Es que nòstre personal politic es al nivèl per vendre los produïts toristic del país nòstre, per nos defendre de París ?
A Luishon, l’activitat economica es ligada a l’aiga ; lo Conselh Regional a dintrat dins lo contracte de «Grand Site», lo punt geografic de Luishon, Luchon dins la lenga de l’empèri nordenc ; Banhèras de Luishon es al cap de la batalha economica, tal que 23 autres sites bèls de la region administrativa francesa de Miègdia-Pirinèus. Los organizadors del torisme mondial, los trapèm encara e encara a París.
Aquesta setmana, i a un veïcul de promocion de la Val d’Aran. Ai poscut trapar la revista gratuïta d’Aran. Dins aquesta revista se podrà trobar una pagina de la politica lingüistica del Conselh Generau d’Aran per passar melhor de l’espanhòl a l’aranés, occitan d’Aran, quasiment la mesma lenga qu’a Luishon.
E tre la portada de la revista podèm veire l’impossibilitat del sistèma politic de fabricar una politica toristica adaptada al public e la diversitat dels clients, e trapar ambe la lenga de Luishon, occitan locau, lo pont lingüistic que fauta per una promocion del còr dels Pirinèus, se díson dins «los DVD oficiau “Grands Sites”».
Lo «suplemento MadeinLUCHON» es una faiçon de parlar lo monoteïsme lingüistic republican, passar una frontièra se parla una sola lenga, l’anglo-mercat o brusselish pels toristas espanhòls, e espanhòl als Araneses, que son totes escolhats en occitan-aranés dempuèi mai de trenta annadas, çò qu’es pas lo cas de las escòlas de Luishon, lo real problèma es aquí, pel torisme e per s’adaptar a la diversitat de la clientèla.
Dins lo meteis canton se fasiá i a gaire una «Fête de la frontière». Donc, podèm dire qu’i a un espèr perqué i a un evolucion, lentassa, mas evolucion.
Perqué un “suplemento”, e non pas un “suplement”, mot que pòrta l’avantatge d’èstre francés (ambe dos pp e sabèm pas perqué), occitan e catalan. Dedins la majoritat de las informacions prepausadas son en lenga de l’empèri d’a costat, Madrid. Perqué ? Perqué la pensada toristica de Miègdia-Pirinèus es tanben una pensada dins una lenga d’un autre empèri lingüistic nordenc e parisenc. Meteis sistèma e meteis problèma d’adaptacions lingüisticas.
Sont-ils incurables ?
La primièra lenga mondiala es lo mandarin, la primièra lenga europèa es lo rus. Se cal comptar… sul mercat mondial !
Lo rasonament comptable per saber quina lenga cal emplegat per fabricar unes mercats economics e toristics es una engana de la pensada imperialista francesa, e espanhòla. MadeinLuchon pòrta totas aquestas enganas comercialas en doblas versions, unes simplismes multiplicats per dos ; c’est la république française.
Pendent la presentacion dels “grands Sites” al Conselh Regional de Miègdia-Pirinèu, diluns passat, avèm poscut entendre que Lorda es estada desvolopada per crear una clientèla per la Compagnie du Midi. Avèm dins lo tèxte paregut aqueste mes dins la revista de la comuna de Tolosa l’explicacion perqué fRANÇA engana sempre, sempre, en pensada o en desvolopament de projectes economics. Sempre fRANÇA engana.
E aquò frena pas los industrials de la logistica de portar las nombrosas bandièras francesas, coma lo simbòl de l’encuolada francesa autoprogramada e autoproclamada, e autorevendicada. Es de sadomasoquisme politic, es suportat per la populacion e vendut pel sistèma politic de la decentralizacion.
Per la logistica de las populaicon, una industria, o per la lenga, fRANÇA e totes sos poders republicans son una engana contra la vida al país nòstre, contra lo pòble occitan, e los nòus venguts tanplan. SEMPRE, dempuèi 8 sègles.
Se parla sempre de patrimòni, en fRANCE républicaine, mas las enganas o encuoladas, sadomasoquismes politics, son ges del patrimòni ? Cap recòrd dins los devís de campanha electorala, nimai per pagar pel TGV parisenc que vòl davalar aquí, e los patrimònis son pas unes recòrds per fugir las paraulas parisencas sobre totes los sitèmas politics prepausats (logistics, industrials, lingüistics, etc.).
Banhèras de Luishon es al cap de la linha de camin de fèrre qu’es estada desvolopada per la Compagnie du Midi, mas uèi la linha de Matabuòu a Banhèras es en reparacion gràcia a la moneda del Conselh Regional, encara l’Estat central l’aviá oblidat, mas la vòlon a lenga de la sotmission, miladius ; es que los elegits locals se podrà encara un còp pas far enganar per fRANÇA sul meteis tèma ? De Marinhac a Pont del Rei quora farèm la linha collectiva que cal ?
La banhèra a mestièr de dignitat, a Tolosa e dins lo Pirinèus, al còr de la dignitat.
Cap comentari:
Publica un comentari a l'entrada