] que l'organizacion fotbolistica a portat en vila, aital avèm una idèa coma aquel grand monde, elitocrata mondialista e parisenc, se pensa dins la societat actuala e en Occitània (coma los blancs dins las colonias africanas), e los collaboradors tolzans ne son ufans (pietadós). Alara ma patologia vomitoriala es politica, cap mestièr de mètge per o saber : de quina manièra se podrà assumir aquela politica d'arrogança de moneda dins un monde actual que la crisi tòca totes los budgectes publics, o al mens nos o vòlon far creire ? Vertat que la fe es republicana dita laïca e francesa ! ( ai plan escrit fe, car dins lo Hauts-de-fRance fa benesir los cavals pel primièr avesque catolic que passa, es la laïcitat republicana vist pels Parisencs), la republica donc es granda d'esperit, e sobretot indivisibla, e a pas sonque la prefectorala per ne fa la promocion, i a tanben l'espòrt nacionalista francés, lo fótbol d'anuèch Euro2016.

 

Ièr un conselhièr municipal de Bordèu punteja dins un bilhet FB son punt de vist sus l'afar e pensa, el a istòria politica en cap, sempre, punteja lo ròtle de Léo Lagrange, un òme politic vengut d'Occitània, nòrd-Gironda justament, dins la paisseièra entre Santongés e país de Bordèu.

  

Ieu ai pas oblidat qu'un Léo Lagrange, a la republica de la non-oligarquia, la pensava bona pel pòble occitan ; e justament pel pòble occitan, coma mon grand-paire, el tanben es estat a Dunkirk pèrdre en nom de la ierarquia de l'armada republicana francesa. Fau commemorar tanben las desfaitas francesas, farà de bona potinga politica al pòble occitan.

Çaquelà dins lo bilhet de Bordèu, se parla de caporalizacion de l'espòrt, es segur una vision estraita de la santa republica francesa que, dempuèi Napoleon e las guèrras als pòbles europèus, a fabricat un sistèma militarista francés que l'espòrt n'es sonque una pichona partida, mas plan utile per l'oligarquia, la plutocracia, l'espòrt a remplaçar la sang blava de l'ancian regime. L'espòrt es devengut caporalista, militarista, per esséncia divina, per esséncia republicana, e la bandièra francesa i es plaçada a totes los cantons, la Marseillaise, cant sanguinari e tanben cant de la batalha de Valmy, i es cridada per aumentar la violéncia del concepte de la pacifica République française, la pòdi plan dire pacifica vist que la díson laïca e fan benesir la polícia a caval pel primièr avesque que passa.

Me sembla donc important de recordar Léo Lagrange, coma Pierre Hurmic, avocat a Bordèu : 

Mas pas per la piscina qu'es a costat del Canal du Midi, prèp de Marengo a Tolosa, mas per donar tanben la traduccion occitana de la frasa del bilhet politic d'en Pierre Humic :

Dins una publicitat per FB, la FIFA explca que los «fan zones» [Split-it ambe l'accent de la màfia de Liverpool] seràn lo camp dels sordats de Dunkirk, la desfaita d'una armada anglesa o francesa, e la ierarquia se ne sortirà lo cap levat en portar l'armada aquela coma esclau-obrièr-afidats als poders germanics de tendéncia nazi.

Nòstre batalha democratica es l'Euro2016,  

a Tolosa, Bordèu, Marselha e Niça;

es alara lo Dunkirk de nòstra generacion.

 

 E BEIN espòrt difusa, una cadena que lo proprietari es luènh d'èstre un democrata ! Vist que sèm en guèrra, los bars auràn ges la possibilitat de difusar al grand public (donc caldrà pagar a la dictatura qatarí, aquel qu'es lo «polit e gente» financièr parisenc del jacobinisme !), las zònas dels aficionats (dels motons) serà camp de concentracion dels motons, afidats qatarís, coma del temps de la granda invencion republicana francesa dels camps de concentration que fau pas critica car «per l'epòca èran d'invencion d'una granda modernitat» segon un istorian nacionalista francés entendut sus fRance CULture la setmana passada, pòrta un nom coma la filosòfe Simone Weil, mas o amerita pas.

Quand se libèra un granja de motons (la «fanzone» en anglés dins la semantica eURO2016), la jòia se podrà veire, mas lo contra-ròtle de sortida es sempre dobtós per la patz sociala. Tot aquò tanben me dona enveja d'escapar d'aiga URO2016 suls organizadors sotmetuts de la caporalizacion, a la militarizacion del fótbol, e de l'enbestiassament de las populacions.

L'equipa de fRança sembla talament als mercenaris que lo Duc d'Aquitània e son Parlament an vist arribar en 1453, e que la desfaita foquèt amara per la dignitat manténer.

Euro2016 e las lengas, vive la frâncaufoni

L'Euro2016 es una absurditat politica amai d'èstre lo veïcul d'una nacionalisme de las federacions, organizacion que confina a l'absurditat e sobretot a mantunas facturas per las vilas d'Occitània (Bordèu, Tolosa, Marselha e una mòrta a Niça pel plaser dels elegits e del president Les Républicains de la famosa region PACA).

Aital cada annada París nos parla de francofonia, un pauc per dire qu'i a un subjecte mai grand que non pas las «pichona lengas regionalas» ; mas quand la federacion nacionalista e parisenca de la FFF organiza en nom de l'UEFA l'Euro2016, totes los documents de trabalh son en anglés, en anglais messieurs les francophones (!) ; sabi que la sapiença del quadres de la FFF es pas granda en lenga de fusta, leugièra en lenga politica, agradiva en lenga dels dictators, mas per asaigar en alcòol los suportèrs fan las «zòna» dels afidats, e aquí pensan a tot quitament que «on est en guerre» del sant primièr nacionalista francés, Manolito Valse, e zo fan bravament plan.

Es estranh, aquí a Tolosa, los sobeiranistas que nos fan un cinèma contra l'occitan -ligam real d'escambi entre las lengas latinas-, per nos explicar qu'i a mai important e que la constitucion es santa e que la francofonia es una religion politica, ambe un secta o ecclesià que se sona Académie française, son aquí dins lo camp de los que pagan las subvencions a l'UEFA, e endeutan los ciutadans franceses d'Occitània, per aver tot un foncionament de l'Euro2016 escrit en anglés (!). Donc la guèrra dels sobeiranistas franceses es per destrusir l'occitan E lo francés ! Es pas polit aquel monde del rastelièr francés plen ?

Dins lo sistèma mediatic qu'a mestièr d'audiéncia esportiva, = nèci, son vedèls per anar a Matabuòu, es evident que la critica de la FFF e de l'UEFA es impossibla.

Mas dins un recanton de las competicions manipuladas e mafiosas i a çaquelà resistents ; nos venon del País de Gallas ...

Remarcarètz dons que lo multilingüisme es possible, cal simplament una volontat politica ; causa qu'avèm pas en Occitània, ni Jean-Luc Moudenc pro fòrt per l'imposar, nimai dins los camps dels anglofònes parisencs de la FFF. A 7seizh.info l'an vist tanben (article en lenga francesa).
 
Remarcarètz que son monde del País de Gallas, e coma son arribats en Bretanha, o fan tanben dins la lenga de Bretanha .... çò que l'UEFA o fa pas a Tolosa en lenga occitana ! E dins las lengas imperialistas anglesa E francesa.

Remarcarètz que los sobeiranistas de Tolosa an ganhat contra l'occitan e l'anglés es lenga unica a Tolosa pendent l'Euro2016 : vive la francophonie ! 

L'Euro2016 a Tolosa, o cal boicotar PUNT.

L'Euro2016 a Niça, o fau boicotar PUNT.

L'Euro2016 a Bordèu, o cal boicotar PUNT.

L'Euro2016 a Marselha, o fau boicotar PUNT.

Quantes leiçons e annadas caldrà als Tolzans per entendre que lo sobeiranisme o nacionalisme francés es una engana plutocrata contra lo pòble tolzan, contra Occitània ?

Avinhon aurà lo tramvia en occitan tanben ?

Quand legissèm la premsa, o escotèm la ràdio francesa d'Avinhon, anuèit vesèm qu'Avinhon aurà lo seu tramvia e donc i aurà òbras que podràn castigar los botiguièrs, la comuna a de qué potingar aquò. Mas coma cada vagada que los elegits e las elegidas dels jacobinisme son al poder, la lenga occitana es oblidada, quitament dins la vila de fondacion del Felibrige (!) Es una causa que seriá absenta en Bretanha, mas en Èst-Occitània, Provença, ont l'occitan es patrimonializat, musiquejat, vièlh, cantonat a la cultura, a la règa culturala de la comuna, la modernizacion de la lenga es absenta, grandament absenta, e pauc impòrta las grafias ! E las placas de la vila en occitan son pas sufisent per la modernitat.

Avinhon amerita un occitan modèrne vesedor dins lo tramvia

Aital ont i a lo mai de revendicacion provençalista, es aquí ont i a lo mens d'escòlas Calandreta, lo mens de festenal occitan, lo mens de salvagarda positiva de la lenga, lo mai d'ignorança sul tèma ; es aquí ont se refusa una peticion pel mètro en occitan a Marselha (viscut!), de los meteisses que fan la promocion de l'alhòli e de la grafia d'Honnorat Es lo país rodanenc que la conquèsta de Niça es mai impoirtant que la modernitat de la lenga ; ont l'oblidança de gavotina dona a minjar per l'expansionisme d'una grafia francesa pel provençal ! Es, clar, es lo país provençal que refusa la modernitat per l'occitan e sobretot l'occitan, LENGA PER TOTEI, es de dire pas simplament per una populacion d'extrèma-esquèrra o d'extrèma-dreita, mas per totes los cituadans franceses de Provença. L'extremisme en Provença amaga la flaquesa de la pensada sul tèma lingüistic.

Donc ambe aquela constatacion, ai escrit -coma ai agut d'escriure al cònsol Philippe Douste-Blazy, un còp èra- un còp èra ; aquel me respondèt que subvencionava 5 conferéncias sul catarisme, lo patrimòni occitan, etc ... es estat sovent a costat del problèma aquel ! Donc a Tolosa, èran pas mai aluzerpit qu'en Avinhon anuèit ; mas a tolosa, un trabalh seriós a debutat a partir de Douste-Blazy ... vesèm ara pauc a pauc los cambiament, lo primièr cònsol ajunt es cantaire occitan ! Serà 20 ans aprèp ...

Vaquí donc lo meu corrièl :

Podètz evidentament far parier sus Avinhon.fr E esperèm que las letras recebram mai de fortunas que la non-demanda provençala sul tèma.

La ciutadanetat francesa autoriza d'èstre concernit tanben epr çò que se debana dins lo fogal de la revendicacion modèrna per la lenga nòstra. L'occitan, siam totei concernits.

Lo fótbol UEFA-FIFA es una calamitat publica

Quand vesi lo personal politic jogar ambe l'Euro2016, per engolir l'argent public e ajudar a la defiscalizacion tip Panamà Papers, ai plan entendut que la màfia UEFA es un bon lobiïsta... A Bordèu Alain Juppé aurà aital endeutat sa comuna per la paga de l'organizacion dins sa vila, mas pas ambe son argent personal, ambe l'argent de totes. Pròva aital qu'es lo piège de gestionari del ben comun, la fiscalitat, l'argent de tot pel ben comun.

A Tolosa aurà autrejat dreit d'installacion d'un estanguet sense respectar la famosa lei republicana que los nacionalistas a la comuna son prompt de sortir per refusar una politica clara per l'occitan.

E a Tolosa, lo ben public, l'arquitectura publica serà onorejada de ... la mèrda aquela :

Se parla de susvelhença contra los atemptats per ancians ficats per la DGSI ! Sèm segur que las fan zòna van pas destrusir lo pauc de natura qu'avèm en vila ? Anèm acabar d'èstre content qu'i aguèsse un atemptat contra l'Euro2016 !!!

UEFA es la màfia que passeja gloriosament la bandièra francesa, es la bandièra francesa ; picatz aquí per aver la lista de las truandissas ligadas a Euro2016.

 Donc es clar : 

 E la difusion dels partits de fótbol es autrejat a una television araba, en monopòl de difusion en lenga francesa ! Dins lo cortègi d'inauguracion de la màfiafestivitat vòli donc apondre en espanhòl : 

Lo fótbol UEFA-FIFA es una calamitat publica, piège que las inondacions dins la santa capitala, pròva l'incompeténcia del personal politic per la gestion publica de l'argent.

E al meteis temps qu'escriviá lo bilhet aquel, l'elegit ecologista Antoine Maurice escriviá sus FB, que l'afar èra jà pistada pels elegits ecologistas ; vertat es que los socialistas aurián tanben près lo meteis camin nacionalista e mafiós que l'organizacion UEFA-FIFA a Tolosa e pertot en Occitània.

 E donc per clavar lo bilhet :

 

_°_

 Lo ligam es aquí. Autra calamitat publica, lo sistèma politic jacobin lor a autrejat privilègis : non pas pagar los impòsts : dons faràn la fèsta a nòstra sentat (maissanta donc) a totes/as !

Lo ligam es aquí.

Jorn catastròfa es anuèit

I a jorn que se pòdon veire coma Jorn Catastròfa ; aital anuèit de doás manièras en foncion de la catastròfa.

Lo rei Loís XIV es estat coronat e l'avèm agut de suportar sus la fisclaitat de la zòna fiscala Languedoc pendent tot lo seu moment de poder solelhós, per pagar Versailles mas pas sonque, tanben per una diplomacia de guèrra sampitèrna, notament contra Espanha ; lo rei catastròfa es plan Loís lo XIVen.

Puèi lo XVen en seguida e lo XVIen ... los Parisencs en revòlta aprèp mantunas autras revòltas en Occitània, l'an descapitat. Una solucion radicala per non lo veire tornar. Mas cap leiçon es estada enregistrada pels Europèus quand Napoleon Buonaparte es estat exilhat sus las còstas toscanas ; es tornat.

Sembla que l'istòria fabrica corses de l'emmerdament permanent pels estudiants, mas ges resolucions pel futur dels pòbles sotmetuts o pas, ni per cap classa sociala.

L'autra catastròfa es puslèu lingüistica, mas tòca de prèp Occitània, e sa fragila lenga mesprezada. 

Es l'annada Bolega lo Piège, Shakespeare ! La creacion de la semantica es una especialitat de Cassignac, Cassinhac, pels intime ; e la fabricacion aguèt de resson car -sempre en retard- l'occitanisme a pas vist l'interès d'Internet a la debuta per expandir la lenga occitana, e donc sa semantica.

Ara l'efèit creatiu cassinhaquenc passat, criticat dins la revista papièr e seriosa Lo Gai Saber, los occitanistas an vist que se podiá installar la lenga seriosa sul net. Una lenga seriosa es pas una lenga romanesca, es una lenga viva que la populacion a emplegada o emplegarà  car l'istoric lingüistic es pro plan conegut e l'environament lingüistic latin e grec tanben.

1 / per Internet i a lo Congrès qu'assaja de recampar l'ensemble de las letras (en diccionari) occitanas. Es un organisme que se vòl permanent. Es sobretot l'immanacion dels vièlhs Conselhs Regionals (abans la reforma socialista). Ai causit la pagina en francés, volontariament, car lo site exista realament coma una veirina francesa pel poder jacobin, per poder dire al cap -a París- que fan quicòm per l'occitan ; pel moment es patrimonial, 75.1 segon la santa constitucion de mèrda que ierarquiza las lengas, sempre lo patois parisenc primièr.

2 / i a l'Academia Occitana que se vòlon dins una dinamica independenta e sobretot ligat a tot l'ensemble occitan, tot en preconizar una modernizacion de la lenga sul modèl de las lengas latinas vesinas. Aital son a la redaccion de « l'òbra de l'Academia Occitana, lo DGLO, diccionari General de la Lenga Occitana »

2 / Plan evidentament podètz aver dins las vòstras bibliotècas los diccionaris de Per Noste, fargats sus basa plurala (çò qu'es raríssim dins lo mitan de l'egò-sociolingüistic occitan), es una aisina tanben ; e coma diccionari occitan (variacion gascona) oblida pas de dubrir la finèstra al lengadocian vesin, li fautava moneda per dubrir a Gavotina, Auvèrnhe, Lemosin, e Provença. Es mai de trenta annadas de trabalh.

Sul papièr, e de manièra isolada (per la fabricacion), avètz evidentament los diccionaris (serioses) francés-occitan de Lemosin, de l'Auvèrnhe, e de ... Provença (sovent en oblidar Gavotina e donc un ensemble politic qu'es la Comtea de Niça sancièra). 

Lo problèma principal dels letrats occitans es que diccionari, per els, vòl dire diccionari francés/occitan (modèl Frederic Mistral) o occitan/francés, la sotmission al mèstre jacobin es granda dins aquel mitan; Cantalausa es estat lo sol a prepausar sus papièr un diccionari de la lenga, es puslèu conservador coma diccionari, tròp pastat de las influéncias binàrias, rurala e catolica. Es lo meteis e diferenciat conservatisme tot en vóler una modernitat, conservatisme que trapèm dins lo mai que bèl e polit, al editat çaquelà, diccionari d'en Cristian Rapin. Quí a pas lo diccionari d'en Cristain Rapin non pòt florir sa lenga de sinònims, car de diccionari de sinònim la lenga occitana .... li fauta ! Lo diccionari es partit d'una necessitat de terrenh, d'una vida de conselhièr pedagogic qu'a dubrir escòlas per immersion lingüistica en Agenés, sense autorizacion d'Estat, mas qu'ara son trabalh es desgalhat pel sistèma politic en plaça dedins l'Éducation dita Nationale.

E pendent aqueles tempses longasses, lo mèstre jacobin passa a l'anglés, en tèrras de conquèstas du citoyen du midi, o al patois parisenc matinat d'anglés, parce que ça fait chic. La còpia estupida dels Parisencs la fabrica Montpelhièr, la ville du citoyen du midi !

 

E nos an demandat de venir manifestar per l'occitan ! Quí, QUÍ ? D'occitanistas de Montpelhièr car son salvatjament a suportar tot aquò. Resulta de la manifestacion : zèro. Enfin pauc vesedor... car sabi qu'a l'amagat es estada utila. Es que se podrà suportar per l'occitan d'èstre la sampitèrna lenga de l'amagat ?

Se d'unes sábon pas perqué cal votar "Occitanie" pel nom de la novèl region (serà jorn de catastròfa pel Conseil d'État e l'Estat centralista e totes los Jacobins); ne vaquí una autra rason. Ai jà votat sul site; fasètz parier (damora dos jorns), es pas sovent que los jacobins nos demandan de causir dignament.

Fàcia al Conseil d'État son contents de la resulta

Me sembla qu'aquel comunicat es important, non pas per l'importança del subjecte, mas pel metòde politic emplegat.

Dins las annadas al entorn de 1995, l'occitanisme refusava d'emplegar lo dreit d'Estat francés (ai mantunes exemple en cap per los que me demandaràn) per far entendre sa votz e l'aplicacion de als règlas administrativa en rapòrt a l'occitan, alara se manifestava dins las carrièras, resulta electoralista: pauc sul tèma de la politica lingüistica; aquela accion peirigòrda es la resulta d'una maduracion fàcia a l'Estat francés.

Sèm pas d'accòrd ambe l'Estat francés qu'escana l'occitan, mas lo dreit, totas las vias, devon èstre emplegada per castigar l'Estat.

Nos fan cagar ambe las datas religiosas

I a una istòria de las religions, un passat, un passiu, un desbalanç desfavorable a l'umanitat, e mantunes lo vòlon enterrar dins lo cementèri de l'umanitat, o dins los libres d'istòria. Lo politic vòl far parier, li agrada car an interesses comuns, enganar los pòbles sotmetuts a poders jacobins o directòris, aital las doás populacions, ecclecials e politics, se semblan fòrça, quitament dins l'engana dels militants pels politicians, o dins l'engana del «pòble de Dieu» sempre al singular coma lo pòble ciutadan de la santa republica francesa.
Vertat o pas, mas amb un grand potencial de vertat, vist l'incompeténcia dels regents de l'escòla d'Estat jacobin francés, acabi de legir aquel twit d'un imperialista francés : 

Cadun vòl portar e pòt sas illusions libresques (ambe sa biblietèca ambe un libre o roman dit sant), mas la religion es sens qu'una causida personala, que fan collectiva per rason ecclesiala (e alara l'ecclesialm devèm sovent lo problèma que acara un pòble que vòl viure per se-meteis), e dèu en cap manièra èstre imposada a l'ensemble de la populacion, als pòbles de fRança en particular qu'an plan assimilar dempuèi l'integrisme religiós catolic del XIXen sègle que cal destriar religion e vida d'una collectivitat e lo politic. Los testomònis de Jehòva, protestants integristas e gente dins las carrièras de Tolosa (cada jorn present), o musulmans qu'an o pas d'interpretacions tòrtas del libre que fan sant, e pensi pas -ai pas escrit, cresi pas, que Lorda fosquèsse la bona causida, levat pels comptes bancaris dels botigièrs de la santa vila de pelegrinatge, etc. E se la populacion vòl far moneda sus aquelas necituds religiosas, soi ren en contra, qu'o fasquèsse en patz sense me fa cagar, e segur ajudarai a desvolopar la chifra d'afar, car l'argent aital panada serà pus jamai installada dins l'armament d'aqueles gropusculs de necitològue en religions ; se la necitud es una fe en un libre unic e sant, ne cal aprofieichar ! Espèri ambe grand interès totas las publicacions, o traduccions dels libres de las fes del monde en occitan, amb grand interès, per la lectura, per la vida de las letras, mas pas per imposar una lectura publica.

Un còp èra, un dictator francés, lo rei dels francs, a manipulat la religion per damorar al poder, e sobretot servar lo sistèma que vivián sus l'esquina dels pòbles, lo trabalh de totas las classas socialas dels pòbles de fRança.

L'extremisme politic a sempre mestièr de l'ecclesià, d'una religion o d'una autra, per damorar al poder, car i trapa sistematicament ajuda simplista.

Lo Generalíssim e «democrata» F. Franco a trobat ajuda en çò dels catolics integristas e del Vatican, una novèla religion anglesa a ajudat al poder anglés dels Normands de damorar al poder, una religion japonesa ajuda lo poder dictatorial e imperial, etc. Hitler e Stalin son l'excepcion ... d'un dictator germanic qu'a trobat un pòble per votar per el o d'un distator sovietic qu'a trobat un instrument oligarquic per rendre mut un pòble de ciutadans, mas ambe una situacion imperiala plan fosca tanben en fàcia.

Sabi perqué lo jacobinisme vòl pas de l'istòria d'Occitània, perqié pòrta un messatge contra los integrismes religioses franceses.

Es tanben un enjòc important pel jacobinisme de non pas aver una educacion d'Estat que tranmetèsse pas l'istòria d'Occitània. Fau daissa clar que l'ignorança dels Occitans es lo melhor instrument per los dominar, e los damorar dins la servitud republicana francesa. La Boéçia jà n'aviá exprimit aquelas linhas de pensada al moment que los Francs s'installavan en Ducat d'Aquitània. La Boéçia deuriá èstre lectura obligatòria a totes los que s'impausan la lectura unica dels libres dits sants, que fosquèssen braves Josius (Torà e las interpretacions o fabrica de variantas sectàrias), braves Protestants (Bíblia luteriana o calvinista, and c°), braves Catolics (Bíblia vaticanesca e las variantas de sectas non reconeguda pel vatican), gentes Testimònis de Jehòva e variantas (Bíblia en lengas d'Estat), agradius Bodistas (totas las variantas), encapuchanats Musulmans (Al Còran, dins las versions Chiïstas o Sunistas que se fan la guèrra de religion ara al XXIen sègle, ambe totes los apondons de mantunes clercs illuminats o pas, reconeguts o pas), etc (car segur que ne doblidi.

La religion prepara a la servitud volontària, e particularament las religions que se vòlon modelicas (quora sovent o pòdon pas èstre car son creacion umana), modelicas per tota la societat, tot un pòble, tot un dreit d'Estat.

Cadun vòl portar e pòt sas illusions libresques, mas que me fasquèsse pas cagara sul tèma. Los que van en sotana o en burqà, etc. Me parlètz pas del ramadan, se vòlon pas minjar la jornada, n'ai a fotre, mas pas sonque, soi pas brica catolico-idolatre, ni cataro-idolatre, ni torano-idolatre, etc. Ai legit cadun d'aqueles romans d'aqueles gropes religioses, res d'interessant per l'umanitat, pas mai que l'ensemble dels libres de filosofia publicats fins ara. Es puslèu ambe aqueles movements integristas, quand un movement es pas integristas, i a sempre las potencialitat per o devenir, aqueles movement que l'umanitat a agut sampitèrne problèma. Hitler e Stalin ne son que dos contra exemples, la contunhuïtat es l'integrisme religiós dangierós per l'ensemble de l'umanitat.

-°-

Escrit in memoriam dels pòbles minors e minorizats qu'an una identitat que la religiós pòrta al fuòc «sacrat» pels integristas, coma los papistas  e amics del rei parisencs se cremavan los «Bons cristians» o «catars» en l'ancian regime de Lengadòc que d'unes vòlon reviscolar ambe lo nom de la novèla region administrativa francesa.

 

Lo marxisme es pas la bona aisina per descodat lo jacobinisme

Lo marxisme es una aisina intellectuala ambe d'èstre devengut una aisina de dictatura ambe los soviets; lo problèma es que lo marxisme es encara la classificacion que pòrta l'esquèrra francesa, e particularament lo movement del egoïsta Mélenchon.

Lo problèma jacobin es pas comprès pels marxistas, la pensada marxista es pas una aisina per entendre lo problèma centralista e bonapartista francés.

Los marxistas nacionalistas franceses an una aisina per descodar fRança qu'es basada sus l'istòria bastida per la IIIena republica, istòria qu'oblida fòrças causas ... per installar una illusion politica ; los marxistas son a bastir un projecte politic ambe Jean-Luc Mélenchon sus aquela fanga politica.

Acabi de gaitar los libres d'istòria distribuat al XXIen sègle (!) dins las escòlas d'Estat, Estat francés, per exemple : 

 

 

La pensada marcista francesa es basicament nacionalista francesa, e Jean-Luc Mélenchon farga pas una pensada fòra aquela nòrma d'esquèrra francesa e jacobina.

E l'istòria francesa es pas a man de cambiar quand un istorian assegura seriosament, sus fRance CULture, que la santa République française èra mangnifica en fargar «comps de concentration» pels republicans catalans, bascos e espanhòls. Loís IX es aital segur l'arganhòl magnific e sant que la republica IIIena aviá mestièr per destrusir lo dreit escrit occitan, i trapa una salvacion dins los libres d'istòria.

Quand l'istorian explica que s'oblida l'istòria de l'oltra-mar, es vertat, mas s'oblida tanben l'istòria de las tèrras de conquèstas dels Francs sul continent europèu e la destruccion dels pre-Estats que son nascuts en Occitània, entre Bordèu e Niça...

Macron es pas melhor qu'aquela esquèrra jacobina, qu'aquel istorian francés, es de la pensada jacobina qu'a pas encara integrat dins sa pensada la sindròma Enric III de Navarra. O tòrni escriure, aquela sindròma es simptomatica del sistèma politic francés, o franc, o d'importacion d'una elitocracia desligadas de las realitats dels pòbles de fRança.

Aital lo Reialme de Navarra aviá, parier que lo Ducat d'Aquitània, un parlament que votava los budgectes annadièrs del Rei o del Duc, en decembre de cada annada ; quí me podrà dire qual es lo budgecte de l'Elisèu anuèch ? 

Aital lo Ducat d'aquitània, donava lo dreit de caça als païsans, mai tanben un dreit establit per concènsus dels jurats, dins als comunas, puèi del Parlament de Bordèu, la dimension del sistèma constitucional d'Aquitània, èra semblant al sistèma helvetic d'ara, mas evidentament oblidat car dangierós pels dictators reials francs quand son arribats en Occitània de conquèsta. Èra un pauc diferent en Navarra.

L'esquèrra mélenchonista a oblidat aquela mapa anciana, mas res a cambiat de la pensada dictatoriala francesa sus las Terres de conquête : 

La Terreur a restablit la pensada dictatoriala reiala a partir de 1792. La Terreur es la basa del marxisme francés. Entre 1789 e 1792, i aguèt unassag de reforma reala de l'Estat ... la reforma s'es transformada en descapitada dels pòbles e del passat : du passé faisons table rase, mas pas per totes los subjectes politics (!) ; las contradiccions pastan la pensada jacobina, de totas las colors politicas del XXIen sègle.

La libertat democratica en Occitània passarà per l'abandon de las idèa jacobina, en Occitània, e plan mai al nòrd en fRança, dins las ancianas fermes d'État.