Los socialistas fan de social, argument de campanha

Soi estat ièr dins un reünion publica ambe ma candidata socialista del canton de «Toulouse I». «Los socialistas fan de social», es estat lo sol arguemnt qu’ai entendut pendent al serada, e zo fan ambe lo mot solidaritat en boca. I a pas cap vision del país autre que lo qu’es portat per París, donc las urgéncias son estadas ligadas a la linha TGV e la pausa de panèu 31 a l’entrada del departament, e suportar çò que l’Estat lor a imposat (cap projecte local).

Ai vist un sistèma partidocrata installat dins una sala pichona de Bonhoure. Lo canton es grand e mal representat al Conselh General, en foncion de la quantitat de populacion presenta dins lo canton.

Ai vist la sola critica del sistèma pausat sobre la cara del poder UMP-NC ; çò qu’es una realitat.

Mas l’autra realitat es d’aver daissar aquel poder centrlaista ambe las sampitèrnas armas republicana contra lo pòble. Aital aquel poder socialista a Tolosa es centrlaista e zo revendica. Una metafòra me damora en boca, lo 31 crotat a l’entrada del departament.

Se podrèm aital estonat que las candidatas, una brava presona sense cap de dobte, es daissada aital dins un campèstre politic, mas amb un partit socialista al cap de l’Estat (l’es estat ambe Lionel Jospin) incapable de sortir las armas que uèi pòrta sobre la politica dels Conselhs Generals en lor enlevar los finançament. Es evident que la decentralizacion es un objecte sortit del cap d’una minoritat del Partit Socialista francés, mas son estats incapables d’en desvolopar l’objecte coma dins los autres estats europèus.

Uèi lo partit socialista se jòga dins la critica de l’UMP, mas qui n’a pas reformat, se deurà suportar d’autres nacionalistas encara mai estupidas qu’els. Es la fusion de la tecnocracia del jacobinisme. Es autanplan dangierós que la catastròfa «gerida» per las autoritats japonesas. Los socialistas franchimands en Occitània son coma las autoritats japonesa qu’an promòugut lo tot-nuclear e que ne son incapable uèi de gerir la retombada jacobina.

Es mai qu’urgent de cambiar de casta politica, en majoritat foncionari del sistèma que son membre del partit. A la taula de l’eleccion per presentar la candidata, i a aviá pas cap classa diferenta qu’un foncionari, quitament lo jove que s’aucupa d ela campanha aurà simplament debutat dins los burèu del Cosnelh General e jamai sul terrenh de las entrepresas… Es pietat de veire que lo sistèma politic prepausat pels socialistas es gaire una bona representacion del pòble occitan en Occitània.

FUSION POLITICA SOCIALISTA PER SALVAR LA SANTETAT REPUBLICANA DE L’ESTAT JACOBIN FRANCHIMAND.

Ai pas trapat melhor qu’aiçò per illustrar l’avuglament socialista per una urgenta reforma de l’Estat centralista francés, per destrusir lo mercat-Estat-nacion e son administracion bonapartista. L’urgéncia es de destrusir la prefectorala.

Una metafòra podrà benlèu ajudar ; Pierre Izard li agradèt d’intallar panèus ambe lo numèro 31 en gròs; Pierre Izards es lo vièlh president del Conselh General, «lo que pausa la decision definitiva quora i a discutidas entre socialistas elegits per portar una politica novèla ambe una finança sana» ; lo vièlh decidís en fin de corsa, e sembla irremplaçable (coma totes los mòrts dins los cementèris). Donc tot es decidit per el, e los elegits an çaquelà quicòm de donar : idèas. Donc se podrà pensar que lo 31 pausat a l’entrada del departament a donat idèas a la polícia locala. Dins ma carrièra èran mal-parcadas automòbilas, per incompeténcia dels foncionaris municipals qu’an fabricat una carrièra tòrta (e i a pas agut cap elegit UMP per los castigar), donc las automobilas se parcan coma pòdon, e aquel dissabte i aviá mai de 10 automobilas estacionadas suls trepadors. La policièra es estada cridada (arríban en cobla sistematicament, la paritat), per un vesin –vièlh membre de la casta al poder donc ambe lo braç long- per ensenhar una veitura mal parcada e la sortida ambe una esmenda, e la fourrière que caldrà tanben pagar al cap de un mes. Alara per rentibilizar la sortida, segurament, o per «egalitat republicana», la policiara aurà sortit quatre autras automobilas (seleccionadas per l’immatriculacion qu’avián, puslèu pas 31 coma immatriculacion) ; la policiara m'a explicat qu’èra sa vision de l’egalitat republicana.

Los socialistas fan de numerologia sociala e solidària sobre la basa del 31 qu’es aficat a l’entrada del departament, 31 es la amrca de fabrica coma per la polícia… Lo bonapartisme es estat bastit sul tèma del castigar e gestion del pòble occitan (que parle o pas la lenga del país), los socialistas son una expression politica del bonapartisme, amai son partidocratas (supòrtan pas la critica dels ecologistas, quitament se la pensan rasonabla). Es pietat de veire qu’una bona persona coma ma candidata l’aguèsse pas vist : los socialistas son pas bons per la politica en Occitània ; e son devenguts lo mendre mal, car l’UMP es piège.

Aprèp aqueste bilhet fusional del jacobinisme installat en politica e sul terrenh de las eleccions dichas republicanas, ai poscut veire la representacion grafica d’aquesta critica sobre lo tract del MoDem, un pichonel detalh, un accent mal plaçat. Gaitatz :

Los partits franceses veson pas los dangièrs del nuclear (díson sul lòbi nuclear, que sembla pas èstre un mal), e los partits franceses que se presentan a las eleccions (sul modèl republican francés), veson pas lo dangièr del sistèma de gestion d’Occitània. Lo problèma es talament grèu que devèm debutar la reforma en lor explicar ont son las letras d’imprimariá sobre los clavièrs internacionals. Lo í per exemple es alt 161 … Assegurar l’avenidor : «Es dificile» coma explica la vídeo sul costat de mon blòg.

Son dificiles e complicats. Amerítan gaire de sortir per anar votar, en recuolar, benlèu.

Lo jacobinisme s’es reformat en crear regionalistas, un vertadièr OGM politic que serà autanplan dificile de destrusir que la fabricacion d’enèrgia per poder melhor viure suls territòris japoneses e franchimands.

Mas per astre, «Les cygnes noirs volent en bandes» … la natura nos ajudarà a sortir aquestas castas d’avuglaments politics ?

Socialistas : en cas d’excepcional : «NE PAS DÉRANGER» son solidaris e fan de social.