Susprèsa : l’INSEE tròba estadisticas lingüisticas…

S’acaba de sortir las chifras de l’INSEE sobre las lengas parladas en Aquitània.

Dos documents son de comentar aviat, per pas s’espantar que l’INSEE es tanben una estructura francesa que fotografia la resulta republicana de la guèrra contra la diversitat de las lengas dins un Estat que l’INSEE considera coma França.

Mon grand-paire refusava de parlar fréancés a l’ostal, dinca sa mòrt en 1969.

E malgrat la guèrra lingüistica, la lenga es encara parlada … una resisténcia lingüistica existís plan per la lenga occitana, mas es gaire mediatizada, e sovent considerada coma antirepublicana ; benlèu que cal pus s’amagar ?

Uèi un espèr damora, la lenga es enfin considerada al nivèl  politic, mas pel moment es que lo sistèma politic es pron competent per salvar una lenga ? Puèi nos podèm tanben questionar de daissar la dignitat del reviscòl lingüistic a las universitats francesas e de letras… e a las loras orientacions politicas claras.

Lo netejament lingüistic republican francés e de servici public, fonciona, e contunha dins los ments, e quora lo problèma es clarament pausat sobre la taula poltiica e dins la visibilitat modèrna per la lenga ; 1950, 85 % de la populacion parlava occitan e basco, de faiçon unica o bilingüa, veire trilingüa (fautèm clarament d’estudis lingüistics clars e dignes), uèi es devenguda lenga minorizada, per un obratge bèl de la santa republica parisenca e la sotmission plan compresa de la populacion (lo devís de la sotmission volontària de La Boétie oblidat), a l’imatge de la violéncia dels ancians militars del CAFI de Santa Liurada que refúsan de repotegar contra l’Estat que los a militarizats.

los païsans son estacats a la lenga, mas la lenga es pas ensenhada dins lo sistèma agricòl. Lo netejament contunha.

Lo balanç de quaranta annadas de netejament lingüistic republican e de servici public francés, en Aquitània. L'INSEE dona enfin donadas estadisticas. Las pressions politicas son pas encara pron fòrtas.

-°-

E sempre d’actualitat, GASLAND, es per servar Occitània e sos païsatges, ambe un emplec de l’occitan modernizat, que deuriá èstre generalizat, per pedagogia, e per dignitat.

-°-

E per la fèsta nacionala occitana, sul pic, perdon sul TUC, perdon sul MONTCUC cal notar la data de junh venent … SERÀ LO MONTCUC LIURE !