E las resultas en Éireann (Irlanda) n’avètz legit quicòm en França ?

Fianna Fáil ( al poder e aligança ambe los Greens) 20 deputats.

Fine Gael 76 deputats, resulta jamai obtenguda dempuèi l’independéncia d’Irlanda del sud.

Labour 37 deputats, resulta jamai obtenguda dempuèi l’independéncia d’Irlanda del Sud.

Sinn Fein 14 deputats, resulta jamai obtenguda dempuèi la separacion de l’Iscla colonizada pels Angleses.

Green zèro deputat (aligat ambe Fianna Fáil, e es el qu’a arrestat l’aligança al govèrn, l’an passat sonque, aprèp los problèmas economics e pas abans l’exigéncia cridada per la comunautat internacionala per salvar las bancas).

Other 19 deputats ! Çò que Independent e Irish Times indívan coma 19 deputats elegits OTHER... son fins finala candidats elegits ambe l'etiqueta "Worker's Party" contra l'especulacion banquièra. Faguèron una resulta de 19 deputats, çò qu'es considerat pels jornals irlandeses pel Sinn Fein coma una bona resulta, e sense comentari pels workers (trabalhadors). Son 19 caumaires qu’an trapat un emplec, de granda qualitat coma podèm veire sobre lo manifesto.

Lo manifesto – en occitan manifest- es lo document electoral presentat dins totes los jornals, levat pel Workers’Party dins lo jornal Independent. Lo manifest indica lo dobnte sobre la consideracion de left, en Irlanda ; pensatz pas que podèm penbsar parier dins l’Estat francés, quora se sap qu’un president del FMI es supausat vóler representar l’esquèrra, lo FMI la banca qu’escana los budgectes dels Estats paures…

L’emplec de la lenga irlandesa es tanben interessanta dins los manifestos de totes los partits, lavat pel Sinn Fein, totes l’an emplegat dins lo capítol politica lingüistica. Aquí tanben en Irlanda, dins un Estat independent, e que la lenga es valorizada, an pas encara comprès que l’irlandés-gaelic es tanbne lenga de comunicacion, com per totes los subjectes.

Aprenèm aqueste dissabte vrespe que l’aligança se farà entre Fine Gael e Labour pel govèrn de l’estat independent d’Irlanda.

Pel costat purament politic, los dos partits son sobre novèl e ges costumièr terrenhs. Fine Gael es lo mai grand partit de l’Estat pel primièr còp de son istòria (ndlt dempuèi l’independéncia en 1921) e lo Labour lo second mai bèl pel primièr còp. Se son donc acordat per formar un govèrn, ambe lo risc pel Labour d’aver una consequéncia coma pel Green, e aital van aver la mai grnada majoritat qu’es estada dempuèi la fondacion de l’Estat ondepdent e republican d’Irlanda.

Los dos partits an jà fait una aligança en 1948 (aprèp la collaboracion de la dreita irlandesa ambe los poders alemands, o puslèu una neutralitat sapienta) e lo darrièr còp en 1994. Los dos darrièr còps an agut una leugièra majoritat e a còps pas de majoritat realament. De mai, son, ara, ambe una oposicion flaca del Fianna Fáil, lo partit de la dreita liberala e conservatriça.

Se pausarà quitament pas lo problèma de las doás leugièras autras oposicions Work’s Party e Sinn Fein.

Las eleccions en Irlanda semblan pas interessar las redaccions parisencas, nimai las catalanas, nimai las espanhòlas. Es qu’interessan Euròpa ? Son çaquelà los lòbis bancaris qu’an imposat un regime budgetari estricte al govèrn irlandés, lòbis pron plan integrats dins los ceucles de poders de Brussèllas e Franckfurt/Mein.

Dins lo programa de las eleccions venentas avèm … las cantonalas dins l’Estat francés. Veirèm s’i aurà una susprèsa ?