Diluns, Midi Libre es un trac per la venguda de Marina en Occitània.

Es la primièra novèla plaçada sul site Internet del jornal de Montpelhièr, la majoritat dels clients de Midi Libre vòtan FN, a la seguida d’un sondatge per Internet, Telerama ne parla.

Sèm diluns, e Marine Le Pen arriba divendres … Un jornal parisenc presentava un sondatge per explicar que Marine Le Pen arribava al cap de las eleccions de 2012, pel segond torn. Se n’i a que se pausan las questions de saber de qué servíscan los sondatges, e bè … vaquí per ajudar las redaccions provincialistas a promòure l’extrèma nacionalisme d’expansion parisenca en Lengadòc, lo còr d’Occitània.

Lo dilèma es clar, non ne parlar es jà pensar una orientacion de la redaccion, e ne parlar es jà fabricar un tract politic pendent la campanha cantonala.

Las ovelhas lengadocianas e los rasims locals son a pauc prèp dins las condicions de las vacas bearnesas…

Lo FN pòrta ara lo messatge de la sotmission parisenca. E es clar, la bandièra servís pas per netejar los cagadors, la redaccion de Montpelhièr l’a vist clarament per l’illustracion de l’article.

E i a un fabricant europèu de papièr cuol tricolorat e parisenc ?

E doblidètz pas que, pendent lo darrièr debat RMC, lo verbiatge de l’extrèma-esquèrra èra per explicar qu’èran pas nacionalistas coma els, els = FN de Marine Le Pen. Mas francament lo gente candida candidat CGTista de Lorrena probarà lo contrari, mantunes jorns aprèp, el qu’es estat per las preferéncias nacionalas del PCF, puèi de LO, puèi candidat pel NPA e ara per la preferéncia dicha encara nacionala del FN, ambe tota sa seccion CGT del servici administratiu de sa comuna, foncionari pagat ambe d’estatut d’Estat. Las protestacions de la CGT i faràn gaire … lo nacionalisme francés es d’expansion e pas cap movement politic o sindical zo gausarà cridar per diferenciar la via politica, car es petar la branca sobre quala son setats, totes… e aital crear d’una certana manièra un concènsus sobre lo tèma qu’a amassat los pòbles de França, lo primièr 14 julhet de la dicha «Révolution Française», revolucion qu’a amagat l’expansion lingüistica francesa, un novèl imperialisme que farà florés per d’autres Estats europèus, lèu.

Es tanben amusent de veire que la visita es dins la region que las «elitas» politicas son estadas la sola a resistir contra lo jacobinisme de la partidocracia de l’ensemble amagat dels nacionalistas republicanistas francament etiquetats.

Pel moment la Mayotte département dona rason al nacionalisme francés, son dangieroses perqué son lo nacionalisme d’expansion, lo mai dangierós en Euròpa.