Belgica : an pas de govèrn, pendent la crisi tot va plan.

Se cal pausar mantunas question :

- es que la crisi es degut a politica de mantunes govèrns precedents ? Donc cal felicitar lo govèrn qu’a daissat Belgica aital. Es de longs tèrmis.

- podèm tanben pensar que l’abséncia de govèrn en Belgica, o la preséncia d’un govèrn amagat, ajuda a una melhora gestion d’un Estat. Pel cort tèrmi. Zo podèm aplicar per Espanha ? Grècia ? fRANÇA ? Portugal ?

- nos podèm tanben pausar la question d’una gestion per un Estat, de l’economia, alara que las regions son sovent mai capablas que l’Estat e son administracion bonapartista. Las regions ambe poder decentralizador ambe fòrtas identitats, bretona, occitana, alsaciana, son las regions que fan una melhora gestion dels fons publics.

La crisi serà regulada per l’abandon del sistèma etatic per la gestion de l’economia ? L’occitanisme o assaja explicar dempuèi 1974, la debuta de la crisi, justament, e pron abans la debuta dels deficits de l’Estat centralista francés. l’Estat francés es lo cort tèrmi, es la borsa pels privilegiats republicans.

E podèm tanben esciure sobre lo sèxe al cap dels Estats, aquò farà rire :

E los caps de govèrn son utiles a Roma, o al FMI ?

Me podètz explicar perqué i a pas cap article dins la premsa francesa ?

TdG ne parla ! Es benlèu tròp complicat pel ment jornalistic francés, o francofòn …

Caldrà explicar als lectors, e las lectriças, de la Tribune de Genève que lo jornalista qu’a redigit l’article sap pas lo catalan e a escrich l’article sobre la basa de document en lenga espanhòla.

Sabi pas se los jornalistas sábon l’idèa ambe la quala la lenga influéncia la redaccion, lo biais de pensar. ArturO Mas … dona un agulhon per saber de quin punt de vista lingüistic la redaccion es partida.

Dins l’article se parla pas tanben de Ciutadanos, e çaquelà es un movement d’extremistas d’esquèrra nacionalista espanhòla, que cal listar tanben, me sembla. La confusion, vist d’aquí, entre espanhòl e castilhan, me sembla tanbenuna causa d’explicar per entendre melhor de quin punt de vista los representants elegits espanhòls o catalans s’exprimíscan.

Aprèp, perqué l’article explica pas qu’es una ataca contra l’immersion ? Benlèu perqué lo ‘concepte’ es pas pron plan comprès pels lectors franceses ? L’immersion es çaquelà lo biais de foncionament de mantunas escòlas anglesas del costat de la Laca Leman.

E me podètz explicar perqué lo punt de vista del govern de la Generalitat es pas explicat ?

François Hollande e la medalha ‘Occitanie’

François Hollande sap pas causir los seus amics (dèu èstre aiçò ?), o benlèu es lo gente Kader Arif, LO NÒSTRE deputat europèu de la zòna South-West Of fRANCE ? Me soi botat a l’anglo-american, car quora la filha Arif tornarà d’estudis oltra-mar mestrezarà grandament la lenga, LO South-West se deurà adaptar a la novèla elita, familha socialista que fabrica LO South-West of fRANCE... Lo Kader estima lo rugbí, benlèu pas sufisent, non ? Lo Kader es benlèu regionalista, per la decentralizacion coma Defferre, mas benlèu es pas sufisent ? Kader Arif s’aucupa de las relacions internacionalas de Tolosa, mas benlèu qu’es pas sufisent o eficaç ?

Gràcia al Canard Enchaïné explica plan la situacion dels actes politics socialistas, se vívon en familha, sembla que la familha eireta del partit per arribar al poder ; sembla fòrça a l’ancian regime, aquel d’abans 1789, non ? Se cal mesfisar tanben de la critica per sonque aquesta esquèrra, perqué ? Perqué la dreita als braçes crotzats de Montalban, e de l’aeropatge del Carcin bais, es pas melhor.

Lo senador Navarro s'interessa 15 minutas als panèus en occitan al Sénat, mas lo Conselh General de l'Eraut a res demandat a la Direccion de las rotas de fabricar una signaletica generalizada coma en mantunes departaments de Bretanha fan. Coma èstre seriós en politica, cal puslèu èstre practica sul terrenh, e eficaç, pas simplament per desvolopar lo pichon comèrç de proximitat.

Per èstre seriós en politica, País Nòstre a donat una medalha ‘Occitanie’ a François Hollande. Amusent, non ? Benlèu la medalha pizzaiolo e regionalista de la politica li fautava ? Anè : Òsca lo Lengadòc Liure - Soi tras que segur que François li donarà libertat arribat al poder ! (edr).

Per clavar, quin programa politic traparà una aplicacion reala dins lo candidat seleccionat per 2012 ?

Calandreta = immersion lingüistica

Lo sistèma d’immersion lingüistica es lo sistèma catalan d’ensenhament, es atacat pel poder central espanhòl (qu’espèra aplicar lo modèl francés coma Franco), es criticat pels nacionalistas de totas pèls en fRANÇA, corporatistas o sindicalistas, mas atanben de las associacions dels parents d’escolans.

Es l’unic sistèma acceptat e valorizat per totes los educators europèus, aqueles que crèson al multilingüisme ; èstre poliglòt serà pas per aquel sistèma, malgrat tot çò que pòdon explicar los «éducateurs» en cap del sistèma nacionalista francés. Aquel sistèma còpia lo sistèma d’imposicion d ela lenga del rei, en cap moment es democratic coma l’explica Michel Dubet a la SGEN-CFDT en 2010, aquel que fòrma dins las universitats d’Aquitània per exemple, e aquel qu’es près per referéncia per totes los partits centralistas franceses quora se li demanda conselh.

Ensenhar dins la lenga es la primièra laïcitat ; laïcos = çò qu’aparten al pòble en lenga grèga anciana ; l’occitan es la lenga del pòble qu’a bastit Occitània, e sa civilizacion de paratge, convivéncia e jòi, es bric la lenga administrativa francesa, nimai la lenga etnica, ni la lenga polida, cap la lenga d’una classa sociala. l’occitan es la lenga del pòble, per classa mesclada, es la lenga republicana per esséncia, per istòria. L’occitan es l’unic poder actual del pòble d’Occitània.

Bon minjar es la vida pel pòble

Siam arribat ambe los Mac Donald’s pertot (a un moment donat, un licenciat economic de IBM aviá moneda per bastir una entrepresa, fabricava un Mac Donald’s al solelh ! en Occitània donc – uèi fabrícan d’autras mèrdas d’aquel escantilh), quasiment trenta annadas aprèp lo Reialme-Unit, çaquelà. Uèi, ailà se páusan politicament  la question de saber se cal pas limitar lo menú Mac Donald’s, un còp al jorn. Mas de quina manièra ?

Vesèm passar nosautres la pulbicitat per aver uèit fuchas per jorns a minjar ; avètz vist un restaurant uèi al XXI en sègle vos servir una frucha, una copa de frucha de causir per desert ? Ambe un autre biais de minjar, ne siam arribat al meteis nivèl de salubritat publica, de mala sentat ambe l’obesitat creissenta.

Uèi, i a mai que Mac Donald’s … la lista es donada per The Independent :

E Òc, coma per la practica d’una lenga, la practica del minjar, lo maissant coma lo correcte per la sentat, es una decision personala, o una vision collectiva. E lo politic s’en trufa, car l’agrada de favorizar lo mercat ; uèi lo politic se questiona mas per rason ecologica, e lo lògo AB remplaça pas una pensada collectiva sobre l’afar, non ?

La collectivitat a una responsabilitat dins las prepausicions cosinièras, individuala o collectiva privada o publica, de las seunas conservacions ; la conservacion de practica cosinièra se podrà far ambe las produccions agricòlas aprosmadas de las conseissenças de las populacions consomatriças.

Uèi, lo sistèma a elonhat lo poder de decision politica de la populacion, e la populacion a donc abandonat la lenga occitana que fasiá las transmissions del bon viure sobre un territòri, d’una geenracion a una autra generacion ; las formacion cosinièra son pas brica sufisenta, uèi ; lo bon viure sobre un territòri passa per lo minjar e la lenga que se fabrica l’expression.

Lo modèl imperialista favoriza lo transpòrts dels sabers (ont son los melhors beneficis ambe tal produït o tal autre, sobre tal territòri o takl autre – los supermercat i sábon jogar, contra l’Estat e la sentat publica en general) e de las causas exoticas, donc una logistica dels transpòrts dels produïts, e l’elonhament dels sabers emplegats, donc favorizar l’industrializacion del minjar ; puèi l’industrializacion favoriza lo minjar de tipe Mac Donald’s, lèu fach, sense experiéncia de restaurants costumièrs e istorics, e lo lèu minjar ; alara damora, dins lo biais de minjar, d’una generacion a una autra, la consequéncia, l’obesitat.

Lo modèl anglés, escossés, o gallés, alemand, neerlandés, danés, nòrd-american, nos semblava bons dins las annadas 1980, talament que la pujada dels viatges estudiantins ailà èra, amai per apréner la lenga, èra tanben per apréner a minjar coma agrada a l’industrial, las polas als uòus nascuts dins quarrat concentrat, sobre 4 qm de granja, e dins caissas antivivença normala per un animal... L’uòu produsit aital èra sense gost e donc industrializat per l’amagar, lo viatge èra una prioritat (sempre prezat per la produccion productivista de uèi, sobretot dins la boca de la FDSEA que vòl transportar per noirrir lo planèta) ; lo mercat del minjar èra l’exportacion. Se parlava de minjar pomas de Lemosin o de Nòva-Zelàndia, sense se questionar sul còst del transpòrts. Normandia o Anglatèrra son estadas tèrras de pomièrs, mas res n’i faguèt, lo sistèma a destrusit lo balanç ancian, las tradicions, las costumas, e totas las experiéncias del saber viure sobre un territòri ; lo sistèma es lo mercat, e la populacion i trapava lo gost de ne trapar una mòda, un biais de viure, èra «branché», un «good way-of-life».

Es que cal s’atacar a Mac Donald’s, o es que cal s’atacar al sistèma politic qu’a favorizat las installacions de las zònas industriala ambe Mac Donald’s ? Mac Donald’s o KFC son noms generics per explicar lo mal minjar, qu’a destrusit los restaurants d’obriers, religat al territòri e a las produccions territorializadas, pauc a pauc, per l’Estat francés, en Occitània o endacòm mai. Cal notar tanben que las crompas a Metro per mantunes comèrces de las grandas ciutats dona pas melhor que Mac Donald’s sobre la capacitat dels comercants d’anar causir una territorialitat a las prepausicions de la restauracion sobreviventa.

La restaurancion del bon minjar es pas sonque saber cosinar, o causir lo minjar del restaurant, es tanplan saber crompar, pel comerçant, ambe una lista de fornisseires territorializats e prèp del luòc cosinièr. Es un saber far qu’existís pus per mantunas rasons que son pas forçadament economicas.

Dins aquel sistèma lo biais de virue occitan es a morir en meteis temps que sa lenga. L’imperialisme mata pas sonque las lengas, mata l’autonomia dins la vida de cada jorn de las populacions, servar una lenga es tanben refusar l’industrializacion de la pensada de cada jorn.

Quí sap comptar las consequéncias de l’abandon d’una lenga ?

Perqué una repression contra lo catalan, senon per nacional-expansionisme pòstfranquista ?

Lo jornal catalan ElPuntAvui publica uèi, dedins la polemica engimbrada per un Tribunal de Madrid sobre l’ensenhament per immersion lingüistica de la lenga catalana (e donc occitana en Aran), reconegut per totas las institucions europèas coma lo modèl per la pluralitat lingüistica que nos cal en Euròpa.

L’article explica, coma l’auriá poscut explicar fa detz annadas, que l’ensenhament del catalan en immersion lingüistica frena pas la bona coneisséncia de l’espanhòl, ni mai d’autras lengas. Los turiferaris nacional-expansionista de l’espanhòls o del francés zo podràn verificar en visitar las escòlas en Val d’Aran (sobre una basa occitana) ; es qu’i an quitament pensat ? E lo Tribunal capable de visitar las escòlas abans de n’aver un punt de vista dempuèi Madrid, elonhat de las realitats ?

D’aquí podèm donc afortir que las accions politicas del PP e de Ciutadanos son d’accions de nacionalisme d’expansion espanhòla sobre l’esquina de çò que fabrica per esséncia antropologica la nacion, la lenga.

O cal dire tanben, l’accion politica aquesta es tanben lo rebat de la presentacion que fan los Espanhòls de la diplomàcia [foncionaris que son tanben pagats per impòsts catalans, bascos o galicians, e qu’an per ròtle d’emplenar los centres culturals de quasiment tot, levat libres o abonaments en lenga catalana] e los filhs d’Espanhòls [Casa de España per exemple, o un pintre andalós en vila tolzana, famós pareis, benlèu lo meteis que crida quora l’ancian president Montilla parla en catalan a la Casa de España per una visita oficiala] de la situacion politica e lingüistica de Catalonha (Principat) dins las tèrras occitanas (sotmetudas en fRANÇA al meteis sistèma de negacion lingüistica francesa). Lo projecte dels nacionalistas parisencs o madrilencs es plan la destruccion lingüistica europèa, per totes los mejans ; la lora principala caracteristica es que zo faràn coma àngels autoproclamats de la «bona politica» pels Occitans o Catalans.

Avèm tanben entendut mantunes elegits e mantunas elegidas explicar que «les Catalans exagèrent», per explicar que «vòlon imposar solament lo catalan», çò qu’es faus vist l’article de ElPuntAvui. Çò de “plasent”, sovent, lo meteis personal politic afrancezat explica que cal servar l’escòla unica en lenga francesa e que cal aver mantunes pòstes, sotmetuts al principi parisenc de la republica, pòstes de mai per l’escòla, e que fan la guèrra a las escòlas bilingüas e a Calandreta, e evidentament que se retròban dins un sistèma catolic qu’ensenha pas brica –res o quasiment res- l’occitan.

-°-

Quand PCF-FdG nos engana, es un acte de nacionalisme.

Ai recebut un document en dobla pagina, dins lo mercat de Sant Albin aquel dimenge. M’a donat la confirmacion de ma colèra d’esquèrra… A l’esquèrra del rei ! Car la nocion d’esquèrra es una situacion en foncion del rei. Uèi dins çò d’esquèrra francesa vesi sonque conservatisme del sistèma d’expansionisme parisenc. Es un grand conservatisme assumit. L’esquèrra FdG-PCF li agrada la teocracia republicana, la vòl servar per la gestion d’Occitània. E donc primièr cal servar son sistèma de reproduccion.

Lo primièr costat. Quí serà contra ? Mas quí criticarà tanben lo sistèma "Éducation Nationale" en plaça, un sistèma qu'engana lo pòble ? Quí ? Sense parlar del non-ensenhament de l'occitan, mai luènh dins lo sistèma, es un sistèma impossible d'adaptar, es una pèrda de temps per tot pòble, sotmetut o pas, es un sistèma que fabricarà sistematicament l'illetrisme, fabrica de generacions de sense emplec, diplòmas donats a quí politicament passa, etc. e formacion sense cap de sortida.

Segond document fàcia B : "Journée d'action nationale", mas de quina nacion se parla ? Senon aquela qu'engana lo pòble occitan dempuèi Ernest Renan e Maurici Barrès, la referéncia del Alain Juppé. Non, ièu soi pas per aquel sistèma d'educacion pel pòble occitan. Es una jornada d'accion antinacionala, anti-Occitània. La confusion entre la ciutadanetat e la nacionalitat es una especialitat del nacionalisme d'expansion parisenca. Per d’ensenhant es superba, sábon pas la diferéncia entre lo juridic e l’antropologic… Benlèu i fauta corses de civisme que cal donar en urgéncia ?

E es çaquelà estupefiant de veire la fauta de saber en sciéncias politicas d’aquel personal politic ligat a l’ensenhament en fRANÇA !

Cal èstre clar, aiçò es pas ma jornada d’accion, es pas ma nacion que batesta per la dignitat ; es una nacion expansionista que contunha a escanar Occitània. Perqué me batre per aiçò ? Non pietat ! Damoram a l’ostal !!Car per aiçò val pas lo còp.

Lo PCF-FdG, en l’abséncia de projectes politics e economics per Occitània, nos prepausa la blablà del nacional-expansionisme francés, coma sempre e dempuèi 1945, senon dempuèi la creacion d’un movement d’esquèrra en fRANÇA ; lo nacionalisme d’expansion parisenca es un acte clar dempuèi l’existéncia de fRANÇA revolucionària de 1792. Escriure aiçò aquò vòl pas dire que lo sistèma d’abans 1789, èra pas de cambiar, s'í que l’èra, mas lo cambiament es estat manipulat.

Quin avenir per Occitània de seguir aqueles militants nacionalista franceses ? Bric!

Òsca al capitalisme, non a l’accionariat privat de borsa.

Lo sistèma juridic francés actual pòt ajudar a gardar lo sistèma de las entrepresas privadas en collectivizar lo capital, e l’entrepresa.

La "scop" Sea France contra lo capitalisme d'accionaris o d'un sol accionari, sobretot que l’accioanri per fenhantisa fa fisença a la tecnocracia de las grandas escòlas francesas, ambe simplismes economics. Cal pas èstre contra lo capitalisme, mas contra l'etica del capitalisme d'accionariat e de la borsa. Lo juridic pòt ajudar. Felicitacions a la CFDT Sea France.

Lo sistèma de las entrepresas privadas tal qu’es pensat coma la solucion unica de la borsa es la solucion del nòble a quí se dona lo peatge d’una region per finançar sas despensas al mesprètz del mercat donat ; las “Généralité” èran donada als amics del rei, per finançar las loras despensas dincal moment que lo rei aviá mestièr d’argent per son budgecte ; uèi son los mercats (fabricats pels Estats) que son donats als amics per desvolopar las loras entrepresas.

Uèi avèm la majoritat dels siètis socials de las entrepresas dichas francesas que son a l’EPADLänder, dins lo departament del Hauts-de-Seine, ambe un sistèma d’entrepresas que nos fabrica l’UMP-NC e sa pensada politica. Avèm donc lo meteis sistèma que Versailles abans 1789.

Lo sol biais de redusir l’empresa de la borsa sul sistèma de Neuilly/Seine, e del sistèma financièr francés mondializat a la segonda prèp, es de prendre lo poder dins las entrepresas, crear una SCOP es aquela solucion. Es pas una solucion novèla, perqué uèi ?

Perqué lo sistèma bancari que mescla las botigas (la preséncia sobre las carrièras e los guichets que son de mai en mai automatics) e la finança (un jòc dinerièr e de matematica, ajudat pel sistèma politic dels Estats centralistas e de l’Union Europèa actuala, de la BCE per exemple), a abandonat de saber de qu’èra un client de banca, per favorizar lo sistèma financièr mai remunerador. Òr, i a bancas alternativas que son prèstas de jogar lo ròtle de financièr de l’activitat d’entrepresas (es tanben remunerador mas mens aviat), donc lor cal portar projectes e las cal ajudar a se desvolopar. Perqué lo sistèma bancari actual, installat, refusa de finançar la iniciativas individualas. E en l’abséncia d’intervencion de l’Estat, l’abandon de son ròtle regulador, cal que la societat se prenguèsse en man, en Occitània o endacòm mai.

E aiçò qu’escrivi uèi es pas brica novèl, es lo projecte economic pensat en Occitània dins las annadas 1970 ! E aplicat uèi per Herrikoa en Euskadi per un terç de departament, Herrikoa aplica aital una politica lingüistica ligada a l’economia, e la creacion d’activitat economia ligada a la lenga. Aquesta politica es ligada al besonh d’iniciativas economicas collectivas occitanas.

-°-

Quina television per Occitània ?

Un reportatge de la televison alsaciana arte-tv donava la descripcion del païsatge televisual d’Escòssia. Aquel reportatge se podrà gaitar aquí.

Lo reportatge es pron utile de gaitar pel sistèma politic de la decentralizacion qu'avèm uèi en Occitània.

Podèm pensar qu’i a parallèls potencials ; la lista es longa de las similituds : lenga abandonada, populacion agrèsta, monopòl de la television publica, poder regionalista ancian, etc. Las diferéncias son tanben importantas : avèm pas de poders dignament occitans, lo territòris es pichon, avèm pas de petròli, nimai de sistèma de television privada que poquèsse far concurréncia a FT, l’idèa de BBC Alba es impossible d’aver a FT, la lenga occitana es pas lo gaelic d’Escòssia nimai lo scòt, e avèm tanben vesins que segur seràn uroses de nos veire espelir (EITB, TV3-Canal33), etc.

Alara lo sistèma de produccion ambe un programa tal qu’es pensat dempuèi annadas e annadas sembla pas al nivèl que los Occitans e las Occitanas pòdon pensar aver un jorn, per necessitat zo caldrà çaquelà. I a una autra solucion ? Benlèu, legissètz l’article dessota e pensatz que jà los CR d’Aquitània e Miègdia-Pirinèus i pensan, gràcia als elegits d’Europe Écologie Les Verts, zo cal plan dire perqué sembla qu’es sovent oblidat. Los elegits aqueles fan causidas, se podràn criticar, mas pel moment, sembla èstre mai clar lo camin ambe els que d’aperabans ambe los ancians e autres elegits, de dreita o d’esquèrra.

Mas l’important es pas la tecnologia (la cal mestrezar çaquelà, e aquò còsta), l’important es lo contengut (pas sonque lietaratura, aquò còsta tanben), e se lo contengut es bon, lo public i serà. Coma l’explícan totes los productors escosseses del reportatge d’arte-tv. Los productors escosseses lo son per la BBC (BBC Scotland e Alba – non pas BBC Nòrd o Sud, res qu’ambe los noms, BBC a integrat la situacion escossesa) e lo fialat de televisions privadas qu’a per nom STV en Escòssia (ITV dins l’Estat del Reialme Unit, Anglia TV per exemple en Norfolk o Suffolk). Pauc a pauc lo numèric arribarà a portar d’autres programas (cal al mens tres annadas per fabricar un bon programa), segur, mas pel moment son doás basas seguras per bastir un païsatge televisual coërent. Las avèm pas encara en Occitània.

L’imaginacion dels productors e lo biais d’o presentar per agradar a un public seràn essencials pel futur d’un(es) mèdia(s) en lenga occitana. E soi segur que totas las iniciativas seràn plan vengudas per bastir aquel projecte cultural de granda dimension, car cal plan dire Occitània es una mai granda dimension qu’Escòssia.

-°-

Caldrà evitar al nostalgia o la compassion, coma RTL aquí …

Caldrà explicar a Tipiak que lo ‘taboulé’ es benlèu exotic vist de Bretanha, vist qu’es provençal.

Novèl, Rue89 lança : «la rentrée nationaliste»

Lo «nòstre espanhòl nacional», Manuel valls, melhor nacionalista d’esquèrra e assimilat al nacional-expansionisme francés, castigat pel nacionalisme de dreita francesa, Alain Marleix, d’origine eletiva lemosina.

La guerilla es essencialament una guèrra politica dempuèi la seuna origina modèrna catilhana dins la lucha contra l’invacion francesa napoleonica, en Castilha, puèi en Argèria, e qu’a importat lo borbonisme en Castilha, vengut tornar Espanha, ambe los «problèmas» novèlas bascos. Lo general Bugeaud es d’aquestes collaboradors, generals, del sistèma militarista e bonapartista, jacobin e nacional-expansionista francés, es donc un amic ideoplogic a tota la linhada politica actuala, Manuel Valls, Jean-Pierre Chevènement, Mélenchon, Arleta Laguiller, Jean-Marie Lepen, François Mitterrand, Jacques Chirac, Valery Giscard d’Estaing, Georges Pompidou, Jacques Myard, Rachida Dahti, Alain Juppé, e lo quite lemosin Alain Marleix. E son tantes autres aital, sotmetuts a la pensada nacional-expansionista francesa. Aquel nacional-expansionisme francés es concretament ligat al sistèma politic qu’a volgut imposat lo sistèma del traïdor còrse Napoleone Buonaparte (devengut Napoleon Ier e de la seuna seguida ambe lo numèro III) sobre lo continent europèu ; n’avèm uèi las consequéncias, e l’installacion politica contunha en fRANÇA dins Rue89, per la «rentrée nationaliste» francesa.

Es encara l’estiu 2011, lo temps d’un festenal novèl, aquel de la «rentrée nationaliste françAIse».

Ièu preferissi, ambe un fum de desfauts, lo gascon Charles de Casaulx…

La crozada espanhòla contra lo catalan, perqué ?

E contra l’OCCITAN en ARAN, veire lo comunicat de Libertat en fin de bilhet.

Lo site Internet ara.cat titola aqueste maitin una novèla qu’a la caracteristica de tornar coma los astres dins l’actualitat politica e qu’a de mal de passar las frontièras per èstre descrit coma una acarniment politic e ideologic nacional-expansionista espanhòl contra Catalonha : los partits PP e Ciutadanos fan la guèrra juridica contra lo sistèma educatiu catalan, contra la primièra expression de la nacion catalana, sa lenga.

Lo sistèma edutatiu catalan es estat sempre glorificat coma bon pel sistèma europèu, per mantunas institucions europèas, e lo PP e Ciutadanos emplegan lo sistèma juridic espanhòl -decidit a Madrid per un sistèma de representativitat de lenga espanhòla- per amenaçar un sistèma que fonciona en lenga catalan, e que fonciona plan (se podrà segurament lo criticar per zo melhorar). La rason es sempre donada de l’egalitat de las lengas, en favor de la pensada politica del nacional-expansionisme.

L’egalitat de las lengas es un sistèma de pensda politica qu’es sempre emplegat pels centralista a las loras favors, jamai per donar a l’occitan lo meteis ròtle que pel francés. Lo sistèma de pensada aquel es un biais coma un autre per castigar un sistèma educatiu que fonciona, els preferiscan un sistèma educatiu que parla espanhòl e que fonciona pas coma a l’Estat francés.

Lo PP e Ciutadanos lor agrada un sistèma educatiu a la francesa, aquel que mata las lenga e l’ensnehament de las lengas, quitament las estrangièras. France Soir explica,  de son punt de vista de dreita francesa, ièr, la descripcion del sistèma qu’agrada als nacional-expansionistas de totas pèls, e particularament als Franceses :

La guèrra en fRANÇA es una guèrra suls metòdes per ensenhar sonque lo francés, son d’accòrd totes/as per destrusir las lengas e la diversitat ; e la resulta per l’ensenhament de l’anglés son talament pietadoses que podèm dire que la destruccion de las metodologias per aprendre las lengas en general es un modèl francés a granda dimension, dimension antieuropèa, ambe «frontières naturelles» qu’agrada a Madrid d’importar. Es lo modèl del PP e de Ciutadanos parier lo PP es lo modèl per l’UMP (proteccionisme comprès ?), dixit Alain Juppé.

Lo modèl PP e Ciutadanos agrada a Alain juppé, el l’aplica en fRANÇA, ambe los ministres successiu de dreita o d’esquèrra. la “guerre des méthodes” es simplament per far creire qu’i a un biais francés e metòde francés per ensenhar las lengas. La sola faiçon francesa, ideologizada pel PP e Ciutadanos, es la destruccion lingüistica e los frens ontologics e metodologics, per negar biais diferents d’ensenhar (Catalandreta). E quora escrivi aquò, la faiçon francesa de mesurar los ensenhaments lingüistics es donada per professors de lingüistica qu’an un apriòri pòst-franquista e que veonon l’explicar a Tolosa convidat pel Nouvel Obs. Es un element qu’ai poscut jà explicar sobre aquel blòg, al printemps passat.

Lo tribunal espanhòl que mestreza lo planh PP e Ciutadanos sembla non pas èstre seguit pel sistèma autonòme catalan, ni per la Generalitat de Catalonha, lo Parlament de Barcelona, los sindicats professionals (mens nacional-expansionista que los Franceses) e los parents (mens perturbats per TF1-LCI e la patrimonializacion de la pensada politica en regions al modèl Edgard Morin, veire bilhet següent, o los elegits UMP-PSf), veirèm dins lo futur. Mas çò de segur es que l’acte politic del sistèma juridic espanhòl mena clarament cap al desvolopament de las idèas independentistas en Catalonha ; Solidaritat per l’Indepedència a jà protestat, CiU e lo PSC sembla vóler agir del meteis biais que lo darrièr còp : levar las espatlas (fins a quand se podrà simplament fa aiçò ?). Lo desvolopament de l’independentisme es jà benlèu una bona causa per Euròpa, contra los Estats borbonics o bonapartistas.

ara.cat l’article es aquí ambe totes los ligams.

nació digital : volen la guerra ?

-°-

-°-

Document suplementari.

-°-

Comunicat de Libertat, movement politic d’esquèrra pirinenca.

Heribert Barrera, una carrièra granda en Aran, mas ont ?

Un Internauta maliciós, sovent son aital, o coërent, a trapat l’endreit que cal ! E me manda un messatge per explicar que Eduardo Aunós èra franquista, «una vergonha» m’explica lo subjecte del rei castilhan qu’es legidor del meu blòg. Bossòst podriá coma Barcelona aver sa carrièra Heribert Barrera ?

La carrièra Eduardo Aunós es la carrièra granda de Borssòst, dedidat al comèrç transfrontalièr. Lo cambiament de nom seriá aital, la verificacion que lo monde a cambiat, qu’un autre monde es possible, e que lo comèrç pòt contunhar tanben en democràcia.

Quí gausarà lançar la peticion ?

UMP : l’umor al quotidian politic

L’umor ne cal, ne cal fòrça e l’UMP trabalhar fòça per nos fa ganhar mens e per nos i botar un pauc d’umor de cada jorn ; l’UMP es fòrt de ne prepausar un pauc cada jorn. Uèi nos fan saber que son proteccionistas… Nos fan saber aiçò en tèrra de votacion FN, pas a Neuilly/Seine que los amics del Fouquet’s son pas brica informats d’aqueste linha del projecte dels deputats UMP de Lengadòc, non en tèrra de Lengadòc, especializada en replegament nacionalista francés, en adobament del nacionalisme francés republican e d’extension variadoira, que se replega pauc a pauc sobre la capitala santa, pron elonhada de las seunas realitats politicas e economicas lengadocianas.

E l’UMP local nos prepausa lo proteccionisme, seriosament. Es aquò qu’es amusent.

Per astre, lo minitel es acabat, e Internet existís, alara podrèm informar los caps-d’entrepresas que son portadors de malegas de bilhets, e de mercat mondial, que lo camin de la Confederacion Helvetica es encara obèrt, e que quora los deputats UMP de Lengadòc seràn al poder, zo van barrar.

Qué ?

I a un piòt de ciutadan francés, maissanta mirga, que m’aviza d’una causa : los deputats UMP de Lengadòc son al poder actualament ambe lo govèrn de Nicolas Sárközy… dempuèi 10 annadas, al mens.

La mirga se questiona tanben : mas coma faràn per explicar aiçò al govèrn alemand ? La maissanta mirga m’esplica que zo faràn ambe los toristas que venon regularament sobre la còsta de Narbona en tren especial, en tornar portaràn la bona novèla UMP de Lengadòc. L’an que ven i aurà proteccionisme per venir en vacanças, la maissanta bèstia.

L’UMP Lengadòc pratica l’umor de faiçon especiala.

Es lo FN qu’es content d’aver una linha de mai de comun ambe lo programa UMP novèl, o ancian ; sèm un pauc perdut dins aquel programas de darrièra borra. Es Georges frêche qu’an rason : los electors son cons en Lengadòc, pron cons per votar per cons proteccionistas ?

L’article en referéncia es aquí dessota :

Remarcarèm la causida fotografica de Midi Libre. Amusenta tanben. E vist la fòto, i an pas cresegut una minuta, tanpauc.

Per l’article que los foncionaris de l’eleccion presidenciala UMP, vos conselhi de legir lo darrièr numèro de BOOKS, es encara en quiòsque… se la CGT l’a plan distribuat, dins totes los quiòsques (soi segur que ne devètz dobtar totparier). Puèi coma soi gente, l’article que vos cal legir aviat, l’ai jà agut plaçat dins lo meu tractament redaccional sobre aqueste blòg. Los foncionaris de las eleccions son pas bons dins la recèrca d’informacion abans d’escriure los programas dels elegits UMP lengadocians en matièra economica.

-°-

Una idèa recuperabla per L’UMP … Unser Land zo dona : una constitucion per Occitània, Elsaß, Breizh, Catalunya, Euskadi, etc.

Edgard Morin, lo nacional-expansionisme francés d’esquèrra

Edgard Morin es assimilacionista, e l'explica sobre France Culture, s'acaba a las 19:00 oras. Es donc una integracion per la fòrça de las armas, caldrà explicar a Edgard Morin qu'es una violéncia, e donc qu'es una assimilacion – sembla prendre aiçò coma una fait complit e sense cap de revendicacion potenciala, o de reparacion istorica, es de nacional-expansionisme assumit , en fasa terminala per explicar que cal parlar d’una autra causa, lo social (es un biais de tractar los problèmas nacionalistas frnaceses un aprèp l’autre, e sobretot pas al meteis temps). «La lenga francesa fabrica la fRANÇA» explica, mas la realitat explica qu’es una imposicion d'un dreit comun, qu’auriá poscut èstre multilingüe ; la fèsta de la federacion de 1791 es una fèsta dels pòbles de fRANÇA per aver dreit a la ciutadanetat, un aspecte juridic qu'èra pas abans d'èstre subjecte del rei. Edgard Morin a mestièr de legir Cornelius Castoriadis per dire mens de conariás en sciéncias politicas sobre l'identitat dicha nacionala e lo debat sul tèma.

E coma l'explica Martin Malvy dins un comunicat recent, per parlar d'educacion, es pas cap a la morala, ni d'assimilacion supausadament acceptada (pantai nacionalista francés que catalògue Edgard Morin dins lo camp nacionalista francés) que se cal virar mas cap a la ciutadanetat (comprendre lo juridic francés per l'aplicar a totes los pòbles a egalitat, per l'egalitat de tot, quitament dels instruments lingüistics e de las culturas de l'Estat francés, l'egalitat e non pas l'Égalité).

Nicolas Sárközy es anat en Kanaky

La causa es simpla, aparentament, es simplament per l’inauguracion dels jòcs del Pacific, ara la ràdio oficiala presenta en directe aqueles jòcs, se sona Nouvelle Calédonie 1er (grope public RFO) ; es la ràdio oficiala, los jòcs son sempre un supòrt de nacionalisme d’expansions parisencas.

Coma es evident, lo passatge dins las províncias, la visita a mobilizat la polícia en nombre, NS es popular, mas li cal vagons de  policièrs per sa proteccion, mai que tot autre president de la republica francesa ; i a segurament rasons.

Me soi pausat la question de saber de que ne pensan los vesins australians, per exemple ABC.

Es clar per aver informacion independenta, coma entre 1939/45, cal passar las mars granas per aver la paraula aisida e non censurada, aital ABC… per la visita en Kanaky d’un president colonialista francés, republican e laïc que díson en mai los nacional-expansionistas.

French colonies = Nouvelle Calédonie.

Quantes/as Occitans, Occitanas, Bretons, Bretonas, Alsacians, Alsacianas, Còrses, Còrsas, Catalans, Catalanas, Bascos, Bascas, Flamands, Flamandas, etc. I particípan, i collabòran ? An pas vergonha d’associar pòbles colonizats aquí a un colonialisme ailà ?

Son ciutadans de l’Estat lo mai centralista del monde, sobre aquesta escala tant pichona, mas sábon çò que se pòt passar se lo poder central li agrada pas d’aver opinion anti colonialista.

La repression es clarament una règla en Espanha contra las opinions e las votacions contra lo poder central. Lo “poble” en catalan es un vilatge o una vila ; lo pòble en occitan es la populacion concernida pel discors, territorializat o comunautat d’interès. Èstre dins la lista nègra, es non pus recebre subvencion de l’Estat, mas an l’obligacion d epagar los impòsts, es donc plan una decision discriminatòria caracteristica d’una repression politica.

I a moton pertot, aquí lo messatge es arribat dels Pirinèus… ambe un afar d’ors qu’auriá minjat de la feda pirinenca, remborsada a còp de subvencion europèa (es pas una metafòra).