Las idèas d’avança de la SNCF

Segon lo marqueting de la SNCF, se parla d’«idées d’avance», sempre que díson. Pel tren en basco, podèm veire que son pas las idèas qu’an fait avançar lo dorsier, mas puslèu la pression politica.

Lo problèma es que la batlaha d’Euskadi del nòrd ambe la SNCF a pas fait cambiar que un terç pichonèl de fRANÇA sul subjecte.

Los elegits presents a L’Estivada 2011, pauc del Parti Socialiste, lo dimècres a las 10h00 dins la CCI de Rodés, an plan notat que caldrà pas anar veire la SNCF separats (una region aprèp l’autra), per capitar lo bilingüisme ; una normalitat pertot en Euròpa es ambe la SNCF un copacap politic, tecnic e entreprenarial, tot en recebre las subvencions TER e sovent non gaire respectar los contractes (per exemple lo velò son pas acceptat dins lo bus del plan rail, perqué ? Alara qu’èra una condicion per Veolia d’aver lo mercat gròs, e cap elegit a protestat, perqué cap elegit prendrà lo tren entre Albi e Tolosa en velò).

Cada còp que la SNCF respecta pas lo contracte signat ambe los elegits e las elegidas que fan ? Que fan per non respecte de contracte, es sistematic.

Per l’occitan es parier, zo volèm e lo cal al pus lèu possible. Que fan lo elegits per zo demandar totes e per prendre lo tren ensemble per zo demandar. Es que caldrà protestacions gropadas (per exemple d’elegits prenon lo tren ambe clients, en granda quantitat sense vóler pagar tant que lo tren pala pas occitan…).

Soi pas segur que la diplomacion ambe la SNCF foncionèsse melhor que lo páur d’aver un ocncurrent public de transpòrts regionals.

L’occitan se podrà entendre dins lo mètro, fabricat en Alemanha, a Tolosa. Los bombadier an problèmas tecnics per aver l’occitan, perqué ? Son fabricats a Valenciennes… e lo personal politic es pas pron clar per aver una demanda iniciala ambe lo trilingüisme o quadrilingüisme potencial dins lo tren Bombardier.

Uèi l’occitan a mestièr de visibilitats, pertot, e sobre totas las signaletica de las rotas fabricada ambe las subvencions dels CGs e CRs d’occitània. Perqué es impossible ? Perqué los leelgidas e las elegidas d’Occitània fan pas lor trabalh correcte per rendre digne la lenga occitana, dins totes los dorsiers politics regionals i cal pensar dintrar l’occitan, sense cap d’excepcion. Es urgent.

Sense occitan, la SNCF es pas una idèa d’avança, es una idèa de retard quitament ambe la LGV-TGV.