L’alimentacion biologica es una batalha politica de cada jorn.

Me sembla que la proximitat entre lo politic e lo mercat respectuós de la tèrra nòstra afavoriza aquestas actituds contra lo mercat, mondial o mercat-Estat-nacion, fRANÇA. L’abandon de l’acte politic es la primièr victòria del mercat. En Equador an un actor politic, an una chança reala.

Per produsir una agricultura sana e naturala, biologica, cal aver un territòri sant e sanitós, e un pauc d’etica… productiva ; puèi cal ensenhar lo pòble (occitan per nosautres) que cal crompar local. Per las bananas podèm tanben pensar que crompar Bananas biologicas d’Equador serà un solidaritat contra lo mercat mondial dels fenhants.

Aital en Carcin i aurà lèu dos eveniment que cal noitar dins los agèndas :

Una manifestacion de promocion dels produccions biologicas : picatz aquí, e la manifestacion de Cáurs lo 17 d’abrial venent, per protestar contra las recèrcas de gas de sistre en Carcin e Roergue, Lemosin o Provença, enfin pertot en Occitània que París a donat los permís al mercat, a las entrepresas professionalas qu’an destrusit lo país al EUAN o Canadà.

Vaquí lo programa per Cáurs, en Carcin, Occitània.

Anayz segurament a Nant en Roergue lo 12 d’abrial,  es plan mas per l’Oèst d’Occitània cal pas doblidar la manifestacion de Cáurs (Òlt, Tarn-e-Garona, Oèst-Avairon, Sud-Èst Peirigòrd o Sarladés), ont se debana ?

A CÁURS, plaça del general de Gaulle a las 15 oras

La Coordinacion de l’Estat francés dels collectius contra la prospeccion e l’explotacion del gas e de l’òli de sistre a decretat lo 17 d’abrial de 2011, tala la jornada de mobilizacion sobre totes los païses concernits, concernits pels permís d’Estat republican francés per las prospeccions accordadas pel ministèri de l’Ecologia, los engenhaires de l’ostal ecologic de la centralizacion. Aquò se debanèt en març de 2010, per Borloo, lo radical de dreita que se dís ecologista e prèp de las realitats de terrenhs.

Los departements occitans de l’Avairon (Roergue), del Gard, de la Losèra (Gevaudan) e de l’Eraut (País de Magdalona) son majoritariament concernits pels permís de Nant.

Lo govern francés a pensat recuolar per la mobilizacion de la granda majoritat dels ciutadans e dels elegits en Occitània : la pensada qu’un pausa regalarà lo problèma es una illusion centralista francés, per apatzimar l’afar e reglar la deregulacion orquestrada per París, pel poder centralista parisenc ; l’expertisa es tanben parisenca, e donc dins lo biais de pensar parisenc, al fial de la pensada unica de l’industria del mercat-Estat-nacion francés, contra totas vida energetica respectuosa del pòble occitan, e de totas tecnologias que fosquèssen pas una preson pel pòble occitan.

Un rapport d’estapa seriá publicat a París lo 15 d’abrial, mantunas setmanas abans lo rapòrt definitiu.

Se cal sempre mesfisar de las man-òbras parisencas per vendre los espacis naturals occitans al grand e sol profièich dels parisencs e de las entrepresas de l’Oèst parisenc, l’EPAD, Neuilly/Seine.

NON A LA PROSPECCION DEL GAS DE SISTRE EN OCCITÀNIA

La jornada del 17 d’abrial serà lo moment de manifestar lo refús de l’explotacion del gaz de sistre e l’abrogacion del permís de Nant, e perqué pas la retirada del poder de prospeccion als govèrn francés, incapable de saber quin es la realitat del terrenh occitan.

-°-

Entre Carcin e Lemosin, tanben en dimenjada, Dissabte 9 d'abril, a 21 oras, dins l’aula de las fèstas de Biars-de-Cèra/Biars-sur-Cère, Concèrt de sosten per Calandreta L'Esquiròl ambe Arnaud Cance e Brick a Drac.
Cançons occitanas, escotar e dançar, Arnaud Cance se maina, tritura e mesclanha ambe la matièra populara, per fabricar un pichon torn de cançons originalas, qu’amassa cap semblança mas que non doblida las referéncias als trobadors e als artistas contemporanèus, tal Claude Martí, Fabulós Trobadors, La Mal Coiffée o lo Còr de la Plana.
Entrada : 8 €  & Gratís pels pichons de mens de dotze annadas, taulets e begudas prepausadas del terrador.

Calandreta es coma l’alimentacion biologica, una batalha de cada jorn, de cada parent, cada vesin, cada municipalitat, cada departament, cada regions occitanas, per assegurar un ensenhament de qualitat per totes/as en occitan e per immersion, la nòrma europèa per ensenhar las lengas.